Morgunblaðið - 22.09.2001, Síða 12

FRÉTTIR
12 LAUGARDAGUR 22. SEPTEMBER 2001 MORGUNBLAÐIÐ
BISKUP Íslands, herra Karl Sigur-
björnsson, hefur ákveðið að leggja til
við dóms- og kirkjumálaráðherra, að
sr. Sigurður Ægisson verði skipaður
sóknarprestur á Siglufirði. Eins og
kom fram í Morgunblaðinu s.l. mið-
vikudag varð ekki eining í valnefnd
um val á umsækjanda og var málinu
því skotið til biskups.
Sigurður hefur áður þjónað á
Djúpavogi, í Bolungarvík og á Grenj-
aðarstað, auk þess að gegna stöðu
aðstoðarprests í Lurøy í Norður-
Noregi um tveggja ára skeið.
Auk sr. Sigurðar sóttu guðfræð-
ingarnir Þórður Guðmundsson,
Halldóra Ólafsdóttir og Stefán Már
Gunnlaugsson um stöðuna.
Skipað er í stöðuna frá og með 1.
október næstkomandi.
Siglufjarðarprestakall
Biskup ger-
ir tillögu
um skipun
SIGURÓLI Geirsson,
organisti og tónlistar-
kennari, lést á Heil-
brigðisstofnun Suður-
nesja fimmtudaginn
20. september sl.
Hann fæddist í Kefla-
vík 19. maí 1950, sonur
hjónanna Margrétar
Eyjólfsdóttur og Geirs
Þórarinssonar, vél-
stjóra og organista við
Keflavíkurkirkju.
Siguróli útskrifaðist
frá Tónlistarskólanum
í Reykjavík með tón-
menntakennarapróf
og blásarakennarapróf. Hann
kenndi tónmenntir og hljóðfæraleik
við marga skóla, s.s. í Hafnarfirði,
Njarðvík, Keflavík og Grindavík.
Siguróli stjórnaði einnig mörgum
lúðrasveitum á tónlistarferli sínum,
bæði við skóla og utan þeirra.
Auk þessa var hann stjórnandi
ýmissa kóra, s.s. Æskulýðskórs
Keflavíkurkirkju, Selkórsins,
Karlakórs Keflavíkur, Karlakórsins
Þrasta, Frímúrarakórsins og
barna- og kirkjukóra.
Hann hóf feril sinn
sem organisti við
Njarðvíkurkirkjur og
síðar við Keflavíkur-
kirkju eftir að faðir
hans lét af störfum.
Kór Keflavíkurkirkju
söng inn á hljómplötu
undir stjórn Siguróla
og kom platan út árið
1988. Siguróli útsetti
mikið af tónlist fyrir
hljóðfæraleikara og
kóra auk þess að
semja tónlist. Í nýj-
ustu útgáfu sálmabók-
ar íslensku þjóðkirkjunnar er lag
við sálm nr. 709 eftir Siguróla. Árið
1990 flutti hann til Grindavíkur og
tók við stöðu skólastjóra Tónlistar-
skólans þar og organistastarfi við
Grindavíkurkirkju, en þeim störf-
um gegndi hann þar til hann varð
fyrir hörmulegu slysi 20. desember
1998.
Siguróli lætur eftir sig eiginkonu,
Vilborgu Sigurjónsdóttur, og fóst-
urson.
Siguróli Geirsson,
organisti og tónlistar-
kennari, látinn
Andlát
LANDSVIRKJUN kynnti tillögu að
matsáætlun vegna Norðlingaöldu-
veitu með kynningarfundi í opnu
húsi í Árnesi síðastliðinn fimmtudag,
20. september, og daginn áður á
Laugalandi í Holtum. Um 30 manns
nýttu sér þetta tækifæri til að ræða
við fulltrúa og ráðgjafa Landsvirkj-
unar á fundinum í Árnesi. Kynning-
arfundirnir eru fyrstu skrefin í mats-
ferli vegna framkvæmdanna en
áætlað er að því ferli ljúki í mars–
apríl á næsta ári. Ljóst er að íbúar í
Gnúpverjahreppi hafa efasemdir um
framkvæmdina.
Landsvirkjun gerir ráð fyrir að
vatnsborð Norðlingaöldulóns verði í
575 metrum yfir sjávarmáli en við
það teygir lónið sig inn á neðsta
hluta friðlandsins í Þjórsárverum.
lónið er myndað með tveimur stíflum
sem báðar eru utan friðlandsins. Að-
alstíflan er einn kílómetri að lengd
og 26 metra há, hin stíflan er yfir-
fallsstífla undir rótum Norðlinga-
öldu. Gert er ráð fyrir að vatnsborð
verði stöðugt í lóninu yfir sumartím-
ann og að vatn renni þá á yfirfalli út í
farveg Þjórsár og reiknað er með að
ásýnd fossa í farvegi árinnar niður
að Sultartangalóni verði svipuð og er
í dag.
Úr Norðlingaöldulóni verður vatni
miðlað um 13 kílómetra jarðgöng í
Sauðafellslón ofan Þórisvatns.
Dælustöð verður í jarðgöngunum en
hún er nauðsynleg eigi vatnsborð
lónsins að vera í 575 metra hæð þar
sem Þórisvatn er í 577 metra hæð yf-
ir sjávarmáli.
Á kynningarspjöldum kom fram
að hagkvæmni Norðlingaölduveitu
er veruleg sem felst í því að vatn úr
Norðlingaöldulóni fer um fjórar
virkjanir í stað þess að renna eins og
nú er beint í Sigöldulón.
Fulltrúar Landsvirkjunar lögðu
áherslu á það að tilgangur kynning-
arinnar væri að leita eftir ólíkum
skoðunum og að koma málinu á
framfæri. Þó svo fjöldi þeirra sem
komu á kynningarfundinn í Árnesi
hafi ekki verið nema 25–30, segir það
ekkert um áhuga fólks í Gnúpverja-
hreppi og nærsveitum á þessari
framkvæmd.
Óhætt er að segja að meirihluti
hreppsbúa sé andvígur Norðlinga-
ölduveitu. Um það vitna fundir sem
haldnir hafa verið og skoðanakönnun
sem gerð hefur verið meðal hrepps-
búa. Þeir sem rætt var við á fund-
inum um álit á framkvæmdunum
vitnuðu til þessara þátta. Það mun
vera ný staða hjá Landsvirkjun að
glíma við því áður hefur ekki komið
upp nein veruleg andstaða við virkj-
unaráform á Þjórsár-Tungnaár-
svæðinu. Þá er ljóst að framkvæmd-
in fær mun betri viðtökur austan við
lónið, í Ásahreppi.
Fólk horfir helst til þess að gróður
fer undir vatn og telur sig ekki hafa
fengið vissu fyrir því hvernig vatnið
mun hegða sér við bakkana, hvort
um landbrot verði að ræða. Þá óttast
menn mögulega jarðvegseyðingu út
frá bökkunum þar sem þurrlendi er
auk þess sem sumir eru hugsi yfir
því að lónið muni fyllast á um 100 ár-
um.
Af viðtölum við fólk má ráða að
hreppsbúar þekkja vel til aðstæðna
og margir hafa farið um þetta svæði
meðal annars í fjallaferðum. „Það er
ólýsanlegt að fara þarna um ríðandi.
Þetta svæði er svo sérstakt að það er
ekkert skrýtið þótt fólk sé á móti lón-
inu og vilji halda því óbreyttu,“ sagði
Aðalsteinn Guðmundsson úr Skeiða-
hreppi. Már Haraldsson úr Gnúp-
verjahreppi, sem sæti á í Þjórsár-
veranefnd, sagði að áhugahópur
fólks hefði sett fram hugmyndir um
að stækka friðlandið í Þjórsárverum
alveg niður að Sultartangalóni. Nátt-
úruvernd ríkisins hefði sent hrepps-
nefnd hugmyndina til umsagnar og
hún vildi að hugmyndin yrði skoðuð.
Öllum þeim sem rætt var við var
umhugað um gróðursvæðið í Eyva-
feni og þegar nánar var spurt kom
fram að fólk vildi helst láta svæðið
ósnortið. Sumir eru mjög harðir í af-
stöðu sinni og segja framkvæmdina
hryðjuverk gagnvart landinu. Sá
sem sagði þau orð upphátt fékk góð-
ar móttökur frá fulltrúum Lands-
virkjunar sem hlustuðu og buðust til
að útskýra öll efnisatriðin á kynning-
arspjöldunum sem komið var upp á
dansgólfinu í Árnesi.
Næsti kynningarfundur verður í
stjórnstöð Landsvirkjunar við Bú-
staðaveg í Reykjavík í dag, 22. sept-
ember, klukkan 13–17.
Matsáætlun um Norðlingaölduveitu til kynningar
Efasemdir hjá Gnúpverjum
Morgunblaðið/Sigurður Jónsson
Tenglahópur sem tekur þátt í matsvinnunni um Norðlingaölduveitu. Jónas Jónsson, Ásahreppi, Agnar Olsen,
Landsvirkjun, Heimir Hafsteinsson, Djúpárhreppi, Aðalsteinn Guðmundsson, Skeiðahreppi, Guðjón Jónsson,
VSÓ, Ragnheiður Ólafsdóttir, umhverfisstjóri Landsvirkjunar, Bjarni Bjarnason, framkvæmdastjóri orkusviðs
Landsvirkjunar, og Már Haraldsson, Gnúpverjahreppi.
Morgunblaðið/Sigurður Jónsson
Fulltrúar Landsvirkjunar útskýra efnisatriði á kynningarspjöldum.
Í KJÖLFAR mikillar umræðu um
ritstuld í lagadeild Háskóla Íslands
við samningu lokaritgerðar við deild-
ina, sem varð til þess að fyrrverandi
nemandi var sviptur kandídatstitli,
hefur Stúdentaráð Háskóla Íslands
ákveðið að leggja fram tillögu við
Háskólaráð um að gefnar verði út
leiðbeiningar fyrir háskólastúdenta
um frágang lokaverkefna.
„Við viljum að gerðar verði al-
mennar reglur og leiðbeiningar um
hverjar kröfur til lokaverkefna við
Háskóla Íslands eru,“ segir Þorvarð-
ur Tjörvi Ólafsson, formaður Stúd-
entaráðs. „Síðan er hægt að hugsa
sér að hver deild aðlagi þær reglur
eftir því sem við á.“
Þorvarður Tjörvi segir að engar
slíkar leiðbeiningar séu til og hingað
til hafi það jafnvel verið í höndum
umsjónarmanns lokaverkefnis að
greina stúdentinum frá því hverjar
kröfurnar væru. Hins vegar hafa
einstakar skorir gefið út leiðbeining-
ar og reglur um frágang lokarit-
gerða. Þorvarður Tjörvi segir að
misjafnt sé því eftir deildum og jafn-
vel leiðbeinendum hvaða kröfur séu
gerðar til lokaritgerða. „Það er líka
misjafnt eftir deildum hvort boðið er
upp á kennslu í ritgerðasmíð og til
dæmis er því ekki að fagna í laga-
deild.“
Þorvarður Tjörvi segist ætla að
ræða við Pál Sigurðsson, forseta
lagadeildar, á næstunni og hvetja
hann til að beita sér fyrir því að slíkt
námskeið verði tekið upp við deild-
ina.
„Félagsvísindadeild setti nýlega
fram reglur í fyrsta skipti varðandi
kröfur deildarinnar til meistaraverk-
efna og ég fagna því. En vonandi
fylgja svipuð rit um B.A.-verkefni í
kjölfarið.“
Háskólaráð fundar næst á mánu-
dag og hyggst Stúdentaráð þá leggja
þessar tillögur fram.
Prófdómari fari yfir
öll verkefni
Þá telur Stúdentaráð einnig nauð-
synlegt að prófdómari verði fenginn
til að fara yfir öll lokaverkefni há-
skólastúdenta auk leiðbeinanda.
Misjafnar kröfur til lokaritgerða í HÍ
Samræma þarf
leiðbeiningar
♦ ♦ ♦
GUÐBJÖRN Gunnarsson
(Bubbi) opnar höggmyndasýn-
ingu í Listhúsi Ófeigs, Skóla-
vörðustíg 5, í dag, laugardag,
kl. 16. Þetta er áttunda einka-
sýning Bubba, en hann hefur
auk þess tekið þátt í mörgum
samsýningum bæði hér og er-
lendis.
Megin þema í verkum Bubba
eru andstæður íslenskrar nátt-
úru í deiglu tímans, jarðlögin,
eldur og ís tvinna sögu land-
náms. Að þessu sinni tekur
Bubbi fyrir fjallstoppana og
kallar hann sýninguna Toppar.
Efnið sem hann notar er svart-
ur granít-steinn sem kemur frá
eyjunni Bornholm.
Sýningin er opin virka daga
10-18, laugardaga 11-16 og lýk-
ur 9. október.
Högg-
myndir
í Listhúsi
Ófeigs
FERÐAFUÐA er heiti á sýningu
á smámyndum „miniatúrum“ sem
opnuð verður í Slunkaríki á Ísa-
firði í dag, laugardag. Ferðafuða
þýðir hringja eða sylgja, eða það
sem lokar hringnum, og er valið
sem yfirskrift þar sem það felur í
sér það ferðalag hringinn í kring-
um landið sem þessari sýningu er
ætlað að fara.
Verkin á sýningunni eru unnin
sérstaklega fyrir hana og há-
marksstærð verka er 15X15 cm og
verður sett upp í áföngum. Frá
Ísafirði fer sýningin í Ketilhúsið á
Akureyri, síðan austur á Seyðis-
fjörð, þá til Vestmannaeyja og
endað í Reykjavík. Á hverjum stað
verður listamönnum á staðnum
eða úr byggðarlaginu boðið að
taka þátt í sýningunni.
Það eru 35 listamenn sem eru
þátttakendur auk 6 listamanna úr
röðum heimamanna. Áætlað er að
ferðalaginu ljúki vorið 2003 og þá
verði verkin orðin yfir 200.
Umsjónarmenn sýningarinnar,
sem stendur til 7. október, eru
Ólöf Nordal og Harpa Björnsdótt-
ir.
Langferð
smámynda
hefst í
Slunkaríki