Morgunblaðið - 01.04.2003, Blaðsíða 21

AKUREYRI
MORGUNBLAÐIÐ ÞRIÐJUDAGUR 1. APRÍL 2003 21
Árvirkinn
Austurv.9/Eyrarvegi 29, Selfossi
Geisl i
Flötum 29, Vestm. eyjum
G.H.LJÓS
Garðatorgi 7, Garðabæ
Ljósgjafinn
Glerárgötu 34, Akureyri
Glitnir
Brákarbraut 7, Borgarnesi
Lónið
Vesturbraut 4, Höfn
Hljómsýn
Stillholti 23 Akranes
Rafbúð R.Ó.
Hafnargötu 52, Keflavík
Straumur
Silfurtorgi 5, Ísafirði
S.G. Raftækjaverslun
Kaupvangi 12, Egilsstöðum
PERUBÚÐIR
Rafbúð Skúla Þórs
Álfaskeiði , Hafnarfjörður
Dulux EL longlife
Endist í 15.000 klst
5 ára ábyrgð
Lukt með
sparperu og
fjarstýringu
Tilboð á 10 pakk frá
OSRAM 40W og 60W
Tilboð
490 kr.
Tilboð
990 kr.
Tilboð
4.290 kr.
Byggt & Búið
Kringlunni / Smáralind
Pfaff Borgarl jós
Grensásvegi 13, Reykjavík
Ti lboð í OSRAM perubúðum
YFIR 300 björgunarsveitarmenn alls staðar að af land-
inu voru við æfingar í Eyjafirði um helgina á Lands-
æfingu björgunarsveita Slysavarnafélagsins Lands-
bjargar. Á æfingunni leystu félagar sveitanna alls 47
leitar- og björgunarverkefni þar sem um 140 manns
tóku þátt sem „sjúklingar“ og stjórnendur. Æfingar
fóru fram víða í Eyjafirði, á hálendinu upp af honum og
á hafsvæðinu auk þess sem verkefni voru einnig leyst á
Akureyri. Hver sveit fékk tækifæri til að kljást við
nokkur verkefni, þannig að menn fengu færi á að æfa
leit og björgun við mismunandi aðstæður. Æfingar sem
þessar eru haldnar annað hvert ár og þykja þær mik-
ilvægur vettvangur fyrir björgunarsveitir til æfinga og
samhæfingar. Meginmarkmiðið fyrir sveitirnar er að
þær finni styrk sinn við leit og björgun og hvort og þá
hverju huga þurfi að eftir æfinguna.
Börn sem voru að leik í Kjarnaskógi urðu nokkuð
skelkuð þegar herþyrla sveimaði yfir skóginu meðan á
æfingunni stóð, en þeim þótti grænmáluð þyrlan ógn-
vekjandi og drunurnar miklar. Þá sást langt skaft
stingast út úr henni sem minnti á vélbyssu. Héldu sum
barnanna að skothríð myndi hefjast líkt og þau hafa séð
í sjónvarpinu síðustu daga og töldu jafnvel að stríðið
hefði borist til Akureyrar.
Landsæfing björgunarsveita Slysavarnafélagsins
Morgunblaðið/Skapti Hallgrímsson
„Stórslösuðum“ manni á sjúkrabörum „bjargað“ í flot-
kvínni við Slippstöðina. Hér er hann hífður upp um op.
47 leitar- og
björgunar-
verkefni leyst
MIKILL fjöldi ungmenna alls
staðar að af landinu var saman-
kominn á Akureyri um helgina
vegna söngkeppni framhaldsskól-
anna sem fram fór á laugardags-
kvöld.
Lögregla var vegna þess með
meiri viðbúnað en venja er til um
helgar en allt skemmtanahald fór
vel fram þó að nokkur erill hafi
verið hjá lögreglu að því er fram
kemur í dagbók. Ein minniháttar
líkamsárás var bókuð en ekki vitað
hvort hún leiðir til kæru. Sérstak-
lega var reynt að hafa eftirlit með
fíkniefnaneyslu og komu tvö slík
mál upp um helgina og þá var til-
kynnt um tvö innbrot.
Alls voru 16 ökumenn kærðir
fyrir of hraðan akstur og þrír fyrir
ölvunarakstur. Þrjú umferðar-
óhöpp urðu um helgina en engin
slys á fólki.
Lögregla mældi hraða tvegga
bifreiða sem ekið var eftir Gler-
árgötu á 92 kílómetra hraða en þar
er leyfilegt að aka á 50 kílómetra
hraða. Ökumenn viðurkenndu að
hafa verið í kappakstri.
Dökkbláum Subaru sendibíl var
stolið frá bifreiðastæði við veit-
ingahúsið Greifann um miðjan dag
á sunnudag. Líklegt er að gleymst
hafi að taka lyklana úr kveikju-
lásnum nóttina áður. Bifreiðin er
merkt Hótelveitingum og Hótel
KEA. Ekkert hafði spurst til bif-
reiðarinnar í gær og eru þeir sem
einhverjar upplýsingar hafa beðnir
um að láta lögreglu vita.
Erilsamt um helgina
en óhappalaust
ÞRÍR félagar úr Hjálparsveitinni
Dalbjörgu í Eyjafjarðarsveit aðstoð-
uðu fólk á tveimur jeppum sem
sokknir voru ofan í krapa um fjóra
kílómetra austur af Laugarfelli á
laugardagskvöld. Beiðnin barst um
kl. 18 og fóru björgunarsveitarmenn
upp Kerhólsöxl í Sölvadal og voru
komnir að fólkinu um kl. 22.45 um
kvöldið.
Pétur R. Tryggvason hjá Dal-
björgu sagði að fólkið, fjórir fullorðnir
og tvö börn, hefði ætlað að fara niður
úr Eyjafirði, en vegurinn væri koló-
fær. Hann sagði að ekki hefði væst
um fólkið á meðan björgunar var beð-
ið í nokkrar klukkustundir, en veður
hefði verið ágætt. Hann sagði snjólétt
á hálendinu nú, en þar væri mikill
krapi og því varasamt að vera á ferð-
inni á þessum slóðum nema þá fólk
væri sérlega vel búið. Pétur sagði
ferðafólkið hafa verið heppið að því
leyti að símasamband hefði verið á
þeim slóðum sem það festi bíla sína,
en víða væri það gloppótt á hálendinu.
Þegar búið var að losa bílana
fylgdu Dalbjargarmenn fólkinu niður
í Eyjafjörð um Kerhólsöxl og var það
komið til síns heima um kl. 6 að
morgni sunnudags.
Pétur sagði mikið álag hafa verið á
félögum Dalbjargar síðustu daga, en
um 30 manns úr félaginu voru að
störfum við undirbúning landsliðs-
æfingar Slysavarnafélagsins Lands-
bjargar sem haldin var í Eyjafirði um
helgina.
Dalbjörg í Eyjafjarðarsveit
Fólki úr föstum
jeppum bjargað
AKSTURSLAG manns sem hjólaði
niður Þingvallastræti og Gilið og
þaðan norður Skipagötu í átt að mið-
bænum um helgina vakti athygli lög-
reglu sem þar var á ferð. Þótti mað-
urinn hjóla heldur ógætilega og
„kastaði þó fyrst tólfunum er hann
girti niður um sig buxurnar á miðri
Skipagötunni og „múnaði“ framan í
vegfarendur,“ segir í dagbók lög-
reglunnar á Akureyri. Stöðvaði hún
fljótt þessa ósvinnu og kom þá í ljós
að maðurinn hafði stolið reiðskjót-
anum við KA-heimilið skömmu áður.
Var manninum gert að haga sér sið-
samlega á almannafæri framvegis og
fékk hann síðan að halda áfram ferð
sinni fullgirtur, á tveimur jafnfljót-
um.
Beraði
afturendann
í miðbænum
NÝLEGA útskrifaðist hópur nem-
enda úr námi í stjórnun frá sí-
menntun Háskólans á Akureyri, en
um nokkur tímamót er um að ræða
því þetta er í fyrsta skipti sem nem-
endur ljúkra lengra endurmenntun-
arnámi frá símenntun HA.
Um er að ræða þriggja missera
nám, alls 300 kennslustundir sem
svarar til 15 eininga náms á há-
skólastigi. Námið var skipulagt
miðað við að það væri stundað sam-
hliða starfi. Námið er samstarfs-
verkefni Eyþings, sambands sveit-
arfélaga í Eyjafirði og
Þingeyjarsýslum, og símenntunar
RHA.
Námið skiptist í fjóra efnisflokka:
Fjármál, rekstur og áætlanagerð,
upplýsingatækni, stjórnsýslu og
stjórnun. Þó að námið hafi ákveðna
skírskotun til sveitarstjórnarstigs-
ins er það fyrst og fremst almennt
stjórnunarnám. Í hópnum sem
útskrifaðist er jafnt fólk sem sinnir
stjórnunarstöfum hjá einkafyrir-
tækjum, sveitarfélögum og ríki. Alls
útskrifaðist 21 nemandi sem lokið
hafði náminu í heild með tilskildum
prófun og verkefnum. Einn nem-
andi lauk námi í tveimur efnisflokk-
um. Þá hafa nokkrir nemendur set-
ið námskeið án þess að ljúka
prófum. Í upphafi voru 32 nemend-
ur skráðir í námið.
Símenntun Háskólans
á Akureyri
Luku námi
í stjórnun
GYLFI Þórhallsson fyrrverandi for-
maður Skákfélags Akureyrar var í
miklu stuði um helgina, þegar Fisch-
er-klukkumót félagsins var haldið.
Hann hlaut 14 vinninga úr 15 skák-
um. Í öðru sæti varð Guðmundur
Gíslason með 12 vinninga og Sig-
urður Eiríksson varð þriðji.
Félagið heldur eitt af sínum vinsælu
10 mínútna mótum á fimmtudags-
kvöld, 3. apríl, og eru allir velkomnir
að venju.
Í DAG
♦ ♦ ♦