Morgunblaðið - 18.07.2002, Blaðsíða 22
ERLENT
22 FIMMTUDAGUR 18. JÚLÍ 2002 MORGUNBLAÐIÐ
AÐ MINNSTA kosti 59 manns, aðallega börn,
hafa dáið af völdum óvenjumikils kulda í fjalla-
héruðum í suðausturhluta Perú, að sögn forseta
landsins, Alejandro Toledo, í gær. Yfir 66.000
manns eru án húsaskjóls og matar á nokkrum
afskekktum svæðum í Andesfjöllum og mjög erf-
itt er að koma matvælum til þeirra vegna fann-
fergis.
Toledo forseti lýsti yfir neyðarástandi í átta
fjallahéruðum Perú um helgina og óskaði eftir
alþjóðlegri aðstoð við hjálparstarfið. Héruðin eru
öll í yfir 2.500 metra hæð yfir sjávarmáli.
Kuldaskeiðið hófst fyrir rúmri viku og frostið
er allt að tólf stig á Celsíus. Vegir hafa lokast
vegna fannfergisins og þyrlur hafa verið sendar
með hjálpargögn til afskekktra þorpa. Ekki er
þó hægt að nota þær á nokkrum af hálendustu
svæðunum vegna hvassviðris og björgunarsveitir
þurfa því að fara þangað fótgangandi.
Perú er á suðurhveli jarðar og þar er nú há-
vetur. Breska útvarpið BBC segir að um fimmt-
ungur lamadýra- og alpakahjarða landsins hafi
þegar drepist, eða 80.000 dýr. Indíánar í fjalla-
héruðunum hafa einkum viðurværi sitt af kvik-
fjárrækt, aðallega alpaka- og lamadýrum.
Embættismenn segja að hætt hafi að snjóa í
fjallahéruðunum en ekki hafi dregið úr frostinu.
Kuldinn komi harðast niður á börnum og gam-
almennum og mörg þeirra hafi fengið lungna-
bólgu og lungnakvef.
AP
Barn í einu fjallahéraða Perú þar sem lýst hefur verið yfir neyðarástandi vegna kulda sem hafa komið harðast niður á börnum og gamalmennum.
Toledo forseti lýsir yfir neyðarástandi og biður um alþjóðlega hjálp
Tugir manna deyja af völd-
um kulda í fjöllum Perú
Lima. AFP.
ÍRANAR sögðust í vikunni hafa átt
viðræður við þrjú erlend fyrirtæki
með það að markmiði að flytja út ísl-
amskar brúður, tvíburana Dara og
Söru, til Bandaríkjanna og fleiri
vestrænna ríkja.
Brúðurnar hafa verið seldar í Ír-
an í nokkra mánuði og voru settar á
markaðinn til að berjast gegn menn-
ingarlegum áhrifum frá Bandaríkj-
unum og keppa við Barbie og Ken.
Dara og tvíburasystir hans, Sara,
sem er í hefðbundnum klæðnaði ísl-
amskra kvenna, eiga að „efla
siðferðisvitund“ barna. Að sögn ír-
anskrar stofnunar sem stendur fyrir
framleiðslunni hafa henni borist
hundruð fyrirspurna í tölvupósti frá
fólki í öðrum löndum sem vill kaupa
brúðurnar.
Barbie fær
íslamska
keppinauta
Teheran. AFP.
GERÐ var árás á indverska her-
bækistöð í Aishmuqaam í Kasmír í
gær og komið af stað sprengingum
sem urðu a.m.k. þrem mönnum að
bana auk þess sem átta særðust.
Skæruliðar múslíma, sem berjast
fyrir því að indverski hluti Kasmír
fái sjálfstæði, gera oft árásir á slíkar
bækistöðvar sem Indverjar nota í
baráttunni gegn skæruliðunum og
hermdarverkum þeirra. Um síðustu
helgi réðust hermdarverkamenn á
fátækrahverfi í borginni Jammu og
féllu 28 óbreyttir borgarar, þar af
nokkur börn.
Þorri íbúa indverska hluta Kasmír
er íslamstrúar. Indverjar saka
stjórnvöld í Pakistan um að styðja
við bakið á íslömskum hermdar-
verkamönnum en undanfarin 12 ár
hafa um 60.000 manns fallið í átök-
unum í héraðinu. Pervez Musharraf,
forseti Pakistans, vísar þessum
ásökunum á bug en segir Pakistana
styðja málstað sjálfstæðissinna. Hef-
ur Musharraf heitið því að reyna að
hafa hemil á vopnuðum flokkum sem
hafa aðsetur í Pakistan en laumast
yfir landamærin inn í Indland og
Bandaríkjamenn telja að verulega
hafi dregið úr aðgerðum hópanna
síðustu vikurnar.
Nýskipaður utanríkisráðherra
Indlands, Yashwant Sinha, sagði í
gær að Indverjar hefðu tekið eftir
yfirlýsingum Musharrafs um að
reynt sé að stöðva hermdarverka-
menn. „En það merkir ekki að við
séum fyllilega sammála skoðunum
Pakistana og Bandaríkjamanna,“
sagði Sinha. Tveir indverskir ráð-
herrar, Lal Krishna Advani aðstoð-
arforsætisráðherra og George Fern-
andes varnarmálaráðherra réðust
harkalega á Pakistansstjórn í um-
ræðum á þingi á þriðjudag. Hvatti
Advani ríki heims til að lýsa því yfir
að Pakistan væri hryðjuverkaríki ef
stjórn Musharaffs gerði ekki gang-
skör að því að uppræta þjálfunar-
búðir herskárra, íslamskra skæru-
liða í pakistanska hluta Kasmír.
„Hér er ekki einvörðungu um að
ræða árásir [yfir landamærin] held-
ur innviði skipulagðrar hryðjuverka-
starfsemi beggja vegna landamær-
anna,“ sagði Advani.
Fernandes sagði að Pakistans-
stjórn hefði átt aðild að hryðjuverk-
inu gegn óbreyttum borgurum í
Jammu í Kasmír um síðustu helgi.
„Hryðjuverkunum verður hætt um
leið og Pakistanar segja að þeir séu á
móti þeim,“ sagði Fernandes. Utan-
ríkisráðuneyti Pakistans hvatti í gær
ráðamenn í Indlandi til að hætta að
nota hvert tækifæri sem byðist til að
kenna Pakistan um „afleiðingar eig-
in vanrækslu“.
Vísbendingar um minni spennu
Þrátt fyrir þessi orðaskipti virðist
sem nokkuð hafi slaknað á spennu
milli Indverja og Pakistana en ríkin
hafa á undanförnum mánuðum safn-
að miklu herliði við landamærin og
bæði ráða yfir kjarnorkuvopnum.
Alls er talið að um milljón hermenn
séu nú beggja vegna landamæranna.
Á þriðjudag skýrðu háttsettir emb-
ættismenn í Nýju Delhí frá því að
Indverjar hefðu í liðinni viku dregið
þrjár herdeildir, alls um 18.000
manna lið, frá landamærunum. Ekki
væri þó ætlunin að segja opinberlega
frá aðgerðunum en ástæða þeirra
væri að dregið hefði úr árásum
hermdarverkamanna í Kasmír. Tals-
maður varnarmálaráðuneytis Fern-
andes vísaði því síðar á bug að nokk-
ur breyting hefði verið gerð á
liðssafnaðinum við landamærin.
Indverjar fluttu í júní nokkur her-
skip, sem þeir höfðu sent til svæða
undan strönd Pakistans, aftur til
bækistöðva á austanverðum Ind-
landsskaga. Einnig var mörgum her-
mönnum á landamærunum að Pak-
istan leyft að fara í leyfi.
Árás gerð á her-
bækistöð í Kasmír
Indverjar efast
um að Pakist-
ansstjórn vilji
stöðva hermd-
arverkamenn
Islamabad, Nýju Delhí, Jammu. AFP, AP.
AP
Herskáir hindúar reyna að ryðjast gegnum fylkingar lögreglu á mót-
mælafundi í Nýju Delhí í gær vegna hryðjuverks í Kasmír í liðinni viku.
DÓMSTÓLL í Zimbabwe hefur
dæmt dómsmálaráðherra landsins,
Patrick Chinamasa, í þriggja mánaða
fangelsi fyrir að mæta ekki í dómssal
þótt hann hefði verið sakaður um að
sýna dómstólnum óvirðingu. China-
masa, sem mun vera erlendis í emb-
ættiserindum, var einnig gert að
greiða 50.000 Zimbabwe-dollara, tæp-
lega áttatíu þúsund krónur, í sekt.
Chinamasa var ákærður vegna
þess að hann hafði ráðist harkalega á
dómstólinn fyrir að láta nægja að
dæma þrjá bandaríska trúboða í sex
mánaða fangelsi fyrir ólöglegan
vopnaburð árið 1999. Vildi ráð-
herrann að tekið yrði harðar á málinu
en heimilt er að dæma fólk í lífstíð-
arfangelsi fyrir brot af þessu tagi.
Fyrr í mánuðinum sagðist Chinamasa
ætla að mæla með því að embættis-
ferill dómarans yrði rannsakaður,
þótt hann væri að fara á eftirlaun.
Innanríkisráðherra Zimbabwe,
Jonathan Moyo, sagði úrskurðinn
„skelfilegan“ og taldi dómarann vera í
persónulegri krossferð gegn China-
masa. Dómarinn heitir Fergie Black-
ie og á að fara á eftirlaun í dag. Hann
er ekki blökkumaður.
Zimbabwe
Dómsmála-
ráðherra í
steininn?
Harare. AFP.
♦ ♦ ♦