Morgunblaðið - 20.09.2001, Blaðsíða 2

FRÉTTIR
2 FIMMTUDAGUR 20. SEPTEMBER 2001 MORGUNBLAÐIÐ
Fylgstu
með
nýjustu
fréttum
www.mbl.isKSÍ fær 62 milljónir
króna frá UEFA /B1
Fylkir í bikarúrslit
í fyrsta sinn/B2
4 SÍÐUR16 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
FYRSTU átta mánuði ársins var
handbært fé frá rekstri neikvætt
um 6,9 milljarða króna, en staðan
var jákvæð um 7,1 milljarð í fyrra.
Þessi niðurstaða er rúmlega 4,7
milljörðum króna lakari en gert var
ráð fyrir í áætlunum. Tekjur eru
heldur yfir áætlun, eða sem nemur
800 milljónum, en gjöldin eru hins
vegar 5,5 milljörðum umfram áætl-
un, sem að miklu leyti má rekja til
sérstakra tilefna svo sem vaxta-
greiðslna vegna forinnlausnar spari-
skírteina, nýrra kjarasamninga,
hæstaréttardóms vegna málefna ör-
yrkja o.fl.
Hreinn lánsfjárjöfnuður var nei-
kvæður um 8,2 milljarða króna á
fyrstu átta mánuðum ársins sem er
5,3 milljörðum lakari útkoma en
áætlað var og 17,2 milljörðum lakari
en í fyrra. Skýringin á lakari út-
komu en í fyrra er, auk þess sem áð-
ur er nefnt, að á árinu 2000 komu til
greiðslu 5,5 milljarðar króna vegna
sölu á hlutabréfum í ríkisbönkunum
á árinu 1999. Það sem af er árinu
hefur ríkið tekið 11,4 milljarða að
láni innanlands, en sömu mánuði í
fyrra tók ríkið tæplega 3 milljarða
að láni innanlands.
Á fyrstu átta mánuðum þessa árs
voru greiddir 10 milljarðar króna í
Lífeyrissjóð starfsmanna ríkisins til
að grynnka á framtíðarskuldbind-
ingum ríkissjóðs, en sambærileg
tala fyrir síðasta ár er 4 milljarðar.
Greiðsluafkoma ríkissjóðs á
fyrstu átta mánuðum ársins 2001
reyndist neikvæð um rúma 4 millj-
arða króna, sem er 5,5 milljörðum
lakara en á sama tímabili árið áður.
Skattgreiðslur meiri en
reiknað var með
Ríkissjóður hefur fengið talsvert
meiri skatttekjur frá einstaklingum
en reiknað var með í fjárlögum og
skýrist það fyrst og fremst af mikl-
um launahækkunum. Fyrirtæki
hafa einnig skilað meiri skatttekjum
og skattar á hagnað hafa einnig
hækkað.
Þróun veltuskatta gefur hins veg-
ar allt aðra niðurstöðu, en þeir
reyndust tæplega 1,5 milljörðum
króna lægri í krónutölu en á sama
tíma í fyrra og 5,5 milljörðum króna
undir áætlun fjárlaga. „Þessi þróun
endurspeglar með óyggjandi hætti
umtalsverðan samdrátt að raungildi
milli ára sem nemur rúmlega 7%.
Sem fyrr má einkum rekja þessa
þróun til verulegs samdráttar í
neysluútgjöldum milli ára, ekki síst
kaupum á bílum og ýmsum varan-
legum neysluvörum, svo sem heim-
ilistækjum. Sem dæmi má nefna að
vörugjöld af innflutningi bifreiða
hafa lækkað um meira en 40% milli
ára, eða sem nemur 1,5 milljörðum
króna. Vörugjöld af bensíni lækka
einnig milli ára. Samanlögð áhrif
þessara þátta koma fram í virðis-
aukaskatti, en hann skilar nú minni
tekjum í krónum talið en á sama
tíma í fyrra. Sú niðurstaða jafngildir
um það bil 6% samdrætti að raun-
gildi milli ára,“ segir í greinargerð
fjármálaráðuneytisins.
Afkoma ríkissjóðs á fyrstu átta mánuðum ársins
Tekjur af veltusköttum 5,5
milljörðum undir áætlun
ÖKUMAÐUR sendibifreiðar, sem
fór út af veginum í Svínahrauni á
þriðjudagskvöld, er mjög alvarlega
slasaður og liggur á gjörgæsludeild
Landspítalans í Fossvogi. Hann fór í
aðgerð á spítalanum í gær og er
tengdur við öndunarvél á gjörgæslu-
deildinni.
Þá er líðan tólf ára stúlku sem
varð fyrir bifreið á Háaleitisbraut
árla síðastliðinn föstudag óbreytt.
Hún er í öndunarvél á gjörgæslu-
deild og er að sögn vakthafandi
læknis mjög alvarlega slösuð.
Óbreytt
líðan eftir
umferðarslys
BÓNDINN á Reyn við Vík í Mýr-
dal er að öllum líkindum bjarg-
vættur fálka nokkurs sem nú
gistir Náttúrufræðistofnun Ís-
lands. Er bóndinn fann hann var
hann ataður grút og gat því ekki
flogið. Þorvaldur Björnsson kann
tökin á fálkanum, enda vanur að
þrífa fugla af ýmsum tegundum í
starfi sínu á Náttúrufræðistofn-
un. „Hingað koma hrafnar, ernir,
smyrlar og fálkar annað slagið
sem hafa lent í olíu eða grút,“
segir Þorvaldur og gefur fálk-
anum, sem er óvenju spakur,
gæsakjöt í beittan gogginn.
„Þessi hefur komið úr eggi síð-
asta vor og hefur í óvitaskap sín-
um lagt til atlögu við múkka.“
Þorvaldur segir að fálkar veiði
gjarnan fýlsunga en verði að
gæta þess að láta þá æla áður en
ráðist er á þá, annars er voðinn
vís. Fugl ataður grút gæti veslast
upp og drepist.
Þorvaldur hefur þvegið fálkann
hátt og lágt upp úr mildri sápu
en ekki nægir að gera það aðeins
einu sinni og í næsta þvotti verð-
ur áherslan lögð á að þrífa stélið
og vængina.
Fálkinn fær ekki margar heim-
sóknir enda er ekki æskilegt að
hann venjist mannfólkinu um of
áður en honum verður sleppt ein-
hvern tímann á næstu dögum.
„Fálkar eru yfirleitt mjög gæfir
og þó að goggurinn virðist beitt-
ur þá eru það samt klærnar sem
eru þeirra aðalvopn,“ segir Þor-
valdur og sýnir blaðamanni út-
klóraða fingurna. „Við erum bún-
ir að merkja hann og svo förum
við sennilega með hann upp í
Heiðmörk eða þar í grennd og
sleppum honum.“ Það er þó alls
óvíst að fálkinn komi til með að
dvelja í nágrenni við höfuðborg-
ina í vetur en Þorvaldur segir að
þeir leiti þangað sem æti er að
finna og af því sé svo sem nóg við
bústaði mannanna.
Ungur fálki í heimsókn hjá
Náttúrufræðistofnun
Morgunblaðið/Ásdís
Fálkinn reynir að hefja sig til flugs af hendi Þorvaldar Björnssonar.
Af fálkaslóðum
SKILTI Smárabíós var sett upp á
norðurhlið verslunarmiðstöðv-
arinnar í Smáralind í fyrrinótt.
Skiltið er gríðarlega stórt, en hæð-
in nemur 1,40 metrum og breiddin
14 metrum.
Morgunblaðið/Golli
Gríðarstórt
skilti
♦ ♦ ♦
HREINN Loftsson, formaður fram-
kvæmdanefndar um einkavæðingu,
segir að á vordögum hafi verið
ákveðið að fresta almennu útboði
Landssímans með hliðsjón af því að
áður en endanlegar tímasetningar
voru ákveðnar hafi komið fram að
Íslandssími væri með útboð á sama
tíma. Fleiri ástæður hafi verið fyrir
því að útboðinu var frestað, menn
vonuðust einnig til að aðstæður
yrðu betri nú en þær voru þá.
Aðspurður segir Hreinn það út í
hött að hagsmunir Íslandssíma hafi
verið látnir ráða þegar útboði
Landssímans var frestað. „Það voru
hagsmunir ríkissjóðs að fara ekki út
með söluna á sama tíma og annað
fyrirtæki á þessum markaði var í
útboði. Við vonuðumst líka til þess
að aðstæður yrðu aðrar og jafnvel
betri í haust en þær voru í vor, því
þær voru ekkert mjög góðar þá.
Hins vegar getum við ekki beðið
fram í hið óendanlega,“ segir
Hreinn.
Hann segir hugsunina að baki
hafa verið að það sé ekki hagstætt
að tvö fyrirtæki í sömu grein fari í
útboð á sama tíma. Íslandssími hafi
verið fyrri til að ákveða dagsetn-
ingar og þá hafi verið tekin ákvörð-
un um að fresta útboðinu, þar sem
einkavæðingarnefndin hafi talið að
annað gæti komið illa niður á sölu
Landssímans. Einnig hafi nefndin
viljað bíða með útboð Landssímans,
sem er miklu öflugara fyrirtæki, til
að skapa grundvöll fyrir virkri sam-
keppni á markaðnum.
Hreinn segir að tíminn verði að
leiða í ljós hvort hagstæðara hefði
verið að efna til útboðs síðasta vor.
„Ég tel í raun og veru að það sé
ekki hægt að svara þessu öðruvísi
en að aðstæður séu alveg jafngóðar
til að fara af stað með svona sölu
núna og þá. Menn geta hins vegar
deilt um hvort það mat mitt sé rétt.“
Hreinn segir að á föstudaginn,
þegar útboðinu lýkur, komi í ljós
hvort sá hlutur sem ætlaður er al-
menningi og starfsmönnum í fyrsta
áfanga sölunnar hafi allur selst. „Ef
þetta selst allt er þetta klárlega
ágætis tímasetning, ef þetta selst
ekki nema að litlu leyti getum við
sagt að kannski hefði einhver önnur
tímasetning verið heppilegri,“ segir
Hreinn.
Útboði Landssímans frestað vegna útboðs Íslandssíma í vor
Verið að hugsa um
hagsmuni ríkissjóðs