Morgunblaðið - 30.04.2002, Síða 14

HÖFUÐBORGARSVÆÐIÐ
14 ÞRIÐJUDAGUR 30. APRÍL 2002 MORGUNBLAÐIÐ
STJÓRN Skipulagssjóðs
hefur samþykkt að taka
næsthæsta tilboði í eignir
borgarinnar á Ölgerð-
arreitnum svokallaða, en
reiturinn afmarkast af
Klapparstíg, Frakkastíg,
Njálsgötu og Grettisgötu.
Tilboði BTS bygginga ehf.
var tekið og hljóðar það
upp á 30 milljónir króna.
Ráðgert er að rífa hús Öl-
gerðarinnar á Njálsgötu 21
auk nokkurra bakhúsa.
Önnur hús í reitnum verða
endurgerð, en á reitnum
eru nú fjögur hús auk við-
bygginga. Heildarflatarmál
lóðanna er 1.100 fermetrar
og heildarflatarmál húsa er
í dag 1.755 fermetrar.
Í tillögunum er gert ráð
fyrir að hús sem komi í stað
gamla Ölgerðarhússins
verði jafnhátt því sem þar
er í dag, verði 3 hæðir með
risi. Íbúðirnar verða 20
talsins samkvæmt tillög-
unni, allt frá minni tveggja
herbergja íbúðum til stærri
fjögra herberga risíbúða.
Þorsteinn I. Garðarsson,
framkvæmdastjóri Skipu-
lagssjóðs, segir að hug-
myndir BTS bygginga að
framtíðaruppbyggingu á
svæðinu falli vel að byggð-
inni í nágrenninu og þess
vegna hafi því tilboði verið
tekið. Hugmyndir hæst-
bjóðanda í reitinn þóttu
ekki falla að fyrirliggjandi
deiliskipulagstillögu svæð-
isins, samkvæmt umsögn
Skipulags- og bygg-
ingasviðs Reykjavík-
urborgar.
Verndun
byggðamynsturs
„Skipulag gerir ráð fyrir
að á þessum reit sé í gildi
svokölluð byggðamynst-
ursverndun,“ segir Jóhann-
es S. Kjarval, verkefn-
isstjóri deiliskipulags í
miðborginni. „Hún gerir
ráð fyrir að ákveðin ein-
kenni byggðarinnar verði
vernduð, þ.e. að haldið
verði í þessi sundurleitu og
stakstæðu hús í öllu sem
byggt er nýtt á reitnum.“
Jóhannes segir að hús Öl-
gerðarinnar hafi verið
skoðuð ítarlega og að Ár-
bæjarsafnið hafi m.a. kynnt
sér vélar og annað frá tíð
Ölgerðarinnar. „Menjar á
staðnum eru áhugaverðar í
sjálfu sér út frá iðn-
aðarsögulegu tilliti, en ekki
stendur til að varðveita
þær sérstaklega. Þegar
hefur Ölgerðin sjálf tekið
hluta þeirra í sína vörslu
svo og Carlsberg í Kaup-
mannahöfn.“
Lítil starfsemi hefur ver-
ið í húsunum á Ölgerð-
arreitnum frá því Ölgerðin
flutti höfuðstöðvar sínar
upp á Höfða, en á Njálsgötu
21 var þó fram á síðasta
haust notast við bruggt-
anka í kjallara hússins.
Öðrum faldar fram-
kvæmdir á lóðinni
Reykjavíkurborg keypti
fyrir nokkrum árum húsin
á lóðinni af Ölgerð Egils
Skallagrímssonar er hún
flutti starfsemi sína upp á
Höfða. „Tilgangurinn með
kaupunum var tvenns-
konar,“ segir Þorsteinn,
„annars vegar að greiða
fyrir því að Ölgerðin kæm-
ist á nýjan stað sem hentaði
betur hennar starfsemi og
talið var að borgin væri sá
aðili sem gæti breytt land-
notkun á reitnum svo hún
félli betur að hugmyndum
um framtíðarnýtingu á
svæðinu.“
Skipulagssjóði var síðan
falið það hlutverk að aug-
lýsa eftir tilboðum í reitinn.
„Tilgangur Skipulagssjóðs
er fyrst og fremst að koma
að fasteignakaupum þar
sem liðka þarf til fyrir
skipulagi, hvort sem um
kaup á nýjum jörðum eða á
einstaka húseignum er að
ræða. Oftast eru húsin
keypt til niðurrifs þegar
búið er að ákveða framtíð-
arnýtingu. Útboðið í Öl-
gerðarreitinn er því und-
antekning, þ.e. að borgin
selji öðrum aðilum eign-
irnar, sem hún telur þá bet-
ur til þess fallna að sjá um
framkvæmd verksins.“
Endurnýj-
un í Ölgerð-
arreitnum
Morgunblaðið/Golli
Verksmiðjuhúsið verður rifið og 20 íbúða hús reist á lóðinni.
Miðborg
FJÓRIR leikskólar í Hafn-
arfirði; Álfaberg, Hlíðarberg,
Hlíðarendi og Smáralundur
hafa gefið út skólanámskrár,
en unnið er að gerð slíkra
námskráa við alla leikskóla
bæjarins. Námskrá skólanna
var kynnt á dögunum.
Árið 1999 gaf menntamála-
ráðuneytið út aðalnámskrá
leikskóla og síðan þá hafa
leikskólar landsins verið að
vinna eigin skólanámskrár
enda kemur fram í aðalnám-
skránni að á grunni hennar
beri sérhverjum leikskóla að
semja skólanámskrá þar sem
gerð er uppeldis- og náms-
áætlun til lengri tíma. Mark-
miðið með því er að sérhver
leikskóli nýti sérstöðu sína
hvar sem hann er í sveit sett-
ur.
Mismunandi leiðir hafa
verið farnar í þessari vinnu í
leikskólum landsins en í
Hafnarfirði var ákveðið að
reyna á frumkvæði hvers
leikskóla sem ynni sína
skólanámskrá með faglegri
ráðgjöf og leiðbeiningu frá
leikskóladeild Skólaskrifstof-
unnar. Þetta kemur fram í
frétt frá Hafnarfjarðarbæ.
„Þannig yrði námskráin lif-
andi og nytsamlegt plagg
sem myndi nýtast leikskóla-
starfinu,“ segir þar ennfrek-
ar.
Bryndís Garðarsdóttir,
leikskólaráðgjafi, hefur séð
um kennslu og ráðgjöf við
námskrárgerðina fyrir leik-
skóladeildina. Bryndís hélt
námskeið við upphaf vinn-
unnar fyrir fagfólk þar sem
m.a. var farið yfir hugmynda-
fræði námskrárgerðar. Einn-
ig tilgreindi hún helstu þætti
slíkrar námskrár og setti
fram hugmyndir um hvernig
hægt væri að vinna nám-
skrána í leikskólunum sjálf-
um. Síðastliðin þrjú ár hafa
bæjaryfirvöld veitt fjármagni
til námskrárgerðarinnar og í
ár eru 500 þúsund á fjárhags-
áætlun fyrir alla leikskólana
til þessa verkefnis.
Nám-
skrár
leikskóla
kynntar
Hafnarfjörður
NÝ slökkvistöð Slökkviliðs
höfuðborgarsvæðisins að
Skútahrauni í Hafnarfirði
var opnuð á laugardag. Við
sama tækifæri var nýr og
glæsilegur tækjabíll
Slökkviliðsins kynntur til
sögunnar.
Stöðin er alls um 1.640
fermetrar að stærð og
nemur heildarkostnaður
við verkið um 312 millj-
ónum króna. Veglegt úti-
vistarsvæði til æfinga er
við stöðina en þar er einnig
búnaðarmiðstöð almanna-
varna. Þá verður aðstaða á
lóðinni fyrir hundabjörg-
unarsveit Björgunarsveitar
Hafnarfjarðar.
Þetta er í þriðja sinn sem
slökkvistöð er tekin í notk-
un í Hafnarfirði en fyrst
var búnaður slökkviliðs
Hafnarfjarðar geymdur í
kjallara barnaskólans við
Suðurgötu. Var fyrsta
slökkvistöðin að Vest-
urgötu 6, þar sem nú er
Sjóminjasafn Íslands, en
síðan 1974 hefur slökkvi-
stöðin verið við Flata-
hraun.
Á sunnudag var almenn-
ingi boðið í heimsókn á
nýju stöðina og af því til-
efni var gömlum slökkvi-
liðsbílum ekið um nágrenn-
ið til að hvetja almenning
til að skoða sig þar um.
Var aðsóknin eftir því
góð eins og sjá má á með-
fylgjandi mynd. Á minni
myndinni má sjá
Magnús Gunn-
arsson, bæj-
arstjóra Hafn-
arfjarðar,
Ingibjörgu Sól-
rúnu Gísladóttur
borgarstjóra og
Jóhann Sig-
urjónsson, bæj-
arstjóra í Mos-
fellsbæ munda
skærin til að
klippa á vígslu-
borðann á laug-
ardag.
Fjölmenni við opn-
un slökkvistöðvar
Hafnarfjörður
FYRSTA skóflustungan að
50 metra yfirbyggðri keppn-
islaug og líkamræktarstöð í
Laugardal var tekin í síðustu
viku. Borgarstjórinn í
Reykjavík, Ingibjörg Sólrún
Gísladóttir, tók skóflustung-
una.
Byggingin verður 5.580
fermetrar að stærð og hljóð-
ar kostnaðaráætlun upp á
rúman milljarð króna fyrir
fullfrágengið hús með laus-
um innréttingum og búnaði.
Gert er ráð fyrir færanlegri
brú yfir laugina og lyft-
anlegum botni að hluta. Í
ársbyrjun 2003 er stefnt að
því að ljúka ytri frágangi svo
unnt verði að taka húsið í
notkun með öllu árið 2004.
Rekstur líkamsrækt-
arstöðvarinnar verður í
höndum World Class. Morgunblaðið/Jim Smart
Skóflu-
stunga að
sundlaug
og líkams-
ræktarstöð
Laugardalur
Borðstofuhúsgögn
Stakir sófar
Persnesk teppi og mottur
Ýmislegt áhugavert fyrir safnara
Victoria Antik, Síðumúla 34, sími 568 6076
Antik er fjárfesting
Antik er lífsstíll
Opið mán.-fös. kl. 12-18
lau. kl. 12-16
Morgunblaðið/Júlíus