Morgunblaðið - 13.09.2002, Blaðsíða 49
BRÉF TIL BLAÐSINS
MORGUNBLAÐIÐ FÖSTUDAGUR 13. SEPTEMBER 2002 49
HINN 28. apríl síðastliðinn birtist í
Morgunblaðinu lesendabréf eftir
Torfa Ólafsson, Melhaga 4 í
Reykjavík. Bréf hans fjallaði um
þær miklu breytingar sem orðið
hafa á eftirmælum upp á síðkastið.
Ég undirrituð er á níræðisaldri eins
og Torfi og get tekið undir allt sem
hann nefnir og legg ég til að blaðið
endurbirti hans ágæta bréf sem
fyrst til upprifjunar og íhugunar.
Í framhaldi af máli Torfa langar
mig til að spyrja hvers vegna allir
verði elskulegir eða ástkærir strax
eftir dauðann. Fyrir framan mig á
borðinu liggur Mogginn með fjölda
dánartilkynninga. Dæmi: „Elskuleg
móðir okkar, tengdamóðir, amma
og langamma...“ o.s.frv. „Ástkær
faðir okkar, tengdafaðir, afi og
langafi...“ o.s.frv. Mér fyndist fullt
eins eðlilegt að segja t.d. „kerling-
artetrið hún móðir mín“ eða
„karlhróið hann faðir minn“. Aftur
á móti kæmi vel til greina að
ávarpa gamla fólkið meðan það lifir:
elskuleg móðir mín – ástkær faðir
minn.
Eins og Torfi bendir á þá þýðir
ekkert að ávarpa líkið beint vegna
þess að það er ekki lengur lesandi
neins fréttablaðs. Engu að síður er
slíkt að verða algild regla þegar ná-
komnir ættingjar þeysa fram á rit-
völlinn til þess að tjá sig um hina
látnu. Þar ber mest á svokölluðum
ömmugreinum þar sem minnst er á
sokka, vettlinga, pönnukökur, klein-
ur og kjötbollur og alls þessa
minnst með þakklæti. Er ekki kom-
inn tími til að láta nægja eina góða
grein um látinn ættingja eða vin?
RAGNHEIÐUR K.
BALDURSDÓTTIR,
Snekkjuvogi 3, Reykjavík.
Hvers vegna
verða allir
elskulegir
eftir
dauðann?
Frá Ragnheiði K. Baldursdóttur:
Í ANNAÐ sinn á rúmum áratug
upplifa íbúar Vesturlanda og
reyndar alls heimsins að verið er
að byggja upp forsendur fyrir árás
á Írak. Margt hefur breyst á ár-
unum frá Persaflóastríðinu, en
sumt er í svipuðu fari. Saddam
Hussein situr enn sem einvaldur í
Írak og blóðslóðin eftir hann hefur
lengst sem þessum árum nemur.
Ástandið í Mið-Austurlöndum er
eldfimt sem áður og fátt sem bend-
ir til að þar sé unnið markvisst að
einhverjum lausnum. Í Hvíta hús-
inu í Washington situr aftur forseti
að nafni Bush. Hann er sonur þess
forseta sem leiddi krossferðina
gegn Saddam Hussein fyrir rúm-
um áratug, þar sem mynduð var
breið samstaða ríkja um það mark-
mið að reka Íraka frá Kúveit og
Saddam Hussein frá völdum í Írak.
Nú er sonurinn að endurtaka öll
ummæli föður síns frá þessum
tíma. Aftur á að hefja krossferð
vegna þess að það fórst fyrir að
setja Saddam Hussein af þarna um
árið.
Íraska þjóðin fékk hins vegar
ómældar hörmungar yfir sig í
Persaflóastríðinu og það af völdum
þeirra sem ætluðu að frelsa hana
undan harðstjórn hins arabíska
Hitlers. Og síðan hafa Írakar búið
við ástand sem getur aðeins fætt af
sér hatur. Viðskiptabannið hefur
leitt af sér dauða þúsunda barna
og fólkið í landinu hefur verið sett
í þá voðalegu stöðu að neyðast til
að þjappa sér um blóðidrifinn
harðstjórann.
Hvað varð til þess að Saddam
Hussein var ekki settur af 1991
eins og fullyrt var að gert yrði?
Hvaða pólitík leiddi til þess að
hann fékk að sitja áfram?
Þá var lag en nú er meira en
vafasamt að hægt sé að gera dæm-
ið upp með sama árangri. Araba-
heimurinn er nú alveg mótfallinn
árás á Írak og haft hefur verið eft-
ir arabískum valdamanni, að allar
gáttir vítis muni opnast í Mið-
Austurlöndum ef Bandaríkin og
fylgifiskar þeirra ráðist á Írak.
Enginn sem fylgst hefur með mál-
um í þessum heimshluta undanfar-
in ár efast um að þar séu gáttir vít-
is til staðar. Sá gjörningur að
spenna þær upp getur haft ægileg-
ar afleiðingar fyrir allan heiminn.
Endurtekin árás á Írak við gjörólík
og verri skilyrði en 1991 gæti
reynst sá verknaður sem sameinaði
þjóðir arabaheimsins í einu alls-
herjar hryðjuverkabandalagi gegn
Vesturlöndum.
Þær aðstæður sem þá gætu
skapast eru nokkuð sem enginn
maður með fullu viti óskar eftir.
Vandamálið með Saddam Hussein
er hins vegar nokkuð sem verður
að leysa, en það má ekki gera það
með því að leiða enn og aftur
ógæfu stríðs og hörmunga yfir
langmædda þjóð. Ráðamenn Vest-
urlanda verða að finna einhver
önnur ráð. Ef þeir geta það ekki
eru þeir óhæfir leiðtogar og þá
verður að finna aðra hæfari til að
leysa úr málunum. Bush hinn yngri
er yfirlýsingaglaður í ræðum sín-
um og talar nú sem fyrr segir í
sama dúr og faðir hans fyrir ellefu
árum. En er vandamálið með
Saddam Hussein eitthvað sem
leyst verður með beinni tilkomu
hernaðarmáttar Bandaríkjanna?
Hvernig hefur ofurveldið banda-
ríska staðið sig gagnvart þeim
settu markmiðum sínum að draga
Osama bin Laden og talebanafor-
ingjann Omar fyrir lög og rétt?
Mennirnir finnast ekki og það er
eins og jörðin hafi gleypt þá.
Bandaríkjamenn standa þar gjör-
samlega á gati og traustið á getu
þeirra hefur minnkað að sama
skapi og það jafnvel hjá mörgum
sem áður trúðu að þeir gætu alla
skapaða hluti. Og trúverðugleiki
Bush í forsetaembættinu mætti
vera meiri. Hefur hann ekki dýpri
sýn inn í vandann en það, að hann
þarf að endurtaka ellefu ára gaml-
ar áróðurslummur frá valdatíð föð-
ur síns í embættinu? Skyldi Sadd-
am Hussein sitja enn að völdum í
Bagdad þegar þriðji Bush-inn sest
að í Hvíta húsinu? Það er aldrei að
vita, sumir harðstjórar eru ótrú-
lega lífseigir og ákveðnar fjölskyld-
ur í Bandaríkjunum virðast standa
nær forsetaembættinu en aðrar.
Bush yngri á bágt og heims-
byggðin á bágt, því þegar forseti
Bandaríkjanna er í klípu og með
magapínu veldur það sjálfkrafa
ógleði og innantökum um allan
heim.
Skyldi forsetinn einhvern tímann
á undanförnum vikum hafa snúið
sér að föður sínum og sagt ergi-
lega við hann: „Pabbi, hvers vegna
kláraðir þú ekki dæmið þarna um
árið, af hverju þarf ég að glíma við
þennan fortíðarvanda sem þú
skildir eftir óleystan?“
Nei, auðvitað hefur hann aldrei
sagt neitt slíkt og ekki komið það
einu sinni til hugar, því Banda-
ríkjamenn búa ekki til vandamál –
þeir leysa þau!
RÚNAR KRISTJÁNSSON,
Bogabraut 21, Skagaströnd.
„Pabbi, hvers vegna klár-
aðir þú ekki dæmið?“
Frá Rúnari Kristjánssyni:
DAVÍÐ Oddsson forsætisráðherra
er í Róm þessa dagana. Samkvæmt
fréttum hefur hann átt fund með
Silvio Berlusconi forsætisráðherra
Ítalíu og flutt erindi á hádegisverð-
arfundi Íslensk-ítalska verslunar-
ráðsins. Átti við það tækifæri að
undirrita tvísköttunarsamning milli
Íslands og Ítalíu. Auk þessa segir í
fréttum að Davíð hafi þegið heim-
boð Berlusconis á setur hans á
Sardiníu og dvalið þar í einkaheim-
sókn.
Það er öllum Ítalíuvinum fagn-
aðarefni að samskipti Íslands og
Ítalíu séu aukin og bætt, hvort sem
er í viðskiptum eða menningarmál-
um. Hitt vita þeir og að forsætis- og
utanríkisráðherrann Berlusconi er
umdeildur maður í sínu heimalandi
og reyndar í álfunni allri. Því hlýtur
það að orka tvímælis að forsætisráð-
herra okkar skuli sjá ástæðu til að
færa samskipti sín við þennan tvö-
falda kollega sinn frá hinu opinbera
stigi yfir á hið persónulega. Hvað er
það þá sem Davíð Oddsson vill segja
okkur og öðrum Evrópubúum með
einkavinskap sínum við fjölmiðla-
furstann? Er það að Ísland leggi
blessun sína yfir fjármála- og valda-
samþjöppun ríkisvaldhafa og hugs-
anleg afbrot í því augnamiði að
græða og ráða, eða er Davíð að
sækja sér einkatíma í makkíavell-
ískum fræðum alla Berlusconi?
Kosningar enda í nánd og þörf á að
verja sig fyrir hvítagaldri sólrúna.
Berlusconi er afar umdeildur
maður og því vægast sagt vafasamt
fyrir forsætisráðherra stolts lýð-
ræðisríkis að eiga samskipti við
hann á persónulegum nótum án
þess að slíkt kalli á gagnrýni og
spurningar um túlkun. Maður bara
þiggur ekki heimboð slíks manns án
þess að marghugsa afleiðingar slíks.
Og það hefur Davíð okkar eflaust
gert og haft eftirfarandi í huga:
Segðu mér hverjir vinir þínir eru og
ég skal segja þér hver þú ert. Sá á
kvölina sem á dvölina.
Og úr því ég er að þessu tauti
legg ég auk þess til að hinn gagn-
rýni og gagnmerki fréttaskýringa-
þáttur Spegillinn á RÚV verði púss-
aður upp og leyft á ný að spegla
okkar æ margbreytilegra þjóðfélag.
Okkur veitir ekki af lýðræðisstyrkj-
andi umræðu hér í lýðveldinu.
KRISTINN PÉTURSSON,
Bjarnarstíg 11, Reykjavík.
Hvað dvelur
Davíð hjá Silvio?
Frá Kristni Péturssyni:
Klapparstíg 44,
sími 562 3614
10 tegundir - Verð kr. 1.995
Nýkomin aftur
skurðabretti
FÓLK Í FRÉTTUM
Nýtt og framsækið
MBA-nám
í Kaupmannahöfn
Copenhagen Business School býður upp á eins árs fullt MBA nám
í september 2003. Um er að ræða Almennt stjórnunarnám -" General
Management MBA" - með einstakri áherslu á þekkingarlausnafyrir-
tæki ("Knowledge Intensive"). "The Leadership Mentoring Scheme"
eða Leiðtogaleiðsögnin er einnig einstök í sinni röð og býðst hvergi
í öðru fullu MBA-námi, en þá fá þátttakendur leiðsögn og þjálfun
frá framkvæmdastjórum og öðrum stjórnendum.
Mike Hall, stjórnandi MBA námsins
hjá CBS, heldur kynningarfund:
Mánudaginn 16. september kl. 18.00
á Grand Hótel Reykjavík.
Copenhagen Business School
The Full-time MBA Program,
Dalgas Have 15, 2000 Frederiksberg, Danmörk.
Sími 0045 3815 3016, netfang: info.mba@cbs.dk
www.mba.dk
4. flokkur 1992: Nafnverð:
5.000.000 kr.
1.000.000 kr.
100.000 kr.
10.000 kr.
Innlausnarverð:
11.930.707 kr.
2.386.141 kr.
238.614 kr.
23.86 kr.
4. flokkur 1994: Nafnverð:
5.000.000 kr.
1.000.000 kr.
100.000 kr.
10.000 kr.
Innlausnarverð:
9.409.377 kr.
1.881.875 kr.
180.425 kr.
18.043 kr.
2. flokkur 1995: Nafnverð:
5.000.000 kr.
1.000.000 kr.
100.000 kr.
10.000 kr.
Innlausnarverð:
9.021.264 kr.
1.804.253 kr.
180.425 kr.
18.043 kr.
1. og 2. flokkur 1998: Nafnverð:
1.000.000 kr.
100.000 kr.
10.000 kr.
Innlausnarverð:
1.521.732 kr.
152.173 kr.
15.217 kr.
Innlausnardagur 15. september 2002.
Innlausnarverð
húsbréfa
Innlausn húsbréfa fer fram hjá Íbúðalánasjóði, í bönkum,
sparisjóðum og verðbréfafyrirtækjum.
Rafrænt: 1: 1,52173232
1. og 2. flokkur 2001: Rafrænt: 1: 1,17253182