Morgunblaðið - 30.04.2002, Page 18

SUÐURNES
18 ÞRIÐJUDAGUR 30. APRÍL 2002 MORGUNBLAÐIÐ
SAMFYLKINGIN í Reykjanesbæ
leggur áherslu á starf, ekki bygging-
ar, að sögn Jóhanns Geirdals efsta
manns á S-listanum fyrir komandi
bæjarstjórnarkosningar. Þá leggur
framboðið áherslu á jafna aðstöðu
íbúanna, meðal annars til náms og
segir Jóhann að endurgjaldslausar
skólamáltíðir fyrir öll börn séu mik-
ilvægur liður í því.
Frambjóðendur Samfylkingarinn-
ar við bæjarstjórnarkosningarnar í
Reykjanesbæ eru um þessar mundir
að kynna stefnuskrá framboðsins.
Hún er borin í hús og birt á vef S-
listans, www.s-listinn.is.
Stefnuskránni er skipt upp í þrett-
án efnisflokka. Í umhverfismálum
kemur fram vilji til þess að íbúum
verði með ýmsum hætti gert auðveld-
ara að taka upp umhverfisvænni lífs-
stíl og að grunnur að því verði lagður
í leik- og grunnskólum bæjarins.
Átaki verði haldið áfram í frárennsl-
ismálum og áhersla lögð á hreinsun
strandlengjunnar. Jóhann tekur
fram að flokkurinn lofi ekki stórfram-
kvæmdum á Fitjum, enda ekki nema
að litlu leyti á færi bæjaryfirvalda,
hins vegar verði aðstaða fyrir áhuga-
menn um fuglaskoðun við Fitjar
bætt.
Samfylkingin vill tryggja rétt allra
til atvinnu. Í því efni er m.a. nefnt að
smásöluverslun og þjónusta verði
efld, fjölbreytt atvinnusvæði Reykja-
nesbæjar, Keflavíkurflugvallar og
hafnir bæjarins verði nýtt til atvinnu-
sköpunar ásamt vistvænni orku.
Lögð er áhersla á umhverfissjón-
armið og samráð við íbúa í skipulags-
málum. Endurbygging Hafnargötu
verður forgangsverkefni. Samfylk-
ingin vill hefjast strax handa við deili-
skipulagningu íbúðarhverfis í Innri-
Njarðvík. Jóhann segir að byggja
þurfi þar upp 2.000–2.500 íbúa hverfi
með nýjum grunnskóla í einu átaki.
Í menningarmálum er m.a. rætt
um að koma upp tómstunda- og
menningarmiðstöð ungs fólks. Sam-
fylkingin vill endurskoða rekstrar-
samninga við áhugafélög listamanna
með það fyrir augum að bærinn kaupi
af þeim aukna þjónustu. Jóhann Geir-
dal nefnir að þá þjónustu væri hægt
að nota víða, meðal annars til að
byggja upp tómstundastarf í grunn-
skólunum.
Jöfn tækifæri og aðstaða
Lögð er áhersla á jöfn tækifæri og
jafna aðstöðu til menntunar. Að öðru
jöfnu skal jafna hlut kynjanna við
ráðningar í störf hjá bænum og
leggja sérstaka áherslu á að styrkja
hugmyndir um menningar-, íþrótta-
og tómstundastarf sem miða að því að
auka þátttöku ungra stúlkna.
S-listinn vill heilsdagsskóla fyrir
öll börn. Í því felst að grunnskóla-
börnum gefist kostur á að ljúka dag-
legu námi í skólanum. Sett er fram sú
stefna að börn fái skólamáltíðir án
endurgjalds, þær séu nauðsynlegar
svo að heilsdagsskóli sé í raun val-
kostur og standi öllum jafnt til boða.
Jóhann segir að því miður eigi ekki
öll börn kost á máltíðum í skólum,
meðal annars af fjárhagsástæðum.
Það sé hins vegar andstætt hugsjón-
um Samfylkingarinnar að börnum sé
mismunað og því hafi hún ákveðið að
koma á fríum skólamáltíðum fyrir öll
börn í grunnskólum bæjarins. Segir
hann að þetta geti kostað rúmar 50
milljónir á ári, miðað við að jafnframt
takist að hagræða, eða heldur minna
en rekstur fjölnota íþróttahúss.
„Þetta er ekki óyfirstíganlegur
kostnaður og er ekki aðeins réttlæt-
anlegur heldur nauðsynlegur til að ná
þessum markmiðum,“ segir Jóhann.
Meðal annarra atriða í skólamálum
má nefna að Samfylkingin vill að öll-
um börnum standi til boða leikskóla-
vist frá 18 mánaða aldri.
Framboðið vill að innra starf
íþróttahreyfingarinnar verði eflt,
meðal annars með því að styðja við
bakið við þátttöku íþróttafélaganna í
verkefni ÍSÍ um fyrirmyndarfélag og
fyrirmyndardeild og að lækka kostn-
að barnmargra fjölskyldna vegna
íþróttaiðkunar barna. Þá vill Sam-
fylkin leita leiða til að leysa fjárhags-
vanda íþróttahreyfingainnar, í sam-
ráði við hana, og segir Jóhann að
bærinn þurfi að koma að lausn þeirra
mála.
S-listinn vill að mótuð verði skýr
stefna sem nái yfir allt tómstunda-
starf á vegum bæjarins og að leitast
verði við að samþætta tómstunda-
starf barna og unglinga við starf eldri
borgara. Samfylkingin segir að fjöl-
skyldan sé hornsteinninn og að réttur
barnsins skipti höfuðmáli. Bryddað
er upp á ýmsum nýjungum, meðal
annars til að láta tómstundastarf ná
til fleiri barna og unglinga og til að
auðvelda þátttöku barnmargra fjöl-
skyldna. Þá mun S-listinn beita sér
fyrir því að skýr stefna verði mörkuð
í málefnum eldri borgara og bæta að-
stöðu þeirra til tómstundaiðju.
Íbúum fjölgað til að auka tekjur
Samfylkingin telur nauðsynlegt að
treysta fjárhagsgrundvöll bæjar-
sjóðs til þess að Reykjanesbær geti
staðið undir þeim kröfum sem gerðar
eru til samfélagsins. Lögð er áhersla
á að tekjur sveitarfélagsins verði
auknar svo hægt verði að rétta við
fjárhagsstöðu bæjarins. Spurður út í
þetta segir Jóhann að það verði að
gera með því að fjölga íbúum bæj-
arins. Útsvar verði ekki hækkað til að
leysa fjárhagsvandann eða hrinda í
framkvæmd kosningaloforðum.
Sama gildi um fasteignagjöld, þau
verði ekki hækkuð í heildina en Sam-
fylkingin muni beita sér fyrir að hol-
ræsagjald verði innheimt á sann-
gjarnari hátt en nú er. Í
stefnuskránni er sérstakur kafli um
íbúalýðræði og opnara stjórnkerfi.
Fram kemur að Samfylkingin stefnir
að valdreifingu því mikilvægt sé að
íbúarnir komi meira að ákvarðana-
töku. Í því sambandi er nefnt að upp-
lýsingatækni verði nýtt til að fá íbúa
til samráðs og ákvarðanatöku um
lausnir og skipulag. Einnig að upp-
lýsingastreymi verði aukið, meðal
annars með því að nefndir haldi opna
fundi á kjörtímabilinu.
Samfylkingin kynnir kosningastefnuskrá sína
Ljósmynd/Hilmar Bragi Bárðarson
Frambjóðendur Samfylkingarinnar kynntu stefnuskrá sína á flokks-
fundi, hér eru tveir þeirra, Jóhann Geirdal og Guðbrandur Einarsson.
Öll börn fái fríar
máltíðir í skólum
Reykjanesbær
PÁLMI Hannesson var kjörinn
nýr fjölumdæmisstjóri Lions á Ís-
landi á landsþingi Lionsmanna
sem haldið var í Fjöl-
brautaskóla Suð-
urnesja um helgina.
Tekur hann við af
Erni Gunnarssyni,
núverandi fjöl-
umdæmisstjóra.
Lions- og Lionessu-
klúbbarnir á Suð-
urnesjum höfðu um-
sjón með
þinghaldinu. Á þriðja
hundrað fulltrúar
sótti þingið auk um
eitt hundrað maka.
Um 370 Lionsmenn
sóttu Lionshóf sem
haldið var á laug-
ardagskvöldið. Pálmi
Hannesson segir að þingið hafi
tekist vel og segist hann þakk-
látur Lionsmönnum á Suð-
urnesjum fyrir þátt þeirra í und-
irbúningi þingsins.
Pálmi starfar sem skoð-
unarmaður hjá Frumherja. Hann
er félagi í Lionsklúbbnum Garði
og er búsettur í Ytri-Njarðvík.
Hann hefur síðastliðið ár verið
umdæmisstjóri í um-
dæmi 109 A sem er
annað af tveimur
umdæmi Lions á Ís-
landi. Hann var í
kjöri til fjölumdæm-
isstjóra, sem er æðsti
embættismaður Lions
á landinu, ásamt
Herði Sigurjónssyni
sem var umdæm-
isstjóri í umdæmi
109 B og náði Pálmi
kjöri á þinginu um
helgina.
Pálmi tekur við
embættinu 1. júlí
næstkomandi. Hann
segist leggja áherslu
á kynningar- og fræðslumál, eins
og í starfi sínu sem umdæm-
isstjóri. Mikilvægt sé að gera
Lionsstarfið skemmtilegt og
áhugavert.
Ljósmynd/Hilmar Bragi Bárðarson
Landsþing íslenskra lionsmanna var haldið í Fjölbrautaskóla Suðurnesja.
Kjörinn fjölum-
dæmisstjóri Lions
Suðurnes
Pálmi Hannesson
TVÆR líkamsárásir sem áttu sér
stað í Grindavík voru tilkynntar til
lögreglunnar aðfaranótt sunnu-
dagsins.
Samkvæmt upplýsingum lög-
reglunnar í Keflavík átti önnur sér
stað fyrir utan veitinga- og
skemmtistaðinn Sjávarperluna
upp úr miðnætti. Þar mun hafa
vera ráðist á mann sem var farþegi
í bíl. Klukkan að verða hálf þrjú
var síðan tilkynnt um hópslagsmál
fyrir utan sama stað. Maður varð
fyrir líksamsárás og var hann
fluttur á slysadeild Landspítala –
háskólasjúkrahúss í Fossvogi.
Hann var með talsverða áverka í
andliti en ekki er vitað hve alvar-
legir þeir eru. Málsatvik eru óljós
og málið í rannsókn hjá lögreglu.
Slagsmál við
Sjávarperluna
Grindavík