Morgunblaðið - 05.12.2002, Blaðsíða 22

LANDIÐ
22 FIMMTUDAGUR 5. DESEMBER 2002 MORGUNBLAÐIÐ
ÞROSKAÞJÁLFAR í ráðgjafarþjón-
ustu hafa verið að þróa á síðustu ár-
um verkferli sem kallast netvinna.
Markmið netvinnu er að mynda þétt
net utan um hvert fatlað barn, þar
sem allir þátttakendur í netinu eru
virkir meðlimir og unnið er að sam-
eiginlegum markmiðum. Forsenda
þess að þetta verkferli geti kallast
netvinna er að foreldrar séu virkir
þátttakendur. Margir þekkja til
teymisvinnu og þverfaglegra vinnu-
bragða, en það sem gerir netvinnu
helst frábrugðna slíku, eru aukin
áhrif foreldra og annarra, bæði
ófaglærðra og þeirra sem minni af-
skipti hafa af barninu.
Netfundir eru haldnir á 4–6 vikna
fresti, og er markmiðið að taka sam-
eiginlegar ákvarðanir um þjónustu
fyrir barnið og fjölskyldu þess. Í því
felst að samræma aðferðir og þjálf-
un í umhverfi barnsins, þannig að
allir séu meðvitaðir um þær áherslur
sem verið að að vinna að. Þátttak-
endur eru 4–5 og eru það aðilar sem
standa barninu næst s.s. foreldrar,
starfsfólk í skóla og aðili frá Svæð-
isskrifstofu. Einu sinni til tvisvar á
ári eru haldnir stærri netfundir og
þeir aðilar sem standa fjær barninu
einnig boðaðir. Þeir fundir eru ætl-
aðir sem upplýsingafundir.
Aðferðir Irene voru kveikjan
Guðmunda Jónsdóttir og Hannes
Heiðarsson eru foreldrar Helgu
Bjargar, 8 ára stúlku með Downs-
heilkenni. Þau kynntust aðferðum
Irene Johansson málfræðings fyrir
fjórum árum er þau ásamt Freydísi
Guðmundsdóttur, þroskaþjálfa á
Svæðisskrifstofu Vesturlands, sóttu
fyrirlestra hjá henni. Guðmunda
segist afar ánægð með þessar að-
ferðir og netvinnuna í heild. ,,Í raun-
inni þyrfti að vinna svona með
hverju einasta barni, ekki bara fötl-
uðum. Þegar allir vinna að sömu
markmiðum, bæði heima og í skóla,
verður árangurinn meiri,“ segir
Guðmunda. ,,Ég er líka mjög ánægð
með dagbókina sem er upphaflega
hugmynd frá Irene, en við segjum
frá með myndmáli í dagbók þannig
að Helga Björg á auðveldara með að
muna og segja frá því sem hún hefur
verið að gera bæði heima og í skól-
anum.“
Freydís segir að aðferðir Irene
Johansson, þar sem foreldrar hafi
mikil áhrif á málþjálfun, hafi ýtt
undir sannfæringu þeirra um net-
vinnu. ,,Í ráðgjafahlutverkinu höfum
við aðlagað þessar aðferðir og þessa
heildarsýn sem við leggjum mikið
upp úr í starfi með fötluðum og að-
standendum þeirra,“ segir Freydís
og bætir við að ferlið hafi farið af
stað til þess að nýta kraft foreldra
betur í áætlunargerð. „Við teljum að
reynslan af þessum netum sé mjög
góð á Vesturlandi. Einn kosturinn er
ennfremur að minni röskun á sér
stað þegar starfsmenn hætta og aðr-
ir taka við, þar sem ávallt eru aðilar
í netinu sem geta miðlað reynslu.
Stærsti kosturinn er þó hlutur for-
eldra og áhrif þeirra á líf barna
sinna.“
Borgarnes
Morgunblaðið/Guðrún Vala
Hér gefur Guðmunda Jónsdóttir nýfæddum syni sínum brjóst á meðan
Helga Björg, stóra systir hans, vinnur heimanámið.
Allir vinna að sömu markmiðum
SÍMINN hélt nýlega ráðstefnu á
Egilsstöðum undir yfirskriftinni „Í
snertingu við Austurland“. Þar var
kynnt þjónusta fyrirtækisins og
nýjungar á sviði fjarskipta hvað
varðar síma- og netlausnir.
Meðal þess sem fjallað var um
var Centrex, samruni á farsíma og
talsíma í gegnum sýndareinkasím-
stöð, IP- og víðnetslausnir og Tel-
Log-símaeftirlitskerfi sem tengir
saman notanda og fjarskiptakerfi
og er einkum notað af sjómönnum.
Þá var kynnt boðunarkerfi sem
Síminn hefur þróað og kallast Boði
og ný þjónusta sem kom fyrst fram
á Agora-ráðstefnunni og nefnist
Boxið. Þá er öllum skilaboðum sem
viðskiptavini berast í tölvu, á faxi
eða í síma safnað saman á einn
stað.
Gengur vel að koma ADSL- og
ISDN-kerfunum í gagnið
Samkvæmt upplýsingum frá
Gunnari Þór Sigbjörnssyni, þjón-
ustustjóra Símans á Austurlandi, og
Heiðrúnu Jónsdóttur, forstöðu-
manni upplýsinga- og kynningar-
mála fyrirtækisins, er uppbygging
ADSL-háhraðanetsambands á
Austurlandi komin vel á veg. Búið
er að tengja Egilsstaði, Reyðar-
fjörð, Neskaupstað, Eskifjörð og
Höfn, en Vopnafjörður, Seyðisfjörð-
ur og Fáskrúðsfjörður eru á áætlun
fyrir árið 2003.
Hvað varðar ISDN-tengingar er
stefnt að því að setja upp stöðvar á
Iðavöllum, Skriðuklaustri, í Lóni,
Berufirði og við Fagurhólsmýri fyr-
ir eða í kringum áramót.
Ekki hefur enn verið ákveðið
hvar nýjar GSM-stöðvar verða sett-
ar upp á næsta ári. Þó verður sett-
ur upp nýr sendir á Seyðisfirði sem
mun virka fyrir nýja ferju Norrönu
sem kemur til landsins á vori kom-
anda.
Síminn
kynnir sig
á Austur-
landi
Egilsstaðir
Heiðrún Jónsdóttir, forstöðumaður
upplýsinga- og kynningarmála Sím-
ans, stjórnaði ráðstefnu um þjón-
ustu fyrirtækisins sem haldin var
nýlega á Egilsstöðum.
BÖRNIN í þriðja bekk Flúðaskóla,
sextán talsins, fóru í fjósaskoðun að
Dalbæ í Hreppum fyrir skömmu
undir öruggri stjórn kennara síns,
Hrannar Harðardóttur. Þó að þau
séu sveitabörn eru ekki kýr heima
hjá nema þriðjungi þeirra. Þau
fengu einnig að halda á ungum ný-
skriðnum úr eggjum í kjúklinga-
búinu á nágrannabænum Miðfelli
og voru að vonum ánægð með þessa
vettvangskönnun.
Í fjósaskoðun að Dalbæ
Flúðir
Morgunblaðið/Sigurður Sigmunds
RAFMAGNSSTAURAR eru sjald-
an til augnayndis þó að þeir séu
nauðsynlegir þar sem ekki er búið að
setja rafmagnið í jörð.Vonandi heyra
þeir brátt sögunni til.
Það er þó ekki hægt að segja ann-
að en að þessi rafmagnsstaur á
myndinni sé til prýði þar sem topp-
urinn á honum ber við sólarglætuna
sem sést í gegnum skýjaflókana.
Fagradal
Morgunblaðið/Jónas Erlendsson
Sólin og rafmagnið hvort tveggja sterkir aflgjafar.
Rafmagns-
staurar
stundum
til prýði
ELDRI deild grunnskólans á
Þórshöfn sýndi söngleikinn
„Wake me up before you
gogo“ eftir Hallgrím Helga-
son á árshátíð sinni og var
það hin besta skemmtun.
Steinunn Guðnadóttir, sem
einnig kennir við grunnskól-
ann, leikstýrði verkinu og
náði fram því besta í hverjum
og einum, en leikgleði ung-
linganna var mikil.
Krakkarnir fóru á kostum í
þessum söngleik og greini-
legt að mikil vinna liggur að
baki vel heppnuðu verki.
Kaffiveitingar voru í hléi en
allur ágóðinn rann í ferðasjóð
eldri deildarinnar.
Morgunblaðið/Líney Sigurðard
Eldri deild grunnskólans á Þórshöfn sýndi söngleikinn „Wake me up be-
fore you gogo“ eftir Hallgrím Helgason á árshátíð sinni og það var hin
besta skemmtun. Steinunn Guðnadóttir, sem einnig kennir við grunnskól-
ann, leikstýrði verkinu og náði fram því besta í hverjum og einum en leik-
gleði unglinganna var mikil. Krakkarnir fóru á kostum í þessum söngleik
og greinilegt að mikil vinna liggur að baki vel heppnuðu verki. Kaffiveit-
ingar voru í hléi en allur ágóðinn rennur í ferðasjóð eldri deildarinnar.
Söng-
leikur á
skóla-
árshátíð
Þórshöfn