Morgunblaðið - 20.09.2001, Blaðsíða 15

HÖFUÐBORGARSVÆÐIÐ
MORGUNBLAÐIÐ FIMMTUDAGUR 20. SEPTEMBER 2001 15
ÞRÓUNARFÉLAG miðborgarinn-
ar kynnti í gær nýjung í viðskiptalífi
miðborgarinnar sem er Miðborgar-
gjafakortið en það er sameiginlegt
gjafakort fyrir 130 verslanir og þjón-
ustuaðila í miðborginni. Forsvars-
menn félagsins segja að tilkoma
Smáralindarinnar hafi átt vissanþátt
í að ráðist var í að koma þessu korti á
laggirnar núna en slíkt kort hefði þó
verið í bígerð í nokkur ár.
Að sögn Einars Arnar Stefánsson-
ar, framkvæmdastjóra Þróunar-
félagsins, er stefnt að því að um 200
fyrirtæki taki við kortinu þegar það
hefur náð fótfestu á markaðinum en
hann segir kortið henta fyrir um 230
fyrirtæki af þeim 370 fyrirtækjum
sem eru í miðbænum.
Stefnumót róna og
athafnamanna
Borgarstjóri, Ingibjörg Sólrún
Gísladóttir var gestur Þróunar-
félagsins við kynningu kortsins og
sagðist hún fagna að tekist hefði að
stilla saman strengi þeirra sem
störfuðu í miðborginni á þennan
hátt. „Mér finnst þetta mjög gott og
góð vísbending um það samstarf sem
er að takast með þessum aðilum í
miðborginni,“ sagði hún.
Hún sagði sérstöðu miðborgarinn-
ar vera algera og þá sérstaklega fyr-
ir þann fjölbreytileika sem þar væri.
„Miðborgina eiga allir sameiginlega.
Hér eru á degi hverjum stefnumót
athafnamanna og róna, þingmanna
og pönkara og það er pláss fyrir alla í
miðborginni. Hér er líka pláss fyrir
margvíslega starfsemi í verslun og
viðskiptum, starfsemi sem kannski
myndi ekki þrífast með sama hætti
inni í stórum miðstöðvum.“
Aðspurðir sögðu forsvarsmenn
Þróunarfélagsins að opnun Smára-
lindarinnar hefði átt sinn þátt í að
gjafakortið væri sett á markað nú en
stefnt hefði verið að slíku korti um
árabil. „Auðvitað hefur það ýtt á þó
það sé ekki beinlínis hvati,“ sagði
Einar og bætti því við að það hefði
verið töluvert snúið að koma kortinu
á laggirnar. „Við getum ekki selt það
úti um alla miðborg þannig að þetta
er miklu flóknara en t.d. þegar um
verslunarmiðstöð er að ræða þar
sem hlutirnir eru miðstýrðir. Hér er
alls konar starfsemi, einyrkjar og
fleiri með mjög ólíka starfsemi og
kannski hefur viss skortur á sam-
stöðu hamlað þessu.“
Á kynningunni kom fram að þegar
Kringlan var opnuð á sínum tíma
hefði verslun í miðborginni minnkað
en það hefði síðar jafnast út. Sögðu
forsvarsmenn Þróunarfélagsins að
þeir byggjust ekki við jafn miklum
samdrætti nú þegar Smáralind yrði
opnuð enda hefðu óformlegar kann-
anir sýnt að viðskiptavinir miðborg-
arinnar annars vegar og verslunar-
miðstöðva hins vegar væru talsvert
ólíkir og því líklegt að aðrar versl-
unarmiðstöðvar myndu finna meira
fyrir samkeppninni en miðborgin.
Miðborgargjafakortið verður selt
á sex stöðum í miðborginni og á Net-
inu. Í tilefni af útgáfu kortsins voru
þrír vinningshafar dregnir út úr hópi
þeirra sem áttu stórafmæli í gær og
fengu þeir Miðborgargjafakort að
gjöf. Vildi svo til að allir vinnings-
hafar eru búsettir á landsbyggðinni.
Sameiginlegt gjafakort
fyrir 130 fyrirtæki
Miðborg
Miðborgargjafakortið verður
gefið út í tveimur upphæðum,
2.500 krónur og 5.000 krónur.
BÆJARSTJÓRN Hafnarfjarðar hef-
ur vísað til bæjarráðs tillögu bæjar-
fulltrúa Samfylkingar um að tryggt
verði með endurskoðun á álagning-
arprósentu fasteignagjalda, að nýtt
fasteignamat, sem tók gildi þann 15.
september, leiði ekki til hækkunar
fasteignagjalda. Í tekjuáætlun fyrir
árið 2002 er gert ráð fyrir að end-
urmat fasteignagjalda gefi bæjarsjóði
allt að 100 milljónir í viðbótartekjur,
að því er fram kemur í tilkynningu frá
bæjarfulltrúum Samfylkingar.
Magnús Gunnarsson bæjarstjóri
segir að tillagan verði tekin inn í um-
ræðu um fjárhagsáætlun fyrir árið
2002 sem lýkur í nóvember.
Í fréttatilkynningunni segir að það
sé samdóma álit sveitarstjórnar-
manna um allt land að breytingin á
útreikningi fasteignamats hafi aldrei
verið hugsuð sem nýr tekjustofn fyrir
sveitarfélögin í landinu og nú þegar
hafi flest sveitarfélög á höfuðborgar-
svæðinu og víðar samþykkt að láta
breyta álagningarprósentu fasteigna-
gjalda til að koma í veg fyrir skatta-
hækkun á íbúa.
„Við höfum ekki tekið neinar
ákvarðarnir í þessa átt og viljum
skoða málið heildrænt áður en við
gefum út einhverjar yfirlýsingar þar
að lútandi,“ segir Magnús. „Stefnan
byggist fyrst og fremst á því að við er-
um að reka sveitarfélag og reynum að
gera það þokkalega. Bæjarfélagið
verður að standa undir útgjöldum og
við viljum í raun og veru átta okkur á
því áður en við gefum eitthvað sér-
stakt út,“ segir Magnús.
Samkvæmt endurmati Fasteigna-
mats ríkisins hækkar fasteignamat að
meðaltali um 16% í Hafnarfirði. Að-
spurður um hvort hann telji að ein-
hverjar breytingar verði gerðar á
álagningarprósentu fasteignagjalda
segir Magnús að honum finnist þetta
vera miklar hækkanir. „Í ljósi þess
hljótum við að skoða hvaða svigrúm
sveitarfélagið hefur til að minnka
álögurnar eins og kostur er, en auð-
vitað verðum við á sama tíma að vera
skynsöm og geta staðið við þær skuld-
bindingar sem sveitarfélagið stendur
frammi fyrir,“ segir bæjarstjóri.
Óvissa um
fasteigna-
gjöld
Hafnarfjörður