Morgunblaðið - 15.02.2003, Blaðsíða 14

VIÐSKIPTI/ATHAFNALÍF
14 LAUGARDAGUR 15. FEBRÚAR 2003 MORGUNBLAÐIÐ
FRÉTTIR
HLUTHAFAR fjölmenntu á aðal-
fund Landsbanka Íslands hf. í Súlna-
sal Hótel Sögu í gær. Ársskýrslan
var samþykkt og helstu afkomutölur
kynntar. Hápunkturinn var þó þegar
tilkynnt var um nýtt bankaráð en í
því situr aðeins einn áfram úr því ráði
sem nú fer frá. Það kom fáum á óvart
að Björgólfur Guðmundsson skyldi
vera í ráðinu en hann var kjörinn for-
maður þess á fundi nýs ráðs síðar um
daginn. Þakklæti til bankaráðs-
manna og bankastjóra var fráfarandi
bankaráðsformanni, Helga S. Guð-
mundssyni, ofarlega í huga þegar
hann ávarpaði gesti aðalfundar.
Hann kvaðst hafa átt gott samstarf
við Kjartan Gunnarsson og sagði það
mjög skynsamlegt að velja hann
áfram til starfa í bankaráðinu. Í
ávarpi sínu á ársfundinum sagðist
Helgi vona að bankinn fengi á næstu
misserum tækifæri til stórra nýrra
áfanga í alþjóðavæðingu með kaup-
um á erlendum eignum í Evrópu.
Ásamt Helga hverfa nú úr bankaráði
Landsbankans þeir Birgir Þór Run-
ólfsson, Guðbjartur Hannesson og
Jónas Hallgrímsson.
Kjartan reyndastur
Í samtali við Morgunblaðið í gær
sagði Björgólfur Guðmundsson að í
gamla ráðinu hefðu setið góðir menn
og skilað vel sínu stari. „Við vorum
ákveðnir í því að það yrði einn úr
gamla bankaráðinu til að tengja sam-
an söguna og hefðirnar. Kjartan hef-
ur sjálfur verið stór hluthafi í bank-
anum auk þess að hafa setið í stjórn
Heritable í London. Hann var því
reynslumestur þeirra sem voru í
ráðinu.“
Tvær konur eru varamenn í banka-
ráði, þær Guðbjörg Matthíasdóttir og
Þórunn K. Þorsteinsdóttir, sem er
fulltrúi starfsmanna bankans. Aðrir
varamenn eru Þór Kristjánsson,
Sindri Sindrason og Þorsteinn
Sveinsson.
Bankinn er í höndum hluthafa
Eftir fyrsta bankaráðsfundinn
sagði Björgólfur Guðmundsson að
lokið væri fyrsta ópólitíska banka-
ráðsfundi Landsbanka Íslands.
„Þetta var ótrúlega merkilegur fund-
ur. Þetta er fyrsti fundurinn í þessum
fornfræga banka þar sem pólitíkin
hefur ekkert að segja. Þessi banki
hefur alltaf verið á pólitískum nótum
en er nú komin í hendurnar á 14.600
hluthöfum á opnum markaði. Nú geta
allir fengið að vera með.“
Spurður að því hvort honum þyki
bankaráðið endurspegla nægilega
breiðan hóp sagðist formaðurinn
telja hópinn hafa ágæta breidd. „Við
erum varfærnir í byrjun. Konur
munu koma hér í stjórnunarstöður.
Við fundum enga konu í fyrstu at-
rennu til að koma inn í bankaráðið.
Breiddin í ráðinu er ágæt. Þorgeir er
vanur maður úr stjórn Sparisjóðanna
og situr í stjórn ýmissa fyrirtækja.
Einar Benediktsson kemur með
mikla og góða þekkingu úr atvinnulíf-
inu. Hann rekur félag sem er með
starfsstöðvar um allt landið, allt Ís-
land er hans akur. Ég tel Andra
Sveinsson vera nauðsynlega rödd
ungs manns inn í bankaráðið. Það er
töluvert mikið af ungu fólki í fjár-
málaheiminum og ég tel nauðsynlegt
að þeirra rödd heyrist.“
Mörg spennandi verkefni
erlendis í deiglunni
Björgólfur segir að á næsta stjórn-
arfundi verði farið nánar yfir mark-
mið og áherslur nýs bankaráðs. „Eitt
er víst að við ætlum að gera góðan
banka betri. Við ætlum okkur að vera
í sókn. Við höfum verið að skoða fjár-
festingar í Bretlandi. Við þekkjum
vel til þar og við teljum áhættuminnst
að sækja á þann markað. Austur-
Evrópa er t.d. of áhættusamur mark-
aður fyrir Landsbankann að fjárfesta
á. Við munum því einblína á Bret-
land. Það eru mörg spennandi verk-
efni í gangi,“ sagði Björgólfur án þess
að vilja greina nánar frá því hver
þessi verkefni eru. Hann segir þó
ljóst að fara verði afar varlega í er-
lendar fjárfestingar. „Það þarf að
fara afskaplega varlega með eins
dýrmætan hlut og Landsbankann.
Bankar eru í eðli sínu íhaldssamir, og
við kannski líka inni við beinið. Hér í
ráðinu blandast vel saman íhaldssöm
vinnubrögð Landsbankans og okkar
viðhorf í atvinnulífinu sem eru frjáls-
ari. En við munum ekki fara út í nein-
ar glannalegar fjárfestingar.“ Af-
koma bankans á síðasta ári var að
sögn Halldórs J. Kristjánssonar
bankastjóra viðunandi. Halldór
kynnti helstu tölur úr ársreikningi
2002 og sagði minni sveiflur hafa ver-
ið á undanförnum fjórum árum í af-
komu Landsbankans en hinna við-
skiptabankanna. Sagði hann að allir
bankanna hefðu verið að bæta sig en
afkomubati Landsbankans hefði ver-
ið jafnari en hinna. Halldór nefndi
sölu á helmingshlut bankans í VÍS,
kaup á Heritable-bankanum í Lond-
on og kaup á meirihluta í SP-fjár-
mögnun sem markverðustu áfangana
í starfsemi bankans á árinu. Sagðist
hann góð skilyrði fyrir bankann að
sækja á erlenda markaði. „Öll innri
og ytri skilyrði til víðtækrar sóknar
eru til staðar og stjórnendur bankans
eru þess fullvissir að árið 2003 verði
ár vaxtar og markaðssóknar hjá
Landsbankasamstæðunni,“ segir
Halldór J. Kristjánsson, bankastjóri
Landsbankans.
685 milljónir í arð til hluthafa
Samþykkt var á aðalfundinum að
685 milljónir af hagnaði ársins 2002,
alls 2.028 milljónum króna, skyldu
greiddar í arð til hluthafa. Nemur
arðgreiðslan 34% af hagnaði og 10%
af nafnvirði hlutafjár Landsbankans.
Afgangi hagnaðarins verður ráðstaf-
að til hækkunar á eigin fé bankans.
Þá var samþykkt á fundinum heim-
ild til bankaráðs að ákveða kaup á allt
að 5% af eigin hlutafé. Skal heimildin
nýtt innan 18 mánaða frá samþykkt
aðalfundar. Einnig var tillaga um að
tvöfalda heimild bankaráðs til að
auka hlutafé í áföngum og var heim-
ildin hækkuð úr 500 milljónum í 1.000
milljónir. Í greinargerð bankaráðs
um tillöguna segir að brýnt sé að
auka hagræðingu á íslenskum fjár-
málamarkaði, með auknu samstarfi
og samrunum banka, sparistjóða og
tryggingafélaga. Ennfremur segir að
Landsbankinn haldi áfram að kanna
möguleika á fjárfestingu erlendis,
m.a. með kaupum á eignarhlutum í
fjármálafyrirtækjum. Til að bankinn
geti orðið öflugur þátttakandi í að-
gerðum á erlendum mörkuðum var
talið rétt að auka svigrúm bankaráðs
til að gefa út nýtt hlutafé.
Í gær fengu nýir eigendur Lands-
banka Íslands, Samson Eignarhalds-
félag ehf., afhent 33,3% hlutafjár í
bankanum, eins og samningur Sam-
son við íslenska ríkið frá 31. desem-
ber 2002 kvað á um. Það sem eftir
stendur af hlutafénu sem Samson
keypti, alls 12,5%, verður afhent eigi
síðar en í lok desember.
Fyrsti „ópólitíski“
bankaráðsfundur
Landsbankans
Nýtt bankaráð Landsbanka Íslands kom
saman í gær eftir að tilkynnt hafði verið á
aðalfundi að aðeins einn maður úr fyrra ráði
héldi sæti sínu. Eyrún Magnúsdóttir sat
aðalfund bankans og átti spjall við nýskip-
aðan formann bankaráðs.
Morgunblaðið/Árni Sæberg
Bankaráð einkavædds Landsbanka Íslands hf. kom í fyrsta sinn saman í gær. Andri Sveinsson, Kjartan Gunn-
arsson varaformaður, Björgólfur Guðmundsson formaður, Þorgeir Baldursson og Einar Benediktsson voru glaðir
í bragði að fundi loknum í gær. Nokkuð fát kom þó á hópinn þegar ljósmyndari bað þá að brosa og segja „SÍS“ og
var haft á orði að það væri vart við hæfi í bankaráðsherbergi hins fyrrum pólitíska Landsbanka Íslands.
eyrun@mbl.is
HANNA Birna Kristjánsdóttir,
borgarfulltrúi Sjálfstæðisflokks sem
situr í skipulags- og byggingarnefnd
borgarinnar, segir ekki nokkrar for-
sendur til þess að hægt verði að
hefja framkvæmdir á gatnamótum
Kringlumýrarbrautar og Miklu-
brautar á næstu átján mánuðum.
Hún segir það enn eina staðfest-
inguna á vandræðagangi og aðgerð-
arleysi borgaryfirvalda í skipulags-
málum.
Hanna Birna segir mjög sérkenni-
legt að hlusta á málflutning R-list-
ans í þessu máli. „Steinunn Valdís
Óskarsdóttir, formaður skipulags-
og byggingarnefndar, segir að það
standi ekki á þeim í þessu máli.
Maður hlýtur að spyrja hvernig hún
geti haldið því fram þegar það er
ljóst að þau hafa ekki sett þetta
brýna mál í forgang og við vitum að
þau tóku þessi gatnamót út af skipu-
laginu 1996. Á sínum tíma fólust rök
R-listans fyrir því að þetta var tekið
út af skipulagi í því sem R-listinn
kallaði umhverfissjónarmið. Eins
var þess getið í bókun um þessi mál
að R-listinn teldi sér skylt að stíga
„fyrstu skrefin í þá átt að sporna við
óheftri aukningu einkabíla í borg-
inni“,“ segir Hanna Birna.
Svo virðist sem R-listinn sé nú
fyrst að átta sig á því hversu nauð-
synleg samgöngubót þessi mislægu
gatnamót séu. Hanna Birna furðar
sig einnig á því að Steinunn segi all-
ar forsendur til staðar til að hefja
þetta verk innan næstu 18 mánaða,
enda sé það ekki í samræmi við það
sem hafi komið fram hjá forsvars-
mönnum Vegagerðarinnar. „Það
liggur ekki fyrir skipulag um þetta
svæði. Hvað þá að ætla að menn geti
hafist handa við verkið innan 18
mánaða. Þetta er enn ein staðfest-
ingin á vandræðaganginum og að-
gerðarleysinu í skipulagsmálum og
það er rétt sem hefur komið fram af
hálfu forystumanna ríkisstjórnar-
innar um þessi mál. Sú staða sem
upp er komin hefur ekkert að gera
með vilja ríkisstjórnarinnar í málinu
heldur allt að gera með hversu illa
R-listinn hefur staðið að skipulags-
málum.“
Staðfesting á vand-
ræðagangi R-lista
Hanna Birna Kristjánsdóttir
VALGERÐUR Sverrisdóttir, iðn-
aðar- og viðskiptaráðherra, heim-
sótti í vikunni verksmiðju SÍF í
bænum Tusket í Nova Scotia fylki í
Kanada. Jóhann Jónsson, fram-
kvæmdastjóri SIF í Kanada, sýndi
ráðherranum verksmiðjuna og
greindi frá starfseminni. Í lok
heimsóknarinnar gæddu ráð-
herrann og aðrir gestir sér á ljúf-
fengri saltfiskpitsu, sem sér-
staklega var búin til í tilefni
heimsóknarinnar.
Í tilkynningu frá SÍF segir að
saltfiskur sé ein fjölmargra afurða
sem dótturfyrirtækin selji á mark-
aði í Bandaríkjunum og Kanada.
Vaxandi eftirspurn sé eftir saltfiski
í Ameríku og fjölmargir veitinga-
staðir bjóði nú saltfisk á matseðlum
sínum.
Valgerður sagði við Morgun-
blaðið að það hefði verið ánægju-
legt og fróðlegt að skoða verk-
smiðju SÍF. Fyrirtækið væri
greinilega að gera góða hluti þarna
og hún sagði mikla ánægju vera
meðal bæjaryfirvalda og íbúa í garð
SÍF. Hún sagði saltfiskpitsuna hafa
verið ljómandi góða á bragðið.
Valgerður Sverrisdóttir skoðar saltfiskflök í verksmiðju SÍF ásamt (f.v.)
Hjálmari W. Hannessyni sendiherra, Jóhanni Jónssyni, framkvæmdastjóra
SIF Kanada, og Richard Hurlburt, þingmanni Nova Scotia.
Snæddi saltfisk-
pitsu hjá SÍF
FJÁRMÁLAEFTIRLITINU hafa
borist allnokkrar ábendingar um að
einstakir aðilar fari nokkuð glanna-
lega í sölumennsku á viðbótarlífeyr-
issparnaði, að sögn Páls Gunnars
Pálssonar, forstjóra Fjármálaeftir-
litsins. Í einstökum tilvikum hafi
skort á upplýsingagjöf um kostnað
sem geti fallið á fólk geri það samn-
ing um að skipta um vörsluaðila við-
bótarlífeyrissparnaðar. Það á við um
upphafskostnað og endurkaupsvirði
samnings sem og skilmála.
Fjármálaeftirlitinu þótti ástæða
til að senda út dreifibréf á alla aðila
sem gera svona samninga vegna
þessara kvartana. Það eru lífeyris-
sjóðir, líftryggingafélög, verðbréfa-
fyrirtæki, bankar og vátrygginga-
miðlanir. Páll leggur áherslu á að
margir aðilar kynni þetta vel fyrir
viðskiptamönnum sínum.
Í dreifibréfinu leggur Fjármála-
eftirlitið áherslu á að aðilar á mark-
aði veiti ráðgjöf og aðstoð á faglegan
hátt og sinni upplýsingagjöf.
Segja upplýsinga-
gjöf ábótavant