Morgunblaðið - 01.04.2003, Blaðsíða 47

Mileta á
Skagann?
SVO getur farið að júgóslavneski
knattspyrnumaðurinn Momir Mileta
leiki með ÍA í úrvalsdeildinni í sum-
ar. Að sögn Gunnars Sigurðssonar,
formanns rekstrarfélags meistara-
flokks karla, hafa Skagamenn í
hyggju að styrkja lið sitt og hefur
nafn Mileta komið upp á borðið en
Zoran Miljkovic, sem lék með ÍA í
fimm ár og varð meistari í öll skiptin,
hefur verið Akurnesingum innan
handar og rætt við Mileta fyrir hönd
ÍA.
Mileta, sem er 32 ára miðjumaður,
er ekki alveg ókunnugur íslensku
knattspyrnunni því hann lék með
ÍBV sumarið 2000 en leikur nú í
Júgóslavíu.
ÍÞRÓTTIR
MORGUNBLAÐIÐ ÞRIÐJUDAGUR 1. APRÍL 2003 47
 RÓBERT Gunnarsson skoraði 4
mörk fyrir Århus GF og Þorvarður
Tjörvi Ólafsson 1 þegar liðið tapaði
fyrir Kolding á heimavelli, 34:28, í
dönsku úrvalsdeildinni í handknatt-
leik í gær. Århus er í fimmta sæti
deildarinnar með 25 stig en Kolding
er í toppsætinu með 34 stig.
 HANS Lindberg, sem á dögunum
lék sína fyrstu landsleiki fyrir Dani,
skoraði 11 mörk fyrir Team Helsinge
og Sigursteinn Arndal 2 í sigurleik
liðsins á Tvis Holstebro, 37:25.
 HANS Lindberg er fæddur á Ís-
landi og bjó í Hafnarfirði á ungaaldri
en er orðinn danskur ríkisborgari og
binda Danir miklar vonir við hann
með landsliði sínu í framtíðinni.
 HALLDÓRI Sigfússyni tókst ekki
að skora fyrir Frisenheim þegar liðið
tapaði, 19:18, á heimavelli fyrir Düss-
eldorf í suðurhluta þýsku 2. deildar-
innar í handknattleik á sunnudag.
Tapið gerði út um vonir Atla Hilm-
arssonar þjálfara og lærisveina hans í
Frisenheim að ná öðru sæti deildar-
innar og eiga þar með möguleika á að
leika um sæti í 1. deild á næstu leiktíð.
 KRISTÍN Guðmundsdóttir, fyrr-
verandi handknattleikskona hjá Vík-
ingi, hefur gert eins árs samning við
danska liðið Tvis Holstebro sem
Hrafnhildur Skúladóttir leikur með,
en liðið féll úr dönsku úrvalsdeildinni
á dögunum. Kristín, sem er 24 ára
gömul, leikur nú með 1. deildar liðinu
Sindal og hefur staðið sig vel, m.a.
skorað 105 mörk í 19 leikjum. Þar áð-
ur lék Kristín með Virum-Sorgenfri.
 HRANHILDUR Skúladóttir hefur
framlengt samning sinn við Tvis
Holstebro. „Ég vil komast upp í úr-
valsdeildina á nýjan leik,“ segir
Hrafnhildur á heimasíðu félagsins en
hún er markahæsti leikmaður liðsins
á leiktíðinni, hefur skorað 115 mörk,
og er í fimmti markahæsti leikmaður
dönsku úrvalsdeildarinnar.
 KRISTJÁN Uni Óskarsson stóð sig
best af íslenskum skíðamönnum sem
tóku þátt í alþjóðlegum mótum í stór-
svigi karla í Ål í Noregi um helgina.
Kristján Uni varð í 20. sæti af 77
keppendum á laugardag og í 25. sæti
af 90 keppendum á sunnudag. Á
seinna mótinu varð Sindri M. Pálsson
í 32. sæti, Kristinn Ingi Valsson í 46.
sæti og Ari Berg í 78. sæti.
 ÍGOR Bjarni Kostic, markvörður
úr Víkingi, gekk til liðs við ÍBV fyrir
helgina. Hann lék með liðinu gegn
Haukum í deildabikarnum á sunnu-
daginn og leysti af hólmi Birki Krist-
insson sem var á flugi heim frá lands-
leiknum í Skotlandi á meðan
leikurinn stóð yfir.
 BERT Hanson fór holu í höggi í
fimmta sinn á ævinni á dögunum þeg-
ar hann lék Sugar Mill völlinn í Flór-
ída í Bandaríkjunum. Tveir Íslend-
ingar hafa náð draumahögginu oftar
en Bert, Kjartan L. Pálsson og Þor-
björn Kjærbo sem hafa hvor um sig
farið holu í höggi sex sinnum.
FÓLK
DAVIS Love III lék frábært golf á
síðasta degi Meistaramóts leik-
manna sem haldið var á Sawgrass
vellinum á Flórída. Hann lék síð-
asta hringinn á 8 höggum undir
pari og sigraði á 17 undir, sex
höggum á undan Padraig Harr-
ington og Jay Haas.
Spilamennska Love er mets-
jöfnun á síðasta degi þessa móts en
félagi hans og vinur, Fred Couples,
sem lék einmitt með honum síðasta
hringinn, lék á 64 höggum á síðasta
degi mótsins árið 1996. „Ég hef
aldrei séð nokkurn mann spila
svona vel. Alveg frá fyrsta höggi til
þess síðasta gekk þetta allt full-
komlega hjá honum,“ sagði Coupl-
es. Kappinn sagði eftir mótið að
hann hefði verið rosalega tauga-
trekktur eftir að hann náði forystu
á níundu holunni. „Ef þessi tilfinn-
ing er eitthvað svipuð þeirri sem er
að hafa forystu á síðasta hring á
stórmóti, þá var þetta ágætis æf-
ing,“ sagði hann.
Tiger Woods, sem hafði sigrað á
þremur af fjórum mótum ársins,
byrjaði ágætlega á sunnudaginn,
fékk örn á annarri holunni en eftir
það lá leiðin niður á við og hann sló
þrjá bolta út í vatn og varð að sætta
sig við 11. sætið ásamt nokkrum
öðrum kylfingum.
Davis Love sjóðheitur
á 17 undir pari
Róbert
áfram hjá
Wetzlar
RÓBERT Sighvatsson, línu-
maður íslenska landsliðsins í
handknattleik, hefur fram-
lengt samning sinn við þýsku
1. deildarliðið D/M Wetzlar til
vorsins 2005. Róbert, sem er
þrítugur, gekk til liðs við
Wetzlar í upphafi þessarar
leiktíðar, en hefur áður leikið
með Schutterwald, Bayer
Dormagen og Düsseldorf á
þeim sex árum sem hann hefur
leikið handknattleik í Þýska-
landi. Róbert hefur skorað 71
mark með Wetzlar á leiktíð-
inni en liðið er nú í 14. sæti af
18 liðum. Mikið hefur verið um
meiðsli í herbúðum Wetzlar í
vetur og hefur það staðið lið-
inu fyrir þrifum en nú róa
menn öllum árum til þess að
það haldi sæti sínu í efstu deild
og tefla fram sterku liði á
næsta vetri. Julian Róbert
Duranona og Sigurður
Bjarnason eru einnig á samn-
ingi hjá félaginu. Framtíð
Duranona er óviss en Sig-
urður flytur heim í sumar.
Leikmenn KR gáfu allt í leikinnog náðu að halda í við gestina
fram í byrjun annars leikhluta. Þá
kom slakur kafli,
sem Keflvíkingar
nýttu sér til hins
ýtrasta, sem skilaði
forystu. Eftir það þurftu KR-ingar
aftur að leggja allt í sölurnar til að
ná þeim og það gekk í upphafi
þriðja leikhluta en þeim tókst ekki
að fylgja því eftir.
„Þetta var betra en síðast en
samt ekki nógu gott,“ sagði Hildur
Sigurðardóttir, sem átti góðan leik
fyrir KR. „Við vorum eins og aum-
ingjar í Keflavík en létum þó finna
fyrir okkur núna. Við höfðum góða
trú á að við gætum unnið en ég
veit ekki hvað gerðist. Þær hittu
mjög vel í fyrri hálfleik og fóru illa
með okkur en við náðum að jafna í
þriðja leikhluta en tókst ekki að
halda það út.“ Hildur átti 10 stoð-
sendingar og tók 10 fráköst en
Jessica Stomsky tók 17.
Anna María Sveinsdóttir, þjálf-
ari og leikmaður Keflavíkur, var
ánægð með sigurinn. „Við bjugg-
umst alveg við að þessi leikur yrði
erfiðari en sá síðasti. Við vorum
reyndar með lélega vítanýtingu og
hefðum annars unnið stærra. Jes-
sica er lykillinn að sóknarleik KR,
gríðarlega sterk inni í teignum og
hinar leita mikið til hennar svo að
við leggjum áherslu á að stöðva
hana en þurfum líka að spila vörn
sem lið og það höfum við gert í
tveimur síðustu leikjum,“ sagði
Anna María. Hittnin var ekki góð
en bætt upp með baráttu þegar
allir lögðu sig fram.
Morgunblaðið/Jim Smart
KR-ingurinn Helga Þorvaldsdóttir sækir hér að körfunni. Til varnar er Sonia Ortega en
þær Anna María Sveinsdóttir og Birna Valgarðsdóttir fylgjast spenntar með.
Fátt stöðvar
Keflavíkurliðið
FÁTT virðist geta stöðvað sigurgöngu Keflavíkurstúlkna og eftir
82:70-sigur á KR í öðrum úrslitaleiknum í Vesturbænum í gærkvöldi
fá þær tækifæri til að taka á móti þriðja bikar sínum í vetur þegar
þriðji leikurinn fer fram á morgun. Vesturbæingar höfðu reyndar
bætt sig frá síðasta leik þótt það dygði ekki til en þeir hafa þó sýnt í
vetur að þeir geta bitið frá sér.
Stefán
Stefánsson
skrifar
STJÓRN Körfuknattleikssambands
Íslands hefur ákveðið að hætta við
þátttöku í úrslitakeppni Evr-
ópumóts drengjalandsliða sem
fram á að fara í Tyrklandi dagana
17.-21. apríl. Ástæðan er sú að
ástandið í þessum heimshluta þykir
of óöruggt vegna stríðsátakanna í
Írak.
Í fréttatilkynningu frá KKÍ í gær
segir að ákvörðunin hafi verið tek-
in í samráði við foreldra drengj-
anna og ekki hafi þótt forsvar-
anlegt að senda þá á þessar slóðir.
Þetta er aðeins í þriðja skiptið
sem íslenskt drengjalandslið kemst
svona langt í þessari keppni. KKÍ
óskaði eftir því að mótið yrði flutt
frá Tyrklandi vegna nálægðarinnar
við Írak. Það var fært frá Adana í
suðausturhluta landsins til Izmir í
vesturhlutanum en stjórn KKÍ taldi
þá niðurstöðu ekki fullnægjandi og
dró því liðið úr keppni.
Hætt við Tyrklandsför
vegna Íraksstríðsins