Morgunblaðið - 21.12.2001, Blaðsíða 16

SUÐURNES
16 FÖSTUDAGUR 21. DESEMBER 2001 MORGUNBLAÐIÐ
ⓦ
vantar í Ytri-Njarðvík
í Hólagötuhverfi
Upplýsingar veitir
umboðsmaður,
Eva Gunnþórsdóttir,
í síma 421 3475 og
868 3281.
FJÖRUTÍU og fimm nemendur
brautskráðust frá Fjölbrautaskóla
Íslands en skólaslit haustannar fóru
fram í gær. 36 stúdentar útskrif-
uðust, 4 meistarar, 4 iðnnemar og
einn af starfsnámsbraut.
Guðný Björg Kjærbo (til hægri)
og Elísabet Rúnarsdóttir sópuðu til
sín verðlaunum við brautskrán-
inguna. Guðný fékk viðurkenningu
Sparisjóðsins í Keflavík fyrir hæstu
einkunn á stúdentsprófi og einnig
fyrir góðan árangur í erlendum
tungumálum og íslensku. Þá fékk
hún fjölda viðurkenninga frá skól-
anum.
Ragnar Már Skúlason og Magnús
Sveinsson, sem standa vinstra meg-
in á myndinni, fengu fjölmargar
viðurkenningar Sparisjóðsins og
skólans fyrir góðan árangur. Fjöl-
brautaskólinn verðlaunaði Hall-
björn Valgeir Rúnarsson og Hilmar
Kristinsson fyrir störf í þágu nem-
enda og Olíusamlag Keflavíkur og
nágrennis veitti Leifi Kristjánssyni
viðurkenningu fyrir besta árangur
til fyrsta stigs vélstjóra .
Ljósmynd/Víkurfréttir
45 nem-
endur
braut-
skráðir
Keflavík
BÆJARFULLTRÚAR Sam-
fylkingarfélags Grindavíkurlist-
ans vilja láta skoða möguleikana
á því að Grindavíkurbær taki að
sér að annast löggæsluna í bæn-
um. Tilgangurinn er að bæta
löggæsluna í Grindavík.
Fulltrúar listans létu bóka þá
skoðun sína á fundi bæjar-
stjórnar í fyrradag að skoða
ætti það fyrir alvöru hvort
Grindavík gæti orðið tilrauna-
sveitarfélag í löggæslumálum.
Þannig yrði Grindvíkingum
tryggð viðunandi þjónusta, svo
sem grenndarlöggæsla.
Pálmi Ingólfsson, einn full-
trúa listans, sagði að Grindavík
hefði orðið útundan eftir að
starfsstöð lögreglunnar var flutt
til Keflavíkur og grenndarlög-
gæslu væri minna sinnt.
Vaxandi vandamál vegna
fíkniefnaneyslu eru í Grindavík,
eins og annars staðar, að sögn
Pálma, og þótt hann segi að
ekki sé hægt að skella skuldinni
á lögregluna hljóti bætt lög-
gæsla að vera hluti af lausninni.
Lögreglumenn sem hafi þekk-
ingu á aðstæðum geti gripið
fyrr inn í atburðarásina en þeir
sem fjær búi. „Ég er þess einn-
ig fullviss að við getum rekið
löggæsluna hér betur en ríkið
gerir í dag,“ segir Pálmi.
Bærinn taki að
sér löggæsluna
Grindavík
BÆJARSJÓÐUR Reykjanesbæjar
greiðir niður lán um 585 milljónir
kr. á næsta ári. Til þess er aðallega
notaður arður sem Hitaveita Suð-
urnesja greiðir út og tekjufærður er
í ár. Bæjarstjóri segir að álögum á
íbúana sé haldið í skefjum og aðhald
í rekstri.
Fjárhagsáætlun Reykjanesbæjar
fyrir árið 2002 var lögð fyrir bæj-
arstjórn í vikunni, til fyrri umræðu.
Seinni umræða verður 8. janúar
næstkomandi. Þá verður jafnframt
lögð fram þriggja ára áætlun.
Stórt skref
í greiðslu lána
Áætlað er að skatttekjur verði 2,6
milljarðar á næsta ári og að liðlega
600 milljónir verði afgangs þegar
rekstrarkostnaður hefur verið dreg-
inn frá. Fjármagnsgjöld eru áætlun
220 milljónir kr. og gjaldfærðar og
eignfærðar fjárfestingar, að frá-
dregnum sértekjum, eru 335 millj-
ónir. Verða því liðlega 60 milljónir
eftir til lækkunar skulda, af tekjum
næsta árs.
Afborganir langtímalána á næsta
ári verða 585 milljónir kr. Greiðslur
þeirra verða fjármagnaðar að
stærstum hluta með afgangi af
rekstri samkvæmt fjárhagsáætlun
ársins 2001 en einnig kemur til 135
milljóna króna greiðsla frá varnar-
liðinu vegna þátttöku þess í sameig-
inlegum holræsaframkvæmdum. Af-
gangur af rekstri á árinu 2001
skýrist að stórum hluta af
greiðslum af höfuðstól Hitaveitu
Suðurnesja, 584 milljónum króna,
sem koma til Reykjanesbæjar á
þessu ári og því næsta en eru að
fullu tekjufærðar á yfirstandandi
ári. Greiðslur þessar voru ákveðnar
þegar Hitaveitu Suðurnesja var
breytt í hlutafélag.
Ellert Eiríksson bæjarstjóri segir
að þegar ákveðið hafi verið að taka
lán til fjárfestinga í skólamálum, til
að byggja nýjan grunnskóla og end-
urnýja hina, hafi því verið lýst yfir
að um væri að ræða tímabundna
skuldsetningu bæjarins og að skuld-
irnar yrðu greiddar niður á næstu
árum. Við þetta loforð yrði staðið á
næsta ári. Telur hann að greiðsla
lánanna sé eitt stærsta skref sveit-
arfélags á Íslandi til að greiða niður
skuldir sínar.
Skattheimtu stillt í hóf
Ellert leggur áherslu á að skatt-
heimtu sé haldið niðri. Útsvör og
fasteignagjöld séu óbreytt frá fyrra
ári, þrátt fyrir heimildir til hækk-
unar. Þá sé gætt hófs í hækkun al-
mennrar gjaldskrár fyrir þjónustu
sveitarfélagsins. „Með því viljum við
láta bæjarbúa fá beint í sinn vasa
hlutdeild í þeim arði sem Hitaveita
Suðurnesja skilar í bæjarsjóð,“ seg-
ir bæjarstjóri.
Hann segir að mikið aðhald sé að
rekstrarútgjöldum í fjárhagsáætlun
næsta árs. Þrátt fyrir mikla hækk-
un launakostnaðar, sem vegi mikið í
útgjaldahliðinni, takist að koma
rekstrarútgjöldum niður í 76,3% af
tekjum. Launaútgjöldin verða sam-
tals 1.538 milljónir kr. og deilast á
tæplega 600 starfsmenn sem ekki
eru allir í fullu starfi. Heimiluð
verða 475 stöðugildi hjá Reykja-
nesbæ, aðeins 1,83 stöðugildum
meira en í ár. Segir Ellert að vissu-
lega séu miklar kröfur um fjölgun
starfsfólks en mikilvægara hafi ver-
ið talið að spara til þess að geta
greitt niður skuldir.
Endurbætur Hafnargötu
hannaðar
Þrátt fyrir mikið aðhald mun
Reykjanesbær leggja 427 milljónir
kr. í fjárfestingar, jafnt eignfærðar
og gjaldfærðar fjárfestingar. Hluti
þeirrar fjárhæðar skilar sér til baka
í innheimtum gatnagerðargjöldum,
með styrkjum og á annan hátt.
Af gjaldfærðum fjárfestingum má
nefna að 83,7 milljónir verða lagðar
í nýbyggingu og viðhald gatna. Af
nýjum götum vegur Klettás þyngst.
Þá verður lokið við uppbyggingu
gatna í gamla bænum í Keflavík.
Jafnframt verður hafin hönnun á
langþráðum endurbótum á Hafnar-
götu, aðalverslunargötunni í Kefla-
vík. Að sögn Ellerts er áformað að
hefja endurbætur á götunni á árinu
2003. Lagðar verða 8 milljónir í
endurbyggingu gömlu þurrabúðar-
innar Stekkjarkots í Innri-Njarðvík.
Loks má nefna að vatnsveitan mun
byggja nýja þrýstidælustöð fyrir
efri íbúðarhverfi Keflavíkur. Það er
fjárfesting upp á 27 milljónir kr.
Af eignfærðum fjárfestingum
skal nefnt að leikskólinn Garðasel í
Keflavík verður endurbyggður á
næsta ári. Kostar sú framkvæmd
liðlega 45 milljónir kr. Lagðar verða
liðlega 50 milljónir í framkvæmdir
við íþróttahúsið við Sunnubraut í
Keflavík þar sem lagt verður park-
etgólf á íþróttasalinn og fimleikasal-
urinn stækkaður. Þá verður 17
milljónum varið til endurbóta á Du-
us-húsunum en þar verður sem
kunnugt er meðal annars komið upp
sýningu á bátalíkanasafni Gríms
Karlssonar.
Lán greidd niður
um 585 milljónir
Reykjanesbær
SKÓLANEFND Gerðahrepps legg-
ur til að samþykkt verði ósk Jóns
Ögmundssonar, aðstoðarskólastjóra
Gerðaskóla, um að hann fái að draga
uppsögn sína til baka.
Ein umsókn liggur fyrir um starf
aðstoðarskólastjóra Gerðaskóla en
skólanefnd hafði áður frestað af-
greiðslu hennar. Nefndin samþykkti
einróma að mæla með því að Jón Ög-
mundsson gegndi stöðunni áfram.
Hreppsnefnd Gerðahrepps mun
afgreiða málið á fundi sínum fyrir
áramót.
Vilja að að-
stoðarskóla-
stjóri starfi
áfram
Garður
RÍKIÐ og ríkisfyrirtæki hafa spennt
upp verðið á rafveitum að undan-
förnu og það spillti fyrir samruna
Selfossveitna við Hitaveitu Suður-
nesja og Bæjarveitur Vestmanna-
eyja, að mati Júlíusar Jónssonar,
forstjóra Hitaveitu Suðurnesja.
Bæjaryfirvöld í Árborg ákváðu að
draga sig út úr samrunaferli veitu-
fyrirtækjanna þriggja og freista
þess að selja rafveitu sína. Júlíus
segir að ýmislegt hafi haft áhrif á þá
ákvörðun og nefnir sérstaklega kaup
ríkisins á rafveitum á uppsprengdu
verði.
Hann segir að menn hafi einfald-
lega hlegið að háu tilboði sem ríkið
gerði sveitarfélögum á Vestfjörðum í
hlut þeirra í Orkubúi Vestfjarða því
þar hafi augljóslega verið um fé-
lagslega aðstoð að ræða. Það hafi
hins vegar breyst þegar Rafmagns-
veitur ríkisins keyptu Rafveitu
Sauðárkróks á 330 milljónir kr. á
sama tíma og fyrir Alþingi lá frum-
varp um 500 milljóna króna aðstoð
við RARIK með skattlagningu á
önnur orkufyrirtæki í landinu. Þá
hafi mönnum ekki verið skemmt.
Telur Júlíus að RARIK hafi greitt að
minnsta kosti tvöfalt eðlilegt verð
fyrir Rafveitu Sauðárkróks.
Tíminn skipti máli
Hann segir að í þessu ljósi hafi
skipt litlu hvernig rafveita Selfoss-
veitna hafi verið verðlögð við fyrir-
hugaðan samruna orkuveitnanna
þriggja. Þá hafi tíminn líka skipt
máli. Sveitarfélagið væri skuldugt og
mikil verkefni framundan og það
hefði ekki treyst sér til að bíða eftir
því að hlutabréf í sameinuðu orku-
fyrirtæki hækkuðu, þó menn hefðu
verið bjartsýnir á að það gæti gerst,
og eftir því að selja bréfin, þegar þeir
teldu sig geta selt rafveituna strax á
tvö- til þreföldu yfirverði og fengið
peningana sama daginn.
Júlíus er bjartsýnn á að samninga-
menn Hitaveitu Suðurnesja og Bæj-
arveitna Vestmannaeyja nái saman.
Það ráðist síðan af vilja eigenda
hvort þeir telji sér hagfellt að sam-
eina fyrirtækin.
Kaup rafveitna á yfirverði
spilltu fyrir samruna
Reykjanes
D-ÁLMA Heilbrigðsstofnunar Suð-
urnesja í Keflavík verður formlega
opnuð í dag, föstudag, klukkan 16.
Lengi hefur verið unnið að undir-
búningi og byggingu D-álmu við
sjúkrahúsið í Keflavík. Er verið að
taka fyrstu hæð viðbyggingarinnar í
notkun og langlegudeild á annarri
hæðinni verður tekin í notkun á næsta
ári. Er því langþráðu takmarki náð
þegar unnt er að opna húsið formlega.
D-álma form-
lega opnuð
Keflavík
♦ ♦ ♦