Morgunblaðið - 21.12.2001, Blaðsíða 52
MINNINGAR
52 FÖSTUDAGUR 21. DESEMBER 2001 MORGUNBLAÐIÐ
Davíð Osvaldsson
útfararstjóri
Sími 551 3485 • Fax 568 1129
Áratuga reynsla
í umsjón útfara
Önnumst alla þætti
Vaktsími allan sólarhringinn
896 8284
✝ Birgir Axelssonvar fæddur 21.
ágúst 1932. Hann lést
á Heilbrigðisstofnun
Suðurnesja 14. des-
ember síðastliðinn.
Foreldrar hans voru
hjónin Sesselja M.
Magnúsdóttir, f. 19.
janúar 1905, d. 4.
mars 1999, og Axel
Pálsson. f. 22. mars
1907, d. 9. febrúar
1979. Bræður Birgis
eru Magnús, f. 11.
nóvember 1927, d.
19. desember 1988,
og Páll, f. 19. ágúst 1935.
Birgir kvæntist 6. febrúar 1954
Guðrúnu Guðnadóttur, f. 7. sept-
ember 1932, d. 2. apríl 1982. Börn
þeirra eru fjögur: 1) Axel, f. 4. jan-
úar 1952, kvæntur Sigurfríði
Rögnvaldsdóttur. Sonur Axels er
Birgir, f. 17. maí 1978. 2) Guðni, f.
16. ágúst 1956, kvæntur Elsu Inu
Skúladóttur. Þau eiga þrjú börn,
Guðrúnu, f. 10. ágúst 1976, gift
Mariusi Peersen, Björgvin, f. 13.
desember 1980, og Viktor, f. 13.
desember 1989. 3) Sesselja, f. 24.
janúar 1962, gift Jóhanni Ásgrími
Jónssyni. Þau eiga þrjú börn, Þor-
gerði, f. 19. janúar 1987, Guðrúnu,
f. 3. september 1991, og Katrínu,
f. 6. janúar 1995. 4) Ólafur, f. 5.
nóvember 1963, kvæntur Ragn-
hildi Helgu Ingólfsdóttur. Þau
eiga tvö börn, Ingólf, f. 29. sept-
ember 1987, og
Birgi, f. 25. septem-
ber 1991.
Sambýliskona
Birgis frá ágúst 1983
er Elsa Lilja Eyjólfs-
dóttir, f. 7. septem-
ber 1939, ekkja eftir
Garðar Má Vil-
hjálmsson. Þeirra
börn eru fjögur: 1)
Magnús Marel, f. 18.
janúar 1958, kvænt-
ur Guðmundu
Helgadóttur. Þau
eiga þrjú börn,
Garðar Helga, f. 24.
nóvember 1975, Bryndísi Jónu, f.
17. júlí 1981, og Hildi Maríu, f. 28.
janúar 1983. 2) Júlíana Ragna, f.
23. febrúar 1960, gift Frank
Cotto. Þau eiga tvö börn, Elsu
Lilju, f. 21. des. 1986, og Evan
Þór, f. 3. janúar 1994. 3) Guð-
björn, f. 16. apríl 1962, kvæntur
Kristínu Jónsdóttur. Þau eiga tvö
börn, Eyjólf Björgvin, f. 2. júlí
1981, og Rögnvald Má, f. 3. júní
1987. 4) Sævar Már, f. 28. mars
1964, kvæntur Guðríði Walder-
haug. Þau eiga tvö börn Jóhann, f.
18. maí 1987, og Helenu, f. 27.
febrúar 1991.
Birgir ólst upp í Keflavík og bjó
þar alla ævi og starfaði lengst af
við fiskverkun og útgerð.
Útför Birgis fer fram frá Kefla-
víkurkirkju í dag og hefst athöfn-
in klukkan 13.30.
Elsku pabbi minn, nú hefur þú
verið kallaður til annarra og æðri
starfa. Þó að við höfum vitað það
undanfarið ár að hverju stefndi
höfðum við gert okkur góðar vonir
um að þú yrðir með okkur svolítið
lengur, en enginn veit hvenær kall-
ið kemur.
Það er margs að minnast í gegn-
um tíðina.
Við áttum mörg góð ár í fiskhús-
inu saman. Þar hafðir þú manna-
forráð í tugi ára og komu þar best í
ljós þínir góðu kostir. Margt ungt
fólk hefur stigið sín fyrstu skref á
vinnumarkaðnum undir þinni leið-
sögn og hygg ég að það hafi notið
góðs af því síðar meir. Margir
minnast þess tíma með hlýhug sem
þeir unnu hjá þér þó mörg ár eða
áratugir séu liðnir.
Það verður erfitt að geta ekki
talað við pabba ef maður þarf ein-
hverja hjálp. Þú hefur alltaf verið
boðinn og búinn til þess að hjálpa
okkur í gegnum tíðina. Þó svo að þú
hafir alltaf unnið langan vinnudag
varst þú alltaf mættur fyrstur
manna ef við systkinin stóðum í
húsbyggingum eða lagfæringum á
húsum okkar, bílum eða hverju sem
var. Það lék allt í höndunum á þér,
sem kannski sýnir sig best á áhuga-
máli þínu síðustu árin. Þegar um
fór að hægjast í vinnu hjá þér fórst
þú að gera upp gömul húsgögn í
skúrnum hjá þér og fórst það svo
vel úr hendi að eftir var tekið.
Eftir að ég fór á sjóinn fyrir
nokkrum árum gat Ragga mín leit-
að til þín ef hún þurfti aðstoð við
eitt og annað. Ykkar samband var
mjög innilegt og oft varst þú jafn-
vel kominn ef hún var að hugsa um
að hringja til þín.
Við minnumst sérstaklega
sunnudagsmorgnanna, það var svo
notalegt þegar þú kíktir inn í tíu
dropa og yfirleitt varst þú búinn að
kíkja inn til okkar allra fyrir há-
degi. Svona varst þú, hugsaðir um
okkur öll og barst hag okkar allra
fyrir brjósti.
Elsku pabbi minn, við viljum
þakka þér alla vináttuna og kær-
leikann sem þú hefur alltaf sýnt
okkur.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta,
þá sælt er að vita af því
þú laus ert úr veikinda viðjum,
þín veröld er björt á ný.
Ég þakka þau ár sem ég átti,
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfinn úr heimi,
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sig.)
Við kveðjum þig elsku pabbi með
söknuði. Megi Guð styrkja Elsu
Lilju og fjölskyldu okkar í sorginni.
Þinn sonur og tengdadóttir
Ólafur og Ragnhildur.
Kallið er komið... Elsku Biggi
minn, mig langar að þakka þér fyr-
ir móttökunar sem ég fékk þegar
ég kom inn í þína fjölskyldu fyrir 28
árum. Það var notalegt að finna að
þið Gunna tókuð á móti mér eins og
þið hefðuð eignast aðra dóttur, ég
fékk að njóta ykkar yndislegu hlýju
og kærleika sem þið höfðuð svo
mikið að gefa. Það var á þeim árum
sem mikið var að gera í Þverholtinu
og þú stóðst í Fiskhúsinu nær allan
sólarhringinn við vinnu og þú varst
nýbúinn að byggja Þverholt 21, af
þvílíkum myndarbrag og þar áttuð
þið ykkar sælustundir, en svo komu
veikindi Gunnu minnar upp og hún
kvaddi okkur langt fyrir aldur fram
aðeins 49 ára. En lífið heldur áfram
og Elsa Lilja kemur inn í líf þitt
eftir það og hún stóð eins og klettur
við hlið þína það sem eftir var.
Vinna var það sem þú hafðir mest
yndi af og allt til þess tíma meðan
kraftar leyfðu varstu að vinna og
alltaf mátti fara út í skúr til að
dudda eitthvað. En þú hafðir alltaf
tíma til að gefa af þér, varst kátur
og sagðir okkur sögur af samtíma-
fólki þínu, og ekki vantaði að öll
smáatriði fylgdu með. Ekki má
gleyma barnabörnunum sem þér
þótti svo vænt um og varst stoltur
af, alltaf tilbúinn að hrósa og gefa
þeim kærleika,
Elsku Biggi minn, þetta síðasta
ár hefur verið erfitt en þú hefur
staðið þig með sóma. Ég verð að
segja að ég var stolt af þér á næst
síðasta degi þínum þegar við héld-
um fjölskyldufund með læknum og
hjúkrunarfólki til að undirbúa
heimkomu þína nú um jólin. Þá fór
allur tíminn þinn í að þakka þeim
fyrir þá frábæru aðhlynningu sem
þú naust á Heilbrigðisstofnun Suð-
urnesja.
Þakka þér fyrir dásamlega sam-
fylgd. Ég veit í hjarta mínu að við
hittumst síðar.
Þín tengdadóttir
Elsa Skúladóttir.
Það var allaf svo gott að koma til
þín, elsku afi Biggi. Þú áttir alltaf
beiskan brjóstsykur og gos, sem við
gátum fengið eins og við vildum. Þú
varst alltaf svo þolinmóður við okk-
ur og spjallaðir við okkur í róleg-
heitunum. Birgir gat verið með þér
í skúrnum og fengið að smíða með
þinni hjálp og þú sýndir honum
réttu handtökin á verkfærunum
þínum.
Láttu nú ljósið þitt,
loga við rúmið mitt.
Hafðu þar sess og sæti,
signaði Jesús mæti.
(Höf. ók.)
Vertu, Guð faðir, faðir minn,
í frelsarans Jesú nafni,
hönd þín leiði mig út og inn,
svo allri synd ég hafni.
(Hallgr. Pét.)
Elsku afi Biggi, við söknum þín
mikið. Við munum alltaf muna eftir
þér.
Þínir afastrákar
Birgir og Ingólfur.
Heiðursmaðurinn Birgir Axels-
son er látinn eftir erfiðan sjúkdóm
sem hann barðist við í tæpt ár.
Birgir greindist með krabbamein
sem hann ætlaði að sigrast á en
tókst ekki þótt bjartsýnin væri
mikil fram á síðasta dag og var það
aðdáunarvert.
Þegar við hjónin heimsóttum
hann á sjúkrahúsið daginn áður en
hann lést sagði hann okkur frá því
að þegar hann kæmi heim fyrir jól
ætlaði hann að bjóða fjölskyldu og
vinum í hina árlegu skötuveislu á
Þorláksmessu eins og hann og Elsa
sambýliskona hans voru vön að
gera.
Hún stóð með honum sterk og
traust síðastliðin átján ár sem þau
bjuggu saman.
Þegar Ragnhildur dóttir okkar
byrjaði að vera með yngsta syni
Birgis, honum Óla okkar, var henn-
ar framtíð tryggð. Þau giftu sig ár-
ið 1986 og eiga í dag tvo syni, þá
Ingólf og Birgi, góða og efnilega
stráka. Henni Ragnhildi okkar var
vel tekið inn í góða og samheldna
fjölskyldu.
Ragnhildur og Birgir náðu mjög
vel saman í gegnum árin. Óli og
Birgir voru mjög nánir feðgar og
góðir vinir.
Minning um góðan og traustan
fjölskylduföður mun lifa meðal okk-
ar um ókomin ár.
Við viljum senda Elsu Lilju og
fjölskyldu innilegar samúðarkveðj-
ur frá fjölskyldu okkar.
Hvíl þú í friði.
Halldóra og Ingólfur.
Mig langar í fáum orðum að
minnast góðs vinar og einstaks
manns.
Ég kynntist Birgi Axelssyni
fyrst sumarið 1987 er ég hóf stöf
hjá honum í fjölskyldufyrirtæki
sem faðir hans hafði stofnað og
Birgir síðan tekið við eftir hans
daga.
Þegar ég frétti að Birgir hefði
kvatt þennan heim þóttu mér hlut-
irnir afskaplega óraunverulegir því
það var mér eitthvað svo fjarstætt
að eitthvað bugaði þennan sterka
og ákveðna mann en okkur er öllum
ætlað hlutverk annars staðar og
núna var komið að honum.
Mér er sérstaklega minnisstæð-
ur dugnaðurinn og krafturinn sem
einkenndi Bigga og þessi ólýsanlegi
karakter sem gæddi hann.
Ég vann með Bigga allt fram til
ársins 1999 er hann ákvað að
breyta um vinnuumhverfi en þá
hafði hann unnið við hin ýmsu störf
er tengjast sjávarútvegi allt sitt líf
og gaf þar unglömbum eins og mér
og fleirum ekkert eftir þó svo að
allt að 50 ár skildu á milli okkar.
Birgir hafði einstakt lag og mik-
inn áhuga á gömlum húsgögnum og
eyddi hann mörgum stundunum í
skúrnum sínum við að pússa og
lakka forngripi svo úr varð glæsi-
legasta húsgagn.
Mig langar að minnast Bigga
með erindi úr fallegum sálmi.
Hin langa þraut er liðin,
nú loksins hlauztu friðinn,
og allt er orðið rótt,
nú sæll er sigur unninn,
og sólin björt upp runnin
á bak við dimma dauðans nótt.
(Vald. Briem.)
Elsa, Guðni, Óli, Axel, Sella og
fjölskyldur, ykkur votta ég mína
dýpstu samúð og megi guð styðja
ykkur í gegn um þessa miklu sorg.
Jónas Dagur Jónasson.
Elsku Biggi minn, nú er þínu
hlutverki á meðal okkar lokið. Þú
hefur lagt þitt af mörkum svo vægt
sé til orða tekið. Þær eru mér of-
arlega í huga allar ferðirnar niður í
fiskhús og alltaf varst þú að vinna.
Ég gleymi heldur ekki ferðunum á
Laugarvatn, þar var alltaf eitthvað
skemmtilegt við að vera og okkur
leiddist ekki með þér. Ég var ekki
gömul þegar ég fékk fyrst vinnu
hjá þér í skreið og þótti mér það
skemmtilegur og lærdómsríkur
tími. Fyrir þann tíma sem ég vann
hjá þér vil ég þakka. Gunnu þína
misstir þú frá þér, sem var erfitt,
en áttir því láni að fagna að finna
þér annan lífsförunaut og var gott
að sjá ykkur Elsu saman. Þið hæfð-
uð hvort öðru og ykkur leið vel
saman. Með þessum fátæklegu orð-
um vil ég kveðja þig, Biggi minn,
og ég veit að Gunna tekur vel á
móti þér. Elsku Elsa, Axel, Fríða,
Guðni, Elsa, Sella, Jói, Óli, Ragga
og börn, Guð gefi ykkur styrk í
ykkar miklu sorg. Megi Guð vera
með ykkur á þessum erfiðu tímum.
Á hendur fel þú honum,
sem himna stýrir borg,
Það allt, er áttu’ í vonum,
og allt, er veldur sorg.
Hann bylgjur getur bundið
og bugað storma her,
hann fótstig getur fundið,
sem fær sé handa þér.
(B. Halld.)
Hvíl þú í friði.
Guðný Svava.
BIRGIR
AXELSSON
Kveðja frá Lions-
klúbbi Hafnar-
fjarðar
Lions International er fjölda-
hreyfing karla og kvenna um allan
heim. Til þess að geta starfað í
hreyfingunni verða menn að vera
fórnfúsir drengskaparmenn. Lions-
ÍSLEIFUR E.
ÁRNASON
✝ Ísleifur EyfjörðÁrnason málara-
meistari fæddist í
Hrísey 13. ágúst
1928. Hann lést á
Landspítalanum við
Hringbraut 27. nóv-
ember síðastliðinn og
fór útför hans fram
frá Hafnarfjarðar-
kirkju 7. desember.
klúbbur Hafnarfjarð-
ar hefur átt því láni
að fagna að í honum
hafa starfað margir
góðir félagar en nú er
skarð fyrir skildi er
klúbburinn sér á eftir
einum af sínum bestu
félögum við
fráfall Ísleifs Ey-
fjörðs Árnasonar mál-
arameistara.
Ísleifur var í eðli
sínu mikill dreng-
skaparmaður, ötull og
ábyrgur í lífi sínu,
sem fjölskyldufaðir,
málarameistari og í Lionsklúbbi
Hafnarfjarðar.
Ísleifur gekk í Lionsklúbb Hafn-
arfjarðar 1976, sat í stjórn klúbbs-
ins, nokkrum sinnum, var formaður
fjáröflunarnefndar og umsjónar-
maður húsnæðis klúbbsins. Reynd-
ar óskaði hann eftir að fá að mála
nefnt húsnæði, þegar klúbburinn
tók við því tilbúnu undir tréverk og
málningu. Verkið lofaði meistarann
eins og Ísleifs var von og vísa.
Þau 25 ár sem hann starfaði í
Lions var hann með 100% mæt-
ingu. Lionsklúbbur Hafnarfjarðar
valdi Ísleif sem Melvin Johns fé-
laga árið 1997, en það er æðsta við-
urkenning sem Lionsklúbbur getur
veitt félögum sínum fyrir góð störf
í þágu klúbbsins og hreyfingarinn-
ar.
Ísleifur var þeim eiginleikum bú-
inn að hann virtist vera a.m.k. einu
skrefi á undan öðrum við fram-
kvæmdir, því þegar minnst var á
að þetta eða hitt þyrfti að gera var
reyndin sú oftar en ekki að hann
hafði lokið verkinu áður en það
kom til tals meðal félaganna.
Ísleifur fluttist til Hafnarfjarðar
um miðjan sjötta áratuginn og hon-
um þótti vænt um bæinn sinn.
Hann var fæddur í Hrísey og á
honum sannaðist að römm er sú
taug er rekka dregur föðurtúna til.
Er framliðu stundir keypti hann
föðurleifðina í Hrísey og kom öllu í
gott horf. Þar var griðastaður fyrir
þau hjónin og alla fjölskylduna á
sumrin.
Mig grunar að í huga Ísleifs hafi
komið ljóðið „Snert hörpu mína,
himinborna dís,“ eftir skáldið frá
Fagraskógi hinum megin við sund-
ið milli lands og eyjar, þegar hann
leit fegurðina í Eyjafirði í miðnæt-
ursólinni.
Það stendur enginn einn og Ís-
leifur var vel studdur af eiginkonu
sinni Jóhönnu Valdeyju Jónsdótt-
ur, sem tók virkan þátt í störfum
hans, ekki síst innan Lionsklúbbs-
ins. Fyrir þetta viljum við þakka
og sendum henni innilegar sam-
úðarkveðjur svo og börnunum og
fjölskyldum þeirra.
Minningin um góðan dreng lifir.
Blessuð sé minning Ísleifs Árna-
sonar.
F.h. Lionsklúbbs Hafnarfjarðar,
Gissur V. Kristjánsson.
Handrit afmælis- og minningargreina skulu
vera vel frá gengin, vélrituð eða tölvusett.
Sé handrit tölvusett er æskilegt, að disk-
lingur fylgi útprentuninni. Auðveldust er
móttaka svokallaðra ASCII-skráa, öðru
nafni DOS-textaskrár. Ritvinnslukerfin
Word og Wordperfect eru einnig auðveld í
úrvinnslu. Senda má greinar til blaðsins í
bréfasíma 569 1115, eða á netfang þess
(minning@mbl.is) — vinsamlegast sendið
greinina inni í bréfinu, ekki sem viðhengi.
Nánari upplýsingar má lesa á heimasíðum.
Það eru vinsamleg tilmæli að lengd greina
fari ekki yfir eina örk A-4 miðað við með-
allínubil og hæfilega línulengd – eða 2.200
slög. Höfundar eru beðnir að hafa skírnar-
nöfn sín en ekki stuttnefni undir greinunum.