Morgunblaðið - 13.09.2002, Blaðsíða 4

FRÉTTIR
4 FÖSTUDAGUR 13. SEPTEMBER 2002 MORGUNBLAÐIÐ
BÖRN allt niður í þrettán aldur voru
drukkin og eftirlitslaus í miðborg
Reykjavíkur á síðustu menning-
arnótt. Kom það starfsfólki mið-
borgarstarfsins mjög á óvart að sjá
nýjan aldurshóp undir áhrifum í
miðbænum langt utan við leyfilegan
útivistartíma. Hópamyndanir, slags-
mál og ölvun hófust eftir miðnættið
eins og kunnugt er, en það var hinn
óvenjulega ungi aldur barnanna sem
vakti hvað mesta athygli Jónu
Hrannar Bolladóttur miðborg-
arprests og starfssystkina hennar.
Hún segir að margir foreldrar
hafi líklega ekki áttað sig á því að
framfylgja þyrfti reglum um útivist-
artíma barna og unglinga ekkert
síður þessa nótt en aðrar. Þá hafi
nánast óbærileg spenna verið í mið-
borginni um nóttina með tilheyrandi
ofbeldi, oft tilefnislausu. Segir Jóna
Hrönn að mörg börn hafi verið í
beinni lífshættu um nóttina og um-
ræða verði að fara fram um fyr-
irkomulag menningarnætur að ári
til að fyrirbyggja að svona nokkuð
endurtaki sig.
Á menningarnótt voru börn
fædd1988 og 1989 á flækingi í bæn-
um og þeim til viðbótar var óvenju-
stór hópur unglinga í áfengisneyslu.
„Miðað við það sem við höfum verið
að sjá í miðbænum um helgar und-
anfarin misseri var þetta mjög
óvanalegt,“ segir Jóna Hrönn.
Hún segir mikinn árangur hafa
náðst í forvarnamálum sem snúa að
útivistartíma barna og unglinga á
síðastliðnum fjórum árum. „En
þessa nótt virðist sem foreldrar hafi
haldið að það giltu önnur lög um úti-
vistartíma en um aðrar helgar, sem
er alger misskilningur. Okkur full-
orðna fólkinu datt ekki hug að
menningarnóttin snerist upp í útihá-
tíð en á meðan við erum grandalaus
eru unglingarnir okkar að breyta
þessari hátíð í útihátíð.“
Ofboðsleg spenna í
bænum eftir miðnætti
Jóna Hrönn segir að „ofboðsleg
spenna“ hafi myndast rétt eftir mið-
nættið þegar flestir hinnar fullorðnu
voru á heimleið eftir vel heppnaða
menningardagskrá. Mikið hafi verið
um hópamyndanir og síðan hafi allt
logað í slagsmálum og fylliríi.
„Þarna voru drukkin börn í þess-
ari miklu spennu innan um eldri
unglinga í neyslu. Mat okkar, sem
vorum að vinna á vettvangi, er að
þau hafi verið í lífshættu. Ég fór með
einn fingurbrotinn ungling á slysa-
deild þar sem ég hitti á að giska 17
ára dreng sem hafði verið ráðist á.
Hann sagði mér að í árásarhópnum
hefðu verið um 10 manns. Þetta virt-
ist vera alveg tilefnislaus árás. Þetta
var drengur sem þurfti ekkert síður
á áfallahjálp að halda en slysahjálp.“
Minnst 18 ára ábyrgð
á börnunum okkar
Jóna Hrönn segir að skapa þurfi
umræðu meðal skipuleggjenda
menningarnætur, lögreglu, foreldra
og þeirra sem vinna með unglingum
svo sama saga endurtaki sig ekki að
ári. Minnir hún á að menningarnótt
2001 hafi verið slæm hvað þetta
snerti.
„Við í miðborgarstarfinu vildum
kenna Eldborgarhátíð um, en nýlið-
in menningarnótt var ennþá verri og
engin Eldborgarhátíð í ár. Það á
ekki að taka áhættu með börn með
því að láta þau lenda í lífshættu-
legum aðstæðum eins og á síðustu
menningarnótt. Það er ekki vilji
neins og í svona málum megum við
ekki læra af reynslunni því slík
reynsla getur verið allt of dýrkeypt.
Við eigum ekki að vera nægjusöm
fyrir börnin okkar, það er minnst 18
ára ábyrgð á börnunum okkar.“
Miðborgarprestur segir nýjan aldurshóp hafa verið í miðbænum á menningarnótt
Ölvuð og eftirlits-
laus börn voru í
lífshættu í miðbænum
SPENNA ríkir nú á olíumörkuðum
heims, einkum vegna hugsanlegrar
innrásar Bandaríkjanna í Írak.
Heimsmarkaðsverð á hráolíu hefur
farið hækkandi að undanförnu, fór
hæst í tæpa 29 dollara tunnan í
byrjun vikunnar en þegar mörk-
uðum var lokað í gær var verðið
komið niður í 28,44 dollara.
Magnús Ásgeirsson hjá Olíufé-
laginu segir að markaðurinn bíði
fundar OPEC-ríkjanna í Japan 19.
þessa mánaðar. Fram að þeim tíma
muni ríkja óvissa og spenna. Að-
spurður hvort félagið telji ástæðu
til verðbreytinga á eldsneyti segir
Magnús að engin afstaða hafi verið
tekin til þess. Verðhækkanir séu
a.m.k. ekki fyrirhugaðar í bili, en
eldsneytisverð hækkaði um síðustu
mánaðamót.
Beðið eftir
OPEC-fundi
Spenna á eldsneytis-
markaðnum
PRUFULENDINGAR nýrrar Air-
bus-farþegaþotu fóru fram á Kefla-
víkurflugvelli í ljósaskiptunum í
gærkvöldi og halda áfram í dag,
samkvæmt upplýsingum úr flug-
turni vallarins. Á ferðinni er vél af
gerðinni Airbus A340-500 sem tekur
um 300 farþega í sæti. Hún hefur 18
tíma flugþol sem gerir hana að lang-
drægustu farþegaþotu heims. Til
samanburðar má geta þess að
Boeing 747 hefur 13-14 tíma flugþol.
Flugmenn og aðrir starfsmenn
Airbus-verksmiðjanna komu á vél-
inni til Keflavíkur í gærkvöldi eftir
flug frá Frakklandi og yfir Norð-
urpólinn. Lenti vélin nokkrum sinn-
um í hliðarvindi sem þó var óveru-
legur í gærkvöldi. Áhöfn vélarinnar
gisti í Keflavík í nótt og munu próf-
anir halda áfram í dag. Frá Íslandi
fer vélin yfir Norðurpólinn á ný og
þaðan til Frakklands. Þess má geta
að um borð í vélinni er sérrými fyrir
aðra flugáhöfn þannig að vélin geti
verið á lofti í allt að 18 tíma í einu.
Prufulendingar nýrrar Airbus-vélar á Keflavíkurflugvelli
Morgunblaðið/Hilmar Bragi
Langdrægasta
farþegaþota heims
STJÓRN læknaráðs Fjórðungs-
sjúkrahússins á Akureyri hefur sent
ráðherrum heilbrigðis- og fjármála
bréf þar sem áhyggjum er lýst „sök-
um hinnar miklu óvissu, óánægju og
uppnáms, sem verið hefur meðal
lækna á FSA hvað varðar útfærslur
og frágang starfsmannasamninga
sérfræðilækna á FSA eftir samþykkt
kjarasamnings, er tók gildi þann 1.
apríl síðastliðinn,“ eins og segir í bréf-
inu.
Fram kemur í bréfinu að það sé
ekki hlutverk stjórnar læknaráðsins
að fjalla um kjaramál lækna, en hjá
því verði ekki komist í kjölfar þeirrar
stöðu sem uppi er. Telur stjórn
læknaráðsins það geta haft bagaleg
áhrif að ekki hefur verið gengið frá
stofnanasamningnum, bæði til lengri
og skemmri tíma hvað varðar upp-
byggingu, þjónustu og hlutverk FSA.
„Enn einu sinni hefur það gerst að
samningsaðili lækna hefur undirritað
samning, sem stjórnendur sjúkra-
hússins hafa ekki fjárhagslegt bol-
magn til að framfylgja, að öllu
óbreyttu,“ segir í bréfi stjórnar
læknaráðs FSA. Jafnframt er van-
þóknun lýst á slíkum vinnubrögðum
og er skorað á ráðherra að gera
stjórnendum mögulegt að ganga end-
anlega frá samningum sínum við sér-
fræðilækna, án þess að til skerðingar
starfsemi eða uppsagna starfsfólks
komi.
FSA er ein af fáum stofnunum sem
ekki hafa gengið frá stofnanasamn-
ingum við sitt starfsfólk, en það er
stefna framkvæmdastjórnar sjúkra-
hússins að gera það ekki fyrr en
tryggt er að peningar fáist á fjárlög-
um til slíks. Áætlað er að stofnana-
samningar kosti FSA um 60 milljónir
króna á ári. Í heilbrigðisráðuneytinu
er unnið að því að skoða hvernig aðrar
stofnanir hafa fjármagnað samn-
ingana og hvort þeir skýri að ein-
hverju leyti hallarekstur þeirra á
árinu.
Starfsmannasamningar lækna á FSA
Áhyggjur
vegna óvissu
um samninga
NÝBYGGING Barnaspítala
Hringsins verður afhent í áföng-
um, fyrst um miðjan nóvember,
síðan um miðjan desember og að
fullu í janúar eða byrjun febrúar á
næsta ári, en upphaflega var gert
ráð fyrir að byggingin yrði afhent í
lok þessa mánaðar.
Gunnlaugur Sigfússon, sviðstjóri
lækninga á barnasviði Landspítala
–háskólasjúkrahúss, segir að við
afhendingu áfanga verði hafist
handa við að koma fyrir glugga-
tjöldum, sjúkrarúmum og svo
framvegis en gert sé ráð fyrir að
sjúklingar geti flust inn í spítalann
í byrjun eða um miðjan janúar.
Formleg opnun verði síðan vænt-
anlega í lok janúar eða byrjun
febrúar. Að sögn Gunnlaugs var á
tímabili rætt um að opna fyrst
ákveðnar deildir en frá því hafi
verið horfið, þar sem það hafi þótt
óskynsamlegt og því verði allar
deildir teknar í notkun á sama
tíma.
Aðalverktaki við bygginguna er
Byggingarfélagið Ólafur og Gunn-
ar en Suðurverk sá um jarðvinnu.
Arkitektar eru þau Sigríður Magn-
úsdóttir og Hans-Olav Andersen
hjá Teiknistofunni Tröð. Húsið er
6.800 fermetrar og er á fjórum
hæðum auk kjallara undir hluta
hússins, en áætlaður byggingar-
kostnaður er 1.465 milljónir króna
sem þýðir um 200 þúsund krónur á
fermetrann.
Barnaspítali Hringsins afhentur í áföngum
Fyrstu sjúklingar í janúar
♦ ♦ ♦
SAMKVÆMT könnun á vegum
menntamálaráðuneytisins hafa fáir
grunnskólar mótað sérstaka stefnu
um úrræði fyrir nemendur sem skara
fram úr jafnöldrum sínum í námi.
Í könnuninni bárust svör frá 134
grunnskólum, eða 68% allra grunn-
skóla í landinu. Stjórnendur í 22%
þeirra svöruðu því játandi að hafa
uppi mótaða stefnu um úrræði fyrir
afburðanemendur en mun fleiri, eða
71%, sögðust hafa slík úrræði. Sér-
stökum úrræðum er helst beitt í
stærðfræði en síður í náttúru- og
samfélagsfræði. Um helmingur skóla-
stjóra telur að úrræðin skili aðeins að
nokkru leyti tilætluðum árangri.
Fáir með mót-
aða stefnu
Úrræði skóla fyrir
afburðanemendur