Morgunblaðið - 15.02.2003, Blaðsíða 30

ÁRBORGARSVÆÐIÐ
30 LAUGARDAGUR 15. FEBRÚAR 2003 MORGUNBLAÐIÐ
Á FUNDI bæjarráðs Árborgar 13.
febrúar var auknu framlagi til vega-
framkvæmda fagnað en áréttað að
Menningarsalur Suðurlands stendur
fokheldur, tilbúinn til átaks um upp-
byggingu. Hönnun salarins liggur
fyrir og er miðað við 330 sæta tón-
listar-, leik- og ráðstefnuhús. Bæj-
arráðið skorar á ríkisstjórnina að
koma að Menningarsalnum með
fjárframlagi.
Eftirfarandi ályktun var sam-
þykkt á fundi bæjarráðs: „Bæjarráð
Árborgar fagnar ákvörðun ríkis-
stjórnar um aukið framlag til vega-
framkvæmda, atvinnuuppbyggingar
og til byggingar menningarhúsa.
Sérstaklega fagnar bæjarráð þeim
auknu fjármunum sem verja á til
vegaframkvæmda við Suðurstrand-
arveg og Hellisheiði.
Bæjarráð Árborgar lýsir hins
vegar yfir miklum vonbrigðum með
að ríkisstjórnin hafi ekki ákveðið að
setja fjármuni í að ljúka við Menn-
ingarsal Suðurlands í Hótel Selfossi.
Menningarsalurinn hefur staðið fok-
heldur í um aldarfjórðung. Á liðnu
ári lagði Eignarhaldsfélagið Brú hf.
37 m.kr. til framkvæmda og hljóð-
vistarhönnunar á salnum. Jafnframt
hafa áhugasamir aðilar, í samstarfi
við félagið, komið á fót sjálfseign-
arstofnun um uppbyggingu og
rekstur Menningarsalarins. Þá hafa
sveitarfélög á Suðurlandi ásamt fyr-
irtækjum og einstaklingum heitið
fjárframlögum til verkefnisins.
Einungis vantar 120 mkr. framlag
frá ríkisvaldinu til að Menningarsal-
ur Suðurlands komist í fulla notkun
á nokkrum vikum. Á undanförnum
misserum hefur verið leitað eftir
slíku framlagi en án árangurs.
Minnt skal á að slíkur menningar-
salur nýtist íbúum í einu landfræði-
lega stærsta kjördæmi landsins vel
með tilliti til staðsetningar innan
kjördæmisins. Jafnframt skal minnt
á að ekkert annað menningarhús á
landsbyggðinni er komið jafn langt
og Menningarsalur Suðurlands með
tilliti til framkvæmda og framlaga
frá aðilum innan svæðis.
Bæjarráð Árborgar skorar ein-
dregið á ríkisstjórnina að tryggja
fjármuni til að ljúka framkvæmdum
við Menningarsal Suðurlands.“
Vegaframkvæmdum fagnað
Þá samþykkti bæjarráð Ölfuss
eftirfarandi ályktun 13. febrúar sl.:
„Bæjarráð Ölfuss fagnar ákvörð-
un ríkisstjórnarinnar um 6,3 millj-
arða framlag til vegamála, sérstaks
atvinnuátaks og byggingar menn-
ingarhúsa.
Bæjarráð fagnar sérstaklega
ákvörðun ríkisstjórnarinnar um
fjármagn í Suðurstrandarveg og
endurbætur á veginum um Hellis-
heiði og Gjábakkaveg. Um er að
ræða nauðsynlegar samgöngubætur
sem munu hafa jákvæð áhrif á þró-
un byggðar, atvinnu og þjónustu á
Suðurlandi.
Bæjarráð Ölfuss fagnar frum-
kvæði ríkisstjórnarinnar en með því
verður gjörlegt að standa við þau
loforð sem gefin voru og voru for-
senda fyrir hinu nýja Suðurkjör-
dæmi.
Minnt er á að Suðurstrandarveg-
ur er lykill að eðlilegum samgöngum
innan svæðisins. Þá er minnt á mik-
ilvægi hans af öryggisástæðum
m.t.t. náttúruhamfara.“
Lokið verði við Menn-
ingarsal Suðurlands
Árborg/Ölfus Framkvæmdum á
Hellisheiði og við
Suðurstrandar-
veg fagnað
STJÓRN stéttarfélagsins Bárunnar í
Árnessýslu lýsti á fundi sínum 10.
febrúar áhyggjum af vaxandi at-
vinnuleysi á Suðurlandi. Á fé-
lagssvæði Bárunnar voru skráðir at-
vinnulausir í lok janúar 123. Á
fundinum beindi Báran þeim tilmæl-
um til sveitarstjórna á Suðurlandi að
leita leiða til þess að flýta fyrirhug-
uðum framkvæmdum eins og mögu-
legt er.
Þá bendir stjórnin á þá mögulegu
tilhögun að ráðning í öll tímabundin
störf hjá sveitarfélögum fari í gegn-
um Svæðisvinnumiðlun Suðurlands.
Stjórnin skoraði á fundi sínum á
ráðamenn íslensku þjóðarinnar að
hækka atvinnuleysisbætur í 93 þús-
und krónur, til jafns við lágmarks-
laun verkafólks. „Það er alveg ljóst að
sá launamaður sem lendir í þeirri
ógæfu að missa atvinnu sem hann
hefur haft og fær ekki annað en at-
vinnuleysisbætur sér til framfærslu
getur ekki staðið við skuldbindingar
sínar. Hvernig á að vera hægt að lifa
á ríflega 77 þúsund krónum á mán-
uði? Hvernig á sá einstaklingur að
greiða húsaleigu eða afborgun af íbúð
og annað sem nauðsynlegt er hverj-
um einstaklingi til að lifa?“ segir m.a.
í ályktun stjórnarfundar Bárunnar.
Ekki í takt við raunveruleikann
Einnig samþykkti stjórnin eftirfar-
andi ályktun: „Stjórn Bárunnar for-
dæmir harðlega þau vinnubrögð
stjórnvalda sem í skjóli Kjaradóms
vanvirða tilraunir verkalýðshreyfing-
arinnar til að halda verðbólgunni í
skefjum. Stjórn Bárunnar er ómögu-
legt að skilja hvernig æðstu embætt-
ismenn þjóðarinnar hafa geð í sér til
að taka við margfalt meiri launa-
hækkun í skjóli kjaradóms en samið
hefur verið um á almennum vinnu-
markaði. Að taka 7% hækkun á mörg
hundruð þúsund króna laun á sama
tíma og atvinnulausu fólki er
skömmtuð 5% hækkun á rúm 73 þús-
und sýnir að þeir eru ekki í takt við
raunveruleikann.
Hækkunin kemur eins og köld
vatnsgusa framan í almenning sem
þrátt fyrir léleg laun lagði allt sitt
undir til þess að hægt væri að koma
böndum á stighækkandi verðbólgu í
landinu.“
Áhyggjur vegna vax-
andi atvinnuleysis
Selfoss
FIMLEIKADEILD Hamars hélt á
dögunum pæjumót, sem ætlað er
stúlkum sem eru að keppa á móti í
fyrsta sinn. Að sögn Ólafar Sigríðar
Einarsdóttur yfirþjálfara er keppn-
isfyrirkomulagið þannig að í hverju
liði eru sex keppendur og fimm
þeirra fá einkunn.
Keppt var í 1. þrepi B sem er fyr-
ir allan aldur og 1. þrepi fyrir stúlk-
ur fæddar 1993 og 1994. Þetta mót
var ætlað landsbyggðarfélögum og
komu lið frá Hetti á Egilsstöðum,
Rán í Vestmannaeyjum, fimleika-
deild Akraness, Laugdælir frá
Laugarvatni og Hvergerðingar úr
Hamri. Í janúar sl. tóku 16 krakkar
úr fimleikadeild Hamars þátt í
Aquafresh Íslandsmótinu, þetta
voru 13 stúlkur og 3 piltar. Pilt-
arnir náðu þeim árangri að komast
á meistaramót en einungis 10 hæstu
í hverju þrepi komast þangað. Auk
þess varð Daði Rafn Brynjarsson Ís-
landsmeistari í 1. þrepi.
Stúlkurnar unnu til fjölmargra
verðlauna en systurnar Sóley og
Hjördís Jóhannsdætur stóðu sig af-
burðavel. Hjördís varð í 2. sæti
samanlagt í 1. þrepi og kemst því á
meistaramót. Sóley varð í 3. sæti í
3. þrepi í 13 ára aldursflokki.
Morgunblaðið/Margrét Ísaksdóttir
Daði Rafn Brynjarsson, Íslands-
meistari í 1. þrepi, með Elínu Guð-
mundsdóttur, móður sinni.
Morgunblaðið/Margrét Ísaksdóttir
Adda María Óttarsdóttir skemmti
sér vel á pæjumótinu.
Fyrstu skrefin á pæjumóti
Hveragerði
UNGMENNAFÉLAG Selfoss og
Glímusamband Íslands hafa staðið
að glímukynningu í skólum á Sel-
fossi. Nemendur fá tækifæri til að
finna fyrir hinni þjóðlegu íþrótt og
reyna sig í glímu eftir kynningu á
reglum.
Þetta framtak hefur gefist mjög
vel og eru krakkarnir áhugasamir
um glímuna. Það á ekki síður við
um stúlkurnar, sem taka rösklega á
í glímunni.
Morgunblaðið/Sigurður JónssonStúlkurnar eru áhugasamar um glímuna.
Glíman kynnt í skólum
Selfoss
SUNNUDAGASKÓLINN var ekki í
kirkjunni síðasta sunnudag heldur
fóru krakkarnir ásamt séra Báru
Friðriksdóttur og aðstoðarfólki
hennar að Dvalarheimilinu Ási. Þar
var heimilisfólkið komið saman og
tók þátt í sunnudagaskólanum.
Krakkarnir sungu lög sem þau
hafa lært í vetur og eru mörg lag-
anna með hreyfingum. Engillinn
Pétur og Kalli vinur hans komu í
heimsókn, en þeir eru handarbrúður
og hafa krakkarnir gaman af að
fræðast um ýmsa hluti í gegnum
brúðurnar. Það var greinilegt að allir
höfðu gaman af þessari tilbreytingu,
bæði börn og fullorðnir.
Börn og fullorðnir í sunnudagaskóla
Hveragerði
Morgunblaðið/Margrét Ísaksdóttir
Börnin sungu fyrir heimilisfólk dvalarheimilisins.
KRAKKARNIR á leikskólanum Glaðheimum
hafa það sem fasta venju að fagna þorranum.
Þetta gera þau með dagskrá þar sem fjallað
er um ýmsar hefðir og sungið um krumma.
Svo er snæddur þorramatur og þá vill oft
koma gretta á eitt og eitt andlit en megin-
málið er að börnin fá þarna þjóðlegt við-
fangsefni að fást við sem viðheldur þjóðararf-
inum.
Börnin sitja í hring í samkomusalnum og
fylgjast vel með því sem fram fer þegar hóp-
arnir koma fram einn af öðrum. Klappað er
innilega fyrir þeim sem koma fram.
Atriðin sem börnin flytja eru bæði með söng- og leiktjáningu.
Hefðir og
krummasöngur
Selfoss
Morgunblaðið/Sigurður Jónsson
Beðið eftir atriðum, krummi er að sjálfsögðu í forgrunni.