Morgunblaðið - 24.06.2001, Blaðsíða 17

LISTIR
MORGUNBLAÐIÐ SUNNUDAGUR 24. JÚNÍ 2001 17
Markísur
Ragnar Ólafsson og Steinunn Sigvaldadóttir.
Bröttuhlíð 7 Mosfellsbæ. „Eftir að við
fengum Markísuna hefur nýtingin á
sólpallinum og garðveran verið mun meiri.
Skjólsælla er á pallinum, blautviðri engin
fyrirstaða og þetta prýðir húsið okkar“.
Þegar Ragnar og Steinunn halda sínar
vikulegu grillveislur sér grillið um varmann
undir Markísunni fram eftir kvöldi.
Níels S. Olgeirsson og Ragnheiður Valdimarssdóttir.
Bröttuhlíð 12 Mosfellsbæ.
„Að geta geta stjórnað hitanum innan dyra og lokað
sólina úti svo hún baki ekki húsgögnin er mikils virði.
Okkur finnst þetta meiriháttar gott og sniðugt. Við
erum oft spurð að því hvort þörf sé á þessu á Íslandi
og hvort þetta virki. Eftir að hafa haft þetta í á annað
ár erum við í engum vafa um notagildið“.
Veðrið ekkert vandamál
Einföld uppsetning.
Ryðfrítt.
Hindrar 92% hita.
Skýlir fyrir vindi
af þaki.
100% vatnshelt.
1 - handdrifið.
2 - rafdrifið.
3 - sjálfvirkt.
Afgreiðslufrestur
1 - 3 vikur.
Fatima ehf. Nánari upplýsingar í síma: 893-6337 og 897-7664
Gott fyrir: Heimilið, vinnustaðinn og sumarbústaðinn
Hitamál
innandyra leyst
V
e
l
u
p
p
lý
s
ti
r/
c
2
0
0
1
v
e
lu
p
p
ly
s
ti
r
@
is
l.
is
„VERKEFNAVINNA nemenda í
arkitektúr er mjög árangursrík leið
til að fá fram hugmyndir um út-
færslu á verkefnum sem standa fyr-
ir dyrum hjá opinberum aðilum,“
segir Börkur Bergmann, prófessor
í arkitektúr við Quebec-háskólann í
Montreal í Kanada. Hann er einn
leiðbeinenda á námskeiði sem rúm-
lega tuttugu arkitektanemar skól-
ans hafa tekið þátt í undanfarnar
tvær vikur. Auk Barkar koma Tony
Hunt, prófessor í byggingarverk-
fræði, og Jes Einar Þorsteinsson
arkitekt að námskeiðinu með leið-
sögn og mat á verkefnum nemend-
anna.
Samspil mannvirkja
og náttúru
Verkefnið sem lagt er upp með
eru fyrirhugaðar framkvæmdir
Reykjavíkurborgar um Sundabraut,
þ.e. brú í þremur hlutum sem liggja
mun frá Sæbraut yfir Kleppsvík,
Leirvog og Kollafjörð og yfir á
Álfs- eða Kjalarnes. Aðeins hafa
verið lögð grunndrög að fram-
kvæmdinni og liggur það verkefni
fyrir í borgarstjórn að útfæra
brautina nákvæmlega. Verkefni
nemendanna á námskeiðinu fólst í
því að koma með tillögur að út-
færslu á brautinni og verður af-
rakstur þeirrar hugmyndavinnu
sýndur í ráðhúsinu á næstunni.
Börkur Bergmann segir að hug-
myndin að námskeiðinu hafi vaknað
hjá sér eftir að hann fékk fyrst
spurnir að fyrirhugaðri Sunda-
braut. Hann leitaði samstarfs við
Tony Hunt sem er þekktur sér-
fræðingur á sviði byggingarverk-
fræði. Hunt ákvað að taka þátt þar
sem honum þótti verkefnið áhuga-
vert. „Þetta er hreinlega einstakt
verkefni, bæði í hönnunarlegu og
verkfræðilegu tilliti. Meginsérstað-
an liggur í hinu einstaka umhverfi
staðarins og kallar það á sterka
meðvitund um samspil mannvirkja
og náttúru við útfærslu verksins.
Vegna hinnar sérstæðu náttúru gef-
ast Reykjavíkurborg og fleiri stöð-
um á landinu spennandi tækifæri
hvað varðar skipulagsþróun en um
leið verða menn að gæta sérstak-
lega að því að vinna mjög varfærn-
islega með þetta umhverfi,“ segir
Tony Hunt.
Hann segir jafnframt að nemend-
urnir á námskeiðinu hafi verið jafn-
spenntir fyrir verkefninu og hann
sjálfur enda hafi þau aldrei kynnst
aðstæðum þessum líkum. „Það sam-
bland vatns og lands, brúa og vega,
gangandi vegfaranda og farartækja,
sem þetta verkefni gerir ráð fyrir,
er stórkostlegt,“ segir hann.
Aðspurður segist Hunt mundu
leggja áherslu á léttleika og fínleika
kæmi í hans hlut að útfæra sam-
göngumannvirki af þessu tagi og á
þessum stað, sem myndi spila vel
saman við hið milda landslag.
Verkefni framtíðar
Nemendurnir á námskeiðinu
unnu í fimm hópum sem hver fyrir
sig lagði fram ákveðna grunnhug-
mynd og nánari útfærslu á völdu
mannvirki í heildarverkinu. Höfðu
þeir þegar unnið nokkurs konar
grunndrög sem þau útfærðu síðan
nánar eftir að hafa ferðast um land-
ið og kannað aðstæður þar sem
Sundabrautin á að liggja, undir
handleiðslu leiðbeinendanna. „Nem-
endurnir hafa komið með margar
mjög góðar hugmyndir og feta þau
ýmsar ótroðnar slóðir í því,“ segir
Hunt. Börkur bætir því við að að-
ilar í borgarstjórn hafi kynnt sér
verkefnavinnu nemendanna og von-
andi geti hún nýst borgarstjórninni
þegar kemur að því að vinna verk-
efnið frekar, þótt vitanlega séu
ákaflega margir þættir sem taka
þarf tillit til við útfærslu stórfram-
kvæmda af þessu tagi. „Segja má
að tilgangur námskeiðs af þessu
tagi sé tvíþættur, þ.e. að veita nem-
endum þjálfun í hugmyndavinnu og
vinnubrögðum en um leið að miðla
sýn nemenda, sem oft er fersk og
djörf, til opinberra framkvæmda-
raðila,“ segir Börkur. „Og ekki veit-
ir af virku hugmyndastreymi gagn-
vart þeim breyttu kröfum og
tækifærum sem bíða borgarinnar
vegna íbúafjölgunar og annarrar
framþróunar,“ bætir Tony Hunt við
að lokum.
Borgarbúum gefst því færi á að
kynna sér og meta hugmyndir kan-
adísku nemendanna á sýningunni
sem opnar í ráðhúsinu kl. 21 annað
kvöld.
Þjálfun og miðl-
un hugmynda
í arkitektúr
Sýning á verkefnum sem nemar í arkitektúr við
Quebec-háskólann hafa unnið á sérstöku nám-
skeiði hér á landi verður opnuð í Ráðhúsi Reykja-
víkur annað kvöld kl 21. Heiða Jóhannsdóttir kom
við á námskeiðinu og ræddi við leiðbeinendurna,
meðal annars um brúarsmíði framtíðarinnar.
Morgunblaðið/Jim Smart
Tony Hunt, Jes Einar Þorsteinsson og Börkur Bergmann ásamt nemendum á námskeiði í arkitektúr. Borg-
arbúum gefst færi á að kynna sér afrakstur vinnunnar á sýningu í Ráðhúsinu.
heida@mbl.is