Morgunblaðið - 01.04.2003, Blaðsíða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 1. APRÍL 2003 VERÐ Í LAUSASÖLU 190 KR. MEÐ VSK.
SKÝRSLA um mat á umhverfis-
áhrifum nýs vegarkafla á þjóðvegi
1 um Norðurárdal í Skagafirði við
Öxnadalsheiði liggur nú fyrir hjá
Vegagerðinni. Um er að ræða 14,3
km langan kafla í Akrahreppi í
Skagafirði sem áform eru um að
hefja framkvæmdir við á næsta ári.
Samkvæmt samgönguáætlun
Alþingis er reiknað með 440 millj-
ónum króna í veginn árin 2003–
2006 og 280 milljónum á tímabilinu
2007–2010, eða alls 720 milljónum
króna á núgildandi verðlagi. Á
þessum kafla hafa umferðaróhöpp
verið tíð í gegnum árin, enda eru
þarna miklar slysagildrur með
fjórum einbreiðum brúm, mjóum
vegi, blindhæðum og blindbeygj-
um. Stytting hringvegarins með
þessum framkvæmdum nemur um
400 metrum.
Meðalumferðin 732 bílar
á sólarhring
Í matsskýrslunni, sem birt hefur
verið á vef Vegagerðarinnar, kem-
ur m.a. fram að árið 2001 fóru um
veginn að meðaltali 732 bílar á sól-
arhring, þar af 10–15% stærri öku-
tæki.
Vegagerðin hefur einkum skoð-
að tvær veglínur, nefndar C og M í
matsskýrslunni, sem báðar eru um
14,3 km langar. Hefur Vegagerðin
gert línu M að tillögu sinni en úti-
lokar ekki leið C. Línurnar eru að
stórum hluta á lítið hreyfðu landi
og 13,6 km af veginum liggja utan
núverandi vegsvæðis. Kaflinn er
frá núverandi vegi skammt vestan
við Kjálkaveg að núverandi vegi í
Heiðarsporði. Byggja þarf nýja
brú á einum stað yfir Norðurá en
samkvæmt línu M þarf ekki að
fylla út í árfarveginn þar sem enda-
stöplar brúarinnar verða byggðir á
landi.
Framkvæmdin hefur nokkur
áhrif á umhverfið. Um jákvæðu
áhrifin segir í matsskýrslunni með-
al annars:
„Bættar samgöngur á hringvegi
með uppbyggðum, öruggum vegi,
tvíbreiðum ræsum og brú. Vegur-
inn verður án blindbeygja, blind-
hæða og brattra brekkna og lang-
halli vegar verður minni en á
núverandi vegi. Reiknað er með að
snjósöfnun á veginum verði lítil.
Rykmengun verður í lágmarki.
Hringvegurinn styttist örlítið eða
um 400 metra.“
Skriðuhætta á veginum mun
sömuleiðis minnka þar sem hann
færist fjær fjallshlíðinni og liggur á
áreyrum frá Kjálkavegi að Gvend-
arnesi. Liggur vegurinn neðar í
hlíðinni á kaflanum frá Kotá að
Fremri-Kotum og fer ekki yfir
skriðukeilu Valagilsár.
Neikvæð áhrif á farveg
og eyrar Norðurár
Neikvæð áhrif vegarins eru
nokkur, að því er fram kemur í
matsskýrslunni. Helst eru það
breytingar á farvegi og áreyrum
Norðurár. Síðan segir í skýrslunni:
„Breytingarnar hafa töluverð
neikvæð áhrif á lífríki árinnar.
Samkvæmt skýrslu Veiðimála-
stofnunar er þó aðallega gert ráð
fyrir skammtímaáhrifum. Með
réttum mótvægisaðgerðum má
koma að mestu í veg fyrir lang-
tímaáhrif framkvæmdarinnar á líf-
ríki Norðurár.“
Nýr vegur um Norðurárdal við Öxnadalsheiði
Slysagildrum eytt
fyrir 720 milljónir

C% ( C'  & B + 
LD<9% 
 0
+
! +
* +
< 
 !
+

  
  

12 
+ 8
0
  
K""#%+"3 
REKSTUR Norðuráls skilaði 970 milljóna
króna hagnaði eða sem nemur 10,6 millj-
ónum dollara á síðasta ári. Árið 2001 nam
hagnaður félagsins 10,3 milljónum dollara.
Rekstrartekjurnar námu 97 milljónum
dollara í samanburði við 86 milljóna dollara
veltu á árinu 2001.
Framleiðsla á áli var 90 þúsund tonn en
var rúmlega 74 þúsund tonn á árinu 2001.
Framleiðslugeta álversins er 90 þúsund
tonn og var árið 2002 fyrsta heila rekstr-
arárið þar sem framleitt er með fullum af-
köstum núverandi stærðar verksmiðjunnar,
samkvæmt upplýsingum frá Norðuráli.
Ragnar Guðmundsson, framkvæmda-
stjóri fjármála- og stjórnunarsviðs, segir að
afkoman sé ágæt miðað við það að álverð
hafi verið að lækka tvö ár í röð. Stækkun
verksmiðjunnar hafi skilað sér í aukinni
hagræðingu í rekstri og frekari stækkun
ætti því að leiða til enn meiri hagræðingar.
Lágir vextir hafi hjálpað og launakostnaður
í krónum hafi verið lægri en ella vegna þess
að krónan hafi verið mjög veik á sl. ári.
Fjárfestingar vegna brunavarna
Eignfærðar fjárfestingar námu 210 millj-
ónum króna. Fjárfestingarverkefnin á
árinu 2002 beindust aðallega að bættu
starfsumhverfi og öryggisþáttum svo sem
loftræstingu og brunavörnum. Bókhald
Norðuráls er fært í Bandaríkjadölum. Á
árinu 2002 styrktist íslenska krónan um
20% gagnvart dollara og 8% gagnvart evru.
Þetta leiddi til verulegrar aukningar á
launakostnaði, en laun eru greidd í íslensk-
um krónum. Veikari dollari á móti evru
hafði í för með sér hækkun innkaupsverðs á
rafskautum, sem er umtalsverður kostnað-
arliður að því er segir í fréttatilkynningu.
„Meðalverð ársins 2002 var 1.350 dollarar á
tonn en var 1.450 dollarar á tonn árið á und-
an. Meðalverð ársins 2000 var hins vegar
1.550 dollarar á tonn. Það sem af er þessu
ári er meðalverðið um 1.400 dollarar á tonn-
ið,“ segir einnig í frétt fyrirtækisins.
Hagnaður
Norðuráls
970 milljónir
KAUPÞING banki hækkaði mest
þeirra fimmtán fyrirtækja sem
mynda úrvalsvísitölu aðallista á
fyrsta ársfjórðungi, eða um
16,92%. Næst kemur Búnaðar-
bankinn með 16,30% hækkun. Öss-
ur lækkaði mest eða um 12,04% en
Samherji lækkaði um 8,5%. Úr-
valsvísitala aðallista hækkaði um
4,98% á fyrstu þremur mánuðum
ársins.
Bankar
með mestar
hækkanir
 Gengisbreytingar/15
DECODE, móðurfélag Íslenskrar
erfðagreiningar, tapaði 130 milljón-
um dala á árinu 2002 eða sem nem-
ur 9.966 milljónum íslenskra króna.
Þetta jafngildir því að 2,65 dalir hafi
tapast á hvern hlut í félaginu 2002.
Tekjur deCODE jukust um tæp
57% á milli ára, fóru úr 26 milljónum
dala 2001 í 41 milljón dala, 3,1 millj-
arð króna, árið 2002.
Á sama tíma ríflega tvöfaldaðist
rekstrarkostnaður félagsins, fór úr
rúmum 83 milljónum dala árið 2001
í 173 milljónir dala, eða 13,3 millj-
arða króna á síðasta ári. Í tilkynn-
ingu frá deCODE segir að kostn-
aður vegna uppsagna og rýrnun
nemi samtals um 65 milljónum dala
eða um 38% af heildarrekstrar-
kostnaði á síðasta ári. Það jafngildir
um 1,32 dölum í kostnað vegna
þessa á hvern hlut. Í árslok 2002 átti
deCODE 93,2 milljónir dala eða 7,1
milljarð króna í handbæru fé.
Tíu milljarða
króna tap hjá
deCODE
GRÍÐARLEG umferðarteppa myndaðist í Ártúnsbrekku síðdegis í gær
í kjölfar árekstrar í brekkunni. Tveir voru fluttir á slysadeild með
minniháttar meiðsl. Tók um hálfa klukkustund að greiða úr flækjunni.
Á meðan lögreglan var að störfum á vettvangi kom hrina árekstra í
austurborginni og voru skráðir tólf árekstrar á aðeins níutíu mínútum.
Að auki urðu fimm árekstrar fyrr um daginn og urðu því sautján
árekstrar í gær, en það er langt yfir meðaltali í Reykjavík, sem er ellefu
árekstrar.
Að sögn lögreglunnar tafðist umferð í Ártúnsbrekkunni að hluta til
vegna forvitni ökumanna sem vildu sjá hvað gerst hafði og voru sumir
ekki með hugann við aksturinn á meðan. Þannig munaði minnstu að
lögregluþjónn á bifhjóli væri ekinn niður.
Ljósmynd/Ingvar Guðmundsson
Árekstrahrina í Reykjavík
♦ ♦ ♦
♦ ♦ ♦
VINSTRIHREYFINGIN – grænt framboð
(VG) leggur áherslu á endurskoðun skatt-
kerfisins í þeim tilgangi að létta skattbyrði
af láglauna- og millitekjuhópum.
Þetta kom fram á fundi sem forystumenn
og frambjóðendur VG boðuðu til í gær, þar
sem kynntar voru málefnaáherslur flokks-
ins í komandi alþingiskosningum.
Forgangsverkefni VG í skattamálum eru
meðal annars að létta sköttum af lægstu
launum og lífeyri í áföngum með hækkun
skattleysismarka og tekjutengdum endur-
greiðslum. VG vill jafnframt draga úr skatt-
lagningu meðaltekna og lægri tekna með
stiglækkandi skattbyrði um leið og jaðar-
áhrif verði takmörkuð. Ennfremur hækka
skattleysismörk eignaskatta og að fjár-
magnstekjur undir 100.000 kr. verði skatt-
frjálsar og tvö skattþrep, 12% og 18%, verði
til á hækkandi tekjur umfram þetta, sem
skilað geti allt að 2.000 milljóna kr. viðbót-
artekjum.
Vinstrihreyfingin –
grænt framboð
Vill létta
sköttum af
lægstu launum
 Skattbyrði/6