Morgunblaðið - 22.03.2002, Blaðsíða 16
LANDIÐ
16 FÖSTUDAGUR 22. MARS 2002 MORGUNBLAÐIÐ
MEISTARINN.IS
TÓNLEIKAR verða haldnir í
fyrsta sinn í Reykholtskirkju í
Borgarfirði nk. á laugardag, þar
sem leikið er á nýuppsett pípuor-
gel kirkjunnar. Síðustu vikur hef-
ur vinna við að koma orgelinu
fyrir verið í fullum gangi og sér-
fræðingar frá Danmörku dvalið í
Reykholti við uppsetningu og
stillingar.
Orgelið var smíðað árið 1934 í
Kaupmannahöfn og þjónaði í
Dómkirkjunni í Reykjavík allt til
ársins 1985 þegar Reykholts-
kirkja festi kaup á því fyrir hina
fyrirhuguðu nýju kirkjubyggingu
sína. Í millitíðinni hefur hljóð-
færið verið geymt hjá organista
Reykholtskirkju, Bjarna Guðráðs-
syni í Nesi, en var flutt út til
Kaupmannahafnar fyrir rúmu ári
síðan, þar sem samið var við þá
orgelsmiðju sem upphaflega
smíðaði orgelið „Frobenius &
sønner“ um endurgerð þess og
uppsetningu í kirkjunni.
Hljóðfærið er á orgellofti kirkj-
unnar og segir Bjarni að upp-
runalegri gerð hafi verið haldið
eftir fremsta megni en umgjörðin
löguð að þessari kirkju. Upp-
hafleg raddskipan, með 26 rödd-
um, hefur fengið að halda sér og
hefur orgelið 3 hljómborð og fót-
spil. Bjarni vitnar til skrifa Páls
Ísólfssonar, sem lengst allra spil-
aði á þetta hljóðfæri, um að radd-
skipan hljóðfærisins hafi upp-
haflega verið ákveðin með
hliðsjón af þeirri gömlu orgelhefð
sem var í Þýskalandi frá tímum
Bachs og þar áður.
Tónleikar helgarinnar eru
styrktartónleikar til fjársöfnunar
fyrir orgelið, í tilefni endurkomu
þessa hljóðfæris í íslenskt tónlist-
arlíf. Þrír organistar sem þekkja
hljóðfærið vel frá fyrri tíð leika á
það á laugardag, en það eru þeir
Marteinn H. Friðriksson, Kjartan
Sigurjónsson og Haukur Guð-
laugsson. Sameinaður kór Hvann-
eyrar- og Reykholtskirkju syngur
einnig við þetta tækifæri. Um
páskana verður orgelið svo vígt
formlega til notkunar að við-
stöddum Karli Sigurbjörnssyni,
biskupi Íslands.
Gamla Dóm-
kirkjuorgelið
fær nýtt líf
Reykholt
Morgunblaðið/Sigríður Kristinsdóttir
Þessa dagana er unnið við lokafrágang á hinu nýgamla pípuorgeli. F.v. Bjarni Guðráðsson, organisti kirkj-
unnar, sóknarprestur Reykholtskirkju, sr. Geir Waage, og Ole Høyer, orgelstillingamaður frá Danmörku.
Frá
Miðjarðarhafinu
í apótekið þitt
„Pharmaceutical - Grade“
ólífuolía í gelhylkjum með
vítamínum, jurtum og/eða
steinefnum.
Heilsuleikur
Þú gætir unnið ferð til
Spánar!
Aðeins í Plúsapótekunum
www.plusapotek.is
UM næstu verslunarmannahelgi
2.–4. ágúst verður haldið í Stykkis-
hólmi 5. unglingalandsmót UMFÍ.
Mótið er fyrir unglinga á aldrinum
11–16 ára. Lögð verður áhersla á
fjölbreytta dagskrá bæði í keppni og
leik fyrir alla fjölskylduna. Í Stykk-
ishólm er fjölskyldan velkomin á
þessari stærstu ferðamannahelgi
ársins og ókeypis aðgangur fyrir þá
sem þar vilja vera.
Landsmótsnefnd boðaði til fundar
með styrktaraðilum mótsins. Þar var
mótið kynnt og skrifað undir sam-
starfssamninga milli landsmóts-
nefndar og fyrirtækja og samtaka.
Mótið verður raunhæfur kostur
fyrir allar fjölskyldur landsins sem
vilja skemmta sér á heilbrigðan og
skemmtilegan hátt. Þá er mótið
framlag UMFÍ til að gera verslunar-
mannahelgina að helgi hollustu og
heilbrigðis.
Framkvæmd mótsins er í höndum
HSH og sameiginlegt verkefni allra
ungmennafélaga á Snæfellsnesi, en
mótið fer eingöngu fram í Stykkis-
hólmi, þar sem allar aðstæður til
mótahalds eru mjög góðar.
Keppt verður í eftirtöldum grein-
um hjá 11–16 ára krökkum: Knatt-
spyrnu, körfuknattleik, frjálsum
íþróttum, sund, skák, hestaíþróttum,
golfi og glímu. Auk þessa verður
boðið upp á hæfileikakeppni í tónlist,
dansi, leiklist og rappi. Tíu atriði
hljóta viðurkenningu og verða sýnd
á kvöldvöku. Fyrir þá sem ekki hafa
áhuga á keppni verður boðið upp á
tónleika, kvöldvökur, leiksýningar,
leiktæki og útivistardagskrá. Mikill
metnaður er lagður í dagskrána og
undirbúning mótsins. Sérstök dag-
skrá verður fyrir foreldra og yngri
systkini og víst er að allir í fjölskyld-
unni finna eitthvað skemmtilegt að
gera og njóta þess að vera saman þar
sem ekki þarf að hafa áhyggjur af
áfengi eða öðrum vímuefnum.
Aðstæður til mótahalds í Stykk-
ishólmi eru mjög góðar. Íþrótta-
mannvirki eru afar góð, ný sundlaug,
nýlegt íþróttahús og góður íþrótta-
völlur og byggingar grunnskólans í
næsta nágrenni. Stutt er á milli allra
keppnisstaða, svo það er auðvelt fyr-
ir gesti að fylgjast með fjölbreyttri
íþróttadagskrá. Á Unglingalands-
mótinu munu í fyrsta skipti erlendir
þátttakendur verða meðal gesta..
Gerður hefur verið samningur við
Golfklúbbinn Mostra og Hesteig-
endafélag Stykkishólms um að sjá
um keppni í golfi og hestaíþróttum
og hefur Stykkishólmsbær styrkt fé-
lögin sérstaklega til að þau geti tekið
verkefnið að sér.
Helstu styrktaraðaðilar mótsins
eru Búnaðarbanki Íslands, Áfengis-
og vímuvarnaráð, Landssíminn,
Stykkishólmsbær og Vífilfell.
Landsmótsnefnd í Stykkishólmi: Jóhann Haukur Björnsson fram-
kvæmdastjóri, Guðmundur Sigurðsson, Lilja Stefánsdóttir, Guðrún A.
Gunnarsdóttir, Kjartan Páll Einarsson og Gunnar Svanlaugsson.
Morgunblaðið/Gunnlaugur Árnason
Þessir krakkar úr Stykkishólmi eru klæddir bolum merktum unglinga-
landsmótinu og munu taka þátt í því um verslunarmannahelgina.
Fjölbreytt fjölskyldumót
um verslunarmannahelgina
Stykkishólmur
Unglingalandsmót UMFÍ opið öllum börnum á aldrinum 11–16 áraflísar
Stórhöfða 21, við Gullinbrú,
sími 545 5500.
www.flis.is netfang: flis@flis.is