Morgunblaðið - 01.04.2003, Blaðsíða 16

MJÖG er farið að hitna í kolunum
milli Bandaríkjanna og Sýrlands
og í gær var haft eftir sýrlenska
utanríkisráðherranum, að hann
óskaði þess, að bandamenn biðu
ósigur í Írak. Bandaríkjastjórn
varaði aftur Sýrlendinga við af-
skiptum af Íraksstríðinu.
Sýrlenskir fjölmiðlar sögðu í
gær, að Faruq al-Shara, utanrík-
isráðherra landsins, hefði lýst yfir
því á þingi, að það væru hags-
munir Sýrlendinga, að „innrásar-
mennirnir“ yrðu sigraðir í Írak.
Kallaði hann stríðið „hernám út-
lendinga á arabísku landi“.
„Mótspyrna Íraka er ákaflega
mikilvæg. Hún er hetjuleg tilraun
til að koma í veg fyrir hernám
landsins,“ var haft eftir Shara.
Sagði hann, að Bandaríkjamenn
segðu stríðið vera „frelsun og
varðveislu lýðræðis og mannrétt-
inda“ en í raun væri það ekkert
annað en eyðilegging og dauði.
Sýrlendingar varaðir
við afleiðingunum
Colin Powell, utanríkisráðherra
Bandaríkjanna, sagði í gær á fundi
með einum helsta þrýstihópi gyð-
inga í Bandaríkjunum, að Sýr-
landsstjórn yrði að velja á milli
samstarfs og þess að styðja
hryðjuverkahópa og stjórn Sadd-
ams Husseins. Sagði hann, að
hvort sem hún gerði, myndi hún
bera ábyrgð á afleiðingunum.
Powell varaði einnig Írani við og
sagði, að þeir yrðu að hætta að
styðja hryðjuverkaárásir á Ísrael
og stöðva allar áætlanir um að
komast yfir gereyðingarvopn.
Bandamönnum yrði gert
ókleift að stjórna Írak
Bashar al-Assad, forseti Sýr-
lands, sagði í viðtali við líbanskt
dagblað sl. föstudag, að hann von-
aði, að Írakar sigruðu í stríðinu.
Spáði hann því, að ynnu banda-
menn, yrði þeim gert ókleift að
stjórna í Írak vegna andstöðu al-
mennings.
Donald Rumsfeld, varnarmála-
ráðherra Bandaríkjanna, sagði fyr-
ir helgi, að vitað væri, að hergögn
og herbúnaður, meðal annars næt-
ursjónaukar, hefðu verið send frá
Sýrlandi til Íraks og Al-Jazzeera-
sjónvarpsstöðin sagði í fyrradag,
að til Mosul í Norður-Írak væri
kominn fjöldi sýrlenskra sjálfboða-
liða.
Farið að hitna í kolunum milli
Bandaríkjanna og Sýrlands
Vonast eftir
ósigri banda-
manna í Írak
Damaskus. AFP.
Colin Powell varar ríkisstjórn
Sýrlands við afskiptum af stríðinu
16 ÞRIÐJUDAGUR 1. APRÍL 2003 MORGUNBLAÐIÐ
STRÍÐ Í ÍRAK
„Hvar er Saddam Hussein?“
DONALD RUMSFELD VARNARMÁLARÁÐHERRA
HÁTTSETTIR embættismenn í
varnarmálaráðuneyti Bandaríkj-
anna segjast enn vera efins um að
Saddam Hussein og synir hans,
Uday og Qusay, hafi lifað af loftárás-
irnar 20. mars, á fyrsta degi stríðsins
í Írak.
Donald Rumsfeld varnarmálaráð-
herra skoraði nánast á Saddam
Hussein að koma fram opinberlega
og sanna að hann væri á lífi eftir loft-
árásir á neðanjarðarbyrgi í Bagdad
þar sem talið var að íraski leiðtoginn
og synir hans hefðu verið þegar
stríðið hófst.
„Við höfum ekki séð leiðtogana
síðan þá,“ sagði Rumsfeld í sjón-
varpsviðtali á sunnudag. „Hvar er
Saddam Hussein? Hvar eru Qusay
og Uday? Þeir láta ekki í sér heyra.“
Richard Myers hershöfðingi, for-
maður bandaríska herráðsins, tók í
sama streng en bandarískur emb-
ættismaður, sem vildi ekki láta nafns
síns getið, sagði að engar nýjar upp-
lýsingar hefðu komið fram um afdrif
Saddams Husseins. Það er banda-
ríska varnarmálaráðuneytinu í hag
að kynda undir efasemdum um að
Saddam og synir hans séu á lífi.
Nokkrir embættismenn í Wash-
ington bentu þó á að varnarmálaráð-
herra Íraks hefði komið fram í sjón-
varpi í vikunni sem leið með manni
sem talinn er hafa verið lífvörður
Saddams lengi. „Þetta er athyglis-
vert,“ sagði einn embættismann-
anna. „Þetta er maður sem hefur
alltaf sést með Saddam Hussein.
Þeir eru alltaf saman á myndbands-
upptökunum.“
Embættismennirnir furða sig á
því að lífvörðurinn skuli ekki hafa
verið með Saddam Hussein þar sem
líklegt er að íraski leiðtoginn hafi
miklar áhyggjur af hugsanlegum
valdaránstilraunum og öryggi sínu.
Rumsfeld sagði það „áhugavert“
að lífvörður Saddams skuli hafa ver-
ið með varnarmálaráðherranum.
„Þetta kann að vera vísbending um
að Saddam Hussein sé ekki mikið á
ferðinni.“
Ættingjar Saddams flúnir?
Sendiherra Íraks hjá Sameinuðu
þjóðunum, Mohammed Aldouri,
kvaðst telja að Saddam Hussein
væri á lífi þar sem hann hefði nokkr-
um sinnum komið fram í sjónvarpi til
að ávarpa írösku þjóðina eftir fyrstu
loftárásirnar. Bandarískir embættis-
menn segja að ávörpin sanni ekki að
Saddam sé á lífi því að þau hafi ef til
vill verið tekin upp áður en stríðið
hófst.
Aldouri sagði að stjórn Íraks
myndi halda velli þótt Saddam Huss-
ein og synir hans féllu. „Þetta er ekki
spurning um einn mann eða tvo
menn,“ sagði hann í sjónvarpsviðtali
á sunnudag.
Rumsfeld sagði ennfremur að
nokkrir ættingjar Saddams Huss-
eins og fleiri íraskra leiðtoga kynnu
að hafa flúið til Sýrlands. Heimild-
armaður Los Angeles Times sagði að
„orðrómur“ væri á kreiki um slíkan
flótta en hann byggðist ekki á nein-
um „ótvíræðum vísbendingum“.
Hann sagði að íraskir andstæðingar
Saddams hefðu sagt að ættingjar
ráðamannanna í Bagdad hefðu flúið
land en bætti við að þeir vildu, eins
og embættismenn bandaríska varn-
armálaráðuneytisins, grafa undan
stjórn Saddams með því að kynda
undir grunsemdum meðal yfirmanna
Írakshers um að þeir hefðu verið
sviknir.
Segjast enn
efast um að
Saddam sé á lífi
Washington. Los Angeles Times.
#1"000 0--" 9
"0 0 
" : !9 5+ $
1$ ;"1
" (  


:" (

2  

   
! < /;
=< '/;>
?@<>/;!/
 A> B C /</ ! /
(DE
B2
2 F < ( ' / ; >
/ > 

G%%H"
(* 

;+
$8
$
 1%1
/0
1 .2/
3

03
44
( I/  %
'0--"-


-'J

" %
"  $ %I
'0--"-:" ;
!

"0&&5  (
0  $
1
$ SADDAM Hussein, forseti Íraks,
fundaði í gær með helstu ráð-
gjöfum sínum, ef marka má myndir
sem sýndar voru í íraska sjónvarp-
inu. Meðal þeirra sem sátu fundinn
Reuters
Saddam á fundi með helstu ráðgjöfum
voru Uday, sonur Saddams, en
þetta eru fyrstu myndir sem sýndar
eru af honum frá því stríðið hófst í
Írak fyrir 13 dögum. Qussay, yngri
sonur Saddams, sat einnig fundinn
og er hann lengst til hægri á mynd-
inni, en Uday er í miðið. Sultan
Hashim varnarmálaráðherra sat
einnig fundinn í gær, sem og Hamid
Shallah, yfirmaður herafla Íraka.
Bandaríska alríkislög-
reglan færir út kvíarnar
Washington. AP.
BANDARÍSKA alríkislögreglan
FBI áformar að opna skrifstofur
í Kabúl, Djakarta og átta öðrum
erlendum höfuðborgum.
Eru þessi útþensluáform um-
svifa alríkislögreglunnar utan
Bandaríkjanna að sögn embætt-
ismanna í Washington liður í
baráttunni gegn hættunni sem
stafar af starfsemi al-Qaeda og
annarra hryðjuverkasamtaka.
Síðan flugráns-hryðjuverka-
árásirnar voru gerðar á New
York og Washington 11. sept-
ember 2001 hafa um 500 alrík-
islögreglumenn og um 200
manna stoðlið til viðbótar unnið
að rannsóknum í nafni hryðju-
verkavarna, utan Bandaríkj-
anna, auk fastafulltrúa FBI í
viðkomandi löndum. Þeir taka
m.a. þátt í yfirheyrslum yfir
mönnum sem grunaðir eru um
aðild að hryðjuverkum.
Fyrir voru fastafulltrúaskrif-
stofur bandarísku alríkislög-
reglunnar í Ottawa, Seoul,
Lundúnum, Berlín og Moskvu.
Nýlega voru opnaðar slíkar
skrifstofur í Abu Dhabi í Sam-
einuðu arabísku furstadæm-
unum, Kuala Lumpur í Malasíu,
Túnisborg, Sanaa í Jemen og
Tíflis í Georgíu.
Nú er áformað að opna nýjar í
Kabúl í Afganistan, Djakarta í
Indónesíu, Tashkent í Úsbek-
istan, Sarajevo í Bosníu og Bel-
grad í Serbíu.