Morgunblaðið - 24.01.2002, Síða 23

ERLENT
MORGUNBLAÐIÐ FIMMTUDAGUR 24. JANÚAR 2002 23
Draumur
kaffiunnenda!
Veitum faglega ráðgjöf um val á kaffivélum.
Fjölbreytt úrval í mörgum litum og gerðum.
SAECO er stærsti framleiðandi
expresso-kaffivéla á Ítalíu.
Expresso-
Cappuccino
kaffivélar
Verð frá kr.
14.915 stgr.
ABDEL Basset Ali al-Megrahi kom
ekki fyrir sprengju í breiðþotu Pan
Am-flugfélagsins sem sprakk yfir
skoska bænum Lockerbie árið 1988,
að sögn verjenda al-Megrahis en
hann kom fyrir áfrýjunarrétt í mál-
inu í Hollandi í gær en réttarhöldin
fara fram í búðum sem voru reistar
vegna Lockerbie-málaferlanna. Verj-
endurnir segjast hafa í fórum sínum
ný gögn sem sanni sakleysi Líbýu-
mannsins sem hlaut lífstíðarfangelsi í
janúar 2001. Farþegaþotan var á leið
frá London til New York; 270 manns
fórust í tilræðinu, þar af nokkrir á
jörðu niðri. Sjónvarpað verður beint
frá réttarsalnum og mun það ekki
hafa gerst fyrr í glæpamáli fyrir
breskum rétti.
Al-Megrahi var fundinn sekur um
að hafa komið sprengjunni fyrir í
ferðatösku sem hann hafi sent frá
Möltu til Frankfurt í Þýskalandi en
þar hafi hún verið látin í vélina sem
sprengd var. Líbýustjórn neitaði ár-
um saman að framselja sakborning-
inn og félaga hans sem var reyndar
sýknaður í réttarhöldunum. Mála-
miðlun náðist loks og var þá ákveðið
að réttað yrði fyrir skoskum dómstóli
en jafnframt að hann myndi starfa í
Hollandi.
Áfrýjunarmálinu var frestað um
einn dag í gær en það hefst aftur í
dag. Framburður verslunareiganda á
Möltu sem var ein mikilvægasta rök-
semdin fyrir dóminum er að sögn
BBC dregin í efa en hann segist hafa
selt al-Megrahi fatnað sem sagt er að
vafið hafi verið utan um sprengjuna í
töskunni. Örlitlar leifar af fataefninu
fundust í braki sem féll til jarðar í
Lockerbie. Óljóst virðist vera hvort
kaupmaðurinn, Tony Gauci, hafi með
vissu borið kennsl á al-Megrahi við
sakbendingu.
Einnig er fullyrt að brotist hafi
verið inn í farangursgeymslu Pan Am
á Heathrow-flugvelli í Englandi 21.
desember, sama dag og breiðþotan
hélt frá Heathrow. Er gefið í skyn að
sprengjunni hafi þá verið smyglað
inn í geymsluna en ekki nokkru fyrr á
Möltu. Búist er við að málið verði allt
að sex vikur fyrir réttinum að þessu
sinni enda jafnt fjölskylda al-Megr-
ahis og aðstandendur þeirra sem fór-
ust sammála um að enn sé margt á
huldu um hvað gerðist.
Bandaríkjamenn hafa krafist þess
að Líbýustjórn taki á sig ábyrgðina
og greiði skaðabætur en al-Megrahi
var í leyniþjónustu Moammars Gadd-
afis Líbýuleiðtoga. Telja margir að-
standendur að Gaddafi hafi sjálfur
gefið skipun um tilræðið. Líbýa er á
lista stjórnvalda í Washington yfir
ríki sem styðja hryðjuverk og sögðu
talsmenn Bandaríkjastjórnar í gær
að ekki yrði breyting þar á.
Áfrýjun vegna Lock-
erbie-tilræðisins
Verjendur segj-
ast hafa ný gögn
sem sanni sak-
leysi al-Megrahis
Zeist-búðunum í Hollandi. AFP.
Reuters
Mohammed Magdami, bróðir al-Megrahis, og fleiri ættingjar mótmæla
dóminum frá því í fyrra við húsakynni skoska réttarins í Hollandi í gær.