Morgunblaðið - 20.09.2001, Blaðsíða 16

AKUREYRI
16 FIMMTUDAGUR 20. SEPTEMBER 2001 MORGUNBLAÐIÐ
Jörðin Rauðavík á Árskógsströnd
Til sölu er jörðin Rauðavík á Árskógsströnd við Eyjafjörð ef
viðunandi tilboð fæst. Ekkert greiðslumark er á jörðinni.
Á jörðinni er íbúðarhús 83 m2, fjárhús 160 m2, hlaða 450 m3,
hesthús 60 m2 og loðdýrahús 1010 m2. Ræktun á jörðinni er um
30 ha. Jörðin liggur að sjó og gefur möguleika á ýmsu til útiveru,
skemmtilegar gönguleiðir o.fl. Jörðin gæti hentað vel fyrir
félagasamtök eða hópa.
Nánari upplýsingar eru gefnar á skrifstofu Búnaðarsambands
Eyjafjarðar í síma 462 4477 eða á netfang aeh@bondi.is.
Óskað er eftir tilboðum og að þeim sé skilað þangað
fyrir 29. september nk.
SUNN, Samtök um náttúruvernd
á Norðurlandi benda á í ályktun að
frá náttúruverndarlegu sjónarmiði
hefðu jarðgöng frá Fljótum yfir í
Ólafsfjörð og önnur frá Fljótum yf-
ir til Siglufjarðar verið betri kost-
ur. Ályktunin er gerð í kjölfar þess
að Vegagerðin hefur lagt fram
skýrslu um mat á umhverfisáhrif-
um jarðganga á norðanverðum
Tröllaskaga þar sem niðurstaðan
er sú að besta leiðin milli Siglu-
fjarðar og Ólafsfjarðar séu tvenn
jarðgöng og vegur um Héðins-
fjörð.
Bent er á í ályktun SUNN að
betra sé að enginn vegur sé lagður
í Héðinsfirði og að unnt hefði verið
að breyta núverandi vegi um Lág-
heiði í troðning eða göngustíg.
Verði jarðgöng þau gerð sem
Vegagerðin mælir með, verði til
staðar óleyst samgönguvandamál
milli Skagafjarðar og Eyjafjarðar
sem ef til vill væri best að leysa
með þriðju jarðgöngunum frá
Siglufirði yfir í Fljót. Þau göng
kæmu í stað núverandi vegar um
Almenninga og Strákagöng sem
þykir ófullnægjandi sem sam-
gönguleið til Siglufjarðar.
Verði fyrirhuguð jarðgöng gerð
um Héðinsfjörð leggja samtökin
áherslu á að unnið verði aðalskipu-
lag fyrir svæðið, sem ná þurfi yfir
allan dalinn og miði að því að
vernda sérstöðu þess og sérstæðan
gróður sem hafi mikið verndar-
gildi. Í skipulaginu sé nauðsynlegt
að gera ráð fyrir göngustígum frá
bílastæði, göngubrúm yfir læki og
um mýrlendi með merkingum
göngustíga í firðinum og yfir heið-
ar.
Stofnaður verði sjóður sem
tryggi aðgengi almennings
Í aðalskipulaginu verði bæði
verndarskipulag og útivistarskipu-
lag. Benda samtökin á þann mögu-
leika að leggja eitt til tvö prósent
af kostnaði við gangagerðina til að
stofna sjóð sem notaður yrði til að
tryggja aðgengi almennings. Þá
telja samtökin ennfremur ástæðu
til að friðlýsa Héðinsfjörð form-
lega, annað hvort sem friðland eða
fólkvang.
Loks er bent á mikilvægi þess
að gera útivistarskipulag fyrir
norðanverðan Tröllaskaga, en
svæðið hafi mikla möguleika til að
laða að innlenda og erlenda ferða-
menn. Skorað er á viðkomandi
sveitarfélög og ferðafélög að
standa saman að slíku skipulagi og
markaðssetja svæðið til göngu-
ferða og annarrar útivistar.
Aðalskipulag
verði unnið
fyrir svæðið
Samtök um náttúruvernd á Norðurlandi um jarðgöng um Héðinsfjörð
NÍUNDA starfsár Sinfóníuhljóm-
sveitar Norðurlands hefst með tón-
leikum í Glerárkirkju sunnudaginn
23. september kl. 16.
Á efnisskrá tónleikanna eru
hljómsveitarverk, sönglög í útsetn-
ingum fyrir hljómsveit og aríur úr
óperum. Fluttur verður Fingalshell-
ir, forleikur eftir Mendelssohn,
sönglög eftir Grieg og Sibelius auk
þekktra íslenskra sönglaga í hljóm-
sveitarbúningi Jóns Þórarinssonar.
Seinni hluti tónleikanna er helgaður
óperutónlist en þá verður fluttur for-
leikur og aríur úr óperum. Síðasta
verkið á efnisskránni er síðan Carm-
en svíta eftir Bizet.
Einsöngvari með með Sinfóníu-
hljómsveit Norðurlands er Hulda
Björk Garðarsdóttir sópran en hún
er fædd á Akureyri og hóf söngnám
sitt hjá Þuríði Baldursdóttur við
Tónlistarskólann þar og síðar við
Tónlistarskóla Eyjafjarðar. Árið
1996 lauk hún burtfararprófi frá
Söngskólanum í Reykjavík og hélt
síðan til Berlínar þar sem hún
stundaði nám við Hochschule der
Künste í eitt ár. Hún hlaut styrk frá
The Associated Board til náms við
konunglega tónlistarháskólann í
London og lauk þaðan einsöngvara-
prófi Dip RAM með láði árið 1998.
Aðalkennari hennar var Elizabeth
Ritchie. Hún hefur tekið þátt í nám-
skeiðum hjá söngvurunum Barböru
Bonney, Richard Van Allen og Ro-
bert Tear. Hún hlaut styrk úr
söngvarasjóði Félags íslenskra leik-
ara árið 1999, Búnaðarbanka Ís-
lands árið 2000 og Menningarsjóði
FÍH árið 2001.
Á síðustu árum hefur Hulda Björk
komið fram bæði hér heima og er-
lendis og vakið verðskuldaða at-
hygli. Hún hefur sungið þekkt aðal-
hlutverk í óperum auk þess að hafa
komið fram á fjölda tónleika, m.a.
með Sinfóníuhljómsveit Íslands.
Stjórnandi á tónleikunum er Guð-
mundur Óli Gunnarsson.
Níunda starfsár Sinfóníuhljómsveitar Norðurlands að hefjast
Hljómsveitarverk, sönglög
og aríur á efnisskránni
KJÖTVINNSLUFYRIRTÆKIÐ
Kjarnafæði og Útgerðarfélag Akur-
eyringa hafa hrundið af stað sam-
starfsverkefni. Það felst í því að ÚA
framleiðir fyrir Kjarnafæði sex teg-
undir fiskrétta sem fyrirtækið sér
síðan um pökkun á, markaðssetningu
og dreifingu á innanlandsmarkaði
undir vörumerkinu Norðurfiskur.
Um er að ræða brauðaða rauð-
sprettu, brauðaða þorsksporða, osta-
fylltar fisksteikur, rækjumola í deigi,
kornflexbrauðaða mola og fiskimola
og eru þetta nánast sömu réttir og
ÚA framleiðir fyrir erlenda fiskkaup-
endur. Verkefnið hefur verið í und-
irbúningi um nokkurra mánaða
skeið. Alls hafa verið sett á markað
um 20 tonn af afurðum, bæði frosnar
og kældar, og hafa viðtökur verið
mjög góðar og framar vonum, sam-
kvæmt því sem fram kemur á heima-
síðu ÚA.
Kjarnafæði og
ÚA í samstarf
ÞAÐ er mikið um að vera í Krossa-
nesi á Akureyri þessa dagana en
þar standa yfir miklar fram-
kvæmdir á vegum Olíudreifingar,
Skeljungs og Norðurorku og hafa
fjölmargir starfsmenn víða að af
landinu verið þar við vinnu að und-
anförnu. Þá var verið að skipa út
um 440 tonnum af fiskafóðri frá
Fóðurverksmiðjunni Laxá í gær en
fóðrið hefur verið selt til Færeyja.
Olíudreifing er að byggja upp
innflutningshöfn í Krossanesi sem
mun afkasta að lágmarki 100.000
tonnum af fljótandi eldsneyti á ári.
Í tengslum við þá starfsemi er verið
að leggja olíulagnir frá bryggjunni
í Krossanesi og að olíutönkum sem
komið hefur verið fyrir á fyllingu
þar ofan við. Einnig er verið að
byggja dæluhús við tankana og nið-
ur við bryggju og þá er fyrirhugað
að byggja starfsmannaaðstöðu á
svæðinu. Fyrirtækið SS járnsmíði í
Hafnarfirði vinnur að lagningu ol-
íuleiðslunnar fyrir Olíudreifingu og
einnig að tönkum Skeljungs á svæð-
inu.
Starfsemin í gang síðar á árinu
Fyrirtækið Virkni á Akureyri sér
um byggingu húsanna og þá sjá
starfsmenn Sandblásturs Sigurjóns
á Akranesi um að sandblása og
mála tanka Olíudreifingar. Stefnt
er að því að starfsemi félagsins
verði komin í gang í Krossanesi síð-
ar á þessu ári.
Á vegum Norðurorku hefur verið
unnið að því að leggja hitaveitulögn
á athafnasvæðið, nýja kaldavatns-
lögn til viðbótar við þá sem fyrir er
og rafmagn.
Þá voru starfsmenn Slippstöðv-
arinnar að vinna við röralögn fyrir
Björgun á bryggjunni í Krossanesi í
gær, sem notuð verður til að flytja á
land efni úr dýpkunarskipinu Perlu
en skipið er notað við dýpkun Fiski-
hafnarinnar.
Morgunblaðið/KristjánAtli Benediktsson, starfsmaður Virknis, vinnur við uppslátt á
dæluhúsi fyrir Olíudreifingu í Krossanesi, en starfsmenn
Sandblásturs Sigurjóns hanga utan á einum olíutankanna þar.
 Starfsmaður Slipp-
stöðvarinnar vinnur
við röralögn fyrir
Björgun á bryggjunni
í Krossanesi en fyrir
aftan hann er verið
að skipa út fiskafóðri
frá Fóðurverksmiðj-
unni Laxá.
Starfsmenn Norðurorku skoða verksummerki þar sem
traktorsgrafa tók í sundur vatnsleiðslu við bryggjuna í
Krossanesi svo úr varð tignarlegur gosbrunnur.
Magnús Árnason, starfsmaður SS Járnsmíði, vinnur
við olíulögn í Krossanesi.
 Stöllurnar Guðrún S.
Róbertsdóttir t.v. og
Ólöf Guðmundsdóttir
frá SS Járnsmíði voru
að ganga frá suðu-
samskeytum á olíu-
rörum en þær þurftu að
tjalda yfir sig vegna
mikillar úrkomu í gær.
Miklar fram-
kvæmdir í
Krossanesi