Morgunblaðið - 15.02.2003, Blaðsíða 56

MINNINGAR
56 LAUGARDAGUR 15. FEBRÚAR 2003 MORGUNBLAÐIÐ
✝ Björn Jón Þor-grímsson fæddist
9. maí 1921 í Syðra-
Tungukoti, sem nú
heitir Brúarhlíð, í
Blöndudal í A-Húna-
vatnssýslu. Hann lést
á líknardeild Land-
spítalans í Kópavogi
að morgni 4. febrúar
síðastliðins. Foreldr-
ar hans voru hjónin
Þorgrímur Jónas
Stefánsson bóndi, f.
19.3. 1891, d. 13.8.
1955, og Guðrún Ingi-
björg Björnsdóttir
húsfreyja, f. 25.8. 1898, d. 1.8.
1971. Systkini Björns eru: Aðal-
björg Guðrún, f. 20.4. 1918, Stefán,
f. 1.10. 1919, Konkordía Sigur-
björg, f. 2.6. 1922, Emilía Svan-
björg, f. 2.12. 1924, d. 14.4. 1982,
og Vilhjálmur, f. 27.1. 1926, d. 22.5.
1929. Björn átti einnig tvö fóstur-
systkini, þau Hannes Ágústsson, f.
11.11. 1912, hann er látinn, og Pál-
ínu Pálsdóttur, f. 23.1. 1935.
Hinn 31. des. 1945 gekk Björn að
eiga eftirlifandi konu sína Guð-
björgu Guðnadóttur, f. 3. mars
1924, frá Hofsósi. Hún er dóttir
hjónanna Kristins Guðna Þórar-
inssonar, f. 1.8. 1888, d. 25.9. 1967,
og Jóhönnu Ragn-
heiðar Jónasdóttur,
f. 11.7. 1889, d. 20.10.
1965. Börn Björns og
Guðbjargar eru: 1)
Kristinn Jónas, f.
31.5. 1945, maki
Edda Lilja Hjalta-
dóttir, og eru þau bú-
sett í Danmörku.
Börn þeirra eru Guð-
björg, Jóna Birna,
Hjalti Skarphéðinn,
Hanna Kristín og
Smári Logi. 2) Gunn-
ar Þór, f. 2.5. 1951,
maki Erla Helga
Bjargmundsdóttir, búsett á Akra-
nesi. Börn þeirra eru Jóhanna Eva,
Viðar Snær, Björn Þór og Guðni
Már. 3) Guðrún, f. 1.8. 1955, maki
Gunnar Magnússon, búsett í Hafn-
arfirði. Börn þeirra eru Ingibjörg
Lára, Guðbjörg og Jónbjörn Magn-
ús. Langafabörnin eru tólf.
Björn stundaði nám við Hóla-
skóla í Hjaltadal árin 1943–1944.
Árið 1945 fluttist hann til Hofsóss
þar sem hann bjó alla tíð síðan og
stundaði ýmis störf, bæði til sjós og
lands.
Útför Björns verður gerð frá
Hofsóskirkju í dag og hefst athöfn-
in klukkan 14.
Elsku hjartans afi minn. Ég sakna
þín svo mikið. Það er sárt að vita að
ég eigi ekki eftir að sjá þig aftur því
þú varst allra besti afi í heiminum.
Alltaf þegar ég kom til ykkar ömmu í
heimsókn á Grund var mér tekið opn-
um örmum og alltaf var til nóg af
heimabökuðu brauði og öðru góðgæti
í munninn. Þið voruð alltaf mjög sam-
rýnd hjón og ég veit að hún saknar
þín mjög mikið. Ég ætla að passa
hana alltaf fyrir þig.
Elsku afi, þú varst alltaf svo hug-
rakkur í baráttu þinni við þennan ill-
víga sjúkdóm, en gott er að vita að
þér líður vel núna og ert í góðum
höndum. Ég bið algóðan guð að
geyma þig að eilífu. Takk fyrir allt,
elsku afi minn. Megi guð geyma þig
með englunum sínum.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta,
þá sælt er að vita af því.
Þú laus er úr veikinda viðjum,
þín veröld er björt á ný.
Ég þakka þau ár sem ég átti,
þá auðnu að hafa þig hér.
Og það er svo margt að minnast,
svo margt sem um hug minn fer.
Þó þú sért horfin úr heimi,
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sig.)
Þinn afastrákur
Björn Þór.
Elsku afi, þá er komið að leiðarlok-
um í þessum heimi. Minningarnar
um þig hafa hrannast upp seinustu
daga, sem aldrei fyrr. Þegar ég minn-
ist þín og hugsa mörg ár til baka,
þegar ég var bara pínulítil stelpa,
vildi ég alltaf vera á Grund á Hofsósi
hjá afa og ömmu. Þær voru óteljandi
ferðirnar sem ég fór til ykkar, og allt-
af tókuð þið fagnandi á móti mér. Ég
var jú ykkar fyrsta barnabarn og
naut góðs af því. Ég man þegar ég
var þriggja ára þá fór ég með þér, afi,
út í fjárhús. Nú átti ég að fá að velja
mér kind og við áttum að eiga hana
saman, þú og ég. Þegar ég var búin
að velja kindina spurðir þú mig hvorn
endann ég vildi og þú varst ánægður
að heyra að ég skyldi velja afturend-
ann. Þér fannst þetta vel valið. „Nú
færðu lömbin sem koma og þegar
þeim verður slátrað færðu aura inn á
bankareikninginn þinn.“
Erfitt er að setja orð á blað þegar
frá mörgu er að segja. Þú náðir að
koma tvisvar sinnum til Danmerkur í
heimsókn til okkar og hafðir gaman
af. Og ég er ánægð með að hafa farið
til Íslands fyrir tæpum tveimur ár-
um. Þá kom ég norður um páskana
með Guðrúnu frænku og hennar fjöl-
skyldu og þú fékkst tækifæri til að
hitta yngsta langafabarnið þitt, hann
Daníel. Sá var fljótur að skríða upp í
kjöltuna hjá þér, eins og reyndar öll
lítil börn gerðu.
En elsku afi. Ég þakka þér fyrir að
hafa verið sá maður sem þú varst. Ég
þakka fyrir ástina, hlýjuna og góð-
mennskuna sem þú ávallt sýndir mér
og mínum. Lífið verður ekki samt eft-
ir brotthvarf þitt en með jákvæðni
þína og lífsgleði að leiðarljósi verður
sorgin og söknuðurinn bærilegri.
Elsku amma mín. Guð veri með þér
og veiti þér styrk í gegnum þessa erf-
iðu tíma.
Heimáer hægt að þreyja,
hvíld þar sál mín fær;
þar mun hægt að deyja
þýðum vinum nær.
Ljúft er þar að ljúka
lífsins sæld og þraut
við hið milda, mjúka
móðurjarðar skaut.
(Steingrímur Þorsteinsson.)
Ég kveð þig að sinni, elsku afi
minn.
Guðbjörg Kristinsdóttir og
fjölskylda, Danmörku.
Elsku afi. Þriðjudagurinn 4. febr-
úar var sorgardagur í lífi okkar allra,
þegar við fréttum að þú værir dáinn.
Það er erfitt að kveðja þig, sem okkur
þótti svo vænt um. Þú sem varst allt-
af svo duglegur og hraustur og fórst
alltaf út að labba. Við vitum að þú ert
á góðum stað núna og þér líður vel og
eins og Jónbjörn Magnús sagði:
„Núna veit ég að afa líður vel því nú
er hann dáinn og er ekki lengur veik-
ur.“ Þú varst alltaf svo góður, kennd-
ir okkur að spila og leyfðir okkur að
hjálpa þér við að slá blettinn, vökva
blómin og sjá um garðinn. Við mun-
um hvað þér þótti gaman að koma að
horfa á okkur systurnar í boltanum
og hvattir okkur alltaf til dáða. Það
verður skrýtið að koma í heimsókn
núna þegar við vitum að þú situr ekki
lengur inni í stofu að leggja kapal í
stólnum þínum við stofugluggann.
Gleð þig, særða sál,
lífsins þrautum þyngd.
Flutt er munamál,
inn er helgi hringd.
Minnstu komu Krists,
Hér er skuggaskil.
Fagna komu Krists,
flýt þér tíða til.
Kirkjan ómar öll,
býður hjálp og hlíf.
Þessi klukknaköll
boða ljós og líf.
Heyrið málmsins mál.
Lofið Guð, sem gaf.
Og mín sjúka sál
verður hljóma haf.
Við munum alltaf hugsa vel um
ömmu.
Það verður erfitt að sætta sig við
að þú sért farinn frá okkur en allar
minningarnar sem við eigum um þig
munu alltaf geymast í hjörtum okkar
og við munum alltaf elska þig.
Þín barnabörn
Ingibjörg Lára, Guðbjörg
og Jónbjörn Magnús.
Í dag er til hinstu hvílu borinn afi
okkar Björn Þorgrímsson. Með sökn-
uði biðjum við góðan Guð að varð-
veita og vaka yfir elsku afa sem horf-
inn er allt of fljótt.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
(V. Briem.)
Elsku amma, Guð blessi þig og
styrki þig, þú ert í okkar bænum.
Jóhanna Eva, Viðar Snær
og Guðni Már.
Þegar endar æviskeið
er sem vinir finni,
það gerðist margt á lífsins leið,
sem lifir í minningunni.
Þessar ljóðlínur koma ósjálfrátt
upp í hugann þegar ég minnist þeirra
mörgu ánægjustunda sem ég átti
með hjónunum á Grund meðan end-
urbætur á Nýjabæ stóðu yfir á Hofs-
ósi. Ég var heimalningur á þeim bæ
um nokkurra vikna skeið og naut þá
þess að vera í fæði og húsnæði hjá
Birni og Bubbu frænku. Mér er í dag
ljóslifandi minningin um Björn þegar
þessi stóri glaðværi maður birtist í
bláa „súpermannsbolnum“ sínum í
eldhúsinu á Grund, færandi mér
ískaldan bjór að loknu dagsverki.
Björn vissi greinilega hvað skrif-
stofumanninum úr Reykjavík kæmi
best áður en skeggrædd voru íþrótta-
úrslit dagsins.
Ósjaldan kom það fyrir að leita
þurfti til Björns varðandi fram-
kvæmdir við Nýjabæ og áttum við
„Nýbæingarnir“ þá hauk í horni þar
sem Björn var. Hann hjálpaði okkur
um verkfæri og kom okkur í sam-
band við þá aðila á Hofsósi, sem gætu
hugsanlega liðsinnt okkur. Oftar en
ekki þurfti að fá leyst út efni úr vöru-
afgreiðslunni utan venjulegs af-
greiðslutíma og fá það keyrt heim.
Það þurfti að fá skrúfað fyrir vatnið
úti í götu og hleypa straumi á húsið
og það þurfti að tengja rotþró við
húsið. Allt þetta og margt fleira hafði
Björn milligöngu um að gera. Við
sem komum að uppbyggingu Nýja-
bæjar munum minnast Björns með
hlýhug og mun minning hans lifa með
Nýjabæ um ókomna tíð.
Elsku Bubba frænka. Fyrir hönd
Nýjabæjarfélagsins færi ég þér og
fjölskyldu þinni innilega samúðar-
kveðju frá okkur öllum með von um
að við megum njóta oftar nærveru
þinnar í Nýjabæ.
Stefán Ragnar.
BJÖRN JÓN
ÞORGRÍMSSON
 Fleiri minningargreinar
um Björn Jón Þorgrímsson bíða
birtingar og munu birtast í blaðinu
næstu daga.
Elskuleg móðir okkar, tengdamóðir, amma,
langamma og langalangamma,
MARÍA BENEDIKTSDÓTTIR
frá Haganesi,
Fljótum,
verður jarðsungin frá Siglufjarðarkirkju í dag,
laugardaginn 15. febrúar, kl. 14.00.
Una Ásgeirsdóttir, Einar Einarsson,
Sigurbjörn Jóhannsson, Ása Jónsdóttir,
Jóhanna B. Jóhannsdóttir, Guðmundur H. Hagalín,
barnabörn, barnabarnabörn
og barnabarnabarnabörn.
Konan mín elskuleg,
ÞORGERÐUR JÓHANNA JÓNSDÓTTIR,
Ægisgötu 31,
Akureyri,
sem andaðist á hjúkrunarheimilinu Seli föstu-
daginn 7. febrúar, verður jarðsungin frá Akur-
eyrarkirkju mánudaginn 17. febrúar kl. 13.30.
Blóm vinsamlega afþökkuð, en þeim, sem vilja
minnast hennar, er bent á hjúkrunar-
heimilið Sel eða Fjórðungssjúkrahúsið á Akureyri.
Þetta tilkynnist fyrir mína hönd og annarra vandamanna,
Gestur Sæmundsson.
Innilegar þakkir til allra þeirra, sem sýndu
okkur samúð og hlýhug við andlát og útför
bróður okkar, mágs og frænda,
SIGFÚSAR ARNARS ÓLAFSSONAR
heimilislæknis.
Sérstakar þakkir sendum við starfsfólki heima-
hjúkrunar Krabbameinsfélagsins og starfsfólki
líknardeildar Landspítalans í Kópavogi.
Þeim, sem vilja minnast hans, er bent á líknar-
deild Landspítalans í Kópavogi.
Jón Ólafsson, Inga Svava Ingólfsdóttir,
Sigríður Ólafsdóttir, Þórir Hjálmarsson,
Edda Jónína Ólafsdóttir, Hafliði Hafliðason,
Hildur Karítas Jónsdóttir,
Ólafur Þórisson,
Svanhildur, Hafliði Arnar
og Ólafur Einar Hafliðabörn.
Ástkær eiginkona mín, móðir okkar, amma og
langamma,
REBEKKA SIGRÍÐUR JÓNSDÓTTIR
hjúkrunarkona,
andaðist á Landpítala Fossvogi miðvikudaginn
12. febrúar.
Útförin fer fram frá Aðventkirkjunni í Reykjavík
miðvikudaginn 19. febrúar kl. 15.00.
Jóhannes Kr. Magnússon,
Hjördís Guðbjörnsdóttir,
Rebekka Sigurðardóttir, Stefán Jónsson,
Atli Rafn Sigurðarson, Brynhildur Guðjónsdóttir
og barnabarnabörn.
Innilegar þakkir fyrir samúð og hlýhug við and-
lát og útför móður okkar, tengdamóður, ömmu
og langömmu,
AUÐAR GUÐMUNDSDÓTTUR,
Heiðarvegi 59,
Vestmannaeyjum.
Ásgeir Lýðsson, Sólveig Guðnadóttir,
Brynhildur Lýðsdóttir,
Skúli Lýðsson, Áslaug Maríasdóttir
og fjölskyldur.
Afmælis- og minningargreinum má skila í
tölvupósti eða á disklingi (netfangið er
minning@mbl.is, svar er sent sjálfkrafa um
leið og grein hefur borist). Ef greinin er á
disklingi þarf útprentun að fylgja. Nauð-
synlegt er að símanúmer höfundar og/eða
sendanda (vinnusími og heimasími) fylgi
með. Þar sem pláss er takmarkað getur
þurft að fresta birtingu greina, enda þótt
þær berist innan hins tiltekna frests. Nán-
ari upplýsingar eru á mbl.is. Um hvern lát-
inn einstakling birtist formáli og ein aðal-
grein af hæfilegri lengd á útfarardegi, en
aðrar greinar skulu ekki vera lengri en 300
orð, u.þ.b. 1.500 slög (með bilum) eða um 50
línur í blaðinu (17 dálksentimetrar). Tilvitn-
anir í sálma eða ljóð takmarkast við eitt til
þrjú erindi. Einnig er hægt að senda ör-
stutta kveðju, HINSTU KVEÐJU, 5–15 lín-
ur, og votta virðingu án þess að það sé gert
með langri grein. Greinarhöfundar eru
beðnir að hafa skírnarnöfn sín en ekki stutt-
nefni undir greinunum.