Morgunblaðið - 01.04.2003, Blaðsíða 45

FRÉTTIR
MORGUNBLAÐIÐ ÞRIÐJUDAGUR 1. APRÍL 2003 45









  






FRIÐARSINNAR héldu fund í Ed-
inborgarhúsinu á Ísafirði laug-
ardaginn 29. mars sl. Tilgangur
fundarins var að mótmæla árásum
Bandaríkjamanna og Breta á Írak.
Ræðumenn voru þeir Ólafur B.
Halldórsson framkvæmdastjóri,
Henrý Bæringsson og Þorsteinn
Másson. Skúli Þórðarson flutti
frumsamin lög og lék undir á gítar.
Fundurinn ítrekaði ályktun sem
samþykkt var á friðarfundi af sama
tilefni á sama stað hinn 15. febrúar
sl. Í þeirri ályktun voru íslensk
stjórnvöld hvött til að hlusta á
raddir almennings í landinu og
skipa sér í hóp þeirra Evrópuríkja
sem styðja ekki árásir Bandaríkja-
manna og Breta á Írak. Fund-
armenn vildu koma á framfæri
þeim sjónarmiðum að stuðningur
íslenskra stjórnvalda við stríðs-
reksturinn í Írak væri ekki í þeirra
nafni, segir í fréttatilkynningu.
Friðarfundur
á Ísafirði
LÖGREGLAN á Akureyri lýsir eftir
lítilli sendibifreið af gerðinni Subaru
E-12, sem stolið var frá Glerárgötu
aðfararnótt sunnudags. Bíllinn er
blár að lit og með skráningarnúm-
erið TN–240. Þeir sem kynnu að hafa
orðið hans varir eru beðnir um að
láta lögregluna á Akureyri vita.
Sendibifreið
stolið
Nöfn vantaði
Undir myndum með greininni Síð-
ustu eldgos við Kárahnjúka sem
birtist í Morgunblaðinu í gær vantaði
nöfn höfunda greinarinnar. Myndin
til vinstri er af Ágústi Guðmundssyni
og myndin til hægri er af Jóhanni
Helgasyni. Beðist er velvirðingar á
þessum mistökum.
LEIÐRÉTT
UM helgina var til-
kynnt um 44 umferð-
aróhöpp þar sem
eignatjón átti sér stað,
þrír ökumenn voru grunaðir um
ölvun við akstur og 31 fyrir of
hraðan akstur. Nokkuð var um
árekstra og þá sérstaklega á
sunnudag þegar færðin versnaði
vegna veðurs.
Tilkynnt var um níu innbrot um
helgina. Strax á föstudagsmorgni
tilkynnti bifreiðaumboð að brotist
hefði verið inn í vörubifreið og
stolið m.a. geislaspilara. Í portinu
þar sem bifreiðin stóð er eftirlits-
myndavél og sást til þriggja
manna við verknaðinn. Um tvö-
leytið á föstudag kærði maður
fölsun á nafni sínu á tveimur
skuldabréfum. Málið er í rann-
sókn. Um kaffileytið á föstudag
var tilkynnt um grunsamlegar
mannaferðir við verslunarmið-
stöð. Var miðaldra maður svart-
klæddur og rauðleitur að taka
tösku upp úr ruslatunnu.
Rétt fyrir kl. 18 á föstudag til-
kynnti byggingaverktaki að þrem-
ur bláum vinnugöllum hefði verið
stolið en þeir eru vel merktir við-
komandi fyrirtæki. Sést hafði til
þjófanna á blárri bifreið með bilað
annað afturljósið. Um svipað leyti
hringdi maður og sagði að verið
væri að brjótast inn í íbúð í stiga-
ganginum sem hann býr í. Þrír
voru handteknir og færðir á lög-
reglustöð, við líkamsleit á þeim
handteknu fannst tóbaksblandað
hass.
Tilkynnt var um þrjá bruna um
helgina. Í Breiðholtinu kviknaði í
sjónvarpi en íbúarnir náðu að
slökkva. Um kl. 2.30 aðfaranótt
laugardags var tilkynnt um hóp
fólks með bensín í flösku sem sopið
var á og spýtt út og eldur borinn
að. Þarna reyndist um ölvaða konu
og mann að ræða sem höfðu verið
að spýta grillvökva og kveikja í.
Þegar lögregla kom á vettvang
voru hjúin búin með vökvann og
var ekkert aðhafst frekar.
Fékk bjórkrús í höfuðið
Um sexleytið á laugardags-
morgni kom maður á lögreglustöð-
ina og tilkynnti um líkamsárás.
Málið atvikaðist þannig að rysk-
ingar urðu á dansgólfi og kvaðst
maðurinn hafa fengið bjórkrús í
höfuðið og síðan hafi verið sparkað
í höfuð hans nokkrum sinnum. Til-
greindi hann hverjir voru að verki.
Manninum var ekið á slysadeild.
Eftirlit var haft í miðborginni
þar sem mótmælafundur var hald-
inn í tilefni af stríðinu í Írak. Talið
er að þarna hafi verið milli 250–
300 manns þegar mest var. Mót-
mælin fóru vel og friðsamlega
fram.
Í Árbænum var tilkynnt um par
í bifreið sem talið var að hugsan-
lega væru að neyta fíkniefna.
Kvaðst tilkynnandi hafa séð parið
vera að reykja efni úr beyglaðri
gosflösku. Síðan kvaðst tilkynn-
andi hafa séð á eftir bifreiðinni út
úr götunni og gaf upp bílnúmerið.
Rétt fyrir miðnætti á laugardag
var tilkynnt um unglingapartí.
Einn hafði dottið og blæddi úr
höfði. Þarna hafði strákur klifrað
upp á þak, hann rann síðan til á
þakinu og datt niður á stéttina.
Var hann ölvaður og jafnfallinn
snjór var yfir öllu þakinu. Fallið
var um 3 metrar. Drengurinn var
fluttur á slysadeild en ekki talinn
alvarlega slasaður.
Klukkan tvö um nóttina var til-
kynnt um mikinn hávaða frá ung-
lingapartíi. Lögreglumenn fóru á
staðinn og vísuðu út nokkrum ung-
lingum sem þarna voru. Húsráð-
andi var ekki á staðnum. Tvær
stúlkur voru fluttar á lögreglu-
stöð, önnur þeirra undir 16 ára
aldri. Móðir sótti stúlkurnar.
Um fimmleytið hringdi kona og
tilkynnti að ráðist hefði verið á
hana og íbúðinni hennar rústað.
Konan var með greinilega áverka
og var talsvert blóð um alla íbúð
auk þess sem allt var á öðrum end-
anum. Aðspurð sagði hún mið-
aldra konu og karlmann sem hún
kvaðst ekki þekkja nein deili á,
hafa ráðist á hana inni í íbúðinni.
Þau hefðu svo farið út og horfið á
braut. Konan var flutt á slysa-
deild.
Úr dagbók lögreglu 28.–31. mars
Nokkuð um
árekstra og innbrot
Framhaldsstofnfundur Fem-
ínistafélags Íslands verður hald-
inn í dag, þriðjudaginn 1. apríl, kl. 20
í Hlaðvarpanum, Vesturgötu 3b.
Kosið verður í átta aðila ráð, lög og
stefnuskrá verða borin upp til sam-
þykktar o.fl. Félagið er opið jafnt
konum sem körlum.
Í DAG
Málstofa um félagafrelsi við
lagadeild verður haldin miðviku-
daginn 2. apríl kl. 12.15-13.30, í
stofu L-101 í Lögbergi, undir yf-
irskriftinni: Verndar stjórnarskráin
verkfallsréttinn? Málshefjendur
verða Elín Blöndal, skrifstofustjóri
hjá umboðsmanni Alþingis, og Ást-
ráður Haraldsson hrl. Fundarstjóri
er Björg Thorarensen, prófessor
við lagadeild HÍ. Fjallað verður um
vernd félagafrelsis í 74. gr. stjórn-
arskrárinnar, einkum hvort og að
hvaða marki ákvæðið verndar
starfsemi stéttarfélaga. Að loknum
erindum málshefjenda verða fyr-
irspurnir og umræður.
Félag stjórnmálafræðinga heldur
fund um efnahagsstjórn á næsta
kjörtímabili í ljósi væntanlegra
framkvæmda. Fundurinn verður
haldinn á morgun, miðvikudaginn
2. apríl kl. 17.10-19, í Lögbergi 101.
Með framsögu fara; Sigðurður Jó-
hannesson, hagfræðingur, og Már
Guðmundsson, aðalhagfræðingur
Seðlabankans. Að framsögum lokn-
um munu fulltrúar stjórn-
málaflokkanna sitja fyrir svörum;
Birgir Ármannsson, Sjálfstæð-
isflokki, Halldór Ásgrímsson,
Framsóknarflokki, Ingibjörg Sól-
rún Gísladóttir, Samfylkingunni,
Sigurður Ingi Jónsson, Frjálynda
flokknum, og Ögmundur Jónasson,
Vinstrihreyfingunni - grænu fram-
boði. Með fundarstjórn fer Lilja
Hjartardóttir, stjórnmálafræð-
ingur.
Börn og umhverfi Reykjavík-
urdeild Rauða kross Íslands gengst
fyrir námskeiðunum Börn og um-
hverfi fyrir nemendur fædda 1989,
1990, 1991. Næsta námskeið hefst á
morgun, miðvikudaginn 2. apríl, kl.
18-21, í Fákafeni 11, 2. hæð og
stendur yfir fjögur kvöld. Mark-
miðið er að nemendur öðlist aukna
þekkingu á börnum og umhverfi
þeirra. Rætt er um árangursrík
samskipti, hollar lífsvenjur, leiki,
leikföng, slysavarnir o.fl. Einnig
verður kennsla í skyndihjálp. Leið-
beinendur eru leikskólakennari og
hjúkrunarfræðingur. Þessi nám-
skeið hétu áður Barnfóstr-
unámskeið, en nú er kennt nýtt og
endurbætt námsefni.
Börn og alnæmi í Afríku nefnist
opinn fræðslufundur á vegum
Kópavogsdeildar Rauða krossins
sem haldinn er á morgun, miðviku-
daginn 2. apríl kl. 20, í Hamraborg
11, 2. hæð. Anna Stefánsdóttir,
hjúkrunarfræðingur og stjórn-
armaður í Rauða krossi Íslands,
segir frá ferð sinni til Zimbabwe í
Afríku í máli og myndum.
Á MORGUN
MORGUNBLAÐINU hefur borist
eftirfarandi ályktun aðalfundar Fé-
lags eldri borgara í Hafnarfirði um
kjaramál eldri borgara.
„Aðalfundur Félags eldri borgara
í Hafnarfirði, haldinn 20. mars 2003,
skorar á alla frambjóðendur sem ná
kosningu til Alþingis, að sameinast
um að rétta hlut eldri borgara og
annarra sem fá greiðslur hjá Trygg-
ingastofnun ríkisins.
Hæstu greiðslur sem einstakling-
ur, sem engar aðrar tekjur hefur,
getur fengið hjá Tryggingastofnun
eru kr. 78.000 að meðtalinni heim-
ilisuppbót, en af þeirri upphæð þarf
hann að greiða 3–4 þús. krónur í
skatt. Takist þessum einstaklingi að
afla sér viðbótartekna greiðir hann
ekki aðeins fulla skatta af þeim
heldur skerða þær einnig greiðslur
frá Tryggingastofnun svo að segja
má að viðbótartekjurnar séu að
mestu gerðar upptækar af ríkinu.
Við treystum því að frambjóðend-
ur til Alþingis séu sammála um að
slík mismunun milli launþegahópa
sé ekki sæmandi. Til þess að fyr-
irbyggja slíka ofsköttun á þurftar-
launum leggur fundurinn til að
skattleysismörk verði hækkuð veru-
lega.
Fundurinn vekur athygli á því að
af þeim aurum sem fengust til
hækkunar um sl. áramót hélt rík-
issjóður eftir tæpum 40% í skatta.“
Hlutur eldri borg-
ara verði réttur
flísar
Stórhöfða 21, við Gullinbrú,
sími 545 5500.
www.flis.is
netfang: flis@flis.is
Allt fyrir baðherbergið