Morgunblaðið - 18.07.2002, Blaðsíða 31
LISTIR
MORGUNBLAÐIÐ FIMMTUDAGUR 18. JÚLÍ 2002 31
FJÓRUM árum síðar snúa hinir
vörpulegu, svartklæddu Kay (Tommy
Lee Jones) og Jay (Will Smith), aftur
til að vernda mannkynið frá úrhrök-
um útgeimsins í Men in Black II. Það
skyldi engan undra því fyrri myndin
mokaði inn tæpum 600 milljónum
dala á heimsvísu. Fyrstu tölur benda
greinilega til þess að framhaldið geri
það álíka gott.
Undanfarin ár hefur Kay snúið
baki við útsendarastörfunum og lifað
friðsömu og átakalitlu, borgaralegu
lífi. Jay hefur hinsvegar haldið áfram
að vinna fyrir Svartklædda manninn,
hina óopinberu ríkisstofnun sem hef-
ur vökult auga með geimverum á
móður jörð.
Jay er að rannsaka tiltölulega sak-
leysislegt mál er hann kemst að djöf-
ullegu samsæri sem stjórnað er af
álfakroppnum Serleenu (Lara Flynn
Boyle). Það snýst um að ná yfirráðum
á jörðinni og er Serleena (sem undir
dulargervi kynþokkafullrar sýningar-
stúlku undirfatnaðar er hinn hroða-
legasti óskapnaður), komin vel af stað
með undirbúninginn þegar okkar
maður kemst á sporið. Að sjálfsögðu
er það aðeins einn maður á jarðríki
sem getur aðstoðað Jay við að upp-
lýsa málið: fyrrverandi starfsbróðir
hans og félagi, MIB-útsendarinn Kay.
Jafnharðan og þeir félagarnir
leggja saman krafta sína hefst hrika-
legt kapphlaup við tímann. Spurning-
in er hvort þeir ná að forða jarðarbú-
um frá þeim hryllilegu örlögum sem
bíður okkar ef ógeðið Serleena og
hennar óásjálegu geimskrattar taka
yfir.
Framhaldsmyndin hefst í rauninni
þar sem þeirri fyrri lýkur. Kaldhæðin
gamansemi höfundanna og leikstjór-
ans Barrys Sonnenfeld svífur yfir
vötnunum. Brellumeistararnir kynna
til sögunnar allskyns óværu úr
geimnum sem ógnar lífi söguhetj-
anna.
Félagarnir Smith og Jones bæta
hvor annan upp.
„Ég er vita húmorslaus,“ segir Jon-
es. „Mín aðferð við að vera fyndinn er
að standa eins nálægt Will og kostur
er og gera allt sem Barry segir mér.
Svo virðist sem ég komist upp með
það.“
Fyrir utan Zed (Rip Torn) og fé-
lagana Jay og Kay, bregður einnig
fyrir nokkrum kunnuglegum furðu-
verum úr MIB. Auk Serleenu kemur
fjöldi nýrra geimvera til sögunnar þar
sem ófögnuðurinn, tvíburabróðir
hennar Scrad/Charlie, er mikilvæg-
astur. Danny Elfman sér um tónlist-
ina á nýjan leik og Greg Gardner
stjórnar kvikmyndatökum. Ekki
skiptir minna máli að Rick Baker er
yfirhönnuður geimveranna, en hann
hlaut Óskarsverðlaunin fyrir störf sín
í MIB.
Leikarar: Tommy Lee Jones (Space
Cowboys, Rules of Engagement, The
Fugitive); Will Smith (Independence Day,
Six Degrees of Seperation); Lara Flynn
Boyle (Happiness, Afterglow, Red Rock
West); Rip Torn (Payday, Sweet Bird of
Youth); Tony Shaloub (Spy Kids, Galaxy
Quest, Big Night). Leikstjóri: Barry Sonn-
enfeld (Men In Black, The Addams
Family, Get Shorty).
Senuþjófar
í svörtu
Smárabíó, Regnboginn, Laugarásbíó,
Nýja bíóKeflavík og Ísafjarðarbíó frum-
sýna á morgun Men in Black II., með
Tommy Lee Jones, Will Smith, Lara
Flynn Boyle, Rip Torn o.fl.
MIB 2: Menn í svörtu (Tommy Lee Jones og Will Smith), fara mikinn sem fyrr.
ATBURÐARÁSIN í bandarísku
spennumyndinni The Mothman
Prophecies er byggð á illútskýranleg-
um fyrirbrigðum „að handan“. Efni
sem er ofarlega í íslensku þjóðarsál-
inni, hefur fylgt henni frá landnáms-
tíð. Söguslóðir myndarinnar eru hins-
vegar í smábæ í Vestur-Virginíu, þar
sem John Kline (Richard Gere), verð-
ur fyrir þeirri sorg að að missa Mary
(Deaborah Messing), eiginkonu sína.
Það gerist daginn sem þau finna
framtíðarhúsnæði og lætur John slag
standa þótt honum þyki það í stærri
kantinum, en hann er virtur og vel-
megandi blaðamaður við The Wash-
ington Post. Hjónin eru rétt búin að
ganga frá kaupunum á draumahúsinu
þegar ógæfan dynur yfir. Mary er
undir stýri þegar hún sér skyndilega
eitthvað framundan á veginum, víkur
undan, missir stjórn á bílnum með
þeim afleiðingum að hún hlýtur alvar-
legan höfuðskaða. Á sjúkrahúsinu
kemur hinsvegar í ljós að Mary er
með illkynjað heilaæxli, það dregur
hana til dauða. Áður en hún skilur við
segir hún við mann sinn:
„Sástu það?“
Í eigum Mary finnur John minn-
isbók fulla af teikningum af framand-
legri en fallegri veru með vængi og
rauð augu.
Næstu tvö árin eru blaðamannin-
um erfið, hann er smám saman að
jafna sig þegar bíllinn hans bilar á leið
heim úr vinnu. John er staddur úti í
sveit og gengur heim að næsta bónda-
bæ að leita sér aðstoðar. Bóndinn
(Will Patton), heldur hann vera inn-
brotsþjóf og kallar til lögregluna.
Þannig kynnast þau John og varð-
stjórinn Connie Parker (Laura Lin-
ney). Hún afsakar móttökurnar sem
John fékk á bænum og segir þær
stafa af undarlegum atburðum sem
hafi síendurtekið sig í sveitinni að
undanförnu…
Ekki er rétt að fara nánar útí dul-
arfulla framvindu myndarinnar sem
að mörgu leyti minnir á Arlington
Road, næstu mynd leikstjórans
Marks Pellingtons á undan. Þar var
aðalsögupersónan að fást við stað-
reyndir sem enginn vildi leggja eyrun
við fyrr en um seinan. Að þessu sinni
fæst Pellington við umfjöllunarefni
sem átti sér stað í raunveruleikanum,
þó lygilegt sé. Atburðirnir í Vestur-
Virgínu gerast á mörkum tveggja
heima þar sem hægt var að færa
sönnur á sannleiksgildi atburðanna.
Eitthvað fyrir Íslendinga.
Leikarar: Richard Gere (Unfaithful, Run-
away Bride, Pretty Woman, An Officer and
a Gentleman); Laura Linney (You Can
Count on Me, The Truman Show, Primal
Fear); Will Patton (Remember The Titans,
Gone In 60 Seconds, Armageddon); Alan
Bates (Silent Tounge, Zorba the Greek).
Leikstjóri: Mark Pellington (Arlington
Road, Going All the Way).
Goðsögnin um
Mölflugumanninn
Háskólabíó og Sambíóin frumsýna á
morgun The Mothman Prophecies með
Richard Gere, Lauru Linney, Will Patton
og Alan Bates.
Richard Gere og Laura Linney í hinni dulmögnuðu The Mothman Prophecies.
HAUKUR Guðlaugsson fyrrverandi
söngmálastjóri þjóðkirkjunnar leik-
ur á orgel Reyk-
holtskirkju á
laugardag kl. 16.
Tónleikarnir eru
þeir fjórðu í röð
tónleika sem
haldnir eru með
liðsinni Félags ís-
lenskra organ-
leikara til styrkt-
ar orgeli
kirkjunnar.
Haukur hefur
haldið fjölda orgeltónleika hér inn-
anlands og í ýmsum löndum Evrópu.
Leikur á orgel
Reykholtskirkju
Haukur
Guðlaugsson
LAUFEY Sigurðardóttir og Páll
Eyjólfsson halda tónleika í Hóla-
dómkirkju á laugardag kl. 17.
Á efnisskránni verða verk eftir
gamla meistara fyrir fiðlu og gítar.
Laufey Sigurðardóttir og Páll
Eyjólfsson hafa starfað saman frá
árinu 1986. Þau hafa haldið tónleika
víðs vegar um landið sem og erlendis
og gert upptökur fyrir útvarp og
sjónvarp.
Á efnisskrá þeirra eru verk eftir
G. F. Händel, A. Vivaldi, J. S. Bach,
N. Paganini, F. Chopin, F. Tárrega
og W. Kroll. Auk venjulegs tónleika-
halds hafa Laufey og Páll staðið fyrir
tónlistarkynningum í skólum víðs
vegar um land.
Aðgangseyrir er 1.000 kr. en frítt
fyrir börn.
Fiðla og gítar í
Hóladómkirkju
Á ÁTTUNDU tónleikum sumartón-
leikaraðar veitingahússins Jómfrúr-
innar við Lækjargötu á laugardag kl.
16 kemur fram tríó saxófónleikarans
Hauks Gröndal. Með honum leika
gítarleikarinn Ásgeir J. Ásgeirsson
og danski kontrabassaleikarinn
Morten Lundsby. Leikið verður ut-
andyra á Jómfrúrtorginu ef veður
leyfir, en annars inni á Jómfrúnni.
Aðgangur er ókeypis.
Tríó Hauks Grön-
dal á Jómfrúnni
♦ ♦ ♦
♦ ♦ ♦