Morgunblaðið - 15.02.2003, Blaðsíða 60

60 LAUGARDAGUR 15. FEBRÚAR 2003 MORGUNBLAÐIÐ
ÍSLANDSMEISTARAMÓT í
samkvæmisdönsum var haldið í Laug-
ardalshöllinni sunnudaginn 9. febrúar.
Mótið var skipulagt af mótanefnd
Dansíþróttasambands Íslands. Á
þessu móti var keppt til Íslandsmeist-
aratitils í báðum greinum samkvæm-
isdansins þar sem dansað er með
frjálsri aðferð. Eru það annars vegar
standarddansar sem eru enskur vals,
tangó, slow foxtrot, vínarvals og
quickstep og hins vegar suður-amer-
ískir dansar sem eru samba, cha cha
cha, rúmba, paso doble og jive.
Einnig fór fram keppni í dansi með
grunnaðferð í öllum aldursflokkum.
Þar er keppt í nokkrum styrkleika-
flokkum og er gaman að fylgjast með
þróun og uppbyggingu dansaranna í
gegnum flokkana. Ekki var keppt í
flokki byrjenda en í þeim flokki komu
fram 36 pör sem sýndu dans og voru
yngstu dansararnir í þeim hópi 4 ára.
Þetta mót var fyrsta Íslandsmeist-
aramót vetrarins og verður það næsta
haldið 15. mars næstkomandi. Þá
munu pörin keppa aftur til Íslands-
meistaratitils í dansi með frjálsri að-
ferð en þá er lagður saman árangur í
báðum greinum dansíþróttarinnar.
Það síðasta verður síðan haldið 3. og 4.
maí og þá mun verða haldið Íslands-
meistaramót í dansi með grunnaðferð.
Rúmlega 100 pör voru skráð í
keppnina á sunnudaginn var og hófst
dagskráin með innmarsi keppenda.
Yngsti hópurinn sem keppir í dansi
með frjálsri aðferð er 12 og 13 ára
unglingar og kallast sá hópur Ung-
lingar I. Það vill þannig til að öll pörin
sem kepptu í þessum flokki voru að
keppa á sínu fyrsta Íslandsmeistara-
móti í dansi með frjálsri aðferð. Þarna
var á ferðinni hópur efnilegra dansara
sem vonandi halda áfram á dansbraut-
inni og láta að sér kveða á dansgólfinu
í framtíðinni. Sigurvegarar í báðum
greinum voru Haukur Freyr Haf-
steinsson og Hanna Rún Óladóttir.
Þau eru yfirburðapar í þessum aldurs-
flokki enda með mikla reynslu þrátt
fyrir ungan aldur. Þau hafa ekki sagt
skilið við grunnsporin og sýndu það og
sönnuðu að það sem skiptir máli í
danskeppni er að sýna rétta grunn-
vinnu og hreyfingar í dönsunum og
gera það vel frekar en að leggja
áherslu á fjölda dansspora.
Í öðru sæti í standarddönsum voru
Karl Bernburg og Ása Karen Jóns-
dóttir. Þau dönsuðu vel og eru með
mjúka áferð í dansinum. Þau ná að
fljóta vel yfir gólfið en mættu sýna
betri línur í gegnum efri hluta líkam-
ans.
Í suður-amerískum dönsum voru í
öðru sæti Alexander Mateev og Erla
Björg Kristjánsdóttir. Þetta hefur
sjálfsagt komið þeim á óvart eftir að
hafa dansað saman í stuttan tíma. Á
stundum vottar fyrir jafnvægisleysi í
dansinum hjá þeim en þau eru dans-
arar sem greinilega leggja sig fram við
dansinn, dansa létt og eru mjög glað-
leg að sjá.
Unglingar II er hópur 14 og 15 ára
unglinga. Þetta var stærsti hópurinn á
Íslandsmeistaramótinu og margir
góðir dansarar þar á ferð. Spennandi
var að horfa á þennan hóp þar sem
sum paranna hafa ekki keppt á dans-
keppni hér heima síðan í maí á síðasta
ári. Þessi hópur hefur frá því að þau
voru börn verið mjög sterkur og alltaf
verið spennandi að fylgjast með þeim.
Í standarddönsum sigruðu Arnar
Georgsson og Tinna Rut Pétursdóttir.
Þau eru glæsilegt par og líða mjúklega
um gólfið. Mættu samt sýna svolítið
meiri snerpu í dansinum og þá helst í
tangó. Í öðru sæti voru Jónatan Arnar
Örlygsson og Hólmfríður Björnsdótt-
ir. Þessi tvö pör dansa með mjög ólík-
um stíl og eru Jónatan og Hólmfríður
með léttari áferð á dansinum og fara
hraðar yfir. Hólmfríður mætti klára
höfuðstöðu betur til þess að heildar-
myndin á danshaldinu væri betri.
Í suður-amerískum dönsum fóru
Jónatan og Hólmfríður með sigur af
hólmi í mjög spennandi keppni. Þau
dönsuðu mjög vel í úrslitunum og
mátti sjá aukinn þroska í hreyfingum
beggja þó að Jónatan megi nota miðju
líkamans betur. Í öðru sæti voru Þor-
leifur Einarsson og Ásta Bjarnadóttir.
Þau voru mjög sterk á gólfinu enda
frábærir dansarar á ferð. Þorleifur
notar miðju líkamans vel en missir
höfuðið stundum fram sem brýtur línu
líkamans. Ásta sýndi eins og hún hef-
ur alltaf gert góða vinnu í fótum og
ökklum.
Það má geta þess að í þessum hópi
voru mörg pör að dansa vel og í svona
sterkum hópi má það teljast mikill sig-
ur að komast inn í sex para úrslit.
Ungmenni er aldurshópur 16 til 18
ára dansara. Þar sigruðu í báðum
greinum Friðrik Árnason og Sandra
Júlía Bernburg. Tel ég víst að sigur
þeirra hafi verið öruggur í báðum
greinum. Þau hafa dansað nokkuð
lengi saman og hlotið mikla reynslu á
keppnisgólfinu. Þau hafa tekið mikl-
um framförum að undanförnu. Í öðru
sæti í báðum greinum voru Jón Þór
Jónsson og Laufey Karlsdóttir. Þau
eru nýlega farin að dansa saman og
vantar þ.a.l. samhæfingu í dansinum.
Þau passa vel saman sem danspar og
gaman verður að fylgjast með þeim
þegar þau hafa slípast betur saman.
Flokkur Fullorðinna er keppnis-
flokkur 16 til 34 ára. Því miður eru
ekki mörg pör í þessum flokki og er
brottfall ungs fólks úr íþróttum farið
að sjást á þessum hópi. Það voru ekki
nema tvö pör skráð til keppni í hvorri
grein. Þrátt fyrir það voru áhorfendur
ekki sviknir því þar voru á ferðinni
frábærir dansarar. Í standarddönsum
sigruðu Ísak Halldórsson Nguyen og
Helga Dögg Helgadóttir. Þau hafa
mjög léttan dansstíl og hafa mikla
snerpu sem má greinilega sjá í tangó.
Ég hef séð þau í betra formi en þar
sem mikil reynsla er að baki þá döns-
uðu þau mjög vel. Friðrik og Sandra
sem sigruðu í flokki Ungmenna
kepptu einnig í flokki Fullorðinna í
standarddönsum og höfnuðu í öðru
sæti. Þetta var í fyrsta sinn sem þau
keppa í þessum flokki. Þau dönsuðu
mjög vel með góða dansstöðu.
Sigurvegarar í suður-amerískum
dönsum voru Robin Sewell og Elísa-
bet Sif Haraldsdóttir. Þarna eru á
ferðinni dansarar sem eru komnir
með mjög þroskaðar hreyfingar í
dansinn. Samspil dansins og tónlistar-
innar er gott og þau túlka vel hlutverk
karls og konu í dansinum. Í öðru sæti
voru Ísak og Helga Dögg með sinn
létta og glaðlega dansstíl sem alltaf
grípur augað.
Seniorar er keppnishópur dansara
35 ára og eldri. Þar voru sigurvegarar
í báðum greinum Björn Sveinsson og
Bergþóra María Bergþórsdóttir. Þau
hafa verið ósigrandi í þessum flokki
undanfarin ár. Í standarddönsunum
hefði ég viljað sjá meiri yfirferð hjá
þeim. Í suður-amerísku dönsunum
hefur Björn yfirburði yfir herrana. Í
öðru sæti í standarddönsum höfnuðu
Jón Eiríksson og Ragnhildur Sand-
holt. Þau hafa verið að sækja í sig
veðrið og náð töluverðum framförum
að undanförnu. Þau mættu lenda bet-
ur niður og nýta þaðan kraftinn í
áframsveiflu líkamans. Í suður-amer-
ískum dönsum voru það Eggert
Claessen og Sigrún Kjartansdóttir
sem höfnuðu í 2. sæti. Þau sýndu að
vanda mikla gleði í dansinum. Ég
mundi gjarnan vilja sjá þau rétta bet-
ur úr sér.
Tónlistarval á keppninni var að
mestu leyti gott þó að ég hefði kosið á
stundum önnur lög, t.d. í paso doble.
Að sjálfsögðu er tónlistarsmekkur
fólks misjafn og má þ.a.l. gera ráð fyr-
ir því að aldrei verði allir sáttir þar.
Varðandi hárgreiðslu herra langar
mig að koma með ábendingu. Tísku-
straumar í hárgreiðslu henta ekki allt-
af dansinum. Að vera með sítt hár í
hnakkann sem nær niður að skyrtu-
kraga getur skemmt fyrir þar sem
háls virðist styttri og það lítur út fyrir
að þeir rétti ekki vel úr sér.
Ég vil óska íslenskum dönsurum til
hamingju með árangur sinn í keppn-
inni. Þátttakan ein er sigur út af fyrir
sig. Eftir góðan keppnisdag held ég að
flestir hafi getað farið sáttir heim.
Keppnin gekk hnökralaust og tíma-
plan stóðst. Dómarar keppninnar
voru: Bent Davidsen frá Danmörku,
Peter Elliot frá Englandi, Erling
Langset frá Noregi, Gunnar Lilja frá
Svíþjóð og Bernhard Zikler frá Þýska-
landi.
Fyrsta
Íslandsmót
vetrarins
Morgunblaðið/Jón Svavarsson
Ísak Halldórsson Nguyen og Helga Dögg Helgadóttir í flokki fullorðinna F.
DANS
Laugardalshöll
Íslandsmeistaramót í samkvæmis-
dönsum með frjálsri aðferð haldið
sunnudaginn 9. febrúar.
SAMKVÆMISDANSAR
Robin Sewell og Elísabet Sif Har-
aldsdóttir í flokki fullorðinna F.
Friðrik Árnason og Sandra Júlía
Bernburg í flokki ungmenna F.
Haukur Freyr Hafsteinsson og
Hanna Rún Óladóttir í flokki
unglinga I F.
Jónatan Arnar Örlygsson og Hólm-
fríður Björnsdóttir í flokki ung-
linga II F.
Björn Sveinsson og Bergþóra María
Bergþórsdóttir í flokki seniora F.
Arnar Georgsson og Tinna Rut Pét-
ursdóttir í flokki unglinga II F.
Kara Arngrímsdóttir
Unglingar I standarddansar
1. Haukur Freyr Hafsteinsson – Hanna Rún Óladóttir, Hvönn
2. Karl Bernburg – Ása Karen Jónsdóttir, ÍR
3. Aðalsteinn Kjartansson – Edda Guðrún Gísladóttir, ÍR
4. Alexander Mateev – Erla Björg Kristjánsdóttir, ÍR
5. Valdimar Kristjánsson – Rakel Guðmundsdóttir, ÍR
Unglingar I suður-amerískir dansar
1. Haukur Freyr Hafsteinsson – Hanna Rún Óladóttir, Hvönn
2. Alexander Mateev – Erla Björg Kristjánsdóttir, ÍR
3. Aðalsteinn Kjartansson – Edda Guðrún Gísladóttir, ÍR
4. Karl Bernburg – Ása Karen Jónsdóttir, ÍR
5. Valdimar Kristjánsson – Rakel Guðmundsdóttir, ÍR
Unglingar II standarddansar
1. Arnar Georgsson – Tinna Rut Pétursdóttir, ÍR
2. Jónatan Arnar Örlygsson – Hólmfríður Björnsdóttir, Gulltoppi
3. Björn Einar Björnsson – Sóley Emilsdóttir, Gulltoppi
4. Þorleifur Einarsson – Ásta Bjarnadóttir, ÍR
5. Baldur Kári Eyjólfsson – Anna Kristín Vilbergsdóttir, Gulltoppi
6. Björn Ingi Pálsson – Ásta Björg Magnúsdóttir, Gulltoppi
Unglingar II suður-amerískir dansar
1. Jónatan Arnar Örlygsson – Hólmfríður Björnsdóttir, Gulltoppi
2. Þorleifur Einarsson – Ásta Bjarnadóttir, ÍR
3. Stefán Claessen – María Carrasco, ÍR
4. Björn Einar Björnsson – Sóley Emilsdóttir, Gulltoppi
5. Björn Ingi Pálsson – Ásta Björg Magnúsdóttir, Gulltoppi
6. Baldur Kári Eyjólfsson – Anna Kristín Vilbergsdóttir, Gulltoppi
Ungmenni standarddansar og suður-amerískir dansar
1. Friðrik Árnason – Sandra Júlía Bernburg, Gulltoppi
2. Jón Þór Jónsson – Laufey Karlsdóttir, ÍR
3. Björn Vignir Magnússon – Björg Halldórsdóttir, Gulltoppi
Fullorðnir standarddansar
1. Ísak Halldórsson Nguyen – Helga Dögg Helgadóttir, Hvönn
2. Friðrik Árnason – Sandra Júlía Bernburg, Gulltoppi
Fullorðnir suður-amerískir dansar
1. Robin Sewell – Elísabet Sif Haraldsdóttir, Hvönn
2. Ísak Halldórsson Nguyen – Helga Dögg Helgadóttir, Hvönn
Seniorar standarddansar
1. sæti Björn Sveinsson – Bergþóra María Bergþórsdóttir, DÍH
2. Jón Eiríksson – Ragnhildur Sandholt, Gulltoppi
Seniorar suður-amerískir dansar
1. Björn Sveinsson – Bergþóra María Bergþórsdóttir, DÍH
2. Eggert Claessen – Sigrún Kjartansdóttir, ÍR
3. Jón Eiríksson – Ragnhildur Sandholt, Gulltoppi
Til glöggvunar þá sækja sum dansíþróttafélögin þjálfun í dansskóla
og nefni ég hér þær tengingar.
Dansskóli DÍH – DÍH
Dansskóli Heiðars Ástvaldssonar – ÝR
Dansskóli Jóns Péturs og Köru – Gulltoppur
Dansskóli Sigurðar Hákonarsonar – DÍK
Úrslit