Morgunblaðið - 22.03.2002, Qupperneq 13
AKUREYRI
MORGUNBLAÐIÐ FÖSTUDAGUR 22. MARS 2002 13
Multi-vita-min og steinefnablanda
ásamt spirulínu, lecithini,
Aloe vera o.fl. fæðubótarefnum.
Akureyri, sími 462 1889.
Fæst m.a. í Nýkaupi og
í Árnesapóteki Selfossi.
www.islandia.is/~heilsuhorn
Ein með öllu
Frumsýning er sem fyrr segir í
kvöld, önnur sýning er annað
kvöld, laugardagskvöld og þá
verða þrjár sýningar um páskana,
á skírdagskvöld, laugardags-
kvöldið 30. mars og loks 1. apríl,
annan í páskum. Sýningarnar
hefjast allar kl. 20 en miðapant-
anir eru hjá Leikfélagi Akureyr-
ar.
LEIKHÚSKÓRINN flytur óperett-
una Helenu fögru eftir Jacques
Offenbach í Samkomuhúsinu á
Akureyri í kvöld, föstudags-
kvöldið 22. mars kl. 20.
Óperettan byggist á þekktum
frásögunum í kviðum Hómers um
Helenu fögru og París Trójuprins,
en þetta er þó ekki eingöngu saga
af ævintýrum Helenu heldur einn-
ig um hina krínólínuklæddu og
gaslýstu karnivalborg París á tím-
um Napóleons III.
Skúli Gautason er leikstjóri, en
hann stýrði Leikhúskórnum einn-
ig síðastliðið vor þegar kórinn
setti upp Sígaunabaróninn. Roar
Kvam er tónlistarstjóri, en hann
hefur stjórnað Leikhúskórnum frá
upphafi, árið 1995, utan einn vet-
ur. Sigurður Ingólfsson þýddi
verkið. Hljómsveitina skipa þau
aladar R’acs, Björn Leifsson, Dav-
íð Þór Helgason, Hjálmar Sig-
urbjörnsson, Marika Alavere og
Una Björg Hjartardóttir.
Leikhúskórinn sýnir Helenu fögru
Morgunblaðið/Rúnar Þór
Leikhúskórinn frumsýnir óperettuna Helenu fögru í Samkomuhúsinu í
kvöld og býður upp á þrjár sýningar um páskana.
DJANGÓVETRARHÁTÍÐ
hófst á Akureyri í gær með tón-
leikum Robin Nolan-tríósins í
Ketilhúsinu við Kaupvangs-
stræti.
Fáir listviðburðir hafa slegið
jafnrækilega í gegn á Akureyri
og árlegir djasstónleikar Robin
Nolan-tríósins en síðasta sum-
ar náði „Django Jazz 2001 há-
tíðin“ hápunkti sínum þegar á
sjöunda hundrað manns sóttu
lokatónleika hátíðarinnar.
Á tónleikum sem haldnir
verða í Deiglunni í kvöld, föstu-
dagskvöld leikur hljómsveitin
Hrafnaspark frá Akureyri með
tríóinu ásamt pólska fiðluleik-
aranum Marcin Lazarz. Enda-
hnúturinn á hátíðinni verður
bundinn með sannkallaðri síg-
aunasveiflu 10 manna sígauna-
stórsveitar ásamt Robin Nolan-
tríóinu í Ketilhúsinu á laugar-
dagkvöld, 23. mars kl. 21.15.
Django Jazz 2002 verður svo
haldin í sumar, dagana 14. til
17. ágúst
Djangó-
vetr-
arhátíð
Robin Nolan-tríóið
KAMMERTÓNLEIKAR
verða haldnir í Laugarborg í
Eyjafjarðarsveit á morgun,
laugardaginn 23. mars kl. 16.
Flytjendur á tónleikunum eru
þau Ásdís Arnardóttir selló-
leikari, Magnea Árnadóttir
flautuleikari og Jón Sigurðsson
píanóleikari. Flytjendurir eiga
það sameiginlegt að hafa langt
framhaldsnám að baki og öll
hafa þau stundað nám í Banda-
ríkunum. Ásdís, Jón og Magnea
eru virkir flytjendur kammer-
tónlistar og hafa síðastliðnar
vikur flutt þessa efnisskrá víða
um land. Efnisskrá tónleikanna
er fjölbreytt og óvenjuleg en
þar er að finna sjaldheyrð verk
eftir Skúla Halldórsson, Jór-
unni Viðar, Carl Maria von
Weber og Norman Dello Joio.
Miðasala er við innganginn.
Kammer-
tónleikar
ÚTGERÐARFÉLAG Akureyringa
hefur gengið frá samkomulagi við
SISL-Sevryba Tow Limited um
kaup á frystitogaranum Sevryba-2
en hann var smíðaður í Danmörku
árið 1998. Guðbrandur Sigurðsson
framkvæmdastjóri ÚA greindi frá
þessu á fundi sem efnt var til í gær
þar sem kynntar voru fyrirhugaðar
breytingar á starfsemi félagsins í
kjölfar þess að Eimskip hefur keypt
ráðandi hlut í því.
Nýja skipið
kemur í stað
Sléttbaks sem
ÚA hefur gert
út frá árinu
1973, fyrst sem
ísfiskveiðiskip
og síðar frysti-
skip. Sléttbakur
verður settur
upp í kaupverðið og nemur heildar-
fjárfesting ÚA í þessum viðskiptum
680 milljónum króna.
Hagstætt tilboð
Sevryba-2 var smíðaður í Dan-
mörku fyrir fjórum árum og er
skipið 58 metra langt og 13,5 metra
breitt.
Guðbrandur sagði að skipið yrði
eitt hið stærsta og öflugasta bol-
fiskfrystiskip landsins. Skipið verð-
ur afhent í fyrstu viku aprílmán-
aðar, en það er nú við veiðar við
Grænland. Sléttbakur verður svo
afhentur nýjum eigendum síðar í
vor.
Ingimundur Sigurpálsson, for-
stjóri Eimskips, gerði á fundinum
grein fyrir tilboði til hluthafa ÚA,
en félagið skapaði sér yfirtöku-
skyldu gagnvart öðrum hluthöfum
með kaupum á tæplega 19% hlut í
ÚA á dögunum og á Eimskip nú yf-
ir 50% hlut í ÚA. Í kaupunum var
miðað við kaupgengið 7,2. Ingi-
mundur sagði ávinning hluthafanna
fyrst og fremst þann að þeir fengju
gott skiptaverð fyrir bréf sín, eða
20% hærra en það verð sem verið
hefur á markaðnum að undanförnu.
Hluthafar myndu þá eignast bréf í
Eimskip sem verður móðurfélag
nýs sjávarútvegsfélags með höfuð-
stöðvar á Akureyri. Aðrir þættir
starfseminnar eru sem kunnugt er
flutninga- og fjárfestingastarfsemi.
Ingimundur sagði kaupin á ráð-
andi hlut í ÚA hafa borið brátt að,
en Búnaðarbankinn hefði ákveðið
að selja bréf sín og haft samband
við Eimskip sem og fleiri fjárfesta.
„Og við vildum ekki láta þetta tæki-
færi fram hjá okkur fara“ sagði
Ingimundur.
Hann sagði að ÚA yrði horn-
steinn í öflugu sjávarútvegsfyrir-
tæki og yrði stefnt að því að efla
starfsemi þess. Leitað yrði eftir
samruna við önnur félög og þá í
fyrstu horft til Skagstrendings í
þeim efnum, en Eimskip keypti
einnig nú nýlega aukinn hlut í því
félagi og á þar nú 41% hlut. „Við
munum á næstunni ræða þetta mál
við heimamenn, við ætlum okkur að
vinna þetta í nánu samstarfi við
þá,“ sagði Ingimundur.
Hluthafafundur í apríl
Guðbrandur benti á í sínu erindi
að tilboð Eimskips til hluthafa væri
hagstætt. Skiptaverðið væri um
20% hærra en markaðsverð að und-
anförnu auk þess sem bréf í Eim-
skip væru seljanlegri en hlutabréf í
ÚA. Hluthafafundur verður hjá
Eimskip 4. apríl næstkomandi og
hafa hluthafar 4 vikur þaðan í frá til
að taka afstöðu til tilboðsins.
Kaup Eimskips á ráðandi hlut í ÚA kynnt hluthöfum á Akureyri
ÚA hefur keypt eitt stærsta
bolfiskveiðiskip landsins
Morgunblaðið/Kristján
Guðbrandur Sigurðsson, framkvæmdastjóri ÚA, Friðrik Jóhannsson,
stjórnarformaður félagsins, Ingimundur Sigurpálsson, forstjóri Eim-
skips, og Kristján Þór Júlíusson, bæjarstjóri á Akureyri, ræða málin.