Morgunblaðið - 01.04.2003, Blaðsíða 25
LISTIR
MORGUNBLAÐIÐ ÞRIÐJUDAGUR 1. APRÍL 2003 25
Alltaf á
þriðjudögum
Sérblað alla
þriðjudaga
TÓNLEIKAR þessir voru skipu-
lagðir af Kammerkór Reykjavíkur
og voru lokahnykkurinn á tónleika-
haldi víða um land. Kammerkór Sel-
tjarnarneskirkju undir stjórn Vieru
Manásek söng tvö lög eftir Atla
Heimi, Við svala lind og Sem dökkur
logi, síðan sálminn Kær Jesú Kriste
eftir Jón Leifs, útsetningu Jóns Ás-
geirssonar á Sofðu unga ástin mín og
Sorg og gleði eftir Jórunni Viðar.
Kórinn hljómar fallega í veikum
söng en sópranin söng sig oft í sund-
ur þegar hann tók á. Kvennakór
Reykjavíkur undir stjórn Sigrúnar
Þorgeirsdóttur flutti þrjá negra-
sálma og loks Taste and See eftir K.
W. Louis. Þóra Fríða Sæmundsdótt-
ir lék með á flygil í Swing Low og
Auður Perla Svansdóttir, Elfa Sif
Jónsdóttir og Eva Hrönn Guðna-
dóttir sungu einsöng með kórnum og
skiluðu sínu vel. Kórhljómurinn er
þéttur og gott jafnvægi milli radda.
Stefán Helgi Steánsson tenór og
Davíð Ólafsson bassi sungu fallega
tvísöng við píanóleik Vilhelmínu
Ólafsdóttur lögin Wien, Wien du al-
leine eftir Rudolf Sieczynski og
Máttur söngsins eftir Björgvin Þ.
Valdimarsson. Kammerkór Suður-
lands undir stjórn Hilmars Arnar
Agnarssonar söng Haustvísur til
Maríu eftir Atla Heimi, Ó undur lífs
eftir Jakob Hallgrímsson, The Lamb
eftir J. Tavener og Ubi Caritas eftir
M. Duruflé. Hljómur kórsins var
góður og hreinn en kannski fullhóg-
vær. Kvennakór Hafnafjarðar undir
stjórn Hrafnhildar Blomsterberg
söng lag Friðriks Bjarnasonar,
Abba-labba-lá, einnig gospelsyrpu
sem innihélt eitt lag frá Afríku og
þrjá negrasálma. Söngur kórsins var
fallega mótaður og hljómurinn þétt-
ur og hreinn. Í syrpunni söng Signý
Sæmundsdóttir einsöng og Agnar
Már Magnússon lék með á flygilinn
og ekki spillti frábær frammistaða
þeirra fyrir.
Kristín Sigtryggsdóttir mezzo-
sópran söng Draumalandið eftir Sig-
fús Einarsson og aríuna Che Faro
Senza, Euridice eftir Glück. Jónas
Sen lék á flygilinn. Kristín hefur
mjög fallega, mikla og fyllta rödd og
var söngur hennar hreint frábær.
Kór Flesnborgarskólans í Hafnar-
firði söng undir stjórn Hrafnhildar
Blomsterberg lögin Fyrirlátið mér
eftir Jón Ásgeirsson, Cucú, cucú eft-
ir J. del Encina og þrjú ungversk
þjóðlög en þar lék kórfélaginn Krist-
ján Marteinsson með á flygilinn í
tveimur fyrstu. Góður, bjartur og
þéttur, óþvingaður hljómur með
mjög góðu jafnvægi er einkenni
þessa góða kórs. Kammerkór
Reykjavíkur undir stjórn Sigurðar
Bragasonar flutti fyrst þjóðlagið
Ástarraunir í útsetningu Emils
Thoroddsen, síðan fylgdu Norður-
ljós eftir söngstjórann, einsöngvari
Smári Vífilsson, sálmurinn Hátt ég
kalla eftir Sigvalda Snæ Kaldalóns
og Maríukvæði Björgvins Þ. Valdi-
marssonar, einsöngvari þar var Ar-
dís Ólöf Víkingsdóttir, Hugrún Sif
Hallgrímsdóttir lék á þverflautu og
Viera Manásek á flygil. Töluvert
mikið ósamræmi er í styrkleika milli
radda í kórnum sem eyðileggur
heildarhljóminn. Einsöngvararnir
komust vel frá sínu og flautulekur
Hugrúnar var frábær svo og píanó-
leikur Vieru. Karlakórinn Þrestir í
Hafnarfirði undir stjórn Jóns Krist-
ins Cortez söng Heyr himna smiður
og Til þín Drottinn eftir Þorkel Sig-
urbjörnsson og íslensku þjóðlögin
Grafskrift og Ár vas alda. Hljómur
kórsins er fallega fylltur og mjúkur,
sérstaklega í Ár vas alda. Árnesinga-
kórinn í Reykjavík, söngstjóri Gunn-
ar Ben, og Söngfélag Skaftfellinga,
söngstjóri Violetta S. Smid, sungu
saman Smávinir fagrir eftir Jón
Nordal og þjóðlagið Sofðu unga ástin
mín undir stjórn Violettu. Ei
Dumba, skemmtilegt regnskógalag
frá Brasilíu, og Lokakórinn úr
Þrymskviðu eftir Jón Ásgeirsson
sem var glæsilegur undir stjórn
Gunnars. Kórarnir sungu vel saman
og jafnvægið var gott.
Síðast á efnisskránni var verk Sig-
urðar Bragasonar, Á páskum, við
texta Valdimars Lárussonar. Flytj-
endur voru allir kórarnir, Signý Sæ-
mundsdóttir, Kristín Sigtryggsdótt-
ir, Snorri Wium, Davíð Ólafsson og
börnin Gunnar Þór Björnsson, Þór-
ey Þorgilsdóttir, Þórhildur Vala Þor-
gilsdóttir og Þórunn Lilja Vilbergs-
dóttir félagar í Barna- og
kammerkór Bústaðakirkju. Viera
Manásek lék á orgelið og höfundur-
inn stjórnaði. Hér var endurskoðuð
og aukin útgáfa af verkinu flutt í
fyrsta sinn. Fyrsti þáttur, Lofsöng-
ur, hefst á söng barna. Annar þáttur,
Á páskum, fjallar um píslargöngu,
dauða og upprisu Krists og að lokum
er upphafskaflinn endurtekinn. Í
verkinu skiptast á einsöngsstrófur
og kórkaflar. Kristur er sunginn af
bassa (DÓ), Pílatus af tenór (SW) og
engill við gröf Krists af alt (KS).
Stóri kórinn (ca 500 manns) á kór-
pöllunum í vesturenda syngur m.a.
lofsöng í fyrsta þætti og æstan lýð-
inn í öðrum þætti. Litli kórinn sem
staðsettur er á norðurpallinum við
hlið orgelsins (Kammerkór Suður-
lands undir stjórn Hilmars) söng án
undirleiks ásamt Signýju bæn til
Maríu Guðsmóður. Í lok annars þátt-
ar syngjast á stóri kórinn og kamm-
erkórinn í kórtröppunum (Flens-
borgarkórinn undir stjórn
Hrafnhildar). Í verkinu eru margar
fallegar laglínur og tónlistin fellur
oft mjög vel að textanum t.d. þegar
lýðurinn hrópar „Krossfestu, kross-
festu“ með miklum og þykkum org-
elhljóm svo og þegar jörðin skelfur
og fortjaldið rifnar sem var vel túlk-
að í orgelinu og hróp kórsins áhrifa-
mikið og sannfærandi. Notkun org-
elsins er óþarflega sparsöm,
sérstaklega í lokahljómnum sem
hefði þolað mun voldugri orgelhljóm.
Fíkn er fjötur
Jón Ólafur Sigurðsson
TÓNLIST
Hallgrímskirkja
Styrktartónleikar fyrir forvarnarsjóð
UMFÍ. Ýmsir kórar, einsöngvarar og
hljóðfæraleikarar. Kynnir Margrét Frí-
mannsdóttir alþingismaður og tónlistar-
stjóri Sigurður Bragason. Laugardag-
urinn 22. mars 2003 kl. 17.
KÓRSÖNGUR
FRÆÐSLUDEILD Þjóðleikhúss-
ins og leiklistardeild Listaháskóla
Íslands standa fyrir örleikritasam-
keppni fyrir framhaldsskólanema og
er frestur til að skila inn handritum
til 14. apríl nk.
Leikritið má ekki vera lengra en
tíu mínútur og ekki styttra en fimm
mínútur, leikarar verða að vera þrír
eða færri, leikmyndin er einvörð-
ungu tveir stólar og ekki má nota
leikmuni. Verkin mega ekki hafa
birst eða verið sýnd áður og skal
handritum skilað á skrifstofu leik-
listardeildar LHÍ fyrir kl. 16 mánu-
daginn 14. apríl og þau merkt „Ör-
leikritasamkeppni“. Handrit skulu
send undir dulnefni og skal þeim
fylgja lokað umslag merkt sama dul-
nefni, þar sem í er nafn, heimilisfang
og sími eða netfang höfundar. Senda
má fleiri en eitt verk í samkeppnina.
Sigurvegarinn hlýtur 30 þúsund
krónur en önnur og þriðju verðlaun
eru 10 þúsund krónur. Auk þess fá
verðlaunahafar gjafakort í Þjóðleik-
húsið. Verðlaunaafhending fer fram
laugardaginn 3. maí í Þjóðleikhúsinu
en þá verða verðlaunaverkin flutt af
leiklistarnemum í LHÍ. Nánari upp-
lýsingar veitir Vigdís Jakobsdóttir,
deildarstjóri fræðsludeildar Þjóð-
leikhússins. Styrktaraðili örleikrita-
samkeppninnar er Íslandsbanki.
Örleikritasamkeppni
framhaldsskólanema