Morgunblaðið - 09.12.2001, Qupperneq 41

MINNINGAR
MORGUNBLAÐIÐ SUNNUDAGUR 9. DESEMBER 2001 41
Elsku Daddý frænka.
Ég á eftir að sakna
þín mikið en ég veit að
þér líður vel af því að þú
ert með Guði, Svavari og mörgum vin-
um.
Ég geymi allar stundirnar sem við
áttum saman á mínum ellefu árum
með þér. Það var svo gaman hjá okk-
ur þegar þú komst til okkar 7. nóv.
síðastliðinn þegar þú sast við eldhús-
borðið hjá okkur meðan ég bakaði
handa þér skúffuköku, en nú get ég
ekki komið heim til þín að baka handa
þér eins og þú baðst mig um. Ég man
það líka þegar þú spurðir mig og
kysstir mig bless í seinasta skiptið. Ef
ég hefði vitað að þetta væri seinasta
skiptið sem ég mundi sjá þig þá hefði
ég knúsað þig eins lengi og ég gæti.
Ég man þegar þú áttir heima á
Ásabraut og ég var í fyrsta eða öðrum
bekk, þá kom ég alltaf til þín eftir
skólann og þú leyfðir mér að fara í
heita pottinn þinn, það var nú mikið
gaman. En nú verður það ekki eins að
fara í heitan pott án þín.
Kæra frænka, þar til við hittumst
aftur, en á meðan bið ég Guð að
geyma þig.
Við biðjum Guð að styrkja Ingvar,
Beggu, Helga, Júlíu og nánustu ætt-
ingja.
Gísli Guðnason.
Elsku Daddý. Ekki grunaði mig,
þegar við kvöddumst á Spáni í byrjun
september að við myndum ekki hitt-
ast aftur í þessu lífi.
Ég spyr sjálfa mig, af hverju endi-
lega þú, svo falleg og góð?
Aldrei kvartaðir þú, þó svo ég vissi
að þú værir ekki þrautalaus, þrættir
og sagðir að allt væri í þessu fína og
brostir.
Það var yndislegur tími sem við átt-
✝ Sesselja Aðal-steinsdóttir
fæddist í Reykjavík
9. febrúar 1954.
Hún andaðist á
Landspítalanum í
Fossvogi 24. nóvem-
ber síðastliðinn og
fór útför hennar
fram frá Bústaða-
kirkju 4. desember.
um á Spáni. Ég náði í
þig til Benidorm og
höfðum við svo mikið að
tala um að ferðin tók tvo
og hálfan tíma í stað
eins venjulega, því ég
tók óvart ranga beygju
út af hraðbrautinni,
Árna samferðamanni
okkar til ómældrar
ánægju.
Nú er komið að
kveðjustund. Ég þakka
fyrir að hafa fengið að
kynnast þér og þinni
vináttu.
Ég veit að Svavar
sonur þinn hefur tekið vel á móti þér,
ég trúi að þú sért fallegur engill nú
hjá Guði.
Ég kveð með söknuði, Ingvari syni
þínum, Önnu systur þinni og öðrum
aðstandendum votta ég innilega sam-
úð mína.
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
(V. Briem.)
Hulda.
Elsku Daddý. Ég leita að orðum
sem erfitt er að finna, ég veit ekki
hvað skal segja eða hvar skyldi byrja.
Samband okkar hófst er sonur þinn
vitjaði ljóssins, samband okkar fórst
er vinkona mín vitjaði sonar síns. Ég
held að þú sért ánægð með endur-
fundina. Ég vona innilega að þú finnir
alla hlýjuna. Þú varst ótrúlega góð við
mig á erfiðum stundum, þú sýndir
visku, kærleik og skilning sem er ofar
flestum.
Þegar að ég hugsa um að þú sért
farin þá hugga ég mig við, að þú sért
laus undan þjáningum og ekki lengur
kvalin.
Eftir stendur sorgin og ósagðir
hlutir en svona er vogin, við vitum
aldrei hvenær tíminn er liðin.
Ég skulda þér ýmislegt sem ég get
ekki borgað, fyrirgefðu mér, elsku
Daddý mín. Sé þig í næsta lífi tilbúinn
að borga mínar skuldir.
Þinn að eilífu.
Einar Lars Jónsson.
SESSELJA AÐAL-
STEINSDÓTTIR
FRÉTTIR
BÓKAKOSTNAÐUR stúdenta gæti
lækkað um 25–30 milljónir króna á
ári ef virðisaukaskattur á erlendum
bókum yrði lækkaður úr 24,5% í
14% eins og er á íslenskum bókum
og erlendum tímaritum, en von er á
úrskurði EFTA-dómstólsins á næst-
unni varðandi það hvort þetta fyr-
irkomulag stangist á við reglur á
Evrópska efnahagssvæðinu eins og
frá var skýrt í Morgunblaðinu á
miðvikudag.
Þorvarður Tjörvi Ólafsson, for-
maður Stúdentaráðs, sagði að þeir
fylgdust af áhuga með framvindu
málsins, því þetta snerti hagsmuni
þeirra mjög mikið. Stúdentar þyrftu
að kaupa mikið af námsbókum og
þar væri stærstur hlutinn af erlend-
um toga. Þeir hefðu því í samvinnu
við Bóksölu stúdenta reiknað út
hvað gera mætti ráð fyrir að bóka-
kostnaður stúdenta myndi lækka
mikið ef virðisaukaskattur á erlend-
um bókum lækkaði niður í 14% líkt
og gilti fyrir íslenskar bækur og er-
lend tímarit. Útkoman væri að það
myndi lækka bókakostnað stúdenta
um 25 til 30 milljónir króna á ári.
Erlendar bækur hafa
hækkað mikið í verði
Þorvarður Tjörvi sagði að
kennslubækur hefðu alltaf verið
stór útgjaldaliður hjá stúdentum, en
vegna þess hversu mikið gengið
hefði lækkað á þessu ári hefðu er-
lendar námsbækur hækkað mjög í
verði. „Þetta hefur komið illa niður
á stúdentum og maður þekkir þess
dæmi að margir stúdentar hafi
hreinlega ekki efni á að kaupa allar
þær bækur sem þeir þyrftu að hafa.
Þess vegna hvetjum við stjórnvöld
til þess að lækka þennan virðisauka-
skatt á erlendu bókunum niður í
14%,“ sagði Þorvarður Tjörvi enn-
fremur.
Í ályktun sem stjórn Stúdenta-
ráðs Háskóla Íslands hefur sam-
þykkt af þessu tilefni kemur fram
að um 90% af kennslubókum við ís-
lenska háskóla eru erlendar að upp-
runa. „Kennslubækur hafa ætíð ver-
ið stór útgjaldaliður fyrir stúdenta
en lækkun íslensku krónunnar á
þessu ári hefur hækkað verð er-
lendra bóka til muna. Hár bóka-
kostnaður er því að sliga íslenska
stúdenta og Stúdentaráð hvetur
stjórnvöld til að draga úr skattlagn-
ingu á erlendum bókum, sérstaklega
í ljósi þess að Eftirlitsstofnun
EFTA hefur tekið undir gagnrýni
Harðar Einarssonar hrl. um að það
brjóti gegn EES-samningnum að
skattleggja erlendar bækur meira
en innlendar,“ segir ennfremur í
ályktuninni.
Stúdentaráð um lækkun á vsk. á erlendum bókum
Stúdentar myndu
spara 25–30 milljónir





 


 

 
   !
      
   
 
  
 
!   
     
 " #
$%&' ()
* $+ +*

"# $% &'  (
$ ') * $

 


   

  


   

   

 

     
 
  !     "#  $ 

  
%  
 %&
 

  '

&  () 



! "#
 

* +,,+-+. $*


 ! 
 

Handrit afmælis- og minningargreina skulu vera vel frá gengin, vélrituð eða tölvusett. Sé
handrit tölvusett er æskilegt, að disklingur fylgi útprentuninni. Senda má greinar til blaðsins
í bréfsíma 569 1115, eða á netfang þess (minning@mbl.is). Nauðsynlegt er, að símanúmer höf-
undar/sendanda fylgi. Nánari upplýsingar má lesa á heimasíðum. Það eru vinsamleg tilmæli
að lengd greina fari ekki yfir eina örk A-4 miðað við meðallínubil og hæfilega línulengd — eða
2.200slög. Höfundar eru beðnir að hafa skírnarnöfn sín en ekki stuttnefni undir greinunum.
Forsvarsmaður
Eystrasaltsvið-
skipta ákærður
SÝSLUMAÐURINN í Kópavogi
hefur ákært forsvarsmann Eystra-
saltsviðskipta ehf. fyrir brot gegn
lögum um atvinnuréttindi útlend-
inga með því að hafa á tímabilinu 30.
ágúst til 28. október sl. ráðið níu
Litháa til starfa við byggingarvinnu í
Kórsölum 5 í Kópavogi. Mennirnir
störfuðu þar til 7. nóvember sl. þrátt
fyrir að enginn þeirra væri með at-
vinnuréttindi á Íslandi.
Þetta mun vera í fyrsta skipti sem
ákært er fyrir slíkt brot hér á landi.
Lögreglan í Kópavogi færði Lithá-
ana til yfirheyrslu að beiðni Útlend-
ingaeftirlitsins hinn 7. nóvember.
Þeim var öllum vísað úr landi hinn
21. nóvember sl.
Samkvæmt heimildum Morgun-
blaðsins er talið að laun þeirra hafi
verið mun lægri en gengur og gerist
á almennum vinnumarkaði. Einn
þeirra bar að hann hafi fengið 700
krónur í laun á klukkustund. Kaupið
var hið sama hvort sem unnið var í
dagvinnu eða eftirvinnu en hann
kvaðst ekki hafa unnið minna en 300
klukkustundir á mánuði.
Stefnan sett á fimmta tindinn í
sjötindaleiðangrinum
Erfiður og áður
óklifinn af Íslendingi
HARALDUR Örn Ólafsson er nú
staddur í Puenta Arenas, syðstu
borg í Chile og bíður þess nú að
hefja ferð sína til Suðurskauts-
landsins þar sem hans bíður við-
ureign við einn af erfiðari tind-
unum í sjötindaröðinni, Vinson
Massif (4.897 m).
Haraldur hefur komist á fjóra
tinda af sjö og stefnir því nú á þann
fimmta. Erfiðleikarnir við að klífa
fjallið felast einkum í grimmd-
arkulda og tíðum stormum sem
hafa reynst fjallgöngumönnum
hættulegir. Þá er vitað um dæmi
þess að fjallgöngumenn hafi villst á
fjallinu og fallið fram af björgum.
Haraldur hyggst fara til Suð-
urskautslandsins í samfloti við lít-
inn hóp fjallgöngumanna og gerir
ráð fyrir að ná tindinum 18. desem-
ber. Litlar líkur eru þó á að áætl-
unin standist upp á dag vegna ófyr-
irséðra tafa af völdum veðurs.
Fjallið hefur þá sérstöðu að það
er óklifið af Íslendingi og mun upp-
ganga Haraldar því marka merk
tímamót í íslenskri fjallgöngusögu.
Ferðin til Suðurskautslandsins
átti að hefjast á laugardag en hefur
verið frestað fram til 11. desember.
Morgunblaðið/Einar Falur
Samkomulag um
næsta forseta ESA
Íslendingar
taka við
eftir tvö ár
SAMKOMULAG hefur náðst á milli
Halldórs Ásgrímssonar utanríkis-
ráðherra og Jan Petersen, utanrík-
isráðherra Noregs, um að Norð-
menn haldi áfram forsæti í
Eftirlitsstofnun EFTA, ESA, næstu
tvö árin. Þá munu Íslendingar taka
við og Hannes Hafstein verður þá
skipaður í embætti forseta ESA.
Forsæti ESA hefur ætíð verið skip-
að Norðmanni og hefur Knut Al-
mestad gegnt embættinu síðustu
átta árin. Hann lætur nú af því
starfi og við tekur Einar Bull,
sendiherra Noregs, 1. janúar nk.
Halldór Ásgrímsson utanríkisráð-
herra sagðist í samtali við Morg-
unblaðið hafa ákveðið að fallast á
þetta fyrirkomulag en Norðmenn
lögðu mikla áherslu á að halda for-
sætinu. „Okkar samkomulag er það
að Norðmenn verði með þetta for-
sæti áfram næstu tvö árin og síðan
verði breyting þar á. Ég tel að það
sé mikilvægt að það verði skipt en
ég hef fallist á að Norðmenn haldi
þessu næstu tvö árin,“ sagði Hall-
dór.
„Þetta er hins vegar þannig að
forsetinn hefur ekkert úrslitavald í
málum. Dómararnir eru sjálfstæðir
og að mínu mati er aðalatriðið að
ESA haldi trúverðugleika sínum,
bæði gagnvart löndunum þremur og
Evrópusambandinu.“
Hannes Hafstein er núverandi
fulltrúi Íslands í ESA og segir Hall-
dór að nýbúið sé að framlengja
ráðningu hans til fjögurra ára. Því
fari hann sjálfkrafa í embætti for-
seta ESA að tveimur árum liðnum.
♦ ♦ ♦
LÖGREGLAN á Suðvesturlandi
mun í desember fylgjast sérstaklega
með ölvunarakstri.
Í tilkynningu frá lögreglu segir að
áhersla verði lögð á þetta eftirlit
jafnt að degi sem nóttu. Reynslan
hafi sýnt að full þörf sé á að gefa
þessum þætti umferðarmálanna sér-
stakan gaum. Þá megi rekja marga
árekstra og umferðarslys til ölvun-
araksturs.
Hert eftirlit
með ölvunar-
akstri