Morgunblaðið - 13.09.2002, Blaðsíða 25
Matthew Perry og Elizabeth
Hurley í myndinni Serving Sara.
BANDARÍSKA gamanmyndin Serv-
ing Sara með þeim Matthew Perry og
Elizabeth Hurley í aðalhlutverkum
fjallar um Joe Tyler, sem vinnur fyrir
sér með því að neyða dómsskjöl upp á
auðtrúa fórnarlömb, allt frá bófum til
milljónamæringa. Hann er staðráðinn
í að þjóna sínu fólki og næsta fórn-
arlamb Joe er Sara Moore. Hún hefur
nefnilega náð að raka saman miklum
auði á nautgriparækt í félagi við
Gordon vin sinn, en þar sem Gordon
vill nú sitja einn að auðæfunum, ræð-
ur hann Joe til að koma því í kring að
svo geti orðið. En Sara er ekki neitt
lamb að leika sér við.
Hún undirbýr aðgerð til að endur-
heimta það sem hún telur sig réttilega
eiga. Það eru peningar ásamt sjálfs-
virðingu og kannski örlitlum skammti
af sannri ást. Áður en Gordon nær
sínu fram, uppgötvar Sara að til að
snúa hlutunum sér í hag, þarf að grípa
til örþrifaráða. Hún gerir Joe tilboð,
sem hann getur ekki hafnað.
Handritshöfundar myndarinnar
eru Jay Scherick og David Ronn, en
leikstjórinn er Reginald Hudlin.
„Þegar ég sá handritið, varð ég strax
spenntur fyrir að gera rómantíska
gamanmynd,“ sagði framleiðandi
myndarinnar Dan Halsted, sem hefur
m.a. framleitt Any Given Sunday í
leikstjórn Oliver Stone og The Virgin
Suicides í leikstjórn Sofia Coppola.
„Reggie Hudlin var augljóslega rétti
leikstjórinn enda hefur hann mikla til-
finningu fyrir svona myndum. Eftir
að hann leikstýrði Boomerang með
Eddie Murphy, fannst mér liggja í
augum uppi að hann einn kæmi til
greina sem leikstjóri myndarinnar,“
segir framleiðandinn sem nýlega hef-
ur lokið framleiðslu Beyond Borders
með Angelina Jolie og Clive Owen.
Hudlin, sem verðlaunaður var sér-
staklega fyrir frumraun sína sem
leikstjóri, gamanmyndina House
Party árið 1990 á Sundance-kvik-
myndahátíðinni, sagðist hafa verið
gagntekinn af gerð myndarinnar þeg-
ar hann hafði lokið lestri handritsins,
en House Party er byggð á stuttmynd
sem hann leikstýrði á námsárunum
„Mér finnst einkar skemmtilegt að
leikstýra persónum, sem ættu að vera
saman, en lenda svo sífellt í aðstæð-
um, sem stía þeim í sundur.“
Leikarar: Matthew Perry (The Whole
Nine Yards, Three to Tango, Almost
Heroes); Elizabeth Hurley (Bedazzled,
Permanent Midnight); Vincent Pastore
(Made, Deuces Wild, Riding in Cars with
Boys); Bruce Campbell (Spider-Man);
Amy Adams (Drop Dead Gorgeous). Leik-
stjóri: Reginald Hudlin.
Staðráðinn í að
ná rétti sínum
Sambíóin Álfabakka, Kringlunni, Kefla-
vík og Akureyri frumsýna Serving Sara
með Matthew Perry, Elizabeth Hurley,
Vincent Pastore, Bruce Campbell, Amy
Adams og Marshall Bell.
LISTIR/KVIKMYNDIR
MORGUNBLAÐIÐ FÖSTUDAGUR 13. SEPTEMBER 2002 25
Nokia 3310 á 9.900 kr.
- með 12 mánaða áskrift.
Ekkert stofngjald 2.100 kr.
9.900 kr.
Þú hringir
…með GSM áskrift
hjá Íslandssíma.
Nokia 3510 á 18.900 kr.
- með 12 mánaða áskrift.
Ekkert stofngjald 2.100 kr.
18.900 kr.
Nokia 3410 á 14.900 kr.
- með 12 mánaða áskrift.
Ekkert stofngjald 2.100 kr.
14.900 kr.
Hringdu í 800 1111, komdu í verslun
okkar í Kringlunni eða líttu á islandssimi.is.
Með Íslandssíma hringir þú frítt í fjögur
númer innan kerfis og á þjónustusvæði okkar.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
IS
S
18
33
3
07
/2
00
2
Í SPENNUMYNDINNI Triple X
eða XXX fer Vin Diesel með hlut-
verk Xander Cage, skapbráðs og
óttalauss spennufíkils, sem leyni-
þjónusta Bandaríkjastjórnar ræður
til að uppræta hryðjuverkahring í
Prag. Honum er falið að safna saman
upplýsingum um hryðjuverkasam-
tök, sem hafa það að markmiði að
tortíma heiminum. Hann er ekki alls
kostar ánægður þegar hann er pínd-
ur í að taka verkefnið að sér, en svo
virðist sem anarkistinn Xander Cage
sé eina von mannsins á þessum ógn-
artímum. Með aðstoð Augustus
Gibbons, sem leikinn er af Samuel L.
Jackson, ráðast þeir í sérverkefnið af
krafti með þeim afleiðingum að hitna
fer í kolunum svo um munar.
Eftir handritshöfund myndarinn-
ar Rich Wilkes liggja m.a. handrit að
Airheads, The Stoned Age, The
Jerky Boys Movie, Beer Money og
Glory Daze. Og ef að líkum lætur
verður nóg um hasar, brellur, hraða,
sprengingar, áhættuatriði, fagrar
meyjar, flotta bíla og þungarokk í
takt við allt saman.
Þessi mynd kemur frá framleið-
endum og leikstjóra The Fast and
the Furious, sem gerði garðinn
frægan í fyrrasumar. Leikstjórinn
Rob Cohen, sem er fæddur og uppal-
inn í New York og nam mannfræði
við Harvard-háskóla, hefur nær
þriggja áratuga reynslu í kvik-
myndageiranum, fyrst sem framleið-
andi og á síðari árum hefur hann átt
velgengni að fagna sem leikstjóri.
Eftir að hafa komið að framleiðslu
fjölda mynda fyrir Motown, stofnaði
hann sitt eigið kvikmyndagerðarfyr-
irtæki árið 1978 þar sem hann fram-
leiddi kvikmyndir með stórstjörnum
í helstu hlutverkum. Nefna má: The
Witches of Eastwick, The Running
Man, The Serpent and the Rainbow,
Bird on a Wire, Ironweed og Light of
Day.
Í leikstjórastólnum hefur Cohen
bæði unnið að sjónvarpsþáttum og
kvikmyndum. Hvað sjónvarpi við
kemur, má nefna þætti eins og
Miami Vice, Hooperman, A Year in
the Life, Private Eye og Vanishing
Son. Hann hefur auk þess leikstýrt
kvikmyndum á borð við: The Skulls,
The Rat Pack, A Small Circle of Fri-
ends, Daylight og Dragonheart.
Leikarar: Vin Diesel (Fast & the Fur-
ious, Pitch Black, Saving Private Ryan);
Asia Argento (Trauma, The Stendhal
Syndrome, The Phantom of the Opera);
Marton Csokas (Down and Under, The
Lord of the Rings, Garage Days); Sam-
uel L. Jackson (Pulp Fiction, Changing
Lanes, No Good Deed) og Michael Roof
(Black Hawk Down, Dances With
Wolves, Air Force One). Leikstjóri: Rob
Cohen.
Upprætir hryðjuverkahring
Smárabíó, Regnboginn, Laugarásbíó,
Sambíóin Keflavík og Borgarbíó Ak-
ureyri frumsýna XXX með Vin Diesel,
Asia Argento, Marton Csokas, Samuel
L. Jackson og Michael Roof.
Reuters
Vin Diesel sem Xander Cage í
spennumyndinni XXX.
ÞEGAR eiginmaður, sem jafnframt
er besti vinur manns, starfsfélagi og
faðir barnanna manns, hverfur allt í
einu af vettvangi sporlaust í vinnuferð
í stríðshrjáðu landi og engar sannanir
eða vísbendingar eru fyrir höndum
um hvar ástvinurinn er niður kominn
getur verið úr vöndu að ráða fyrir þá
sem eftir sitja með ótal spurningar.
Samferðamenn telja hann af, en til-
finning eiginkonunnar er aðeins sú að
eiginmaðurinn sé á lífi. Hún ákveður
að fylgja hugboði sínu í stað þess að
láta buga sig og leggur í langferð í leit
að manninum sínum á meðan börnin
tvö bíða föður síns heima.
Þetta er upphaf söguþráðar kvik-
myndarinnar Harrison’s Flowers
sem frumsýnd verður í dag, en mynd-
in hefur á íslensku fengið yfirskriftina
Dauðaleit. Sögusviðið eru stríðsátök-
in í fyrrum Júgóslavíu þar sem stríðið
undirstrikar þann hrottafengna
glundroða sem það skapar. Myndin
hlaut þrenn aðalverðlaun á San Seb-
astian-hátíðinni á Spáni, en hún var
þar valin sem besta myndin auk þess
sem Elie Chouraqui fékk verðlaun
fyrir bestu leikstjórn og Nicola Pec-
orini fyrir bestu kvikmyndatökuna.
Harrison Lloyd er sendur til Júgó-
slavíu til að safna fréttum og myndum
af minniháttar deilum sem ljósmynd-
ari og blaðamaður Newsweek. Hann
samþykkir ferðalagið með því skilyrði
að það verði hans síðasta þar sem
hann hafi hug á því að fara að vera
meira heima, bæði til að sinna börn-
unum sínum tveimur, Cesar og Marg-
aux og blómaræktinni, sem er bæði
ástríða hans og áhugamál enda er
hann orðinn þreyttur á að vera sífellt
takandi myndir af öllum þeim hryll-
ingi, sem viðgengst í heiminum.
Harrison kveður fjölskyldu sína með
það loforð á vörunum að hann muni
snúa til baka fyrir afmælisdag barna
sinna, en þegar hann svo birtist ekki á
réttum tíma og farið er að grennslast
fyrir um ferðir hans, er hann sagður
týndur á Osjiek-svæðinu í Norður-
Króatíu. Nokkrum dögum síðar er
hann svo talinn af.
Þessar fréttir verða til þess að ver-
öld eiginkonunnar Söru Lloyd hryn-
ur, en mitt í öllum sársaukanum er
hún þess fullviss að þessar fréttir eigi
ekki við rök að styðjast. Í nóvember
1991 þegar stríðsátökin milli Króata
og Serba eru hvað verst ákveður Sara
að stíga upp í flugvél á JFK-flugvelli í
New York og halda sem leið liggur út
í óvissuna til að gera dauðaleit að
manninum sínum. Sagan um leitina er
í senn saga Harrison-blómanna auk
þess sem hún freistar þess að svara
þeirri spurningu hvort ást einnar
konu geti á einhvern hátt storkað vit-
firringu mannskepnunnar.
Leikarar: Andie Macdowell (The Muse,
Muppets from Space, Town and
Country); David Strathairn (A Mid-
summer Night’s Dream, A Map of the
World, Limbo); Elias Koteas (Lost Souls,
The Thin Red Line, Living Out Loud);
Adrien Brody (Summer of Sam, Oxygen);
Brendan Gleeson (Lake Placid, Mission
Impossible 2); Alun Armstrong (With or
Without You). Leikstjóri: Elie Chouraqui.
Dauðaleit að eiginmanninum
Háskólabíó frumsýnir Dauðaleit með
Andie Macdowell, David Strathairn, El-
ias Koteas, Adrien Brody, Brendan
Gleeson og Alun Armstrong.
Andie Macdowell í verðlauna-
myndinni Harrison’s Flower.