Morgunblaðið - 19.02.2003, Side 17

ERLENT
MORGUNBLAÐIÐ MIÐVIKUDAGUR 19. FEBRÚAR 2003 17
OD
DI
HF
J3
75
5/
2
Nóatúni 4 • 105 Reykjavík • Sími 520 3000 • www.sminor.is
Nú eru kjarakaupadagar hjá okkur. Gerðu reyfarakaup hvort sem þig
vantar lampa í svefnherbergin eða stofuna, þráðlausan síma eða
farsíma, prentara eða faxtæki, sísogandi ryksugu, kaffivél, brauðrist
eðamatvinnsluvél, eldunargræjur, svalan kæliskáp, hljóðláta og lúsiðna
uppþvottavél eða velvirka og vinnusama þvottavél.
• Öll heimilistæki í eldhúsið frá Siemens. Eldunartæki, kæli- og
frystiskápar, uppþvottavélar og smátæki af ýmsu tagi.
• Þvottavélar og þurrkarar frá Siemens sem snúast í þína þágu.
• Öflugar Siemens ryksugur á skotsilfursparandi kostakjörum.
• Ótrúlega, já hreint lygilega ódýr smátæki frá Bomann.
• Þráðlausir símar og farsímar frá Siemens á firnagóðu verði.
• Tölvuprentarar frá Olivetti á hláturtaugakitlandi kostaverði.
• Mikið úrval glæsilegra og vandaðra lampa. Ýmis sértilboð og
útsala á mörgum lampagerðum. Gerðu frábær kaup.
Láttu sjá þig. Við tökum vel á móti þér.
Engum flýgur sofanda steikt gæs í munn!
Gerðu reyfarakaup hjá okkur
fram að þorralokum
Kjarakaupadagar
JACQUES Chirac, forseti Frakk-
lands, kynti seint á mánudagskvöld
undir deilunum í Evrópu um Írak er
hann réðst harkalega á Austur-Evr-
ópuríkin fyrir stuðning þeirra við af-
stöðu Bandaríkjanna. Sakaði hann
þau um „hættulegan barnaskap“ og
sagði, að þau hefðu jafnvel teflt
væntanlegri aðild sinni að Evrópu-
sambandinu, ESB, í tvísýnu. Fjöl-
miðlar í Evrópu fögnuðu í gær sam-
komulaginu, sem náðist á leið-
togafundi ESB um Írak í fyrradag,
en bentu jafnframt á, að undir niðri
væri ágreiningurinn sá sami og áður.
Á leiðtogafundinum sagði Chirac,
að þau Austur-Evrópuríki, sem und-
irritað hefðu stuðningsyfirlýsingu
við afstöðu Bandaríkjanna, hefðu
„misst af gullnu tækifæri til að
þegja“ en hefðu þess í stað gerst sek
um „barnalega“ og „hættulega“
framkomu. Sagði hann, að með því
hefðu þau stefnt aðild sinni að ESB í
tvísýnu þar sem hvert og eitt núver-
andi aðildarríkjanna fimmtán, sem
öll þurfa að staðfesta aðildarsamn-
ingana, gæti fellt þá.
„Verði hún felld í einu ríki er hún
þar með að engu orðin,“ sagði Chirac
en stefnt er að því, að aðildarríkj-
unum hafi fjölgað um 10 í maí á
næsta ári.
„Gamla“ og „nýja“ Evrópa
Undir stuðningsyfirlýsinguna rit-
uðu átta Austur-Evrópuríki auk
þriggja væntanlegra ESB-ríkja,
Ungverjalands, Póllands og Tékk-
lands. Olli það mikilli gremju í Berlín
og París þar sem mönnum fannst
sem með því væri verið að taka undir
yfirlýsingar Donalds Rumsfelds,
varnarmálaráðherra Bandaríkjanna,
um hina „gömlu Evrópu“ og hina
„nýju“, það er að segja Austur-Evr-
ópuríkin. Chirac tók Rúmeníu og
Búlgaríu sérstaklega fyrir í ræðu
sinni og sagði, að staða þeirra gagn-
vart ESB væri „mjög viðkvæm“.
„Hafi stjórnvöld í þessum ríkjum
viljað draga úr líkum sínum á aðild,
þá gátu þau ekki fundið betri aðferð
til þess,“ sagði Chirac.
ESB efndi í gær til fundar um
Íraksmálin með fulltrúum 13 vænt-
anlegra aðildarríkja en ekki var talið,
að ræða Chirac myndi verða til að
auka samstöðuna á þeim fundi. Voru
fulltrúar væntanlegu aðildarríkj-
anna einnig óánægðir með, að þeim
skyldi ekki hafa verið boðið á fundinn
í Brussel á mánudag en Bretar og
Spánverjar beittu sér árangurslaust
fyrir því. Fundinum í gær lauk þó
með því, að fulltrúar aðildarríkjanna
væntanlegu samþykktu ályktun
Brussel-fundarins frá því í fyrradag.
Michele Alliot-Marie, varnarmála-
ráðherra Frakklands, tók í gær und-
ir með Chirac í því, að A-Evrópuríkin
væru að stefna aðild sinni að ESB í
voða með stuðningi við Bandaríkin.
Kvaðst hún hafa áhyggjur af því, að
almenningur í sumum ESB-ríkjanna
ályktaði sem svo, að væntanleg aðild-
arríki vildu ekki frið innan hinnar
evrópsku fjölskyldu og myndi því
snúast gegn aðild þeirra.
Ágreiningurinn sá sami
Evrópskir fjölmiðlar sögðu í gær,
að ESB hefði með samþykkt sinni í
Brussel í fyrradag komist hjá
kreppu innan sambandsins, í svipinn
að minnsta kosti, en ágreiningur
þeirra í Íraksmálum væri sá sami og
áður. Var niðurstaða leiðtogafundar-
ins sú að krefjast meiri tíma fyrir
vopnaeftirlitsmennina en útiloka þó
ekki, að til hernaðaraðgerða kynni að
koma.
Við mjög ólíkan tón kvað í bresku
blöðunum eftir hvort þau styðja
hernaðaraðgerðir gegn Írak eða ekki
og sögðu sum, að Tony Blair, for-
sætisráðherra Bretlands, hefði verið
mjög einangraður á Brussel-fundin-
um en önnur sögðu, að ESB-ríkin
væru nú fúsari en áður að grípa til
hernaðaraðgerða reyndist það nauð-
synlegt. Frönsku blöðin sögðu, að
tekist hefði að minnka ágreininginn
innan ESB en eftir sem áður yrðu
stjórnvöld í ríkjunum að hafa í huga
vilja almennings.
Harkaleg gagnrýni Chiracs á Austur-Evrópuríki fyrir stuðning við Bandaríkin í Íraksmálum
Segir ESB-
aðild hafa
verið teflt
í tvísýnu
AP
Jacques Chirac, forseti Frakklands, er hann gagnrýndi A-Evrópuríkin fyrir stuðning þeirra við Bandaríkin.
Brussel. AP, AFP.
Breitt var yfir ágreininginn innan
ESB um Írak á Brussel-fundi