Morgunblaðið - 18.07.2002, Blaðsíða 4

FRÉTTIR
4 FIMMTUDAGUR 18. JÚLÍ 2002 MORGUNBLAÐIÐ
HÉRAÐSDÓMUR Reykjavíkur
dæmdi í gær 26 ára karlmann í 15
mánaða fangelsi fyrir líkamsárás
sem átti sér stað á Grettisgötu í
Reykjavík í maí í fyrra. Ákærði
hafði tvívegis lagt til manns með
hnífi, með þeim afleiðingum að hann
hlaut 7–8 cm stungusár í vinstri síðu
og 3,5 cm stungusár neðarlega
vinstra megin á brjóstkassa, auk
þess sem vinstra lunga féll lítillega
saman.
Hinum dæmda var auk þess gert
að greiða fórnarlambinu rúmar 430
þúsund krónur í skaðabætur. Í mál-
inu voru einnig gerð upptæk 2,64
grömm af amfetamíni.
Ákærði sagðist hafa stungið
manninn í reiði og geðshræringu
eftir barsmíðar hans. Hinn stungni
sætti ákæru fyrir barsmíðarnar en
var sýknaður þar sem ekki tókst að
sanna sekt hans.
Sá sem var sakfelldur á að baki
margra ára brotaferil. Hefur hann
m.a. verið dæmdur fyrir rán, lík-
amsárás, húsbrot, þjófnað, tollalaga-
og áfengisbrot og fíkniefnabrot.
Refsing ákærða nú þótti hæfilega
ákveðin fangelsi í 15 mánuði. Vegna
alvarleika brotsins og sakaferils
ákærða þótti ekki koma til greina að
skilorðsbinda refsinguna.
Hjördís Hákonardóttir héraðs-
dómari kvað upp dóminn. Guðrún
Sesselja Arnardóttir, fulltrúi ríkis-
saksóknara, sótti málið. Verjandi
hins sakfellda var Hilmar Ingi-
mundarson hrl. Verjandi með-
ákærða var Jón Egilsson hdl.
Fimmtán mán-
aða fangelsi
fyrir hnífaárás
KJÚKLINGAFÓÐUR er undan-
tekningalítið flutt inn sem hráefni
og síðan blandað hérlendis, að sögn
Ólafs Friðrikssonar, deildarstjóra í
landbúnaðarráðuneytinu. Tollur á
óblandað fóður er 80 aurar á hvert
kg en 7,80 kr. á hvert kg af blönduðu
fóðri.
Að sögn Ólafs Friðrikssonar er
lagður 55% tollur á innflutt fóður og
hráefni í fóður, en innflytjendur fá
síðan mismunandi háa endur-
greiðslu samkvæmt reglugerð um
greiðslur úr fóðursjóði frá 31. júlí
1996. Tollur af loðdýrafóðri og fisk-
eldisfóðri er endurgreiddur að fullu,
fyrir hráefni til kjúklingafóðurgerð-
ar er tollurinn endurgreiddur að frá-
dregnum 80 aurum á kg innfluttrar
vöru og fyrir fóðurblöndur er toll-
urinn endurgreiddur að frádregnum
7,80 kr. á kg innfluttrar vöru.
Ólafur segir að sjálfsagt hafi
reglugerðin verið sett á sínum tíma
til að vernda innlendan fóðuriðnað,
en ekki megi gleyma því að innflutta
fóðrið sé að mestu leyti niðurgreitt.
Það eigi aftur á móti ekki við um ís-
lenska fóðrið og því hafi reglugerðin
verið hugsuð til þess að jafna sam-
keppnisstöðu.
Að sögn Ólafs eru Fóðurblandan
hf., Fóðurafgreiðsla MR, Kaupfélag
Skagfirðinga og Bústólpi hf. á Ak-
ureyri helstu fóðurblöndufyrirtæki
landsins. Í Morgunblaðinu í gær var
vitnað í bréf frá Hagkaupum til
landbúnaðarráðuneytisins þar sem
óskað er eftir leyfi til innflutnings á
300 tonnum af kjúklingum en í bréf-
inu segir m.a. að tollalögum virðist
af óskiljanlegum ástæðum vera ætl-
að það hlutverk að vernda þrönga
hagsmuni þeirra sem blanda fóður.
„Á meðan tilbúið fóður sætir tolla-
álögum í innflutningi og gerir ein-
stökum framleiðendum ókleift að
flytja inn tilbúið fóður eru sömu efni
óblönduð mun minna tolluð.“ Ólafur
segir að þetta sé rétt að hluta til en
mikil einföldun því að hafa beri í
huga að innflutta fóðrið sé niður-
greitt af ESB. Ennfremur sé hér
verið að vernda grasframleiðslu og
íslenska fóðurframleiðslu. Í því sam-
bandi bendir hann á að stutt sé síðan
þrjár íslenskar graskögglaverk-
smiðjur hafi lagt upp laupana þar
sem þær hafi ekki staðist sam-
keppnina við niðurgreitt fóður frá
ESB. Málið snúist því ekki aðeins
um fóðurfyrirtækin heldur íslenska
fóðurgerð einnig. Enn sé ein verk-
smiðja starfrækt en hún eigi í erf-
iðleikum.
Ólafur segir að í sambandi við
kjúklingafóður sé nær eingöngu
flutt inn hráefni sem sé síðan bland-
að hérlendis. Lægri tollgreiðslan
eigi því yfirleitt við og hún skýri
varla hækkanir á afurðum kjúk-
lingaframleiðenda.
Um tífalt hærri tollur á blandað kjúklingafóður en óblandað
Kjúklingafóður að
mestu flutt inn óblandað
BAUGUR Group hf. jók við tvo
skuldabréfaflokka í gærdag og nam
aukningin alls einum milljarði króna.
Flokkarnir sem um ræðir eru 1. og 2.
skuldabréfaflokkur 2002. Baugur
stækkaði hvorn flokk um 500 millj-
ónir að nafnvirði. Heildarstærð
flokkanna tveggja er nú þrír millj-
arðar króna, segir á vef Kauphallar
Íslands.
Að sögn fjármálastjóra Baugs, Jó-
hönnu Waagfjörð, er stækkunin
gerð í þeim tilgangi að opna leiðir á
fjármögnun fyrirtækisins og verk-
efna þess. Með því að stækka flokk-
ana væri verið að undirbúa sölu
skuldabréfanna á markaði. Jóhanna
segir enga sérstaka ástæðu fyrir
stækkuninni því ekkert liggi fyrir
um hvað verði fjármagnað með sölu
skuldabréfanna. Mörg verkefni séu
þó framundan hjá Baugi, þar á meðal
opnun stórrar Debenhams-verslun-
ar í Stokkhólmi.
Baugur eykur við
skuldabréfaflokka
ER TRILLAN Hnefill SF frá
Hornafirði var nýlega á heimstími
suður af Hrollaugseyjum, skammt
undan Breiðamerkursandi, fylgdu
þessir höfrungar með í einni vöðu
og settu á svið sannkallaða mið-
nætursýningu með stökkum sín-
um. Á myndinni sést innan við
tugur af þessum tápmiklu tann-
hvölum en bátsverjar töldu að allt
frá 30 til 50 höfrungar hefðu verið
í vöðunni.
Morgunblaðið/Snorri Aðalsteinsson
Höfrungavaða
á heimstími
ÁLFTINNI á Norðurlandi, sem rat-
að hefur í fréttirnar undanfarna
daga, hefur verið lógað. Hún gerðist
víðförul á dögunum og fylgdi bíl
ungra hjóna um 20 kílómetra langa
leið frá Blönduósi til Skagastrandar,
auk þess sem hún þáði brauðmola úr
höndum fólks og réðst síðar að barni.
Þegar Óli Einarsson, fuglafræð-
ingur hjá Náttúrufræðistofnun Ís-
lands, var spurður út í hegðun álft-
arinnar sagðist hann telja að þetta
væri að öllum líkindum álft sem væri
vön nábýli manna, hefði jafnvel búið
þeirra á meðal. „Hún hefur kannski
þekkt svipaðan bíl og þar af leiðandi
elt þennan,“ bætti hann við.
Hann sagði það ekki óþekkt að
álftir dveldu í návígi við menn og
rugluðust hreinlega og nefndi álftina
Kára, sem bjó á Tjörninni í Reykja-
vík í nokkur ár. Kári átti það til að
ráðast á fólk, að sögn Óla, og var
hann að lokum fluttur norður í land
til Húsavíkur, þar sem ekki voru allir
sáttir við hinn nýja íbúa.
Óli sagði að stundum gæti sam-
býlið gengið vel fyrir sig, til dæmis
hefði álftapar búið ásamt ungum sín-
um á Seltjarnarnesi í töluverðan
tíma. „Þær álftir eru mannvænar en
þær geta verið mjög misjafnar. Álft-
ir inn til heiða eru styggari,“ lýsti
hann. Hann benti á að álftir gætu
stundum virkað ófrýnilegar og
hvæst að fólki, ekki síst þegar þær
verðu hreiður sín og unga. Annars
væri þetta sjaldnast vandamál.
Óli lagði áherslu á að það væri
ekki leyfilegt, samkvæmt lögum og
reglugerðum, að taka álft höndum og
ala, þótt eflaust bæri einstaka sinn-
um á því.
Álftinni lógað
En að örlögum álftarinnar.
Kannski var það gæflyndið sem varð
álftinni að falli því nóttina eftir að
hún kom til Skagastrandar mætti
lögreglan á Blönduósi á staðinn,
skaut hana þar sem hún var að vappa
á íþróttavellinum og hafði á brott
með sér í svörtum ruslapoka. Að
sögn lögreglunnar var þetta gert
vegna þess að kvartanir höfðu borist
undan álftinni á Blönduósi þar sem
hún hafði haldið sig mestan hluta
dagsins. Hafði álftin veist að barni
þar og bitið, eins og sagt var frá í
Morgunblaðinu í fyrradag. Einnig
virtist hún vera veik því hún ældi oft
og var með mikinn niðurgang. Lög-
reglan gerði ítrekaðar tilraunir til að
sleppa álftinni með því að fanga hana
og flytja að vatni í grennd við golf-
völlinn á Blönduósi en álftin vildi
ekki una sér þar. Var það mat
lögreglumanna, eftir að hafa mistek-
ist að ná í dýralækni og eftir kvart-
anir foreldra á Skagaströnd og
Blönduósi, að réttast væri að lóga
álftinni þar sem þeir töldu hana
veika og hún mundi veslast upp að
öðrum kosti.
Álftin vön ná-
býli við menn
UMHVERFIS- og heilbrigðisstofa
Reykjavíkur hefur að beiðni Holl-
ustuverndar ríkisins stöðvað dreif-
ingu á dönskum fetaosti í 300 gramma
glerkrukkum hér á landi og er að inn-
kalla hann úr verslunum með aðstoð
innflytjandans.
Er þetta gert í kjölfar þess að Holl-
ustuvernd bárust upplýsingar um að
glerbrot hefðu fundist í fimm krukk-
um með þessum osti í Noregi, Svíþjóð
og Bretlandi. Ostinum hefur verið
dreift víða í Evrópu, þar á meðal hér á
landi. Í tilkynningu frá Hollustuvernd
segir að ekki sé vitað til þess að fólk
hafi borið skaða af neyslu þessa osts.
Framleiðandinn er Arla Foods og er
varan með „best fyrir“ dagsetningu
10.12. 2002 og fyrir þann tíma.
Því er beint til neytenda hér á landi
sem kunna að hafa keypt og eiga 300
g krukkur af fetaosti frá þessum
framleiðanda að skila honum til versl-
unarinnar þar sem hann var keyptur.
Dreifing
á dönskum
fetaosti
stöðvuð
LÍKUR eru á því að Íslendingur á
áttræðisaldri, sem verið hefur í far-
banni á Kanaríeyjum síðan í febrúar,
fái ferðafrelsi á ný bráðlega. Hann
var settur í farbann vegna rannsókn-
ar á láti sambýliskonu hans, sem féll
af svölum hótels á eyjunum. Í dag,
fimmtudag, stóð til að hann ætti fund
með dómara og saksóknara auk lög-
manns síns og íslenska ræðismanns-
ins á Kanaríeyjum. Samkvæmt heim-
ildum Morgunblaðsins hefur
manninum verið gefið til kynna af
hálfu yfirvalda á staðnum að hann
geti farið frjáls ferða sinna að loknum
fundinum og er því vonast til þess að
hann komist heim á næstunni.
Umræddur atburður átti sér stað
5. janúar sl. og var maðurinn í gæslu-
varðhaldi þar til um miðjan febrúar.
Síðan hefur hann búið í íbúð á eyj-
unum og verið í farbanni.
Maðurinn var fyrst grunaður um
að hafa hrint konunni vísvitandi af
svölunum. Vitni staðhæfir hins vegar
að maðurinn hafi ekki ætlað sér að
hrinda konunni. Um slys hafi verið að
ræða.
Íslendingur í farbanni á Kanaríeyjum
Gæti fengið
ferðafrelsi í dag