Morgunblaðið - 18.07.2002, Blaðsíða 8
FRÉTTIR
8 FIMMTUDAGUR 18. JÚLÍ 2002 MORGUNBLAÐIÐ
Námskeið gegn reykingum hjá NLFÍ
Kominn tími
til að drepa í
Heilsustofnun Nátt-úrulækninga-félags Íslands
býður upp á námskeið fyr-
ir þá sem vilja hætta að
reykja. Næsta námskeið
er í ágúst og stendur
skráning yfir um þessar
mundir. Morgunblaðið
ræddi við Bridget Ýr
McEvoy, verkefnisstjóra
hjá heilsustofnuninni, um
námskeiðið og hugmynda-
fræðina sem það, sem og
allt starf NLFÍ, byggist á.
– Hvers konar námskeið
er þetta?
„Þetta er vikulangt
námskeið, fólk kemur á
sunnudagskvöld 18. ágúst
og dvelur í viku, til 25.
ágúst. Á þessum tíma er
nóg að gera, við höfum
metnaðarfulla dagskrá sem hjálp-
ar þátttakendum í gegnum fyrsta
fráhvarfstímabilið. Einnig hag-
nýtum við okkur til hins ítrasta
hið fallega og friðsæla umhverfi
sem heilsustofnunin býður. Við
leggjum áherslu á slökun og
streitulosandi æfingar, vegna
þess að fólk bæði leitar í tóbak við
streitu og getur upplifað mikla
streitu við að hætta að reykja.“
– Hver er hugmyndafræðin að
baki námskeiðunum?
„Við byggjum á hugmynda-
fræði Heilsustofnunar NLFÍ, að
bera ábyrgð á eigin heilsu og líta
á sig sem heilrænan einstakling.
Við beitum heilsurækt, slökun og
útivist sem virkri meðferðarleið.
Hver og einn þátttakandi fær
fræðslu, ráðgjöf og stuðning við
að breyta lífi sínu til hins betra.
Fræðslan er um hvernig taka má
líf sitt föstum tökum og lifa
heilsusamlegu lífi, fremur en að
ræða skaðsemi tóbaks. Þeir sem
reykja vita vel hve hættulegt það
er, en lifa í afneitun. Við leyfum
þeim sem vilja að nota nikótínlyf,
en lítum á það sem auka stuðning
við að hætta að reykja.“
– Áherslurnar hjá ykkur eru þá
frekar í breytingum á hegðun.
„Já, við einbeitum okkur að
fræðslu um leiðir til betra lífs án
tóbaks, hvernig stjórna má
streitu, löngun í tóbak og vanlíð-
an vegna fráhvarfseinkenna. Við
lítum svo á að þeir sem koma til
okkar séu búnir að taka ákvörð-
unina um að hætta að reykja. Áð-
ur en til þess kemur hefur við-
komandi farið í gegnum nokkur
stig, fyrst ekki þótt neitt að því að
reykja, síðan íhugað málið og velt
fyrir sér möguleikum á bættu líf-
erni og loks ákveðið að hætta að
reykja.“
– Hafið þið haldið svona nám-
skeið oft?
„Við höfum haldið þau síðan
1996 og alls haldið þau um 50
sinnum. Árangurinn hefur verið
góður, en misjafn eftir hópum, og
höfum við gert rannsóknir á
árangri á námskeiðunum og kom
í ljós eftir fyrstu tvö árin að um
einn þriðji þátttakenda
var reyklaus ári eftir
námskeiðið. Þrátt fyrir
að ekki hafi allir náð að
hætta algjörlega að
reykja mátti sjá að
mjög margir höfðu breytt sínum
lífsstíl og snúist til heilbrigðara
lífernis. Nýrri tölur frá námskeið-
unum undanfarin ár sýna enn
betri árangur. Flestir þeirra sem
byrja aftur að reykja byrja innan
þriggja mánaða frá námskeiðinu.
Þar verður að hafa í huga að
reykingar eru fíkn og það þarf
mikið átak til að hætta þeim að
fullu.“
– Hvernig má styðja þá sem
eiga erfitt með að halda sig frá
tóbakinu?
„Við bjóðum upp á eftirfylgd í
ljósi þess að margir byrja fljót-
lega aftur. Það þarf mikið átak að
hætta að reykja, en það er líka
heljar átak að byrja ekki aftur.
Viðhaldstímabilið er mjög langt,
viðkomandi getur byrjað aftur að
reykja mörgum árum eftir að
hann hætti ef hann fær ekki
stuðning.“
– Það hlýtur að vera mikið átak
fyrir marga að hætta að reykja.
„Já, sérstaklega þegar viðkom-
andi hefur reykt jafnvel síðan
hann var unglingur og ekki upp-
lifað fullorðinsárin án tóbaks. Þar
stýrir tóbakið lífi viðkomandi.
Margir sem koma til okkar reykja
meira en einn pakka af sígarett-
um á dag. Við það að koma til
okkar á heilsustofnunina losnar
viðkomandi úr viðjum vanans og
getur tekið nýja stefnu í lífinu.
Lausnin frá venjubundnum reyk-
ingaaðstæðum er mjög mikilvæg,
en málið getur vandast þegar
heim er snúið, þá tekur vilja-
styrkurinn við og okkar hjálp.“
– Hvaða ástæður hafið þið séð
helstar á að fólk hætti að reykja?
„Að sjálfsögðu ættu allir að
hætta að reykja vegna skaðlegra
áhrifa á heilsu, en það hefur kom-
ið í ljós að margir þeirra sem
koma til okkar hafa einfaldlega
fengið nóg og eru til-
búnir til að hætta að
reykja. Það er mjög
gott þegar ákvörðunin
er tekin af einstak-
lingnum sjálfum. Þeir
sem koma vegna þess að einhver
nákominn sendi þá á námskeið
eiga enn langt í land með að sætta
sig við að hætta að reykja.“
Þeir sem vilja skrá sig á nám-
skeið Náttúrulækningafélags Ís-
lands á Heilsustofnuninni í
Hveragerði til þess að hætta að
reykja geta hringt í heilsustofn-
unina í síma 483 0300 eða sent
póst á netfangið heilsu@hnlfi.is.
Bridget Ýr McEvoy
Bridget Ýr McEvoy er fætt í
Kilkenny, Suður–Írlandi, árið
1953. Hún lauk námi í geð-
hjúkrun frá St. Canicés Training
Hospital, Kilkenny árið 1973 og
starfaði þar þangað til hún flutti
til Íslands 1978. Hún starfaði við
geðdeild FSA til 1985, en síðan
hefur hún starfað við Heilsu-
stofnun NLFÍ í Hveragerði, við
ráðgjöf og fræðslu, þar á meðal
við stjórn reykleysisnámskeiða.
Hún er gift Sveini Magnússyni,
framhaldsskólakennara, og eru
dætur þeirra tvær, Anna Guð-
björt og María Dagbjört.
Hættið að
reykja með
hjálp NLFÍ
AUGLÝSINGAFRESTUR
vegna breytinga á svæðisskipu-
lagi miðhálendis Íslands, norðan
Vatnajökuls, er liðinn en alls bár-
ust athugasemdir frá þremur að-
ilum. Þeir eru Náttúruvernd rík-
isins, Markaðsstofa Austurlands
og Fljótsdalshreppur, en áður
höfðu borist athugasemdir frá
Landvernd og (SUNN) samtök-
um um náttúruvernd á Norður-
landi. Að sögn Óskars Bergsson-
ar, formanns samvinnunefndar
miðhálendis, mun nefndin funda
dagana 24. til 25. júlí en þá verð-
ur athugasemdum svarað og
skipulagstillagan tekin til af-
greiðslu. Hann segir að ekki sé
búist við miklum ágreiningi um
málið í nefndinni. Í atkvæða-
greiðslu um tillöguna eins og hún
lá fyrir, áður en hún var auglýst,
hafi þrír fulltrúar nefndarinnar
setið hjá en aðrir nefndarmenn
samþykktu tillöguna. „Við mun-
um væntanlega afgreiða skipu-
lagið með einhverjum breyting-
um, en eftir það verður málið
sent til Skipulagsstofnunar sem
fer yfir skipulagstillögurnar á
nýjan leik. Að því loknu er málið
sent umhverfisráðherra til stað-
festingar eða synjunar. Það má
reikna með því að málið verði
komið inn á borð til ráðherra um
miðjan ágúst,“ segir Óskar.
Breytingar á svæðisskipulagi miðhálendis
Fimm gera athugasemdir
ÞEIR voru heldur vindbarðir vin-
irnir Jordi Herreros og Josep
Cabanes frá Barcelona, þegar
Morgunblaðið hitti þá við Núps-
stað í Skaftafellssýslu á dögunum.
Þeir voru á leiðinni að Kirkjubæj-
arklaustri frá Jökulsárlóni. Þeir
höfðu lagt langa vegalengd að
baki, hjóluðu frá flugvellinum í
Keflavík, norður Kjalveg og aust-
ur fyrir.
„Vegurinn er góður, vanda-
málið fyrir okkur er vindurinn og
kuldinn. Suma daga rignir og
hverjum degi fylgja ný vanda-
mál,“ segir Herreros og hlær. Þá
um morguninn hafði kærasta
Cabanes gefist upp fyrir íslenskri
veðráttu og tekið rútu til Reykja-
víkur þar sem hún ætlaði að hitta
þá félaga þegar þeir hefðu lokið
hringferðinni. „Umferðin er í
lagi, bílarnir fara hratt fram hjá
okkur, en heima hjá okkur eru
bílarnir fleiri og keyra enn hrað-
ar,“ bætir Herreros við.
Þeim félögum fannst fallegast í
Mývatnssveit og á Kili. „Ísland er
mjög fjölbreytt og fallegt land.
Leiðinlegasti hlutinn var milli
Grímsstaða á Fjöllum og Egils-
staða, þar var bara vegur og ekk-
ert landslag,“ segir Herreros.
Spánverjarnir segja kortin af Ís-
landi léleg, oft sé gefið í skyn að
tjaldstæði sé að finna á ákveðnum
stöðum, en svo sé ekkert tjald-
stæði þar þegar til kemur.
Hverjum
degi
fylgja ný
vandamál
Morgunblaðið/Jim Smart