Morgunblaðið - 13.09.2002, Blaðsíða 12

HÖFUÐBORGARSVÆÐIÐ
12 FÖSTUDAGUR 13. SEPTEMBER 2002 MORGUNBLAÐIÐ
NOTKUN á framrúðuklukkum í
bíla í stað gjaldmæla á gjaldskyld-
um stæðum er ekki lausn sem þyk-
ir hentug í miðborgum og á stöð-
um þar sem mikil aðsókn er í
bílastæði, að mati framkvæmda-
stjóra Bílastæðasjóðs. Í Morgun-
blaðinu í gær var sagt frá því að
bæjaryfirvöld á Akureyri eru að
íhuga þann kost að hafa frítt í öll
bílastæði í bænum og yrði notk-
uninni stýrt með sérstakri fram-
rúðuklukku sem fólk gæti meðal
annars nálgast á bensínstöðvum,
sér að kostnaðarlausu. Þegar mæl-
irinn gjaldfellur gætu bíleigendur
hins vegar átt von á að verða sekt-
aðir líkt og gildir um gjaldskyld
bílastæði í dag.
Verslunareigendur í miðborginni
og forsvarsmenn þeirra sem Morg-
unblaðið náði tali af eru almennt
hlynntir því að slíkt kerfi verði
tekið upp.
Gefur fleirum kost á
að nýta stæðin
Ragnar Veigar Guðmundsson,
verslunarstjóri í Pennanum-Ey-
mundsson í Austurstræti, segist
þekkja slíkt fyrirkomulag frá Sví-
þjóð. Hann segir að með fram-
rúðuklukkum megi auka umskiptin
á bílastæðum í miðborginni um-
talsvert og telur að klukkurnar
yrðu til mikilla bóta fyrir við-
skiptavini verslana í bænum. Að
auki myndu þær draga úr því að
menn legðu í tiltekin stæði í lengri
tíma, að hans mati, eins og dæmin
sanni um þá sem erindi eiga í
miðbæinn og ekki síst hjá þeim
sem þar starfa, að hans sögn.
Hermann Jónsson, úrsmiður í
Veltusundi, segir hugmyndina um
framrúðuklukkur mjög góða.
„Þetta er stórfínt mál og eitthvað
sem ætti að vera búið að gera fyrir
löngu,“ segir hann. Hann segir að
viðskiptavinir kvarti stundum yfir
því að gjaldið í mæla í miðborginni
sé of hátt auk þess sem stöðu-
mælaverðir séu vel sýnilegir í mið-
borginni og fljótir að sekta þegar
mælirinn gjaldfellur.
Gilbert Ó. Guðjónsson, úrsmiður
á Laugavegi, segist hlynntur því
að framrúðuklukkukerfið verði
tekið upp í tilraunaskyni til að
tryggja að sem flestir hafi aðgang
að bílastæðum í miðbænum. Hann
segir að margt í bílastæðamálum
miðborgarinnar verði að endu-
skoða og að ekki hafi nægjanlegt
samráð verið haft við verslunar-
eigendur í þeim efnum. Hann
nefnir sem dæmi að bíleigendur
við götur í miðborginni geti látið
bíla sína standa óhreyfða á gjald-
skyldum stæðum með svokölluðum
íbúakortum sem dragi þar með úr
framboði á bílastæðum fyrir við-
skiptavini.
Gengur ekki upp nema
margir brjóti reglurnar
Að sögn Stefáns Haraldssonar,
framkvæmdastjóra Bílastæða-
sjóðs, kom hugmyndin um notkun
á framrúðuklukkum fyrst upp hjá
Reykjavíkurborg árið 1988 en hún
hefur jafnan verið lögð til hliðar
þar sem hún er ekki talin henta á
stöðum sem eftirspurn eftir bíla-
stæðum er mjög mikil.
Hann segir að erlendis, t.a.m. í
Danmörku, séu framrúðuklukkur
notaðar í stað gjaldmæla í úthverf-
um og við verslanamiðstöðvar og
annars staðar þar sem eftirpurn sé
minni eftir bílastæðum.
„Það er einn grundvallarókostur
við þetta kerfi sem er að þú getur
ekki rekið það nema svo og svo
margir brjóti reglurnar þannig að
þú getir haft af því tekjur. Stöðu-
mælakerfið í dag er þannig úr
garði gert að það stendur undir
sér þegar allir fara eftir reglunum.
Með hinu kerfinu yrðu skattgreið-
endur að standa undir eftirlitinu,“
segir Stefán.
Hann bendir á að nákvæmnin í
klukkum sem notaðar séu erlendis
sé í besta falli fimmtán mínútur
auk þess sem hægur leikur sé fyr-
ir ökumenn að stilla klukkurnar
upp á nýtt eftir að mælirinn er
gjaldfallinn.
Stefán segir að þar sem yfirvöld
vilji stýra bílastæðum og setja tak-
markanir á lengd stöðutíma henti
kerfið, að því gefnu að eftirpsurn
sé ekki mjög mikil. „Þar sem eft-
irspurnin er eins og hún er í mið-
borg Reykjavíkur er þetta kerfi
dæmt til þess að mistakast vegna
þess einfaldlega að það er of auð-
velt að fara í kringum þetta.“
Vandkvæðum bundið fyrir ut-
anbæjarmenn að finna klukku
Hann bendir sömuleiðis á að það
geti verið vandkvæðum bundið
fyrir utanbæjarmann sem ætli að
leggja í stæði að finna út úr því
hvar hann geti nálgast eintak af
klukkunni. Í Danmörku séu menn
umsvifalaust sektaðir hafi þeir lagt
í stæði og séu ekki með fram-
rúðuklukku og nemur sektin á
bilinu 450–500 dönskum krónum.
„Það þyrfti helst að koma klukk-
um fyrir í öllum bílum á landinu til
að þetta gæti gengið með góðu
móti.“
Stefán minnir að lokum á að
með nýrri gjaldskrá hafi Bíla-
stæðasjóði tekist að ná mun betri
tökum á bílastæðamálum í mið-
borginni og mun auðveldara sé
fyrir ökumenn að fá stæði en var
fyrir árið 2000.
Verslunarfólk er almennt hlynnt notkun á framrúðuklukkum í bíla í stað gjaldmæla
Til hagsbóta
fyrir viðskiptavini
Miðborg
Fyrirkomulag sem er dæmt til að mistakast í miðborg-
inni, að mati framkvæmdastjóra Bílastæðasjóðs
Morgunblaðið/Ásdís
Að sögn verslunarfólks í mið-
borginni kvarta viðskiptavinir
stundum undan því að gjaldskrá
í gjaldskyld stæði sé of há. Þeir
aðilar sem Morgunblaðið hafði
samband við vilja láta reyna á
notkun á framrúðuklukkum.
SYSTKININ Hrafnhildur Arna, 6
ára, og Hjalti Þór Nielsen, 3 ára,
voru á siglingu með ömmu sinni
úti fyrir Kópavogshöfn á laug-
ardag þegar þau ráku skyndilega
augun í olíubrák á sjónum sem
náði frá uppfyllingunni við Kárs-
nes og eins langt og augað eygði í
átt að Álftanesi. Í taumnum, sem
var á að giska 2–3 metrar á
breidd, var ýmiss konar drasl á
floti, afgangar af byggingarefni,
bæði timbur, einangrunarplast og
plastlengjur. Þar var einnig að
finna bjórdósir, plastflöskur og ol-
íubrúsa, ýmist fulla af vatni eða
tóma.
Að sögn Huldu Finnbogadóttur,
ömmu barnanna, virðist sem rusl-
inu hefði verið sturtað af einum
ákveðnum stað beint í sjóinn.
„Það sem var nú kannski verst
var þessi þykka olíubrák sem var
þarna,“ segir Hulda.
Hún segir ómögulegt að geta
sér til um hvaðan olían sé. Hugs-
anlega hafi verið grafið upp úr
grunni eða rusl fjarlægt við bygg-
ingu þar sem olíumengun hafi
verið fyrir sem síðan hafi endað í
sjónum.
„Var með höndina
alveg tilbúna …“
Hrafnhildur Arna Nielsen var á
sjó þennan dag en hún segist að-
spurð fara á sjó með ömmu sinni
stundum þegar hún og bróðir
hennar koma í heimsókn. Þegar
þau komu auga á ruslið í sjónum
var strax ákveðið að taka eitthvað
af því um borð.
„Ég var með höndina alveg til-
búna þegar ruslið kom upp úr
sjónum,“ segir Hrafnhildur og
rekur söguna af því hvernig hver
hluturinn á fætur öðrum var dreg-
inn á þurrt. Litli bróðir hennar,
Hjalti Þór, fylgdist með af áhuga
á meðan stóra systir mokaði rusl-
inu upp úr sjónum. Að sögn
Hrafnhildar var farið með ruslið í
Sorpu þegar í land var komið þar
sem það var flokkað í sundur.
„Mér finnst ekkert ógurlega
sniðugt að fólk hendi svona rusli í
sjóinn,“ segir Hrafnhildur að lok-
um, og vonandi að sá eða þeir sem
þarna áttu hlut að máli taki það
til sín.
Morgunblaðið/Þorkell
Hrafnhildur Arna Nielsen og bróðir hennar Hjalti Þór.
Tóku ruslið um borð
og fóru með í Sorpu
Kópavogur
Á FUNDI félagsmálanefndar
Mosfellsbæjar sem haldinn var
fyrr í vikunni, þar sem meðal
annars var rætt um málefni
unglinga í bænum og forvarnir,
kom fram að hópamyndanir
hafa aukist og meðal annars
hafði lögregla afskipti af nokkr-
um tugum ungmenna um síð-
ustu helgi.
Að mati Heimis Ríkharðsson-
ar, forvarnafulltrúa lögreglunn-
ar í Mosfellsbæ, sem var á fund-
inum, er töluvert um það að
unglingar neyti fíkniefna í bæj-
arfélaginu og borið saman við
önnur bæjarfélög hafa hlutfalls-
lega margir unglingar úr Mos-
fellsbæ verið á meðferðarheim-
ilum sl. ár, að því er fram kemur
í bókun í fundargerð félagsmála-
nefndar.
Heimir leggur áherslu á mik-
ilvægi þess að virkja foreldra-
röltið til að stuðla að samvinnu
foreldra og opinberra aðila með
það í huga að vinna gegn frekari
þróun þessara mála. Að mati
Heimis er hins vegar minna um
afbrot meðal unglinga í Mos-
fellsbæ en gengur og gerist.
Í bókun í fundargerð félags-
málanefndar segir að rætt hafi
verið um að Heimir taki saman
upplýsingar eftir helgar og setji
á heimasíðu Mosfellsbæjar til
hvatningar fyrir foreldra til að
fylgjast betur með börnum sín-
um. Þá var samþykkt að boða
fulltrúa til fundar í forvarnar-
hópi 3. október nk. í eldri deild
Varmárskóla þar sem m.a. verð-
ur unnið að gerð forvarnar-
stefnu fyrir bæinn.
Unnið að
gerð for-
varnar-
stefnu
Mosfellsbær
Rætt um unglinga
og forvarnir á fundi
félagsmálanefndar
ÍBÚAÞING verður haldið í Garða-
bæ laugardaginn 19. október nk. Á
íbúaþinginu fá íbúarnir tækifæri
til að taka þátt í að móta framtíð-
arsýn bæjarins í ýmsum mála-
flokkum, svo sem skólamálum, fé-
lagsmálum eða upplýsingamálum.
Á íbúaþinginu verður notuð að-
ferðafræði er kallast samráðs-
skipulag. Miðar hún að því að kalla
eftir hugmyndum íbúa með skil-
virkum hætti. Þannig fá bæjaryf-
irvöld tækifæri til að heyra sjón-
armið íbúa.
Endurskoðun
aðalskipulags
Í frétt frá Garðabæ segir að
íbúaþingið verði haldið í
tengslum við endurskoðun aðal-
skipulags bæjarins. Þar segir
ennfremur að Garðabær sé fyrsta
sveitarfélag landsins til að boða
til opins samráðs við íbúa jafn
snemma í tengslum við aðalskipu-
lagsvinnu.
„Aðalskipulag er í raun framtíð-
arsýn hvers sveitarfélags. Þar
endurspeglast áherslur og stefna í
öllum helstu málaflokkum, t.d.
varðandi landnotkun einstakra
svæða í bæjarlandinu, samgöngu-
kerfi, umhverfismál, skólamál og
um þróun byggðar a.m.k. næstu 12
árin. Íbúaþinginu er ætlað að fá
fram þá framtíðarsýn sem íbúar
Garðabæjar eiga fyrir sitt sveitar-
félag og hún mun hafa áhrif á það
hvernig endanlegt aðalskipulag lít-
ur út,“ segir í fréttinni.
Bæjarstjórn Garðabæjar hefur
ákveðið að semja við fyrirtækið
Alta um umsjón með íbúaþinginu.
Alta hefur sérhæft sig í stjórnun
íbúaþinga með samráðsskipulagi
og hafa sérfræðingar fyrirtækisins
unnið að slíkum þingum bæði hér
á landi og í Bretlandi.
Íbúaþing verður haldið í október
Sjónarmiðum íbúa
komið á framfæri
Garðabær
BÆJARSTJÓRN Garðabæjar
hefur samþykkt að óska eftir
því að umhverfis- og tæknisvið
bæjarins vinni að tillögum um
lægri lýsingu en hefðbundinni
gangstéttarlýsingu við nýsam-
þykktan göngustíg frá Hagaflöt
að Miðhrauni. Laufey Jóhanns-
dóttir, bæjarfulltrúi, lagði fram
tillögu þess efnis á fundi bæj-
arstjórnar í síðustu viku. Í til-
lögunni kemur fram að tilgang-
ur með lægri lýsingu er að valda
sem minnstri sjónmengun í
hrauninu.
Í greinargerð sem fylgdi til-
lögunni kemur fram að Hrauns-
holtslækur er á náttúruminja-
skrá auk 200 metra breiðrar
spildu af Búrfellshrauni sunnan
við lækinn. Um hraunið gilda
ákvæði náttúruverndarlaga, þ.e.
eldvörp, gervigígar og eldhraun
o.fl. telst vera sérstök lands-
lagsgerð sem nýtur sérstakrar
verndar og skal forðast röskun
þeirra eins og kostur er. „En
jafnframt er vert að árétta að í
aðalskipulagi Garðabæjar hefur
verið gert ráð fyrir stígum í
hrauninu og að það væri ætlað
til útivistar. Mikilvægt er að
fjölga stígum í Garðabæ en
ávallt skal leitast við að þeir
falli sem best að landinu,“ segir
í greinargerðinni.
Lýsing valdi sem
minnstri sjónmengun
Garðabær