Morgunblaðið - 18.07.2002, Blaðsíða 55
Hjartkæra amma, far í friði,
föðurlandið himneskt á,
þúsundfaldar þakkir hljóttu
þínum litlum vinum frá.
Vertu sæl um allar aldir
alvaldshendi falin ver,
inn í landið unaðsbjarta,
englar Drottins fylgi þér.
(Höf. ók.)
Guð geymi þig, amma mín.
Þín
Sigrún Ása.
Það kom mér mjög á óvart þegar
ég fékk bréf í tölvupósti frá tengda-
dóttur Ásu, Auði Gunnarsdóttur, að
hún Ása hefði greinst með krabba-
mein og að hún væri á spítala í
geislameðferð. Enginn vissi hvort
þessi meðferð yrði henni til hjálpar
þar sem krabbinn væri víst kominn
út um allan líkamann. Seinna þegar
ég talaði við Auði í síma sagði hún að
nú væri Ása komin á líknardeild og
útlitið væri slæmt. Hún gæti ekki
lengur borðað né komið sér út úr
rúmi og var það bara spursmál hve
lengi hjartað myndi slá.
Hún Ása Magnúsdóttir, sem einn-
ig var þekkt sem Ása Magg á yngri
árum, var fædd í Vestmannaeyjum
árið 1931 og ólst þar upp hjá foreldr-
um sínum þeim Magnúsi og Guðrúnu
ásamt systkinum sínum. Snemma
fór hún að vinna í fiski eins og títt var
í Eyjum á þeim tíma. Hún gaf sér
einnig tíma til að stunda félagslíf
unga fólksins og fór á mörg böll eða
dansleiki þar sem ungt fólk hittist og
kynnist. Á þessum tíma kynntist hún
ungum sjóara, Jóni Hermundssyni,
sem ættaður var frá Strönd í Vestur-
Landeyjum og urðu þau með tíman-
um ástfangin hvort af öðru. Þau hafa
verið í hjónabandi í u.þ.b. 46 ár eða
miklu lengur en margir aðrir.
Þau Jón og Ása settu upp sitt
heimili á Hásteinsveginum í Eyjum
hjá foreldrum hennar í fyrstu, en
seinna fluttust þau í sitt eigið hús-
næði og áttu þar heima til 1973 þegar
gosið kom. Þá fluttust þau með fjöl-
skyldu sinni til meginlandsins og
settust að í Kópavogi þar sem þau
áttu heima alla tíð síðan.
Þeim Jóni og Ásu varð tveggja
barna auðið. Eldri er Hermann
Gunnar, rafvirki, býr í Þorlákshöfn
með Emmu konu sinni og syni, Hall-
dóri Garðari. Sá yngri, Magnús Rún-
ar, verslunarmaður, býr í Reykja-
nesbæ með konu sinni, Auði, og
tveimur börnum, þeim Jóni Gunnari
og Sigrúnu Ásu. Öll eru börnin og
barnabörnin myndarfólk sem það á
kyn til.
Ása var sérstök manneskja að
mörgu leyti. Hún var afbragðs kokk-
ur og bakari og voru ófáar máltíðir
sem ég borðaði hjá þeim, bæði sem
unglingur á vertíð í Eyjum og sem
gestur vestan frá Bandaríkjunum.
Henni var sérstaklega umhugað um
að allir fengju nóg í gogginn á sér og
nutu vinir og vandamenn þess í rík-
um mæli. Einnig var gestrisnin alveg
frábær að íslenskum hætti og þegar
ég kom í heimsókn til Íslands árið
1999 með fjölskylduna sváfum við
Mark, sonur minn, í aukasvefnher-
berginu og borðuðum flestar okkar
máltíðir hjá þeim. Ása átti þá einhver
ósköp af kökum og tertum sem hún
vildi endilega að við gerðum sem
best skil, sem við gerðum auðvitað.
Einnig tóku þeir Jón og Mark tafl
saman og höfðu gaman af, en þótt
þeir gætu lítið talað saman vegna
tungumálaerfiðleika var auðvelt að
bjarga sér á táknmáli í staðinn.
Ása var sérstaklega söngelsk, eins
og Jón er. Höfðu þau sérstaklega
gaman af að syngja saman. Ást á
söng og músík hefur einnig verið gef-
in börnum þeirra því bæði Hermann
og Rúnar voru í hljómsveit hérna
fyrr á árum og jafnvel í dag er Her-
mann með kór og hljómsveit í bæn-
um þar sem hann býr.
Elsku Ása mín, megi Guð gefa þér
hvíld frá vel unnu lífsstarfi og megi
hann styrkja eftirlifandi ástvin þinn
hann Nonna og börn og barnabörn
og ættingja bæði fjær og nær. Tím-
inn líður, fólk og staðir breytast en
minningarnar haldast í minni manns.
Fyrir hönd fjölskyldunnar vil ég
færa starfsfólki líknardeildar Land-
spítalans hjartans þakkir fyrir góða
umönnun Ásu á síðustu dögum henn-
ar í þessum heimi. Megi góður Guð
blessa minningu þessarar góðu
konu.
Herbert Númi.
MINNINGAR
MORGUNBLAÐIÐ FIMMTUDAGUR 18. JÚLÍ 2002 55
✝ Ingibjörg Hjart-ardóttir Fjeld-
sted fæddist á Auðn-
um á Vatnsleysu-
strönd 28. ágúst
1915. Hún lést á Sól-
túni í Reykjavík 8.
júlí síðastliðinn.
Foreldrar hennar
voru Hjörtur Árna-
son Fjeldsted, f. 17.
janúar 1875, d. 4.
janúar 1938, og
Björg Guðmunds-
dóttir Fjeldsted, f.
13. júlí 1886, d. 7.
mars 1955.
Systkini Ingibjargar eru Guð-
mundur Hjartarson Fjeldsted, f.
18. janúar 1910, d. 3. nóvember
1936, Hjörtur Hjartarson Fjeld-
sted, f. 4. júní 1919, d. 6. sept-
ember 1969, maki Anna Stein-
dórsdóttir, f. 2. apríl 1921, d. 19.
júlí 1979, Anna Hjartardóttir
Fjeldsted, f. 24. nóv-
ember 1921, d. 25.
nóvember 1998,
maki Magnús Helgi
Bjarnason, f. 28. jan-
úar 1917, d. 31. jan-
úar 1992. Hálfsystk-
ini Ingibjargar eru
Ágúst Hjartarson
Fjeldsted, Hafsteinn
Hjartarson Fjeld-
sted og Lilja Hjart-
ardóttir Fjeldsted,
öll látin.
Ingibjörg giftist
Gunnari Jóhanns-
syni sjómanni, fædd-
um á Ísafirði 17. mars 1916, d. 3.
apríl 1974. Börn þeirra eru Guð-
mundur Björgvin Gunnarsson, f.
13. desember 1940, d. 1. apríl
1942, og Gunnar Gunnarsson, f. 2.
apríl 1942, búsettur í Hafnarfirði.
Útför Ingibjargar fór fram í
kyrrþey.
Kæra móðir mín. Nú ert þú látin
eftir áratuga baráttu við ýmsa sjúk-
dóma og nú síðast við þann, sem oft-
ast tekur líf.
Þrátt fyrir veikindi þín, barna-
missi og áratuga sjúkrahúsvist
varstu sterk sem klettur í hafinu,
hughreystandi og uppbyggileg fyrir
son þinn og sýndir honum hvernig
takast má á við mótbárur í lífinu af
æðruleysi og rósemi.
Sem barn saknaði ég þess mikið að
fá ekki að alast upp og vera sam-
vistum við þig meira en varð í upp-
vextinum.
Sex ára barnabarn sagði við mig
eftir andlát þitt: „Þá fer Inga amma
til guðs á himnum.“ Ég trúi barninu
og veit með vissu að ef eitthvert okk-
ar á það skilið, þá ert það þú.
Kærleika barst þú til allra manna
og aldrei heyrði ég þig dæma nokk-
urn mann eða tala illa eða niðrandi
um nokkurn, sönn fyrirmynd í trú,
von og kærleika.
Ég þakka þér meir en orð fá lýst
fyrir alla hugulsemina í gegnum ár-
in, sem þú sýndir mér, eiginkonu,
börnum og barnabörnum.
Að lokum vil ég þakka af alhug öll-
um þeim fjölmörgu, sem veittu þér
aðhlynningu í gegnum árin á Land-
spítala, Vífilsstöðum og nú síðast á
Sóltúni í Reykjavík.
Guð blessi þig og varðveiti. Þinn
sonur,
Gunnar.
Elsku amma og langamma. Við
höfum ekki kynnst þér mikið í gegn-
um tíðina þar sem þú ert búin að
vera á spítala síðan við munum eftir
okkur, og miklu lengur en það.
Við vitum að þér líður betur núna
og að við eigum eftir að hittast aftur
og þá getum við verið meira saman
eins og það hefði átt að vera áður en
þú kvaddir þennan heim.
Við kveðjum þig núna með miklum
söknuði og þökkum þér fyrir allt sem
þú hefur gert fyrir okkur. Við mun-
um varðveita minningarnar sem við
eigum um þig í hjarta okkar.
Við elskum þig, Ingibjörg amma
og langamma, og líði þér sem allra
best hjá Guði.
Nú sefur jörðin sumargræn,
nú sér hún rætast hverja bæn
og dregur andann djúpt og rótt
um draumbláa júlínótt.
Við ystu hafsbrún sefur sól
og sofið er í hverjum hól.
Í sefi blunda svanabörn
og silungur í læk og tjörn.
Á túni sefur bóndabær
og bjarma á þil og glugga slær.
Við móðurbrjóstið börnin fá
þá bestu gjöf sem lífið á.
(Davíð Stef.)
Ástarkveðja,
Margrét Rún Gunnarsdóttir,
Ásgrímur Stefán Reisenhus,
Erling Þór Ásgrímsson,
Gunnar Már Ásgrímsson,
Jens Christian Ásgrímsson og
Belinda Dögg Ásgrímsdóttir.
INGIBJÖRG
HJARTARDÓTTIR
FJELDSTED
VESELIN Topalov sýndi hvers
hann er megnugur með því að
sigra Evgeny Bareev í fjórðu og
síðustu einvígisskák þeirra í und-
anúrslitum í Dortmund. Bareev
var með 2–1-forystu fyrir skákina
sem varð æsi-
spennandi.
Topalov hafði
hvítt og náði
góðri pressu
gegn Caro-
Kann-vörn Ba-
reev. Bareev
þurfti mikinn
tíma til að leysa
úr vandamálum
stöðunnar og
lenti að lokum í
alvarlegu tímahraki sem endaði
með því að hann féll á tíma í 40. leik
þegar hann vantaði einn leik til að
ná tímamörkunum. Staða hans var
þá reyndar orðin afar erfið.
Þar sem staðan eftir einvígis-
skákirnar fjórar var jöfn voru
tefldar tvær skákir með skemmri
umhugsunartíma (25 5). Spennan
hélt áfram og Bareev fékk vænlega
stöðu í fyrri skákinni. Topalov, sem
hafði svart, fórnaði riddara fyrir
tvö peð. Þrátt fyrir að ýmsir væru
farnir að spá Bareev sigri í enda-
taflinu sem fylgdi í kjölfarið varð-
ist Topalov vel og hélt jöfnu.
Síðari skákin var enn tilþrifa-
meiri. Bareev hafði svart og beitti
franskri vörn. Hann hefur stund-
um tapað illa í þeirri byrjun og svo
fór einnig að þessu sinni. Topalov
kemst því áfram í úrslitaeinvígið
gegn Leko, en fyrsta skák þeirra
verður tefld í dag og hefst klukkan
13. Tefldar verðar fjórar skákir,
ein á dag. Lokaskákin verður tefld
á sunnudag og þá verður jafnframt
teflt til þrautar ef jafnt verður eftir
fjórar skákir.
Hin afdrifa-
ríka úrslitaskák
þeirra Topalovs
og Bareevs
tefldist þannig:
Hvítt: Veselin
Topalov
Svart: Evgeny
Bareev
Frönsk vörn
1. e4 e6 2. d4
d5 3. Rc3 Rf6 4.
Bg5 dxe4 5. Rxe4 Rbd7 6. Rf3 Be7
7. Rxf6+ Bxf6 8. h4 c5 9. Dd2 cxd4
10. Rxd4 h6 11. Bxf6 Rxf6 12. Db4
Rd5 13. Da3 De7 14. Bb5+ Bd7 15.
Bxd7+ Kxd7 16. Da4+ Kc7 17.
Hh3 a6 18. Hb3 Dc5 19. 0-0-0 b5
20. Da5+ Db6 21. De1 Kb7 22. De2
Ka7?
Svörtum er vandi á höndum, en
þessi leikur gefur kost á bráðdrep-
andi fléttu, sem Topalov missir
ekki af.
(Stöðumynd)
23. Rxb5+! axb5 24. Hxb5 Dc6
25. Hdxd5 exd5 26. De7+ Ka6 27.
Hb3 Hótunin er einfaldlega 28.
Da3 mát. Bareev gafst upp.
Halldór Brynjar hlaut
silfrið í Búdapest
Halldór Brynjar Halldórsson
(2.168) lauk þátttöku sinni á First
Saturday-mótinu í Búdapest með
sigri á Ungverjanum Gabor Zilahi
(2.108). Hann hafnaði þar með í
öðru sæti á mótinu, fékk 8 vinninga
í 11 umferðum. Þjóðverjinn Martin
Kraemer (2.127) vann öruggan sig-
ur, hlaut 9½ vinning. Frammistaða
Halldórs var prýðileg og hann
hækkar á stigum fyrir árangurinn.
Það er sjaldgæft að sjá okkar yngri
skákmenn tefla erlendis á skák-
mótum þar sem þeir eru meðal
stigahæstu skákmanna, en Halldór
var næsthæstur á stigum í riðlin-
um. Það er skynsamlegt að tefla
ekki eingöngu á skákmótum þar
sem við ofurefli er að etja. Líklega
hefur Halldór ekki síður haft gagn
og gaman af þessu móti en móti
þar sem hann hefði verið í hópi
hinna stigalægstu.
Þeir Bragi Þorfinnsson og Stef-
án Kristjánsson tefla í stórmeist-
arariðli First Saturday-mótsins.
Eftir frábæra frammistöðu í síð-
ustu umferðum varð Stefán loks að
láta í minni pokann í 11. umferð
fyrir Andras Toth (2.401). Bragi
Þorfinnsson sigraði hins vegar Bui
Vinh (2.444). Þegar tvær umferðir
eru til loka mótsins er Stefán með
6 vinninga og er í 4.–5. sæti, en
Bragi hefur 4½ vinning og er í 10.–
11. sæti.
Dagur með 2½ af 3 gegn
sterkum andstæðingum
Dagur Arngrímsson (2.149)
vann góðan sigur í annarri umferð
á Politiken Cup-skákmótinu í
Kaupmannahöfn þegar hann lagði
alþjóðlega meistarann Fernando
Peralta (2.478). Guðmundur Kjart-
ansson, sem einnig sigraði í fyrstu
umferð, tapaði í annarri umferð
fyrir Thorbjørn Bromann (2.378).
Í þriðju umferð tefldi Dagur við
Svíann Anton Aaberg (2.408) og
gerði jafntefli. Strax eftir þrjár
umferðir er því orðið verulega
spennandi að fylgjast með frammi-
stöðu Dags. Guðmundur tefldi við
Danann Casper Busk (1.874) í
þriðju umferð, en skák hans var
ekki lokið þegar þetta er skrifað.
Mótið stendur frá 15.–26. júlí.
Leko og Topalov tefla
til úrslita í Dortmund
Peter
Leko
SKÁK
Dortmund
DORTMUND SPARKASSEN
CHESS MEETING 2002
6.–21. júlí 2002
Daði Örn Jónsson
Stöðumynd
Veselin
Topalov
Hallgrímskirkja. Hádegistónleikar kl. 12.
Eyþór Ingi Jónsson leikur á orgel.
Háteigskirkja. Taizé-messa kl. 20.
Vídalínskirkja. Bæna- og kyrrðarstund kl.
22. Ath. breyttan tíma. Gott er að ljúka deg-
inum í kyrrð kirkjunnar og ber þar fram
áhyggjur sínar og gleði. Bænarefnum má
koma til presta kirkjunnar og djákna. Hress-
ing í safnaðarheimilinu eftir stundina.
Hafnarfjarðarkirkja. Opið hús fyrir ung börn
og foreldra þeirra í Vonarhöfn, safnaðar-
heimili Strandbergs, kl. 10-12. Opið hús fyr-
ir 8-9 ára börn í safnaðarheimilinu Strand-
bergi, Vonarhöfn, frá kl. 17-18.30.
Víðistaðakirkja. Foreldrastund kl. 13-15.
Kjörið tækifæri fyrir heimavinnandi foreldra
með ung börn að koma saman og eiga
skemmtilega samveru í safnaðarheimili
kirkjunnar.
Þorlákskirkja. Biblíupælingar í kvöld kl. 20.
Kletturinn. Kl. 19 alfanámskeið. Allir vel-
komnir.
Vegurinn. Samkoma kl. 20. Högni Valsson
prédikar, lofgjörð, fyrirbænir og samfélag.
Allir velkomnir.
Akureyrarkirkja. Kyrrðar- og fyrirbæna-
stund kl. 12. Léttur hádegisverður á vægu
verði í Safnaðarheimili eftir stundina.
Safnaðarstarf
LAUGARDAGINN 20. júlí er Þor-
láksmessa á sumri. Við minnumst
þess, að árið 1198 voru helgir dóm-
ar verndardýrlings Íslendinga
teknir upp og skrínlagðir í Skál-
holtsdómkirkju.
Hátíðarmessa hefst þegar kl.
13.30 en ekki kl. 14.00 eins og til-
kynnt var áður (vegna brúðkaups
kl. 15.00).
Sr. Húbert Oremus, sem verður
85 ára sama dag, mun lesa þessa
messu.
Kristskirkja í Landakoti.
Kristskirkja
Landakoti –
breyting á
messutíma