Morgunblaðið - 18.07.2002, Blaðsíða 49

UMRÆÐAN
MORGUNBLAÐIÐ FIMMTUDAGUR 18. JÚLÍ 2002 49
ÞVÍ hefur verið haldið fram af
gáfuðum mönnum að framsóknar-
menn séu hverfandi þjóðfélagshóp-
ur, leifar af þjóðfélagsfyrirkomulagi
sem steinrann fyrir löngu. Bænda-
flokkur í landi sem ekki er hentugt
til búskapar. Sömu spekúlantar hafa
haldið því fram að ungir framsókn-
armenn séu eitthvað sem stríði gegn
öllum venjulegum formúlum. Þeir
geti í raun ekki talist ungir, því
hugsun þeirra sé svo gömul. Þeir
telja að ungt fólk skuli vera annað
tveggja, efnishyggju eða andans-
hyggju, annað mun ekki vera norm-
alt.
Ekki er þó Framsóknarflokkurinn
liðin tíð. Það er hann svo sannarlega
ekki þrátt fyrir að vera elsti stjórn-
málaflokkur landsins. Framsóknar-
flokkurinn var stofnaður árið 1916
og síðan þá hefur margt breyst í ís-
lensku þjóðlífi, í raun allt. Þar með
talinn Framsóknarflokkurinn. Hann
er samt ekki lagður niður þó svo
hann sé ekki í tísku þann áratuginn,
hann bara fær sér strípur eða perm-
anet og mætir endurnýjaður til
leiks, kominn í tísku enn og aftur.
Þetta hefur verið að gerast und-
anfarin misseri, eftir að póli„tísku“
löggurnar höfðu talið okkur öllum
trú um að grænt væri ekki inni í
haust og yrði það sennilega aldrei
aftur. Hvort sem það er Evrópu-
strípunum að þakka, eða nýja „lúkk-
inu“ á Halldóri er ljóst að enn um
sinn hefur Framsóknarflokkurinn
erindi í íslenskri þjóðmálaumræðu
og ekki síst meðal ungs hugsandi
fólks.
Því var fleygt fram í gríni fyrir
borgarstjórnarkosningarnar að það
væru tvö stór félagshyggjuframboð
sem bitust um völdin í borginni.
Nær væri þó að segja að stefnur
framboðanna stóru væru keimlíkar
grundvallarstefnu Framsóknar-
flokksins, að nýta kosti markaðarins
en setja þó manngildi ávallt ofar
auðgildi. Hlutu þessi sjónarmið
stuðning yfir 90% kosningabærra
borgarbúa í kosningunum.
Ungt fólk á svo sannarlega erindi í
Framsóknarflokkinn þó svo að hann
prediki hvorki andann né efnið,
heldur það sem best er í reynd.
Slurk af félagshyggju, skvettu af
einstaklingsframtaki og nokkur
kryddkorn af þjóðlegum gildum.
Það sýndi sig einnig eftir borgar-
stjórnarkosningarnar að Framsókn-
arflokkurinn er tilbúinn að gefa
ungu fólki færi á að hafa áhrif og
koma sínum skoðunum á framfæri.
Af þeim nefndarsætum sem komu í
hlut flokksins á vegum borgarinnar
var ungt fólk í um það bil þriðja
hverju, og þar af í mörgum af stærri
nefndum borgarinnar. Í Framsókn-
arflokknum er pláss fyrir ungt fólk
og skoðanir ungs fólks.
Framsóknarmaddaman
er komin úr lagningu!
Haukur Logi
Karlsson
Framsóknarflokkur
Ungt fólk, segir Haukur
Logi Karlsson, á svo
sannarlega erindi í
Framsóknarflokkinn.
Höfundur er formaður ungra fram-
sóknarmanna í Reykjavík suður.
Brúðargjafalistar
Mörkinni 3, s: 588 0640
Opið mánudag-föstudags 11-18.
Lokað á laugardögum í sumar
Hnífapör og matarstell frá
Þumalína
Alltaf í leiðinni
Skólavörðustíg 41, s. 551 2136