Morgunblaðið - 13.09.2002, Blaðsíða 2

FRÉTTIR
2 FÖSTUDAGUR 13. SEPTEMBER 2002 MORGUNBLAÐIÐ
RÓSAMUNDA Pálína Friðriks-
dóttir, eða Rósa eins og hún er
kölluð, á hundrað ára afmæli í
dag. Af því tilefni tekur hún á
móti gestum í Kiwanishúsinu við
Engjateig á morgun. „Ég vil ekki
hafa neitt húllumhæ hér í Sunnu-
hlíð,“ segir Rósa og brosir, en hún
hefur undanfarin ár dvalið í góðu
yfirlæti, að eigin sögn, á hjúkr-
unarheimilinu Sunnuhlíð í Kópa-
vogi. „Ég ætla að halda veisluna á
laugardaginn svo fólk geti hvílt
sig á sunnudaginn. Ég hlakka
mikið til að sjá allt fólkið mitt.“
Rósa er fædd að Ósi í Bolung-
arvík, en fluttist þaðan til Súða-
víkur þar sem hún ól upp börnin
sín þrjú og bjó í rúm 50 ár. Eig-
inmaður hennar hét Áki Eggerts-
son frá Kleifum í Seyðisfirði.
Hann lést árið 1981.
Hefur alltaf verið hraust
Barnabörnin eru tólf talsins og
barnabarnabörnin 20. Að sögn
Rósu eru afkomendurnir dreifðir
um allan heim, búa m.a. í Vín,
Ástralíu og Þýskalandi. Hún seg-
ist fylgjast vel með því sem drífur
á daga þeirra.
Ekki vill Rósa meina að langlífi
sé algengt í sinni ætt. „Ég hef
alltaf verið hraust,“ segir Rósa.
Hún hefur í nógu að snúast í
Sunnuhlíð, segist prjóna og hekla
mikið og einnig málar hún. Sonur
hennar, Börkur Ákason, skýtur
inn í að móðir sín sé alltaf að.
Í tilefni aldarafmælis síns ætlar
Rósa að stofna sjóð sem verður
notaður til að styrkja tóm-
stundaiðju í Sunnuhlíð. Biður hún
því þá sem höfðu hugsað sér að
gefa henni blóm eða aðrar gjafir
á afmælisdaginn vinsamlegast að
láta heldur andvirðið renna í sjóð-
inn. Það er hægt með því að
leggja inn á reikning 525-14-
603522.
„Ég á nóg af blómum,“segir
Rósa brosandi. „Þess vegna hef ég
þetta svona.“
Ættingj-
arnir um
allar jarðir
Morgunblaðið/Kristinn
Rósamunda og Börkur Ákason, sonur hennar, ræða um afmælið.
Stofnar sjóð fyrir eldri borgara á 100 ára afmæli sínu
Birgir Leifur Hafþórsson ætlar ekki
að leggja árar í bát / C1
Verður Mílanó háborg ítalska bolt-
ans á nýjan leik? / C2
8 SÍÐUR 4 SÍÐUR
 Sérsniðin stjörnuspá í SMS/B1
 Af annarri kynslóð grasnytjunga/ B2
 Lesmál í hólf og gólf/B3
 Á hjólum eða tveimur jafnfljótum/B4
 Út í heim að passa börn/B6
 „Bródering“ og bútasaumur/B7
Sérblöð í dag
VIÐ þingfestingu fyrir Héraðs-
dómi Reykjavíkur í gær játaði Þór
Sigurðsson að hafa banað Braga
Óskarssyni aðfaranótt 18. febrúar
síðastliðins.
Þór var ákærður fyrir tvö hegn-
ingarlagabrot, annars vegar fyrir
manndráp „með því að hafa á
gangstétt og götu fyrir framan hús
númer 50 og 52 við Víðimel, veist
að Braga Óskarssyni, fæddum 11.
janúar 1951, og banað honum með
því að slá hann margsinnis í höf-
uðið með kjötexi og slaghamri“
eins og segir í ákæru ríkissaksókn-
ara.
Þá var Þór einnig ákærður fyrir
þjófnað með því að hafa brotist inn
í hjólbarðaverkstæði við Ægisíðu
og stolið þaðan 40 þúsund krónum,
fimm Bandaríkjadölum, 9.400 pes-
etum og greiðslukortanótum. Fyrir
héraðsdómi jataði Þór bæði þessi
brot.
Aðalmeðferð
28. nóvember
Þá krafðist réttargæslumaður
móður hins látna liðlega 2,5 millj-
óna króna í miska- og skaðabætur
en þeirri kröfu hafnaði verjandi
ákærða.
Aðalmeðferð málsins mun hefj-
ast fyrir Héraðsdómi Reykjavíkur
28. nóvember næstkomandi.
Játar að
hafa banað
manni á
Víðimel
VIÐRÆÐUM framkvæmdanefndar
um einkavæðingu við eignarhalds-
félagið Samson ehf. vegna sölu á hlut
ríkisins í Landsbankanum verður
haldið áfram eins og ekkert hafi í
skorist, þrátt fyrir könnun Ríkisend-
urskoðunar, skv. upplýsingum Ólafs
Davíðssonar, formanns einkavæðing-
arnefndar. Geir H. Haarde fjármála-
ráðherra tekur í sama streng og seg-
ir athugun Ríkisendurskoðunar
engin áhrif hafa á gang málsins á
næstunni.
Eins og fram kom í Morgun-
blaðinu í gær hefur forsætisráðu-
neytið falið Ríkisendurskoðun að
fara yfir þau vinnubrögð sem viðhöfð
voru þegar ákveðið var að ganga til
viðræðna við Samson ehf. vegna söl-
unnar á hlut ríkisins í Landsbank-
anum, í kjölfar ávirðinga sem fram
komu í bréfi Steingríms Ara Arason-
ar, sem hefur sagt sig úr einkavæð-
ingarnefnd.
,,Viðræður hefjast fljótlega eftir
helgina og eitt það fyrsta sem farið
verður yfir er að búa til viðræðuáætl-
un og reyna að átta sig á hvað þetta
muni taka langan tíma,“ segir Ólafur.
Skoðun Ríkisendurskoðunar
tekur ekki langan tíma
Ólafur bendir á að Ríkisendur-
skoðun hafi fylgst með einkavæðing-
arferlinu allt frá upphafi þess og hér
sé um hefðbundin vinnubrögð að
ræða. ,,Ríkisendurskoðun hefur
reglulega fylgst með á undanförnum
árum og farið yfir alla framkvæmd
einkavæðingarinnar með reglulegu
millibili. Það er því bara eðlilegur
framgangsmáti og verður gert núna
með sama hætti. Sjálf vinnan heldur
því áfram,“ segir Ólafur.
Sigurður Þórðarson ríkisendur-
skoðandi sagðist í samtali við Morg-
unblaðið ekki geta sagt nákvæmlega
til um hvenær niðurstaða úr könnun
stofnunarinnar á verklagi einkavæð-
ingarnefndar mundi liggja fyrir en
kvaðst þó ekki gera ráð fyrir að hún
tæki langan tíma.
Ríkisendurskoðun fer yfir vinnu-
brögð einkavæðingarnefndar
Viðræðum við
Samson haldið
áfram eftir helgi
Fylgstu
með
nýjustu
fréttum
www.mbl.is
HLUTAFÉLAGIÐ FARICE hf.
var stofnað í gær, en tilgangur fé-
lagsins er undirbúningur lagningar
og rekstur sæstrengs sem annast
skal flutning á talsíma og Netum-
ferð milli Íslands, Færeyja og
Stóra-Bretlands. Stefnt er að því að
leggja strenginn á næsta ári og er
kostnaður við hann 5–6 milljarðar
króna.
Sturla Böðvarsson samgönguráð-
herra undirritaði samninginn fyrir
hönd íslenska ríkisins, en hlutdeild
Íslendinga í félaginu er 80% á móti
20% hlutdeild Færeyinga.
Alls koma níu aðilar að stofnun fé-
lagsins, sem leggja samtals fram 30
milljóna króna stofnfé. Þar af leggur
Landssími Íslands til 14,2 milljónir
og færeyska Telefonverkið P/F 5,2
milljónir. Samgönguráðuneytið
leggur til 8,2 milljónir og Tal hf.,
Lína.Net, Fjarski ehf. og Rann-
sókna- og háskólanet Íslands hf.
leggja til 400 þúsund krónur hvert.
Jafnhá upphæð kemur frá færeysku
fyrirtækjunum SPF P/F og Kall
P/F.
Sturla Böðvarsson sagðist í sam-
tali við Morgunblaðið hafa lagt
mikla áherslu á að tryggja fjarskipti
við útlönd. Í framhaldi af skýrslu
um stafrænt Ísland frá árinu 2000
hafi legið fyrir að auka þyrfti öryggi
í fjarskiptum. „Þess vegna var þessi
undirbúningsvinna sett af stað og
samstarf við Færeyingana. Það hef-
ur mikla þýðingu fyrir okkur að
koma á viðbótarsæstreng til að auka
öryggi og hafa afkastagetu og
tæknibúnað sem mestan og bestan,“
sagði Sturla. „Þannig getum við með
sanni sagt að fyllsta öryggis sé gætt
til viðbótar því sem kemur fram í
gegnum gervihnattasambandið. Ég
lít á þetta sem afar mikilvægan
áfanga og vona að í framhaldinu
komist menn niður á lausn hvað
varðar val á sæstreng og fjármögn-
un á þessu stóra verkefni, svo hægt
verði að leggja strenginn á næsta
ári.“
Næsta skref verður að undirbúa
stofnun rekstrarfélags sæstrengs-
ins, en Sturla segir að stjórn félags-
ins hafi mjög þröngan tímaramma
því hefja þurfi framkvæmdir á
næstu vikum og mánuðum.
Íslandssími ekki með og
telur ekki jafnræðis gætt
Íslandssími tók þá ákvörðun í gær
að vera ekki með í hlutafélaginu þar
sem fyrirtækið telur að engin trygg-
in sé fyrir því að jafnræðis verði
gætt meðal símafyrirtækjanna.
Óskar Magnússon, forstjóri Íslands-
síma, sagði við Morgunblaðið að
ekki væri tryggt að minni fjar-
skiptafyrirtækin fengju trygg áhrif í
stjórn félagsins til frambúðar.
„Vegna þátttöku ríkisins er eðlilegt
að gera þá kröfu að fullrar sanngirni
verði gætt við skipun í stjórn félags-
ins,“ sagði Óskar.
„Minni íslensku fjarskiptafyrir-
tækin og litlu færeysku félögin hafa
saman einn mann í stjórn bráða-
birgðafélagsins. Þetta er gott fyr-
irkomulag að mínu mati og það vil
ég sjá í félaginu fullsköpuðu. Fyrst
talið er mikilvægt að allir séu með á
undurbúningsstiginu, hví skyldi það
ekki vera ennþá mikilvægara þegar
félagið er fullskapað?“
Íslandssími segir í fréttatilkynn-
ingu sinni í gær að þátttaka ríkisins
eigi að tryggja minnihlutavernd fyr-
ir nýju símafélögin, en þau eigi að
öðrum kosti allt undir velvilja stærri
hluthafanna, Landssímans og Fær-
eyska landsímans.
Íslendingar og Færeyingar stofna hlutafélag um nýjan sæstreng
Stefnt að lagn-
ingu sæstrengs-
ins á næsta ári
Morgunblaðið/Golli
Sturla Böðvarsson samgönguráðherra undirritar samninginn fyrir
hönd ríkisins með aðstoð Halldórs Þorkelssonar. Bjarni Djurholm, at-
vinnumálaráðherra Færeyja, var viðstaddur stofnun hlutafélagsins.