Morgunblaðið - 22.09.2002, Blaðsíða 23

verið ágætlega efnaðir sem sést m.a.
á því að þeir voru með stofustúlku
og danskan skrifstofumann í vinnu.
Þetta voru miklir greifar. Stofu-
stúlkan var í svörtum kjól með hvíta
svuntu og hvítan kappa. Þegar mat-
urinn var tilbúinn var bjöllu hringt.
Þá kom stofustúlkan og bar fram
matinn sem Sigga frænka hafði búið
til. Ef það vantaði meira á borðið
hringdu kaupmennirnir bjöllunni
sem þá hringdi hjá okkur Siggu í
eldhúsinu.“
Jóhanna sagðist að sjálfsögðu
hafa verið viðstödd Ólafsvöku með-
an hún dvaldi í Þórshöfn. „Sigga
sagði við mig að við skyldum fara og
fylgjast með setningarathöfninni
sem fór fram við þinghúsið. Þetta
var allt ósköp virðulegt og hátíðlegt.
Danski fáninn blakti við hún. En í
þann mund sem ræðumaðurinn er
að fara að setja Ólafsvökuna sjáum
við hvar glugginn á þinghúsinu er
opnaður. Út teygir sig maður sem
eldsnöggt dregur niður danska fán-
ann og dregur þann færeyska upp í
staðinn. Þetta var Jóhannes Paturs-
son, einn af forystumönnum sjálf-
stæðisbaráttu Færeyinga.
Það varð mikið uppnám þegar
færeyski fáninn blakti yfir þinghús-
inu. Mig minnir að ekkert hafi orðið
úr ræðuhöldum því að allir hlupu um
og gengu fylkti liði um bæinn til að
fagna Jóhannesi Paturssyni.
Við Sigga frænka fórum á eftir
þeim til að fylgjast með. Það var
gaman að sjá Jóhannes Patursson.
Hann var afskaplega fallegur mað-
ur. Hann gekk alltaf í færeyskum
þjóðbúningi því hann var svo mikill
Færeyingur.“
Til Íslands
Jóhanna vann um tíma á Heygum,
sem er í byggðinni Vestmanna á
Straumey. Þar bjó maður sem hét
Ólafur en hann stóð á sínum tíma
fyrir margháttuðum framfaramálum
í Færeyjum, sat um tíma á Lög-
þinginu. Hann barðist fyrir lagningu
síma, virkjun Fossár, byggingu
dráttarbrautar og fleiri málum. Eitt
af börnum hans var Herborg, sem
flutti til Íslands þegar hún giftist
Magnúsi Sigurðssyni lögreglumanni
í Reykjavík, en hann var ættaður frá
Stóra-Fjalli í Borgarhreppi.
„Eftir að hún flutti til Íslands
sendi hún bréf til Færeyja til að
kanna hvort ég væri til í að koma til
Íslands og vera hjá sér og hjálpa til
við heimilisverkin. Hún átti þá von á
fyrsta barninu sínu. Mér leist strax
ágætlega á að fara til Íslands. Á
þessum tíma fóru allmargar stúlkur
til Íslands til að vinna fyrir sér. Ég
fór með Drottning Alexandra til Ís-
lands vorið 1936, en það skip stund-
aði siglingar milli Íslands, Dan-
merkur og Færeyja í mörg ár.
Það var með samblandi af til-
hlökkun og söknuði sem ég lagði af
stað til Íslands. Ég átti marga vini
og ættingja í Færeyjum sem ég
kvaddi með söknuði. Sérstaklega
fannst mér erfitt að kveðja ömmu
mína.“
Þurfti að láta dóttur sína frá sér
Þegar Jóhanna lagði af stað til Ís-
lands var hún orðin ófrísk og vorið
1937 eignaðist hún dóttur sem hún
skírði Sóleyju. Aðstæður til að ala
upp barn heima hjá Herborgu voru
hins vegar erfiðar.
„Íbúðin hennar var ekki stór og
ég hafði gist í borðstofunni frá því að
ég kom til hennar. Að sjálfsögðu var
erfitt fyrir bæði hana og mig að búa
þarna við þessar aðstæður. Það kom
fyrir að barnið vaknaði upp á nótt-
unni eins og lítil börn gera gjarnan.
Ég reyndi að svæfa hana sem fyrst
en auðvitað fór ekki hjá því að aðrir
á heimilinu vöknuðu þegar hún lét
vita af sér.
Ég var að sjálfsögðu áhyggjufull
yfir framtíðinni. Ég þráði ekkert
frekar en að fá tækifæri til að ala
dóttur mína upp á Íslandi. Aðstæð-
urnar til þess voru hins vegar erf-
iðar. Ég átti ekki mikla peninga og
útilokað var að ég gæti fengið mér
húsnæði og borgað leigu. Og jafnvel
þó að ég fengi vinnu stóð eftir
spurningin hver ætti að passa barn-
ið meðan ég væri að vinna.
Þegar pabbi og mamma fréttu að
ég hefði eignast dóttur sendu þau
strax skilaboð til mín um að þau
væru tilbúin til að taka hana að sér
og ala hana upp. Þetta var að sjálf-
sögðu ekki það sem ég vildi. Ég varð
skelfd við tilhugsunina að þurfa að
láta barnið frá mér. Mér þótti vænt
um hana frá fyrsta degi og ég fann
hvernig við tengdumst æ sterkari
böndum. Ég prjónaði á hana föt og
ég fann að hún var farin að þekkja
mig og vildi hvergi annars staðar
vera en hjá mér.
Þegar kom fram á mitt sumar
sagði Herborg mér að hún þyrfti að
fara í heimsókn til Færeyja og
spurði hvort ekki væri best að hún
hjálpað mér
Jóhanna Lind og Egill Pálsson eignuðust 13 börn sem lifðu. Þau eru: Páll (aftari röð frá vinstri), Hilmar, Kristinn, Hans, Guðmundur, Ólafur og Þorbergur. Í fremri röð
frá vinstri eru Rannveig, Sonja, Eygló, Jóhanna, Egill, Sólrún, Sigrún og Jenný.
MORGUNBLAÐIÐ SUNNUDAGUR 22. SEPTEMBER 2002 23
ENSKA
Enska I
Enska I frh.
Enska II
Enska II frh.
Enska III
Enska tal- og leshópur.
DANSKA
Danska I - II
NORSKA
Norska I - II
Norska tal- og leshópur
SÆNSKA
Sænska fyrir
tvítyngd börn 9 - 12 ára
Sænska I - II
FRANSKA
Franska I
Franska II
ÍTALSKA
Ítalska I
Ítalska II
SPÆNSKA
Spænska I
Spænska I frh.
Spænska II
Spænska III
ÞÝSKA
Þýska I
Þýska II
ÍSLENSKA
fyrir útlendinga
10 vikna námskeið
20 kennslustundir
Verklegar greinar
TRÉSMÍÐI
9 vikna námskeið
36 kennslustundir
ÚTSKURÐUR
9 vikna námskeið
36 kennslustundir
FATASAUMUR
6 vikna námskeið
24 kennslustundir
Tölvunámskeið
Tölvunámskeið
Matreiðslunámskeið
Saumanámskeið
og fjöldi annarra
námskeiða
Tungumál
10 vikna námskeið - 20 kennslustundir -
Áhersla á talmál - Kennt er í byrjenda-, framhalds-
og talæfingaflokkum
Fyrstu námskeiðin hefjast 23. september.
Innritun og upplýsingar um námskeiðin
í símum 564 1507 og 564 1527
og á skrifstofu Kvöldskólans í Snælandsskóla
Golfhermir til sölu
Upplýsingar gefur Páll í síma 860 4460