Morgunblaðið - 18.07.2002, Blaðsíða 14
AKUREYRI
14 FIMMTUDAGUR 18. JÚLÍ 2002 MORGUNBLAÐIÐ
TROMMULEIKARARNIR tveir á
myndinni eru jafn teinréttir og
tréð skáhallt fyrir framan þá.
Einar Gunnar Jónsson, sem leikið
hefur í Lúðrasveit Akureyrar til
margra ára og lengi verið for-
maður sveitarinnar, kom fram
með félögum sínum í garðveislu
Minjasafnsins á Akureyri sem
haldin var á sunnudaginn í tilefni
af 40 ára afmæli safnsins og því
að lagfæringum er lokið á 100
ára gömlum Minjasafnsgarðinum.
Á trommur lék einnig Arnar Úlf-
arsson, sem eflaust leitar í smiðju
Einars ef hann vantar góð ráð.
Vert er að geta þess að Lúðra-
sveit Akureyrar fagnar 60 ára af-
mæli á þessu ári og verður haldið
upp á það á haustdögum.
Morgunblaðið/Skapti Hallgrímsson
Ungur
nemur…
FJÖLSKYLDUHÁTÍÐIN „Ein með öllu“ verður
haldin á Akureyri um verslunarmannahelgina ann-
að árið í röð. Að hátíðinni stendur hagsmunafélagið
Vinir Akureyrar með fulltingi Akureyrarbæjar og
þátttöku fjölmargra fyrirtækja. Stærstu bakhjarlar
hátíðarinnar eru Baugur, Norðlenska, Tal og Víf-
ilfell en að auki leggja fjölmörg fyrirtæki í bænum
sitt af mörkum. Gestir þurfa ekki að greiða að-
gangseyri við komuna í bæinn né heldur á skemmti-
dagskrá sem verður á Ráðhústorgi.
Dagskrá hátíðarinnar var kynnt á fundi í gær, en
hún er haldin undir formerkjum skemmtunar fyrir
alla fjölskylduna og er skipulögð með það í huga að
allir finni eitthvað við sitt hæfi.
Hátíðin verður sett á Ráðhústorgi föstudags-
kvöldið 2. ágúst og að setningu og skemmtiatriðum
loknum verður útidansleikur á torginu þar sem
Skytturnar og Best fyrir leika. Fjölbreytt dagskrá
verður einnig á Ráðhústorgi síðdegis á laugardag,
þá um kvöldið og síðdegis á sunnudag.
Fram koma trúðar og töframenn, brúðuleikhús
og þá má nefna að á laugardag skemmtir hljóm-
sveitin Gis & The Big City en hana stofnaði Dalvík-
ingurinn Gísli Jóhannsson sem starfað hefur í Los
Angeles síðustu 15 ár þar sem hann er vinsæll
kántrýsöngvari og lagasmiður. Leikur hljómsveitin
í bland lög eftir Gísla og þekkt kántrýlög. Dans-
leikir verða á skemmtistöðum bæjarins öll kvöldin,
en meðal hljómsveita sem leika í bænum má nefna
Sálina hans Jóns míns og Síðan skein sól. Unglinga-
dansleikur verður í KA-heimilinu á laugardags-
kvöld.
Brekkusöngur á Akureyrarvelli
Hátíðinni lýkur á sunnudagskvöld með hverfahá-
tíðum við verslanir Baugs, Bónus, Hagkaup og 10–
11, þar sem boðið verður upp á veitingar áður en
haldið verður af stað í skrúðgöngur á lokahátíð á
Akureyrarvelli. Þar verður söngurinn í fyrirrúmi og
mun Örn Viðar Birgisson verða þar í broddi fylk-
ingar. Brekkusöngvar verða kyrjaðir við langeld og
undirspil, en dagskránni lýkur með veglegri flug-
eldasýningu sem björgunarsveitin Súlur sér um.
Margskonar leiktæki verða í bænum, m.a. verður
Tívolí UK með tæki á uppfyllingunni við Strand-
götu, þar verða einnig rafmagnsbílar og -hjól og á
sama stað er snjóþotu- og sjóskíðaleiga. Á planinu
við Oddeyrarskála verða körtubílar (go-kart) og við
Samkomuhúsið verður settur upp litboltavöllur
(paintball).
Fjölbreyttir menningarviðburðir verða í boði um
verslunarmannahelgina á vegum Listasumars, m.a.
djasstónleikar, og þá verður dagskrá um Kornelius
Wreeswijk í Deiglunni bæði á föstudags- og laug-
ardagskvöld og Sumartónleikar verða í Akureyr-
arkirkju. Þá verða sýningarsalir og söfn opin.
Ekkert aldurstakmark er á hátíðina, en fram
kom á fundinum að menn færu að sjálfsögðu eftir
landslögum í þeim efnum. Áhersla hefur verið lögð
á góða samvinnu við bæjaryfirvöld, lögreglu, heil-
brigðisstéttir, foreldravakt og aðra þá sem sinna
gæslu og öryggismálum.
Næg tjaldstæði eru á Akureyri og í næsta ná-
grenni, m.a. að Hömrum í suðurjaðri bæjarins.
Mótshaldarar vita á þessari stundu ekki með vissu
hversu margir munu leggja leið sína til Akureyrar,
en vonast er eftir nokkru fjölmenni. Markmiðið sé
að allir fari ánægðir heim eftir góða helgi og komi
aftur að ári því að stefnan sé að festa hátíðina í sessi
og halda árlega héðan í frá. Þá skipti einnig máli að
gefa bæjarbúum sjálfum tækifæri til að skemmta
sér með fjölskyldunni á heimavelli um mestu um-
ferðarhelgi ársins.
Fremri kynningarþjónusta hefur skipulagt hátíð-
ina og heldur utan um framkvæmd hennar.
Hátíðin Ein með öllu um
verslunarmannahelgina
UM 2.000 Akureyringar eru nú án
fasts heimilislæknis, að sögn Péturs
Péturssonar, yfirlæknis á Heilsu-
gæslustöð Akureyrar. „Þetta er
svona rúmlega eitt samlag,“ sagði
Pétur við Morgunblaðið og upplýsti
að stöður heimilislækna væru laus-
ar, þó ekki hve margar.
„Það er skortur á heimilislækn-
um um allt land, þetta er vandamál
sem hefur farið versnandi með
hverju árinu. Við höfum þó verið vel
sett hér undanfarna tvo áratugi og
það var ekki fyrr en á síðasta ári
sem losnuðu stöður sem ekki var
hægt að fylla.“
Þá var „lokað“ á nýja sjúklinga
þar sem allir heimilislæknar voru
með full samlög.
„Við vonum að þetta verði tíma-
bundið ástand,“ sagði Pétur, en
lagði áherslu á að öllum sjúklingum
væri vitaskuld sinnt, „en fólk getur
ekki gengið að einum lækni vísum.
Það er heppilegra að hafa einn fast-
an heimilislækni, til dæmis í sam-
bandi við öll vottorð og til að hafa
yfirsýn“.
Pétur segir vandamál Akureyr-
inga lítið miðað við suma aðra staði;
sums staðar í dreifbýlinu hafi fólk
verið afleitlega sett, en „síðustu
misserin hefur yfirleitt verið hægt
að bjarga málunum með því að rífa
upp launin, í einmenningshéruð-
um“.
Ástæður umrædds ástands segir
Pétur bæði minnkandi áhuga ung-
lækna á sérgreininni heimilislækn-
ingum „og svo er líka töluverður
flótti úr greininni, í þægilegri stöð-
ur“.
Hann segir heilbrigðisyfirvöld
lengi hafa vitað af ástandinu, en að
allar aðgerðir af hálfu þeirra hafi
verið máttlausar og ómarkvissar.
„Og þegar svo er þá eru skilaboðin
þau að við drögum bara saman
þjónustuna. Annað er ekki hægt.“
Pétur ítrekaði að ástandið væri
vonandi tímabundið. „Við höfum
talið eftirsótt að búa hérna á Ak-
ureyri, bæði af læknum og öðrum,
en samt er reyndar ekkert í sjón-
máli sem bendir til þess að þetta sé
að breytast.“
Pétur kveðst samt sem áður telja
Akureyringa betur setta en fólk á
höfuðborgarsvæðinu hvað þjónustu
varðar. „Það stafar meðal annars af
því að heilsugæslustöðin og sjúkra-
húsið starfa afar vel saman. Það eru
ekki múrar þar á milli eins og mað-
ur sér sums staðar annars staðar.“
2.000 Akureyr-
ingar án fasts
heimilislæknis
KARLMAÐUR á þrítugsaldri hefur í
Héraðsdómi Norðurlands eystra ver-
ið dæmdur í fimm mánaða fangelsi, en
fullnusta fjögurra mánaða af refsing-
unni er bundin því að hann haldi al-
mennt skilorð í þrjú ár. Kona, einnig á
þrítugsaldri, var dæmd í fjögurra
mánaða fangelsi skilorðsbundið til
þriggja ára og þá var rúmlega tvítug-
ur karlmaður dæmdur í 40 daga fang-
elsi, skilorðsbundið til tveggja ára. Sá
var einnig dæmdur til að greiða 45
þúsund króna sekt í ríkissjóð.
Fólkið sem um ræðir var ákært
fyrir margháttuð brot, m.a. fjársvik,
hylmingu, fíkniefnabrot og þjófnað.
Meðal annars var um að ræða sölu á
e-töflum, að hafa í fórum sínum
kannabis og maríjúana, að taka við og
geyma þýfi, einnig stuld úr nokkrum
verslunum, m.a. á geisla- og dvd-spil-
urum, farsímum, geisladiskum og
myndbandsspólum. Bótakröfur námu
rúmum 200 þúsund kr. Fólkið átti allt
að baki nokkurn sakaferil.
Fíkniefni voru gerð upptæk. Rík-
issjóði var gert að greiða rannsókn-
arkostnað vegna málsins en að öðru
leyti skal fólkið greiða sakarkostnað,
sem og málsvarnarlaun.
Ólafur Ólafssson héraðsdómari
kvað upp dóminn. Sigmundur Guð-
mundsson sótti málið fyrir ákæru-
valdið en lögfræðingarnir Gunnar
Sólnes, Benedikt Ólafsson og Stein-
grímur Þormóðsson voru til varnar.
Héraðsdómur Norðurlands eystra
Fangelsi vegna
margvíslegra brota
SAMHERJI hf. gekk í gær frá
kaupum á Sléttbak EA-4 en skip-
ið var áður í eigu Útgerðarfélags
Akureyringa hf. Ennfremur hef-
ur verið gengið frá sölu á
Kambaröst SU 200 til útgerðar í
Namibíu. Nettófjárfesting félags-
ins vegna þessara viðskipta er
ríflega 100 milljónir króna, skv.
frétt á heimasíðu þess.
Sléttbakur EA-4 er 902 brúttó-
lesta skip smíðað í Noregi á
árinu 1968 og hefur verið í eigu
Útgerðarfélags Akureyringa hf.
frá árinu 1973. Skipið var lengt
og því breytt í frystiskip árið
1987. Það er 69 metra langt, með
3.000 hestafla aðalvél og búið til
flakavinnslu og heilfrystingar á
karfa og grálúðu. Gert er ráð
fyrir að skipið haldi í sína fyrstu
veiðiferð á vegum Samherja í
ágúst.
Samhliða þessum skipavið-
skiptum hefur verið ákveðið að
taka Hjalteyrina EA-310 úr
rekstri fljótlega og setja á sölu-
skrá. Þá er enn fremur fyrirhug-
að að eitt af skipum Samherja
verði selt dótturfyrirtæki félags-
ins, Onward Fishing Company, á
næstu mánuðum. Onward hefur
verið með frystiskipið Normu
Mary á leigu undanfarin ár en
skipið er í eigu Síldarvinnslunnar
hf. á Neskaupstað.
Breytingar á skipastóli Samherja
Sléttbakur keyptur
en Kambaröst seld
HLJÓMAR frá Keflavík skemmta
gestum veitingastaðarins Við Poll-
inn um helgina, bæði föstudags- og
laugardagskvöld.
„Þess er skemmst að minnast að
Hljómar slógu rækilega í gegn síð-
astliðið sumar í heimsókn sinni á
Pollinn, því er varla annað hægt
en að hlakka til þeirrar einstæðu
stemmningar sem skapast, þegar
sjálfir frumherjarnir úr Bítlabæn-
um mæta á svæðið,“ segir í frétta-
tilkynningu.
Húsið verður opnað kl. 21 bæði
kvöldin.
Hljómar
við Pollinn
SAMÞYKKT var á fundi bæjarráðs
Ólafsfjarðar nýlega að fresta ráðn-
ingu bæjarstjóra um sinn. Alls sóttu
20 manns um stöðuna og þótti
fulltrúum meirihlutans í bæjarstjórn
Ólafsfjarðar þeir ekki fá það út úr
umsóknunum sem vonast var eftir,
þrátt fyrir að margir vel menntaðir
og mætir menn hefðu sóst eftir starf-
inu. Formanni bæjarráðs og forseta
bæjarstjórnar var falið að leita út
fyrir listann að hugsanlegum bæjar-
stjóra. „Málin standa því þannig að
við erum að líta í kringum okkur en
höfum ekkert fast í hendi enn sem
komið er,“ sagði Jóna Vilhelmína
Héðinsdóttir, formaður bæjarráðs.
Bæjarráð Ólafsfjarðar
Ráðningu
bæjarstjóra
frestað
DJASSINN mun að venju duna í
Deiglunni í Grófargili í kvöld,
fimmtudagskvöldið 18. júlí. Að þessu
sinni kemur fram djassdúó sem skip-
að er Kristjönu Stefánsdóttur söng-
konu og Agnari Má Magnússyni pí-
anóleikara.
Á dagskrá eru meðal annars lög
eftir Tómas R. Einarsson, Errol
Garner, Horace Silver, George og
Ira Gershwin, Billy Strayhorn og
Freddie Hubbart.
Tónleikarnir hefjast kl. 21.30.
Djass í
Deiglunni
♦ ♦ ♦
Stórhöfða 21, við Gullinbrú, s. 545 5500.
www.flis.is netfang: flis@flis.is
lím og fúguefni