Morgunblaðið - 22.03.2002, Blaðsíða 47
FRÉTTIR
MORGUNBLAÐIÐ FÖSTUDAGUR 22. MARS 2002 47
LIBERA 20
mjaðmasokkabuxur
með glærum tám.
Þegar mikið
stendur til.
Kynning
í dag í Lyf og heilsu
Kringlu kl. 13-17,
Lyf og heilsu Mjódd
kl. 14-18.
20% afsláttur
af öllum
vörum.
sokkar, sokkabuxur, undirföt
oroblu@islensk-erlenda.is
Mjódd og Kringlunni
MORGUNBLAÐINU hefur borist
eftirfarandi fréttatilkynning frá
Greiningar- og ráðgjafarstöð ríkisins:
„Vegna umræðna í fjölmiðlum
undanfara daga um fjárhagsvanda
Greiningar- og ráðgjafarstöðvar rík-
isins vilja forráðamenn hennar koma
eftirfarandi á framfæri:
Unnið er að endurskoðun á rekstr-
aráætlun stöðvarinnar í samvinnu við
félagsmálaráðuneytið. Markmið
þessarar endurskoðunar er að færa
mannahald Greiningarstöðvar til
þess horfs, sem það var í við ársbyrj-
un 2001. Í framhaldi af þessu verður
leitað eftir sérfræðingum í þær stöð-
ur, sem nú eru ómannaðar. Fyrst
þegar tekist hefur að ráða starfsfólk
að nýju má búast við að afköst komist
í fyrra horf.
Þeir skjólstæðingar, sem ekki
njóta þjónustu stöðvarinnar að sinni,
verða á biðlista, á meðan unnið er að
ofangreindri lausn málsins og mun
Greiningarstöðin hafa samband við
aðstandendur þeirra og aðra sam-
starfsaðila, þegar lausn hefur feng-
ist.“
Greiningar- og ráðgjafarstöð ríkisins
Unnið að ráðningu
sérfræðinga
NÝLEGA var framkvæmd blóð-
fitu– og blóðþrýstingsmæling á 82
einstaklingum á Blönduósi. Að
mælingunni stóð Félag hjartasjúk-
linga á Norðurlandi vestra og
Landssamtök hjartasjúklinga
ásamt SÍBS.
Þetta er sjöunda mælingarverk-
efnið sem Landssamtök hjarta-
sjúklinga standa fyrir á stuttum
tíma.
Jafnframt var haldinn aðal-
fundur Félags hjartasjúklinga á
Norðurlandi vestra og tók Sig-
urlaug Þ. Hermannsdóttir, Blöndu-
ósi, við formannsstörfum af Júlíusi
Júlíussyni, Siglufirði, segir í frétta-
tilkynningu.
Lögregluþjónar á Blönduósi gangast undir blóðfitu- og blóðþrýstings-
mælingu hjá Valgerði Guðmundsdóttur hjúkrunarframkvæmdastjóra
og Eddu Kristmundsdóttur meinatækni.
Blóðþrýstingur
mældur á Blönduósi
ORKUGANGAN 2002 verður haldin
sunnudaginn 24. mars á framtíðar-
vinnslusvæði Orkuveitunnar á
Hellisheiði í nágrenni Skíðaskálans í
Hveradölum. Boðið verður upp á
þrjár vegalengdir, 3 km fjölskyldu-
göngu, 5 km garpagöngu og 10 km
hreystigöngu. Gönguna má hefja
hvenær sem er frá kl. 13 – 15 en
henni lýkur kl. 16.
Þetta er samstarfsverkefni milli
Skíðasambands Íslands og Orkuveit-
unnar og er liður í útbreiðslustarfi
sem SKÍ hefur staðið fyrir undanfar-
in ár. Orkugangan er skíðaganga
fyrir fjölskylduna, jafnt byrjendur
sem lengra komna. Hægt verður að
fá skíðaútbúnað lánaðan á staðnum
auk þess sem leiðbeinendur frá
Skíðasambandinu verða þátttakend-
um innan handar.
Allir þátttakendur fá verðlauna-
pening og er ekkert þátttökugjald.
Orkugangan
2002
SAMFYLKINGIN í Reykjavík
verður með kaffispjall um veitumál
borgarbúa í dag, laugardaginn 23.
mars kl. 11 í Austurstræti 14 í
Reykjavík. Frummælandi verður
Helgi Hjörvar forseti borgarstjórn-
ar og stjórnarmaður í Orkuveitu
Reykjavíkur.
Laugardaginn 6. apríl verður
fjallað um jafnréttismál, 13. apríl um
lýðræðismál og 20. apríl um miðbæj-
armál. Laugardagsfundir Samfylk-
ingarinnar í Reykjavík eru opnir öll-
um, segir í frétt frá stjórn
Kjördæmafélags Samfylkingarinnar
í Reykjavík.
Samfylkingin
fjallar um
borgarmálefni
GLEÐIGJAFAR í Kópavogi verða
með tískusýningu í Gullsmára 13 í
Kópavogi í dag, föstudaginn 22. mars
kl. 15. Sýnendur verða bæði konur
og karlar sem starfa innan fé-
lagsstarfs eldra fólks í Kópavogi.
Sýndur verður fatnaður frá versl-
uninni Debenham í Smáralind.
Allir velkomnir og án endurgjalds,
segir í fréttatilkynningu.
Tískusýning eldra
fólks í Gullsmára
DAGUR Norðurlanda er tuttugasti
og þriðji mars nefndur. Á þessum
degi árið 1962 var Helsinkisáttmál-
inn undirritaður af fulltrúum rík-
isstjórna Norðurlandanna fimm.
Sáttmálinn kveður á um mörg atriði
sem íbúar á Norðurlöndum hafa
vanist að telja sjálfsögð réttindi, s.s.
um rétt til atvinnuleitar og fé-
lagslegrar þjónustu í öðru Norður-
landi, svo og um fjölbreytt samstarf
á sviði menningar, vísinda og
menntunar.
Í tilefni dagsins bjóða Norrænu
félögin um öll Norðurlönd til veislu
þar sem norrænar hefðir í mat og
drykk verða hafðar í hávegum.
Sameiginlegur matseðill hefur verið
unninn í samstarfi við norræna hús-
stjórnarkennara og er viðbúið að
fjöldi fólks frá Reykjavík til Hels-
inki muni samtímis sitja að veislu-
borðum og gæða sér á samskonar
mat og drykk í góðum félagsskap.
Til viðbótar við veislur Norrænu
félaganna munu veitingahúsin Frið-
rik V á Akureyri, Fjörukráin, Rauða
húsið á Eyrarbakka, Naustið, Apó-
tek, bar grill og kaffistofa Norræna
hússins bjóða upp á girnilegan mat
með norrænu ívafi.
Með verkefninu Norræn veisla
vilja Norrænu félögin leggja drög
að nýrri hefð; að dagur Norðurlanda
verði tilefni til mannamóta og fagn-
aðar með áherslu á sameiginlegan
menningararf frændþjóðanna í mat
og drykk, segir í fréttatilkynningu.
Norræn veisla á
degi Norðurlanda
ÁLFTANESHREYFINGIN –
mannlíf og umhverfi heldur skoðana-
könnun um uppröðun á framboðs-
lista til sveitarstjórnarkosninganna í
vor. Könnunin fer fram í Álftanes-
skóla sunnudaginn 24. mars kl. 11–
21.
Rétt til þátttöku hafa þeir sem eru
fæddir 1986 eða fyrr og hafa lög-
heimili í Bessastaðahreppi.
Álftaneshreyfingin er sameigin-
legt framboð Framsóknarflokks,
Samfylkingarinnar, Vinstrihreyfing-
arinnar græns framboðs og tvennra
samtaka óflokksbundinna einstak-
linga, Álftaneslistans og Hagsmuna-
samtaka Bessastaðahrepps.
Álftanes-
hreyfingin með
skoðanakönnun