Morgunblaðið - 02.11.2001, Page 33

LISTIR
MORGUNBLAÐIÐ FÖSTUDAGUR 2. NÓVEMBER 2001 33
D
A
U
Ð
A
D
A
N
SI
N
N
eftir
August Strindberg
á Litla sviði
Borgarleikhússins
kl. 20.00 fimmtudag
og laugardag
Leiklestur á
Kröfuhöfum
laugardag kl. 17.00.
„Erlingur Gíslason
dró upp
stórskemmtilega
mynd af persónu
sinni“
Sveinn Haraldsson í
Mbl. um
Dauðadansinn í
Borgarleikhúsinu
ÞÓRUNN Eva Hallsdóttir opnar
sýningu sína sem hún nefnir Lím-
band í Galleríi Nema hvað, Skóla-
vörðustíg 22c, í dag kl. 17. Þórunn
er nemandi á þriðja ári myndlist-
ardeildar LHÍ.
Sýningin stendur til 9. nóvem-
ber.
Nemandasýning
Íslensk grafík, Hafnarhúsi
Sýningu Bjarna Björgvinssonar,
Stefnumót, lýkur á sunnudag.
Opið frá kl. 14-16.
Handverk og hönnun
Sýningunni Ljóslifandi, í sýning-
arsal Handverks og hönnunar í Að-
alstræti 12, lýkur á sunnudag.
Sýningin er opin laugardag og
sunnudag frá kl. 12-17.
Sýningum lýkur
HELGA Unnarsdóttir leirkerasmið-
ur opnar „Stutt“ sýningu í Gallerí
Reykjavík, Skólavörðustíg, 16 í dag,
föstudag, kl. 15 og mun hún þá
kynna verk sín.
Helga útskrifaðist úr keramik-
deild Myndlista- og handíðaskóla Ís-
lands vorið 1999. Hún hefur tekið
þátt í nokkrum samsýningum.
Gallerí Reykjavík er opið virka
daga kl. 13-18, laugardaga kl. 11-18,
sunnudaga kl. 13-16. Sýningunni lýk-
ur 10. nóvember.
Stuttsýning í Gall-
eríi Reykjavík
BJÖRK Jóhannsdóttir opnar sýn-
ingu á vatnslitamyndum í Safnhúsi
Borgarfjarðar á morgun kl. 14. Þetta
er fjórða einkasýning Bjarkar og
nefnist hún Af ljósi. Verkin eru öll
unnin á árinu 2001. Myndefnið er
tvenns konar. Annars vegar er um að
ræða verur af ljósi og hins vegar
náttúrumyndir þar sem myndefnið
er maður í ljósi náttúrunnar.
Sýningin er opin virka daga kl. 13–
18, en til kl. 20 á þriðjudögum og
fimmtudögum. Sýningin stendur til
30. nóvember.
Verur af ljósi
í vatnslita-
myndum
TVEIR kórar eldri borgara halda
sameiginlega tónleika í Víðistaða-
kirkju í Hafnarfirði á morgun kl. 17.
Kórarnir eru Gleðigjafarnir frá Höfn
í Hornafirði og Gaflarakórinn frá
Hafnarfirði.
Eldri borgarar
syngja
ÞAÐ var gaman að heyra Greg
Hopkins stjórna Stórsveit Reykja-
víkur að nýju, en í maí 1999 stjórnaði
hann Stórsveitinni á þrusutónleikum
í Iðnó, þar sem Duke Ellington var
fyrirferðarmikill á efnisskránni.
Ekki var síður gaman að heyra Stór-
sveitina í Kaffileikhúsinu, en þar hef-
ur hún leikið einu sinni áður; verk
Sigurðar Flosasonar undir stjórn
Daniles Nolgårds. Það „sándar“
nefnilega feikivel í Kaffileikhúsinu og
þegar best lét negldu trompetarnir
mann niðrí sætið einsog maður átti
að venjast á Basie-tónleikum.
Það kemur engum lengur á óvart
þegar maður segir að Stórsveit
Reykjavíkur sómi sér hvar sem er í
hópi evrópskra stórsveita frekar en
Sinfóníuhljómsveit Íslands í sam-
bærilegum selskap og einsog Greg
Hopkins gat um í kynningum sínum
var Stórsveitin þetta kvöld í hlut-
verki túlkanda sígildra stórsveitar-
verka, því útsetningar úr fórum
Woody Hermans voru fyrirferðar-
miklar á tónleikunum. Woody er einn
fremsti hvíti stórsveitargaur djass-
sögunnar og „hjarðir“ hans, en það
nafn gaf hann gjarnan sveitum sín-
um, margar sögufrægar, ekki síst sú
sem kennd er við bræðurna fjóra;
saxófónsveit hans sem skipuð var
Stan Getz, Zoot Sims, Herbie Stew-
art og Serge Chaloff og með Woody
sló Stan Getz í gegn með Early Aut-
umn. Það var á dagskrá í Kaffileik-
húsinu og Sigurður Flosason og Jóel
Pálsson með saxófónsólóana, en
kannski var ljóðrænn sóló Ástvaldar
Traustasonar toppurinn í því verki.
Ýmis fleiri verk meistaraútsetjara
Hermans, Ralph Burns, voru á dag-
skrá, s.s. rúmban hans fræga Bijou
og Apple Honey eftir Herman, en
eitthvað heyrðist mér hafa verið átt
við útsetningu Burns – trúlega end-
urrituð af Nat Pierce. Sveitin lék
skemmtilega útsetningu eftir Nat á
Sister Shady Horace Silvers og Jóel
Pálsson í aðalhlutverki og vandanum
vaxinn að venju. Bestur var Jóel þó í
útsetningu Gregs á Infant eyes
Wayne Shorters.
Greg er ástríðufullur stórsveitar-
stjórnandi og fínn útsetjari. Margir
hefðbundnir stórsveitarútsetjarar
sem mikið eru leiknir nú til dags fara
í mínar fínustu, en Greg býr yfir jafn
næmun skilningi á tónsmíðum nú-
tímadjassleikara og tilfinning hans
er fyrir hinni klassísku djasstórsveit.
Það sannaðist í túlkun hans og sveit-
arinnar á Shades of Jay eftir Joe
Henderson. Þar blés hann líka fauta-
fínan trompetsóló, en hann lék um
langt árabil á trompet í sveitum
Woody Hermans og Buddy Richs.
Ekki verður skilið við þessa stór-
skemmtilegu tónleika án þess að
minnast á flutninginn á After you’ve
gone. Greg kynnti Björn R. Einars-
son til leiks, og hafði komist að því að
hann lék með Jack Hanna, sem lengi
var trommari Woody Hermans, á
Keflavíkurvelli. Fékk hann Björn og
Sigurð Flosason, sem blés í klarinett,
til að leika með sér og hrynsveitinni
dixílandútsetningu af laginu áðuren
stórsveitin tók við. Skemmtilegt að
heyra kappann BRE, sem stofnaði
fyrstu djasshljómsveit sína fyrir 45
árum, blása enn með glæsibrag.
Stórsveit Reykjavíkur hefur stefnt
uppá við til þessa og tónleikarnir með
Greg Hopkins sanna að fleyið sem
Sæbjörn Jónsson ýtti úr vör fyrir
meira en áratug siglir beitivind til
nýrra afreksstranda.
Hopkins stjórnar Herman
DJASS
K a f f i l e i k h ú s i ð
Birkir Freyr Matthíasson, Einar
Jónsson, Eiríkur Örn Pálsson, Ei-
ríkur Orri Ólafsson og Örn Haf-
steinsson trompetar; Björn R. Ein-
arsson, Eyþór Kolbeins, Samúel
Jón Samúelsson og David Bobroff
básúnur, Ólafur Jónsson, Stefán S.
Stefánsson, Sigurður Flosason, Jóel
Pálsson og Sturlaugur Björnsson
saxófónar, klarinettur og flautur,
Ástvaldur Traustason píanó, Ed-
vard Lárusson gítar, Gunnar
Hrafnsson bassi og Jóhann Hjör-
leifsson trommur. Stjórnandi: Greg
Hopkins, sem einnig blés í flyg-
ilhorn og trompet. Miðvikudags-
kvöldið 31.10. 2001.
STÓRSVEIT
REYKJAVÍKUR
Vernharður Linnet
STRINDBERG-hópurinn og Leik-
félag Reykjavíkur standa sameig-
inlega að þremur leiklestrum á
verkum Strindbergs á Litla sviði
Borgarleikhússins í nóvembermán-
uði. Leiklestrarnir eru í tengslum
við sýningu á Dauðadansinum og
verður sá fyrsti á morgun kl.17
þegar Kröfuhafar verða lesnir.
Kröfuhafa skrifaði Strindberg í
ágúst 1888. Verkið kallar hann
„tragikómedíu“. Í verkinu er lýst
ástarþríhyrningi milli tveggja
karla og einnar konu; hjónanna
Adólfs og Teklu og fyrrverandi eig-
inmanns hennar, Gústafs.
Gústaf hefur aldrei sætt sig við
að Adólf tæki frá honum konuna.
Hann ákveður að ná sér niðri á
þeim og gera þau hlægileg. Hann
nær haldi á Adólfi dag einn á með-
an Tekla er ekki heima, veiðir hann
í gildru. Adólf skal fá að sjá hversu
veikur og lítilmótlegur hann er og
að Tekla hafi aldrei elskað hann.
Þegar Gústaf ætlar að leika sama
leik við Teklu og Adólf sér hún
fljótlega við honum – en þó ekki
fyrr en skaðinn er skeður.
Hér skoðar Strindberg á kóm-
ískan hátt hvort tveir jafnvígir ein-
staklingar geti átt farsælt hjóna-
band. Hann skoðar einnig hvort
veikur og sterkur einstaklingur
geti gengið saman og veltir upp
spurningunni um hvað gerist þegar
annar makinn er gefandi og hinn
þiggjandi. Getur verið að sá tími
komi að þiggjandinn hætti að bíða
eftir að honum verði gefið og fari
bara að taka það sem honum sýnist?
Leikarar sem taka þátt í leik-
lestrinum eru Gunnar Hansson,
Edda Björg Eyjólfsdóttir og Árni
Pétur Guðjónsson. Leikstjóri er
Gunnar Gunnsteinsson.
Morgunblaðið/Ásdís
Leikararnir Árni Pétur Guðjónsson, Edda Björg Eyjólfsdóttir og Gunn-
ar Hansson og standandi er leikstjórinn, Gunnar Gunnsteinsson.
Kómískur ástar-
þríhyrningur
Á HUGVÍSINDAÞINGI sem Hug-
vísindastofnun og Guðfræðistofnun
efna til í Háskóla Íslands í dag og á
morgun verða fluttir 64 fyrirlestrar.
Þinginu er ætlað að gefa háskóla-
fólki, nemendum jafnt sem kennur-
um og öllum öðrum áhugamönnum
um hugvísindi, kost á að heyra og sjá
það sem efst er á baugi í hugvísind-
um við Háskóla Íslands.
Að sögn Jóns Ólafssonar forstöðu-
manns Hugvísindastofnunar er
þetta í fjórða sinn sem Hugvísinda-
þing er haldið. „Undanfarin ár hefur
þingið vakið mikla athygli og verið
fjölsótt. Það hefur glögglega komið í
ljós að það sem háskólakennarar eru
að fást við í rannsóknum sínum á
sviði íslenskra og alþjóðlegra bók-
mennta, sagnfræði, guðfræði, heim-
speki og fleiri greina vekur áhuga
langt út fyrir háskólasamfélagið.
Áhrif háskólaumræðu á þjóðfélags-
og stjórnmál koma einnig glögglega í
ljós á þingi sem þessu,“ segir Jón.
Þingið hefst í hátíðasal Háskóla
Íslands kl. 13 í dag með fyrirlestri
Eriks Skyum-Nielsen, bókmennta-
fræðings, en hann er afkastamikill
þýðandi íslenskra bókmennta á
dönsku. Mun hann fjalla um viðtökur
íslenskra bókmennta í Danmörku.
Skyum-Nielsen mun velta því fyr-
ir sér hvort það sem þýtt er á dönsku
gefi rétta mynd af fjölbreytni ís-
lenskra samtímabókmennta. Þá mun
hann fjalla um spurningarnar:
Hvaða höfundar verða fyrir valinu?
Hverjir eru ekki þýddir? Hvað segja
dönsku textarnir um ólík viðhorf til
bókmenntaþýðinga og hvaða
strauma má einkum greina í þýðing-
unum? Þrír aðrir fyrirlestrar verða
þennan fyrri dag þingsins: Böðvar
Guðmundsson talar um bréf Vestur-
heimsfara til fjölskyldu og vina á Ís-
landi, Eyjólfur Kjalar Emilsson tal-
ar um uppruna viljahugtaksins í
vestrænni heimspeki og Ástvaldur
Ástvaldsson talar um minnisgeymd
fólks sem ekki hefur ritmál.
Á morgun verða flestir fyrirlestr-
ar haldnir í málstofum.
Morgunmálstofur hefjast kl. 9.30
en síðdegismálstofur kl. 14. Þrír
lengri fyrirlestrar verða einnig
haldnir: Gunnar Karlsson ræðir um
löggjafarvald og dómsvald í íslenska
þjóðveldinu, Guðmundur Hálfdanar-
son talar um þjóðerni og hnattvæð-
ingu og Kristján Árnason talar um
uppruna Eddukvæða og dróttkvæða.
Þessir fyrirlestrar verða í hátíðasal
en málstofur verða í Árnagarði,
Odda, Nýja-Garði og Lögbergi.
Frá kl. 14–17.30 verður haldið
málþing um þýðingar Eriks Skyum-
Nielsens í stofu 101 í Odda.
Hugvísinda-
þing í Há-
skóla Íslands
SÍÐASTA atriðið á Menningarhátíð
Eystrasaltsríkjanna á Norðurlönd-
um, sem staðið hefur yfir í Norræna
húsinu, eru sembaltónleikar Ainu
Kalnciemu sem fram fara í kvöld kl.
20. Aina er einn fremsti semballeik-
ari Lettlands.
Á efnisskránni eru sónata eftir
Dm Bortnianski, Kantata eftir Pet-
eris Vasks, tvö verk eftir I.P.N. Roy-
er og 5 sónötur eftir D. Scarlatti.
Aina fæddist í Ríga og hóf tónlist-
arnám sitt þar. Hún útskrifaðist með
láði sem einleikari á sembal frá pí-
anó- og orgeldeild tónlistaháskólans
í Sankti Pét-
ursborg.
Kalnciema
hefur farið í
tónleikaferða-
lög um öll lýð-
veldi Sovét-
ríkjanna
fyrrverandi,
Evrópu þvera
og endilanga,
Bandaríkin,
Kanada og Ástralíu. Hún er sérfræð-
ingur í gömlum hljómborðshljóðfær-
um og kennir á sembal við lettneska
tónlistarháskólann jafnframt því að
stjórna bæði Bach-tónlistarmiðstöð-
inni í Ríga og Sembal leikarasam-
bandi Lettlands. Aina hefur leikið
bæði eldri tónlist og samtímatónlist
inn á margar hljómplötur og komið
fram með mörgum hljómsveitum.
Sembaltón-
leikar í Nor-
ræna húsinu
Aina Kalnciema