Morgunblaðið - 05.12.2002, Blaðsíða 29
LISTIR
MORGUNBLAÐIÐ FIMMTUDAGUR 5. DESEMBER 2002 29
Mörkinni 3, sími 588 0640
Opið mán.-fös. kl. 11-18, lau. kl. 11-15
Þú færð jólagjafirnar
fyrir starfsfólkið hjá okkur
Jólagjafir
starfsfólksins
ER ÞESSI BÓK...
...með svarið
sem þú hefur leitað að
- en aldrei fundið?!
Handbók byggð á
reynslu, þekkingu,
skilningi og umfram
allt kærleika. „Svo kom
sá dagur að áhættan
sem fylgdi því að vera
lokaður blómhnappur
varð sársaukafyllri en
áhættan sem fylgdi því
að opna sig og
blómstra.“
Er ekki kominn tími til
að gera það bara?
„Æðisleg bók sem
stelpur á öllum aldri
þurfa að eiga. Fann
strax við fyrsta lestur
ýmsar leiðbeiningar
sem ég get notfært
mér.“ Sóley Elíasdóttir,
leikkona.
Bókin er jákvæð, hnitmiðuð og vel orðuð, hvorki of stíf né of væmin.
Fjallar um flesta þætti sem konur þurfa að hyggja að til að byggja
upp jákvætt og heilsteypt líf.“ Stella Sæmundsdóttir, verslunarstjóri
Betra Líf.
„Frábær bók. Einföld og raunhæf og auðvelt að fylgja
leiðbeiningunum í henni.“ Herdís Finnbogadóttir, sálfræðinemi við
Háskóla Íslands.
„Yfirgripsmikil og góð handbók sem hentar vel þeim sem vilja breyta
um lífsstíl. Í bókinni er fjöldi gagnlegra heimilda og tilvísana. Hún
nær kjarnanum úr mörgum mjög merkum fræðum. Það er mikil þörf
fyrir þessa bók.“ Anna Katrín Ottesen, sjúkraþjálfari.
Þessi „litla“ bók getur breytt „stórum“ hlutum til góðs í lífi þínu - og
annarra.
ALLUR INNBLÁSTUR
KEMUR FRÁ ANDANUM...
... og lögmál hans eru
jafn raunveruleg og
þyngdarlögmálið!
Þetta er bók sem mun
fylgja þér svo lengi sem
þú spyrð spurninga og
vilt fá svör.
Dan Millman er
þekktur í heimalandi
sínu fyrir ótrúlegt
andlegt þrek sem hann
þurfti að nota þegar
hann varð fyrir
hræðilegu slysi. Þá
skrifaði hann
metsölubókina „Way of
The Peaceful Warrior“
sem farið hefur sigurför
um allan heim.
„Við erum í mikilli þörf fyrir bækur eins og þessa. Láttu hana ekki
fram hjá þér fara.“ John Bradshaw, höfundur bókarinnar
Heimkomunnar.
„Þessa bók er ekki hægt að leggja frá sér. Hún er full af andlegum
gullmolum.“ Gerald G. Jampolsky, höfundur bókarinnar
Fyrirgefningin - heimsins fremsti heilari.
Þú getur öðlast dýpri merkingu,
tilgang og tengingu við
sköpunarverkið með því að taka
eitt skref: opna bók sem þú munt
leita í aftur og aftur, eftir
innblæstri og leiðbeiningum á
lífsins leið.
LÖGMÁL SEM MUNU
HJÁLPA ÞÉR YFIR HVERJA
HINDRUN SEM LÍFIÐ
LEGGUR FYRIR ÞIG Á LEIÐ
TIL MEIRI ÞROSKA!
Símar 435 6810,
698 3850 og 891 6811.
„JÓLABAROKK“-tónleikar fóru
fram sl. laugardag í tónlistarhúsi
Kópavogs. Skv. tónleikaskrá voru
tónleikarnir jafnframt útgáfutón-
leikar hljómdisksins „Bon appétit –
frönsk barokktónlist“ og styrktir af
franska sendiráðinu.
Burtséð frá hressum litlum
ókynntum inngangsmarsi á barokk-
óbó, tenór-tom-tom (úr trommusetti)
og írska rammatrommu, sem kallaði
áheyrendur í sætin, voru tónleikarn-
ir að mestu á bljúgari nótum, enda
fasta hljóðfæravalið í lágværari end-
anum. Einföldust var tónlist Marins
Marais (nemanda St. Colombe); 4
stuttir þættir úr Pièce en trio nr. 2 í
g (1692), leiknir af öllum septettnum
sem hlaut að riðla nokkuð samvægi
raddanna þriggja. Sjöþætt Þriðja
svíta Pierres Danicans Philidors frá
um 1717 fyrir tvær flautur og „fylgi-
rödd“ skartaði fjörugri fúgu í lokin
en var annars ekki ýkja grípandi.
Sónatan í C-dúr Op. 27,1 frá 1730
fyrir óbó og fylgibassa eftir Joseph
Bodin de Boismortier hljómaði eft-
irtektarverðari og gutlaði mjög á
gikknum í lokin þó að inngangs-
allemandan væri fullhæg fyrir „Gay-
ment“-forskrift.
P. D. Philidor var bitastæðari í
seinna innslagi sínu, 5. svítu í e úr
fyrrnefndum ópus fyrir blokkflautu
og fylgibassa (bassalútan þjorba
(theorbe) hér í stað sembals). Alle-
mandan (II.) var þokkafull og Sara-
bandan (III.) sérlega falleg. Mest
hékk þó á músíkbeinum í 4 þáttum
úr Deuxième Récreation le Musique
Op. 8 eftir fiðlusnillinginn Jean Mar-
ie Leclair l’ainé frá um 1737, kannski
að hluta fyrir ítölsku og þýzku áhrif-
in í verkinu. Forleikurinn var skeytt-
ur gustmikilli fúgu í ¾, síðan kom
bráðsnotur Forlane og Sarabanda,
en endaði með sérkennilegum
Tambourin I.
Allt var leikið af alúð, þó að heildin
hefði að ósekju mátt njóta meiri
krafts og gáska í túlkun og tempó-
vali. Þá virtist hér sem í undan-
gengnum verkum messa di voce-
„kjökur“ flautnanna ögn yfirdrifið
einstaka sinnum. Spurning er reynd-
ar hvort sá upphafshyggjukækur
hafi almennt náð að laða jafnmarga
yngri hlustendur að og hann hefur
fælt eldri frá. Ef ekki, mætti því ætla
að verr væri farið en heima setið.
Hitt má svo e.t.v. hugleiða, eins og
undirr. gerði nýlega í málsgrein sem
felld var niður vegna plássleysis,
hvort örva mætti slaknandi áhuga
síðari ára á eldri fornmúsík með nýt-
ingu „sýnilegri“ þátta eins og dansi
(sbr. danshóp Véronique Daniels
fyrir ári í Hafnarborg), sjónleiks-
þáttum eða litskrúðugum búningum,
t.d. að hætti sænska Ensemble Vill-
ancico-hópsins í Norræna húsinu
25.2. 1997. Eða jafnvel teygja sig svo
langt að yfirfæra gömlu tónlistina í
djass- eða rokksamhengi með
„cross-over“-útsetningum. Alltjent
ætti bezta tónlistin betra skilið en að
hverfa úr lifandi flutningi hérlendis
eins og nú virðast horfur á, þrátt fyr-
ir ómissandi framlag hérumrædds
tónlistarhóps, sem að vísu hefur ver-
ið nánast einn um hituna á okkar litla
markaði.
TÓNLIST
Salurinn
Frönsk barokkverk eftir Marais, P. D.
Philidor, Boismortier og Leclair. Camilla
Söderberg blokkflautur, Martial Nardeau
& Guðrún S. Birgisdóttir barokkflautur,
Peter Tompkins barokkóbó, Ólöf S. Ósk-
arsdóttir gamba, Snorri Örn Snorrason
þjorba, Elín Guðmundsdóttir semball.
Laugardaginn 30. nóvember kl. 16.
KAMMERTÓNLEIKAR
Hálfdauft jólabarokk
Ríkarður Ö. Pálsson
KARLAKÓRINN Heimir úr Skaga-
firði heimsækir höfuðborgina a.m.k.
einu sinni á ári og syngur fyrir höf-
uðborgarbúa. Engin undantekin er á
því nú og mun kórinn að þessu sinni
halda aðventutónleika í Langholts-
kirkju á föstudagskvöld kl. 20.30.
Kórinn á 75 ára afmæli hinn 27.
desember og segir Páll Dagbjarts-
son, formaður kórsins, að þess verði
minnst á ýmsan hátt. „Meðal annars
verður gert myndband um sögu
kórsins, sem nú er í lokavinnslu, hjá
Plús film og Sveini Sveinssyni og
verður það frumsýnt í Bifröst á
Sauðárkróki í tengslum við afmæl-
ið.“
Karlakórinn hélt aðventutónleika
í Miðgarði sl. laugardag og var mik-
ill fjöldi gesta saman kominn til að
hlýða á söng karlanna.
Að venju var söngskrá kórsins
fjölbreytt og fyrir hlé einkenndist
hann af hefðbundnum karlakórs-
lögum ásamt sígildum lögum úr óp-
eruheiminum, en eftir hlé voru ein-
göngu flutt verk sem tengjast
komandi hátíð.
Einsöngvarar með kórnum voru
þau Svana Berglind Karlsdóttir og
Sigfús Pétursson og urðu þau og
kórinn að syngja mörg aukalaög.
Páll Dagbjartsson sagði þetta að-
ventukvöld skemmtilega viðbót við
hefðbundið starf Heimis, en í fyrra
brá kórinn á það nýmæli að halda
aðventutónleika í byrjun aðventu og
væntir þess að það gæti fest sig í
sessi. Það sýndi sig að þrátt fyrir að
margt væri í gangi hefði aðsókn ver-
ið góð í bæði skiptin sem aðventan
hefði verið sungin inn af kórnum.
Heimir syngur
í Langholtskirkju
Sauðárkóki. Morgunblaðið.
Kristinn Hallsson
bassbaríton heitir
tvöfaldur geisla-
diskur og er hér
kominn þver-
skurður af ferli
Kristins annars
vegar og hins vegar samvinna þeirra
Kristins og Árna Kristjánssonar í febr-
úar 1965. Á þeim diski eru ýmsar
perlur íslenskra söngbókmennta og
erlend lög þar sem rísa hæst fimm
söngvar úr Svanengesang eftir Schu-
bert. Á fyrri disknum eru íslensk söng-
lög og óperuaríur, söngdansar og
skemmtilög. Elstu lögin á disknum
voru tekin upp 1954 þegar Kristinn
var nýkominn heim úr söngnámi í
London, eru það lögin Dísa og Nótt.
Það yngsta, Bjórkjallarann, söng hann
í sjónvarpsþætti 1985.
Mikið efni af söng Kristins er til í
Ríkisútvarpinu og þaðan er flest það
fengið sem heyra má í þessari útgáfu
og hefur Þórir Steingrímsson tækni-
maður endurunnið upptökurnar.
Útgefandi eru Söngvinir Kristins.
Ríkisútvarpið, Menningarsjóður Ís-
landsbanka og menntamálaráðu-
neytið styrktu útgáfuna. Edda dreifir.
Sönglög
Rautt silkiband er
með söng Hólm-
fríðar Jóhann-
esdóttur. Undir-
leikarar á píanó
eru Hreiðar Ingi
Þorsteinsson og
Lára S. Rafnsdótt-
ir. Diskurinn hefur að geyma íslensk
sönglög eftir Hreiðar Inga Þor-
steinsson við ljóð Nínu Bjarkar Árna-
dóttur og Gunnar Reyni Sveinsson við
ljóð Steins Steinarr.
Hólmfríður útskrifaðist sem ein-
söngvari frá Schubert Konserva-
torium árið 1996. Hún stefnir á söng-
kennarapróf við Konunglega
Tónlistarháskólann í London.
„Síðastaliðið vor fór ég að lesa ljóð
Nínu Bjarkar og heillaðist af hrein-
skilninni og tilfinningum í ljóðum
hennar. Ég fékk þá hugmynd að velja
ljóð frá ýmsum tímabilum og setja
saman í flokk. Ég hafði samband við
Hreiðar og bað hann um að semja
ljóðaflokk fyrir mig. Í júní fékk ég Ólaf
Elíasson til að taka upp lög Gunnars.
Þau lög hafði ég unnið fyrr á árinu.
Lög Hreiðars og Gunnars eru mjög
ólík sem skapar fjölbreytni. Í október
voru lög Heiðars tekin upp,“ segir
Hólmfríður um tilurð plötunnar.
Hólmfríður gefur út. Upptökur fóru
fram í Víðistaðakirkju.