Morgunblaðið - 18.07.2002, Blaðsíða 35
LISTIR
MORGUNBLAÐIÐ FIMMTUDAGUR 18. JÚLÍ 2002 35
Á TÓNLEIKUNUM voru flutt 6
lög af nýútkomnum geisladiski, Guð-
mundarvöku, sem tekin voru upp á
samnefndum minningartónleikum
um Guðmund Ingólfsson á sl. ári þeg-
ar tíu ár voru liðin frá dauða þess
dáða og sívinsæla djasspíanista. Til
viðbótar voru á efnisskránni m.a.
„Vorblómið angar“, sem Guðmundur
samdi 12 ára gamall, og hinum klass-
ísku lögum „Round Midnight“ og
„Night Train“ ásamt „Þei, þei og ró
ró“ eftir Björgvin Guðmundsson.
Vernharður Linnet, driffjöður og
hugmyndasmiður tónleikanna, valdi
þau lög sem Guðmundur Ingólfsson
var búinn að hrífa svo marga með og
tengdust sterkt hans persónulega lífi
og listsköpun. Það er ekki vandalaust
að fara í hlutverk þess sem á að fá
horfinn streng, fallega hljómandi í
minningunni, til að titra og gefa frá
sér nýjan og lifandi tón, sem ekki
verður að daufu bergmáli í saman-
burði við þann upprunalega. Ekkert
verður nokkurn tímann endurtekið
nákvæmlega eins. En með því að fá
þá Björn, Gunnar og Guðmund Stein-
grímssson, sem höfðu tengst Guð-
mundi Ingólfssyni sterkum tónlistar-
böndum, og síðast en ekki síst að
„detta niður á“ hinn stórgóða djass-
píanista Hans Kwakkernaat frá Hol-
landi tókst hvorutveggja, að glæða
minninguna og vísa veginn fram til
birtu og gleði. Hans Kwakkernaat
fyllir ekki í skarð Guðmundar, en
hann leikur í skarðinu milli hárra
tinda og veitir áhorfendum sýn á nýj-
ar lendur og glæst fjöll. Djassinn
kraumaði í katlinum (Ketilhús ber
nafn með rentu!) og hitaði þakklátum
áheyrendum í tvo klukkutíma og ef-
laust langt inn í nóttina. Það voru
ekki bara glæsilegir sprettir hljóð-
færaleikaranna í einleikshlutverkum
heldur miklu fremur þéttur og litrík-
ur samhljómur og samkennd hljóð-
færaleikaranna sem lyftu flutningi
þeirra á æðra stig. Hans byrjaði að
fara á kostum í „Blúsinum til Birnu“ í
því lagi sem Guðmundur tengdi konu
sína íslenskum blús til framtíðar.
Björn Thoroddsen lék svo leiftrandi
glæsilega í þeirri „gömlu lummu“
„Sweet Georgia Brown“, sem alltaf
fær nýtt bragð í nýjum og þó gömlum
flutningi. Annar ópus úr fjölskyldulífi
Guðmundar „RóskIngó“ var stórvel
flutt af næmri tilfinningu og svo
hraðri og heitri sveiflu. Í „Blue
Monk“, blúsinum sem Thelonius
vann allan heiminn með, var Björn
Thoroddsen í ham og spann marglota
tónvef af glæsibrag. Síðasta lag fyrir
hlé var svo hrein galdrasýning, en þá
lék Hans Kwakkernaat einn lag
Monks, „Round Midnight“, en það er
ein af þessum merkilegu tilviljunum
að þetta var eina lagið sem hann og
Guðmundur höfðu leikið sóló inn á
hljómplötu hvor í sínulagi. Þarna
birtust meistararnir hver af öðrum í
einum og sama manninum: Erol
Garner, Oscar Peterson og áfram
mætti telja, en þó fyrst og fremst
hinn snjalli Hansi. „Máfaskelfir“ er
þrátt fyrir nafnið mjög aðlaðandi lag
eftir Björn Thoroddsen og var gríp-
andi í fínum flutningi. Sérstaka at-
hygli mína vakti dúóspuni Björns og
Gunnars, ásamt ótrúlega sannfær-
andi tveggja tóna einleiksspuna höf-
undarins og píanistans. Ekki er hægt
að fjalla um þessa tónleika án þess að
geta „papa jazz“ hans Guðmundar
Steingrímssonar, því hann var ekki
bara pottþéttur, smekkvís, nákvæm-
ur og ryþmískur í samspilinu, heldur
lék hann óviðjafnanleg sóló, sem
bergnumu áheyrendur. Smekkvís,
næm og tær túlkun á „Þei, þei og ró
ró“ lét engan ósnortinn. Það er ekki
neinum ofsögum sagt að þetta voru
tónleikar sem maður þakkar forsjón-
inni fyrir að hafa fengið að hlýða á.
Vernharður Linnet var líflegur og
kröftugur kynnir og tengdi saman
sögu og eigin reynslu. Tónleikarnir
voru vel sóttir og ég fullyrði að
stemmingin hafi verið eins og hún
gerist best og hljómburðurinn í Ket-
ilhúsinu ýtti undir djúpa hrifningu og
kom m.a. bæði tónlistarmönnum og
áheyrendum á flug. Aukalögin hefðu
orðið fleiri, en „I Will Remember Ap-
ril“ ef drengirnir hefðu ekki þurft að
aka um nóttina suður að tónleikum
loknum. Listasumar á Akureyri er að
hluta til tveggja mánaða djasshátíð
og þessir tónleikar voru þeir fimmtu í
þeirri röð og áfram heldur dagskráin.
Það er hægt að upplifa stemminguna
að hluta með því að eignast nýja
geisladiskinn, Guðmundarvöku.
Kraumaði í katlinum …
TÓNLIST
Listasumar á Akureyri
Ketilhúsinu
Flytjendur voru Hans Kwakkernaat á pí-
anó, Björn Thoroddsen á gítar,
Gunnar Hrafnsson á kontrabassa,
Guðmundur Steingrímsson á trommur.
Kynnir: Vernharður Linnet.
GUÐMUNDARVAKA
Ljósmynd/Egill Egilsson
Hann var þéttsetinn bekkurinn í Ketilhúsinu á Guðmundarvöku.
Jón Hlöðver Áskelsson