Morgunblaðið - 13.09.2002, Blaðsíða 6

FRÉTTIR
6 FÖSTUDAGUR 13. SEPTEMBER 2002 MORGUNBLAÐIÐ
„LISTAVERKIÐ Stoð mun minna
okkur á með óvenju táknrænum
hætti, hvern einasta dag, um alla
framtíð, að við stöndum ekki ein,“
sagði Vilborg Traustadóttir, for-
maður MS-félags Íslands við at-
höfn sem fram fór í tilefni af af-
hjúpun listaverksins við hús
félagins í gær. „Það er áfall að
greinast með sjúkdóm og sjá fram
á skert lífsgæði. Það kallar fram
óöryggi og dregur úr manni kjark.
List og fegurð göfgar. Hún lyftir
okkur upp úr daglegum áhyggjum
og veitir gleði,“ sagði hún.
Listaverkið Stoð er eftir mynd-
höggvarann Gerði Gunnarsdóttur,
sem er félagi í MS-félaginu.
„Verkið á að tákna þann stuðning
og þá samheldni sem hverri mann-
eskju er nauðsynleg,“ sagði lista-
konan er verkið var afhjúpað.
„Það er von mín að þetta verk
minni ávallt á það að enginn
stendur einn og allir þurfa á stoð
að halda.“
Vilborg sagði hugmyndina að
listaverki á lóð félagsins hafa
kviknað árið 2000 þegar Reykja-
víkurborg veitti félaginu við-
urkenningu fyrir fallegan frágang
lóðarinnar.
Séra Pálmi Matthíasson blessaði
samkomuna og sagði í ávarpi sínu
að styttan ætti að minna á að það
er stoð að finna í þessu lífi. „Mörg
ykkar sem berið þennan erfiða
sjúkdóm hafið kennt okkur hvers
virði það er að fara með gát,
þiggja sérhvern dag og fara vel
með sérhverja þá gáfu og heilsu
sem okkur er gefin.“
Sjúkdómurinn mikil ráðgáta
MS-félagið var stofnað árið
1968. Árið 1986 var opnuð dagvist
í leiguhúsnæði. Fljótlega var ráð-
ist í að byggja eigið húsnæði og
var það vígt á Sléttuvegi 5 árið
1995. Sjö árum seinna var vígð
viðbygging við húsið sem hýsir
skrifstofur og göngudeild. Dag-
vistin tekur nú við 40 manns.
MS-félagið sinnir ennfremur
fræðslu um MS-sjúkdóminn, t.d.
með blaðaútgáfu og styður rann-
sóknir á sjúkdómnum. „En sjúk-
dómurinn hefur verið ein mesta
ráðgáta læknavísindanna hingað
til,“ sagði Vilborg við athöfnina.
John Benedikz, læknir og heið-
ursfélagi MS-félagsins, afhjúpaði
listaverkið. Gospelsystur sungu
nokkur lög við athöfnina, en MS-
félagið hefur gert samning við
þær um framleiðslu á geisla-
disknum Undir norðurljósum og
verður hann notaður í fjáröfl-
unarskyni fyrir félagið.
Listaverkið Stoð afhjúpað við hús MS-félags Íslands
Morgunblaðið/Kristinn
Gerður Gunnarsdóttir myndhöggvari og John Benedikz, er afhjúpaði listaverk hennar, Stoð.
„Við stöndum ekki ein“
LÁRA Margrét Ragnars-
dóttir, þingmaður og for-
maður Íslandsdeildar Evr-
ópuráðsins, fer til
Kaliningrad í Rússlandi á
sunnudag til að kynna sér
stöðu mála varðandi hindr-
anir á ferðum heimamanna
til og frá Rússlandi, en í
kjölfarið á hún að leggja
fram tillögur fyrir Evrópu-
ráðið til lausnar vanda-
málinu.
Breska dagblaðið Fin-
ancial Times gerir málinu
góð skil í gær, en þar kem-
ur m.a. fram að íslenski
þingmaðurinn Lára Mar-
grét Ragnarsdóttir eigi að
fara á vegum Evrópuráðs-
ins til Kaliningrad, rannsaka ferða-
frelsi heimamanna og koma með til-
lögur til Evrópuráðsins.
Lára Margrét Ragnarsdóttir hef-
ur starfað í Íslandsdeild Evrópu-
ráðsins frá 1991 og auk þess að vera
formaður hennar er hún formaður
félags- og heilbrigðisnefndar ráðs-
ins. Hún hefur mjög látið málefni
Tsjetsjníu til sín taka á undanförn-
um tveimur árum og er rétt komin
þaðan úr fjórðu heimsókn sinni, en
Financial Times greindi einnig frá
þeirri ferð í vikunni.
Lára Margrét segir að ákvörðun
ráðsins um að hún færi til Kalining-
rad hafi komið sér á óvart, en um sé
að ræða mjög mikilvægt mál fyrir
íbúa héraðsins, og ákvörðun þurfi að
taka fljótt og vel. Kaliningrad sé
hluti af Rússlandi en til að komast á
milli þurfi íbúarnir að fara í gegnum
Litháen og síðan Lettland eða
Hvíta-Rússland, eða í gegnum Pól-
land og Hvíta-Rússland, en auk þess
sé hægt að fara sjóleiðina til Péturs-
borgar og fljúga, en það séu dýrari
kostir. Vandinn sé sá að íbúarnir
þurfi að fá vegabréfsáritun til að
fara í gegnum viðkomandi land eða
lönd og það sé oft erfiðleikum bund-
ið auk þess sem þeim hafi verið gert
erfitt fyrir á landamærunum.
Hin hliðin sé sú að Eystrasalts-
ríkin og Pólland vilji ekki binda
hendur sínar með samningum sem
geti haft áhrif á aðild þeirra að Evr-
ópusambandinu.
Lára Margrét Ragnarsdóttir seg-
ir að Evrópuráðið leggi megin-
áherslu á að auðvelda ferðir Evr-
ópubúa milli landa álfunnar og innan
þeirra og hennar hlutverk í Kalin-
ingrad verði að finna lausn sem allir
geti sætt sig við. Því fari hún til við-
komandi landa um helgina, kynni
sér stöðuna og leggi fram tillögur til
úrbóta í kjölfarið, en Evrópuráðið
taki þær til umræðu í vikunni þar á
eftir.
Lára Margrét Ragnarsdóttir, formaður Íslandsdeildar Evrópuráðsins
Leggur fram
tillögur vegna
Kaliningrad



     
      
       



 





  ! !"#$




 Lára Margrét Ragnarsdóttir.
Morgunblaðið/Ásdís
SALA á notuðum bílum hefur gengið
mjög vel að undanförnu, samkvæmt
samtölum sem Morgunblaðið átti við
nokkra bílasala, innan og utan bíla-
umboðanna. Framboð af notuðum bíl-
um er sagt mikið og mun aukast á
næstu dögum og vikum þegar
stærstu bílaleigurnar endurnýja flota
sína eins og jafnan að hausti til. Telja
bílasalar að þetta geti haft tímabund-
in áhrif til lækkunar og dæmi eru um
að fólk spyrji hvenær von sé á bíla-
leigubílunum.
Bílabúð Benna er með stórlækkun
þessa dagana á notuðum bílum. Árni
Sveinsson sölustjóri segir að gripið
hafi verið til tímabundinnar verð-
lækkunar sökum offramboðs. Hann
segir að þetta sé orðinn árlegur við-
burður á markaðnum þegar endur-
nýjun á sér stað hjá bílaleigunum.
Árni segir að sala á notuðum bílum
hafi verið mjög góð í sumar og við-
brögðin við lækkuninni nú sömuleiðis.
Ingi Friðriksson, framkvæmda-
stjóri Bílasölu Íslands, hefur sömu
sögu að segja og Árni. Hann segir
mikla hreyfingu hafa verið í sölu not-
aðra bíla. Þannig hafi hann selt nærri
30 bíla í síðustu viku sem teljist mjög
gott. Það sé alkunna þegar samdrátt-
ur eigi sér stað í sölu nýrra bíla líkt og
hafi verið á þessu ári. Ingi á ekki von á
mikilli verðlækkun, nema þá helst á
þeim tegundum bíla sem bílaleigurn-
ar séu að endurnýja.
„Þetta gengur yfir á stuttum tíma,
umboðin eru fljót að sópa þessum
bílaleigubílum út,“ segir Ingi. Hann
segist einkum finna fyrir skorti á not-
uðum bílum í ódýrari kantinum og
dísilbílum. Mikið framboð sé af al-
gengum og nýlegum bílategundum.
Pétur Björnsson, sölustjóri Bíla-
hússins hjá Ingvari Helgasyni hf.,
segir söluna jafna og góða og svo hafi
verið síðustu mánuði. Staðan sé svip-
uð nú og fyrir ári. „Við erum vel sátt-
ir,“ segir Pétur sem á ekki von á sér-
stakri verðlækkun á næstunni, nema
þá að lækkun muni eiga sér stað á
nýjum bílum.
Finnum hug í fólki
Hjálmar Steinþór Elíesersson,
sölumaður notaðra bíla hjá Toyota-
umboðinu, segir að salan hafi gengið
mjög vel í sumar. Þó hafi örlítið hægst
á henni í ágústmánuði en september
fari vel af stað. Hann segir að ekki
hafi verið jafn lítið til af notuðum bíl-
um hjá þeim síðan árið 1999, sumar
tegundir sjáist varla á markaðnum.
„Við finnum hug í fólki. Eftir því
sem jákvæðari fréttir eru af efna-
hagslífinu verður fólk jákvæðara.
Vextir af bílalánum hafa líka verið að
lækka og það hefur sín áhrif,“ segir
Hjálmar. Hann segir að töluvert sé
farið að spyrja um hvenær bílaleigu-
bílar komi í sölu, það sé kunnuglegt
ástand á þessum árstíma.
Von á fjölda
bílaleigubíla
á markaðinn
Bílasalar finna fyrir mikilli
hreyfingu á notuðum bílum
UNGUR íslenskur verkfræðinemi,
Bjarki Hólm, hefur átt þátt í að
skrifa fjórar forritunarbækur á
ensku sem bandaríska tölvubóka-
forlagið Wrox gefur út. Bækurnar
eru meðal annars í sölu hjá vef-
versluninni Amazon.
Bjarki er 23 ára gamall og lýk-
ur verkfræðinámi næstkomandi
vor frá Háskóla Íslands. Hann seg-
ir aðdragandann að því að hann
var fenginn til að skrifa í bæk-
urnar vera þann að hann hafði
skrifað pistla um tölvuforritun inn
á heimasíður sem útsendari bóka-
forlagsins hafi heimsótt.
„Í framhaldinu setti hann sig í
samband við mig og þá sendi ég
honum efni sem ég hafði skrifað.“
Að sögn Bjarka eru bækurnar
hluti af bókaseríu sem er hugsuð á
þann veg að í þær skrifi forritarar
efni fyrir aðra forritara. Þannig
sé um eins konar handbækur að
ræða fremur en kennslubækur.
„Þær eru kannski ekki á jafn
fræðilegum nótum en margar aðr-
ar seríur. Í bókunum er fjallað um
forritunarmynstur og aðferð til að
leysa ákveðin vandamál með for-
ritun og gagnasafnsfræði.“ Hann
segir allt að átta höfunda að
hverri slíkri bók en að hann sé að-
alhöfundur að einni þeirra fjög-
urra bóka sem hann hefur skrifað
í.
Bjarki bendir á að hann sé ekki
eini Íslendingurinn sem hafi skrif-
að fyrir Wrox því félagi hans,
Ólafur Gauti Guðmundsson, hafi
tekið þátt í að skrifa tvær bækur
sem fyrirtækið hefur gefið út.
„Við vorum báðir að vinna hjá
sama forritunarfyrirtæki hér á Ís-
landi og komumst svo að hjá Wrox
óháð hvor öðrum þannig að það
var mjög skemmtileg tilviljun. Þá
var hann að vinna á skrifstofu fyr-
irtækisins í New York og komst í
kynni við þá þar en ég komst í
kynni við þá héðan.“
Hefur tekið
þátt í að
skrifa fjórar
enskar forrit-
unarbækur
Ungur verkfræðinemi
við Háskóla Íslands
♦ ♦ ♦