Morgunblaðið - 18.07.2002, Blaðsíða 72
TÚRBÍNA brotnaði í Herjólfi þegar skipið var
statt vestur af Þrídröngum með 108 farþega á leið
frá Eyjum í land klukkan 10 í gærmorgun. Eldur
kviknaði og önnur aðalvél skipsins stöðvaðist, en
að sögn skipverja var engin hætta á ferðum.
Þegar túrbínan brotnaði sprautaðist olía yfir
pústgrein vélarinnar sem olli því að eldur mynd-
aðist og nokkur reykur. Skipið sigldi áfram til
Þorlákshafnar og kom þangað um kl. 11.30, eða
45 mínútum á eftir áætlun.
Neyðarkerfi skipsins fór í gang við eldinn. Allir
um borð voru kallaðir í matsal skipsins, en engin
hræðsla greip um sig meðal farþega.
Að sögn Björgvins Arnaldssonar hjá Landflutn-
ingum Samskipa, sem gera Herjólf út, er nú unnið
að viðgerð. Seinni ferðin í gær féll því niður. Von
er á varahlutum til landsins í nótt frá Danmörku
og ef allt gengur að óskum mun áætlun skipsins
verða eðlileg á föstudaginn, en í dag fer skipið að-
eins aðra ferðina milli Vestmannaeyja og Þor-
lákshafnar.
Eldur í Herjólfi en engin
hætta var á ferðum
Morgunblaðið/Sigurgeir
Allnokkur reykur myndaðist þegar kviknaði í annarri
aðalvél skipsins. Aðeins verður farin ein ferð í dag.
TVÆR nýjar lágvöruverðsverslanir
með mat- og sérvörur verða opnaðar
á næstunni í Reykjavík. Verslanirn-
ar heita Europris og eru í innkaupa-
sambandi við samnefnda verslana-
keðju í Noregi. Önnur verður opnuð
á næstu dögum á Lynghálsi 4 en hina
er ráðgert að opna innan fárra vikna
í Skútuvogi 2. Matthías Sigurðsson,
fyrrverandi framkvæmdastjóri Nóa-
túns, er framkvæmdastjóri Europris
hér á landi. Hann segir áherslu verða
lagða á mikið vöruúrval og lágt verð.
„Við förum í samkeppni þar sem
verðið liggur lægst. Í raun getum við
ekki líkt þessum verslunum við neitt
sem er á markaðnum. Við erum með
talsvert meira af sérvöru en hefð-
bundnar lágvöruverðsverslanir. Við
verðum með gott úrval af matvöru og
mjög breiða línu af vörum til heim-
ilisins,“ segir Matthías.
Ódýrasta keðjan í Noregi
„Þetta er íslenskt fyrirtæki en við
erum í innkaupasambandi við Euro-
pris-keðjuna í Noregi. Við höfum að-
gang að vörulager þeirra og munum
flytja inn frá þeim bæði sérvörur og
nýlenduvörur. Við verðum með allar
vörur á mjög góðu verði og síðan
koma inn fjölbreytileg tilboð í hverj-
um mánuði á vörum frá Europris í
Noregi. Auk þeirra vara sem við
kaupum frá Noregi verðum við með
allar helstu vörur sem bjóðast á ís-
lenskum markaði. Einnig kaupum
við allar ferskvörur hérlendis,“ segir
Matthías. Hann telur vörurnar frá
Europris vel samkeppnishæfar við
vörur á markaði hérlendis, enda sé
Europris ódýrasta lágvöruverðs-
verslun í Noregi.
Fjöldi verslana veltur á undir-
tektum viðskiptavina
Ásamt Matthíasi standa að versl-
uninni þeir Ottó Guðmundsson og
Lárus Guðmundsson en þeir hafa
mikla reynslu af innflutningi. Matth-
ías hefur starfað á matvörumarkaði í
um þrjá áratugi og rak t.d. versl-
unina Víði á sínum tíma. Að sögn
Matthíasar eru aðstandendur Euro-
pris að skoða hugsanlega staðsetn-
ingu fyrir fleiri verslanir. Hann tek-
ur þó fram að það velti vissulega á
undirtektum viðskiptavina hversu
margar Europris-verslanir verði
opnaðar hér á landi.
Nýjar lágvöruverðs-
verslanir í Reykjavík
Morgunblaðið/Kári Kristjánsson
FLÓRGOÐI er á válista Náttúru-
fræðistofnunar Íslands. Í stofninum
eru færri en 1.000 fuglar og er hann
talinn vera í yfirvofandi hættu. Með-
al varpstöðva flórgoðans hér á landi
er Ástjörn, skammt austur af Ás-
byrgi, en þar var þessi mynd tekin.
Flórgoðinn er farfugl, sem kemur
snemma á vorin. Ástarleikir flórgoð-
ans eru sérstakir. Hann stígur dans
og reisir tignarlegan fjaðurskúf. Í
þeim dansi kafar flórgoðinn eftir
vatnagróðri til að sýna makanum, en
gróðurinn notar hann í hreiður sín.
Flórgoði
í hættu
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 18. JÚLÍ 2002 VERÐ Í LAUSASÖLU 190 KR. MEÐ VSK.
Lágmúla og Smáratorgi
opið kl. 8-24
alla daga
BANDARÍSKA álfyrirtækið Alcoa,
sem hefur áhuga á að reisa álver í
Reyðarfirði, hefur ákveðið að raf-
skautaverksmiðja verði ekki byggð
við hlið álversins heldur sé ætlunin að
flytja inn rafskautin, sem notuð eru
við framleiðslu áls, sjóleiðina frá
Bandaríkjunum. Þá er ætlunin að
flytja úr landi kerbrot, sem falla til við
hreinsun kera í álverum. Þetta er
meðal þess sem kemur fram í viðtali í
blaðinu í dag við Jake Siewert, upp-
lýsingafulltrúa Alcoa, sem staddur er
hér á landi ásamt fleiri fulltrúum Al-
coa vegna undirritunar viljayfirlýs-
ingar við stjórnvöld um áframhald-
andi viðræður um byggingu álversins.
Í umhverfissmatsskýrslu Reyðar-
áls, undirbúningsfélags í eigu Norsk
Hydro og Hæfis, var gert ráð fyrir
allt að 223 þúsund tonna rafskauta-
verksmiðju við álverið í Reyðarfirði í
tveimur áföngum og sömuleiðis var
ætlunin að urða kerbrotin á iðnaðar-
lóðinni. Að sögn Siewerts ætlar Alcoa
að flytja kerbrotin til annarrar verk-
smiðju í eigu fyrirtækisins sem sér-
hæfir sig í endurvinnslu slíkra efna,
sem m.a. eru svo notuð í stáliðnaði og
til vegagerðar.
Jake Siewert segir að með þessum
aðgerðum ætli Alcoa sér að draga
sem mest úr mengun frá álverinu og
öðrum umhverfisáhrifum. Einnig
sparist með þessu milljarðar króna í
stofnkostnaði álversins. Þess má geta
að rafskautaverksmiðja var í úrskurði
Skipulagsstofnunar nefnd meðal
helstu mengunarvalda.
Eru til viðræðu um þátttöku í
uppbyggingu verndarsvæðis
Þá segir Siewert að Alcoa sé
reiðubúið til viðræðna um þátttöku í
uppbyggingu verndarsvæðis norðan
Vatnajökuls en þar eigi íslensk
stjórnvöld síðasta orðið. Hann bendir
einnig á að ekki sé búið að ákveða
endanlega framleiðslugetu álversins í
Reyðarfirði. Til þessa hefur einkum
verið talað um 320 þúsund tonna álver
en upplýsingafulltrúi Alcoa segir að
stærðin sé nær því að vera í kringum
300 þúsund tonn.
Áform Alcoa vegna fyrirhugaðs
álvers í Reyðarfirði
Rafskaut flutt
inn til landsins
Viljayfirlýsingin/10
JARÐSKJÁLFTA varð vart í vest-
anverðum Mýrdalsjökli í svonefndri
Goðabungu í gær. Samkvæmt upp-
lýsingum jarðskjálftadeildar Veður-
stofunnar var stærsti skjálftinn 2,5
stig á Richterskvarða snemma í gær-
morgun. Minni skjálftar fundust á
mælum Veðurstofunnar eftir því
sem leið á daginn. Þá mældust tveir
smáskjálftar norður af Grímsey í
gærkvöldi og einn skammt frá Laug-
arvatni á Suðurlandi.
Skjálftar í
Mýrdalsjökli