Morgunblaðið - 18.07.2002, Blaðsíða 59
FRÉTTIR
MORGUNBLAÐIÐ FIMMTUDAGUR 18. JÚLÍ 2002 59
Í GÓÐVIÐRI síðustu vikna hefur
gróður vaxið og dafnað vel hér í
Hveragerði. Umhverfis- og nátt-
úruverndarnefnd bæjarins af-
henti viðurkenningar fyrir feg-
urstu garðana 11. júlí sl.
Afhendingin fór fram í Hvera-
skálanum en það er veitinga-
staður sem nýlega tók til starfa í
hjarta bæjarins, á sjálfu hvera-
svæðinu. Auk nefndarinnar völdu
krakkarnir í vinnuskólanum einn
garð, sem þeim fannst bera af.
Verðlaun fyrir fyrirtækjalóð
hlaut Garðyrkjustöð Ingibjargar
Sigmundsdóttur í Heiðmörk 38.
Vinnuskólinn valdi lóð Maríu
Risami og Guðmundar Bald-
urssonar í Laufskógum 5.
Framfaraverðlaun hlaut El-
ínbjörg Kristjánsdóttir Lyngheiði
26.
Verðlaun fyrir þrjá fallegustu
garðana í bænum hlutu Magnús
Gíslason og Karlinna Sigmunds-
dóttir í Dynskógum 3, Gunnlaug
Antonsdóttir í Reykjamörk 13 og
Margrét Traustadóttir og Gísli
Freysteinsson á Arnarheiði 26.
Formaður nefndarinnar, Krist-
inn T. Haraldsson, afhenti verð-
launin en hann ásamt nefndinni
og umhverfisstjóra bæjarins
gekk um garða bæjarins til að
velja þá. Hann gat þess í ávarpi
sínu að það hefði komið sér á
óvart hve marga fallega og rækt-
arlega garða væri að finna í
Hveragerði.
Fegurstu garðar
Hveragerðis verðlaunaðir
Morgunblaðið/Margret Ísaksdóttir
Eigendur verðlaunagarðanna ásamt Kolbrúnu Þóru Oddsdóttur umhverfisstjóra og Kristni Haraldssyni, for-
manni umhverfisnefndar, en afhending viðurkenninga fór fram í Hveraskálanum.
Hveragerði. Morgunblaðið.
VINNANDI fólk hefur rétt á
almennri heilbrigðisþjónustu
til lífstíðar verður umræðuefn-
ið á málfundi sósíalíska verka-
lýðsblaðsins Militants sem
haldinn verður 19. júlí á Skóla-
vörðustíg 6b, kl. 17.30.
„Ríkisstjórnin heldur spítöl-
unum áfram í fjársvelti og
sumarlokanir eru löngu orðnar
árviss viðburður. Allt of fáir
starfsmenn eru í heilbrigðis-
kerfinu og ungum læknum er
þrælað út á endalausum vökt-
um. Tilraunir eru gerðar til að
einkavæða hluta af heilbrigð-
iskerfinu, sem kemur sér
ágætlega fyrir borgarastéttina
en lendir harkalega á verka-
fólki.
Barátta ungra lækna fyrir
eðlilegum vinnutíma er skref í
rétta átt að breiðari baráttu
fyrir vel mönnuðu, mannsæm-
andi heilbrigðiskerfi. Eins og
verkföll sjúkraliða og hjúkrun-
arfræðinga undanfarin ár eru
aðgerðir unglækna partur af
kjarabaráttu sem getur þróast
í félagsleg átök um líf og heilsu
vinnandi fólks, jafnt þeirra sem
starfa á spítölum og þeirra sem
nota þjónustu þeirra.
Framtíð heilbrigðisþjónustu
er komin undir sjálfstæðum að-
gerðum verkalýðsstéttarinnar,
utan heilbrigðiskerfis sem inn-
an,“ segir í fréttatilkynningu.
Málfundur
sósíalíska
verkalýðs-
blaðsins
UM NÆSTU helgi lýkur vísitasíu
biskups Íslands, Karls Sigurbjörns-
sonar, í Borgarfjarðarprófastsdæmi.
Á morgun, föstudaginn 19. júlí, mun
biskup vísitera Fitjakirkju, ásamt
prófasti. Hátíðarguðsþjónusta verð-
ur þar kl. 15. Um kvöldið mun biskup
heimsækja Vatnaskóg og leiða guðs-
þjónustu þar.
Laugardaginn 20. júlí sækir bisk-
up heim Knarrarnes og Hjörsey, en í
Hjörsey stóð kirkja í um fimm
hundruð ár. Þar verður guðsþjón-
usta í gamla kirkjugarðinum.
Sunnudaginn 21. júlí verður hátíð-
arguðsþjónusta í Borgarkirkju kl.
14. Þá verður þakkað fyrir endur-
bætur á kirkjunni og þess minnst að
kirkja hefur staðið á Borg frá árinu
1002, eða í 1000 ár. Að lokinni messu
verður kirkjukaffi í boði sóknar-
nefndar á Hótel Borgarnesi.
Þúsund ára
kirkjuafmæli
á Borg
SVEINN Klausen, þýðandi og land-
vörður, mun í fimmtudagskvöld-
göngu leiða gesti um Snókagjá, eina
dýpstu og gróðursælustu gjá á Þing-
völlum.
Gengið verður eftir endilangri
gjánni og komið upp úr henni í
Stekkjargjá við Langastíg. Göngu-
leiðin í gjánni liggur á nokkrum stöð-
um yfir stórgerð hraunhöft eða
klettahrun, sem rekja má til jarð-
skjálfta fyrri alda. Lagt verður af
stað frá þjónustumiðstöð kl. 20.
Fimmtudags-
ganga á
Þingvöllum
♦ ♦ ♦