Morgunblaðið - 29.04.2003, Blaðsíða 4

FRÉTTIR
4 ÞRIÐJUDAGUR 29. APRÍL 2003 MORGUNBLAÐIÐ
UM 50–70 milljónir vantar upp á ár-
legar fjárveitingar Leikfélags
Reykjavíkur til að félagið geti náð
endum saman. Borgarstjóri segir
tæplega inni í myndinni að auka við
fjárveitingarnar.
Fjárhagsstaða Leikfélags Reykja-
víkur verður á dagskrá fundar borg-
arráðs í dag en þar verður lögð fram
greinargerð samstarfsnefndar um
málefni Leikfélagsins. Koma þar
fram svör við fyrirspurn sjálfstæð-
ismanna um málið.
Að sögn Vilhjálms Þ. Vilhjálms-
sonar, borgarfulltrúa Sjálfstæðis-
flokksins, áttu fulltrúar Leikfélags-
ins fund með sjálfstæðismönnum
eftir að fyrirspurnin var lögð fram.
„Þar kom fram að það virðist vanta
50–70 milljónir upp á árlega fjárveit-
ingu eins og hún var ákveðin á fjár-
lögum. Það var reyndar nýlega bætt
um 25 milljónum við hana, en sé mið-
að við upphaflega fjárveitingu vant-
ar tæplega 70 milljónir upp á.“
Hann segir borgarstjórnarflokk
Sjálfstæðisflokksins ekki búinn að
móta sér skoðun á því hvað beri að
gera í stöðunni, enda hafi hann enn
ekki fengið umrædda greinargerð í
hendurnar né heyrt sjónarmið meiri-
hlutans. „Hins vegar er það ljóst í
mínum huga að þessar upplýsingar
sem hafa komið frá Leikfélaginu
segja okkur að rekstrargrundvöllur
Borgarleikhússins er brostinn sé
miðað við þá starfsemi sem það hef-
ur haldið uppi.“
Fær um tvo milljarða á 10 árum
Að sögn Þórólfs Árnasonar borg-
arstjóra er fyrst og fremst um mál-
efni Leikfélagsins að ræða en ekki
borgarinnar. „Framlag borgarinnar
er 206 milljónir á ári samkvæmt 10
ára samningi sem er í gildi,“ segir
hann. „Það eru rúmlega tveir millj-
arðar fyrir tíu ár þannig að það eru
gífurlegar fjárhæðir sem borgin er
að láta í félagið. Þar að auki voru
samþykktar 25 milljónir aukalega í
fyrra og í ár þannig að samtals fara
231 milljón frá borgarsjóði til Leik-
félagsins í ár.“
Hann telur ólíklegt að vilji sé til
þess að auka þessar fjárveitingar að
sinni. „Ég held að það sé mjög erfitt
að verja það þegar við erum að gæta
mjög vel að öllum rekstri hjá borg-
inni. Ég hef ekki neina trú á að það
séu einhverjar viðbótarfjárheimildir
inni í myndinni í augnablikinu.“
Guðjón Pedersen, leikhússtjóri
Borgarleikhússins, segir að hann
vilji ekki tjá sig um það hvað þessi
staða þýðir fyrir leikhúsið, fyrr en
eftir fund með starfsfólki sínu sem
haldinn verður í dag. „Við höfum trú
á því að pólitískir fulltrúar sameinist
um að marka stefnu um leikhúsið til
framtíðar, líkt og fyrrverandi borg-
arstjóri talaði um,“ segir hann.
Alvarlegur fjárhagsvandi Borgarleikhússins ræddur í borgarráði í dag
Vantar 50–70 milljónir
upp á árlegar fjárveitingar
Borgarstjóri segir auknar fjárveit-
ingar tæplega inni í myndinni
STJÓRN Heilsugæslunnar í
Reykjavík hefur ákveðið að draga til
baka uppsagnir á aksturssamning-
um starfsfólks í heimahjúkrun. Því
er útlit fyrir að engar truflanir verði
á þeirri þjónustu sem Miðstöð
heimahjúkrunar veitir.
Samningunum var sagt upp bréf-
lega í lok janúar sl. og leit starfs-
fólkið svo á að það þýddi uppsögn á
starfssamningi þeirra. Það áformaði
því að leggja niður störf frá og með 1.
maí næstkomandi.
Í gær fundaði stjórn Heilsugæsl-
unnar með fulltrúum fjármálaráðu-
neytisins og að sögn Guðmundur
Einarssonar, forstjóra Heilsugæsl-
unnar, var þar ákveðið að draga upp-
sagnir á aksturssamningunum til
baka. „Við ætlum okkur síðan tíma
til að finna með farsælum hætti
hvernig þjónustu í heimahjúkrun
verður best fyrir komið og vonumst
til að það verði gert í sem bestu sam-
komulagi við starfsmenn.“
„Það er skylda okkar að leita allra
leiða til að bæta þjónustuna og gera
hana eins hagkvæma og við getum á
hverjum tíma. Þessi aðgerð var í
sjálfu sér mikilvægur liður í því en
hún leiðir náttúrulega ekki til bættr-
ar þjónustu ef svo hefði farið fram
sem horfði um viðbrögð starfsfólks.“
Fagna niðurstöðunni
Hann segir að eftir eigi að fara yfir
hvaða áhrif þetta hafi á fjárhag
Heilsugæslunnar. „Okkar áætlanir
gerðu ráð fyrir að um 15 milljónir
spöruðust á þessu ári með þessum
aðgerðum en við höfðum hvort eð er
ætlað okkur að beina þeim að mestu
leyti til hækkana á launum þeirra
sem starfa við þetta. Við reiknuðum
ekki með að standa beinlínis eftir
með mikinn sparnað í rekstrinum en
hins vegar var það skoðun okkar að
þetta hefði leitt til betri þjónustu.“
Harpa Karlsdóttir, hjúkrunar-
fræðingur hjá Miðstöð heimahjúkr-
unar, segir starfsfólkið fagna þessari
niðurstöðu. „Þetta er það sem við
vildum og þeir hafa tekið undir okk-
ar sjónarmið,“ segir hún.
Hún segist ekki vita til þess að fólk
hafi verið búið að ráða sig í vinnu
annars staðar þótt einhverjir hafi
verið farnir að líta í kring um sig.
„Auðvitað vonuðust allir til að þetta
yrði dregið til baka,“ segir hún og á
því ekki von á neinum truflunum á
heimahjúkrun frá næstu mánaða-
mótum.
Uppsagnir á aksturssamn-
ingum dregnar til baka
INGIBJÖRG Sólrún Gísladóttir nær
ekki kjöri í Reykjavíkurkjördæmi
norður en Halldór Ásgrímsson
kemst sem kjördæmakjörinn fulltrúi
á Alþingi samkvæmt nýrri könnun
sem Gallup gerði í kjördæminu fyrir
Ríkisútvarpið og kynnt var í fréttum
útvarps í gær.
Samkvæmt könnuninni fengi
Framsóknarflokkurinn 8,9% at-
kvæða og einn mann kjörinn, Sjálf-
stæðisflokkurinn fengi 35% atkvæða
og þrjá menn kjördæmakjörna,
Frjálslyndir fengju 7,8% atkvæða og
engan kjörinn kjördæmakosningu,
Samfylkingin fengi 37,7% atkvæða
og fjóra menn kjörna og Vinstri
hreyfingin – Grænt framboð fengi
10% atkvæða og einn mann kjörinn.
Önnur framboð fengju 0,6% at-
kvæða.
Frjálslyndi flokkurinn og Sjálf-
stæðisflokkurinn fengju að auki jöfn-
unarsæti. Eru þeir útreikningar
miðaðir við tölur úr öðrum kjördæm-
um í síðustu landskönnun.
Könnunin var gerð dagana 23.
apríl til 27. apríl og var úrtakið 715
manns, átján ára og eldri, valdir með
tilviljun úr þjóðskrá. Svarhlutfall var
67% og gáfu rúmlega 87% upp hvað
þeir ætluðu að kjósa.
Ný könnun Gallup á
fylgi í Reykjavíkur-
kjördæmi norður
Halldór
inni en
Ingibjörg
Sólrún úti
HÁTT í fimm þúsund myndir sem
Jóhannes S. Kjarval málaði eða
teiknaði á pappír eru geymdar í
kjallara undir vesturálmu Kjarvals-
staða, flestar í tveimur stórum
skjalaskápum.
Eiríkur Þorláksson, forstöðu-
maður Listasafns Reykjavíkur seg-
ir að aðstæður til varðveislu séu
eins góðar og best verður á kosið.
Hita- og rakastig er jafnt og mynd-
irnar eru geymdar í sýrufríum
pappír sem tryggir betri varð-
veislu. Myndirnar eru ýmist í um-
slögum eða möppum en Eiríkur var
ófáanlegur til að tjá sig nokkuð um
deilur um það hvort Peter Bower,
breski pappírssérfræðingurinn,
hefði getað skoðað pappírsgerðina
með fullnægjandi hætti.
Morgunblaðið/Sverrir
Eiríkur Þorláksson, forstöðumaður
Listasafnsins, sýnir hvernig
geymslu myndanna er háttað.
Hátt í fimm
þúsund myndir
á pappír
DÓMARAR, sérfróður meðdómari,
verjendur og saksóknari í stóra mál-
verkafölsunarmálinu fóru ofan í
kjallara Kjarvalsstaða í gær til að
kanna hvernig búið er um tæplega
fimm þúsund skissur og vatnslita-
myndir eftir Jóhannes S. Kjarval.
Karl Georg Sigurbjörnsson hrl.,
verjandi Jónasar Freydal Þorsteins-
sonar, fór fram á vettvangsgönguna
vegna framburðar Peters Bowers,
bresks sérfræðings í pappírssögu og
-greiningu. Við aðalmeðferðina sagði
Bower m.a. að pappírinn í hinum
meintu fölsunum væri ekki dæmi-
gerður fyrir Kjarval. Karl Georg tel-
ur að Bower geti ekki talist sérfróð-
ur um þann pappír sem Kjarval
notaði enda hafi hann aðeins varið
hálfum degi á Kjarvalsstöðum og í
Hafnarhúsi við að skoða myndir eftir
Kjarval, Svavar Guðnason og fleiri.
„Og við viljum sjá hversu aðgengi-
legt það er að skoða skissur eftir
Kjarval sem eru í geymslum í safn-
inu. Skissurnar eru í skúffum og er
pakkað í umslög og það er ekki bein-
línis fljótlegt að skoða þær. Hvað gat
hann skoðað margar af þeim tæp-
lega fimm þúsund skissum, sem eru í
geymslunni, á nokkrum klukkutím-
um? Þessi maður er einfaldlega ótrú-
verðugur og við ætlum að sýna fram
á það,“ segir hann.
Að sögn Karls Georgs munu verj-
endur þá leggja fram ný gögn, m.a.
upplýsingar um að alkýðblönduð
málning hafi verið notuð af lista-
mönnum í upphafi 2. áratugar síð-
ustu aldar. Sjálfur Pablo Picasso hafi
notað slíka málningu árið 1912. Í
rannsóknum sem saksóknari hafi
lagt fyrir dóminn sé því á hinn bóg-
inn haldið fram að alkýð hafi ekki
verið notað fyrr en eftir 1927.
Dómarar, meðdómsmaður og verjendur í málverkafölsunarmálinu koma til vettvangsgöngu á Kjarvalsstöðum.
Vettvangsganga á Kjarvals-
stöðum vegna fölsunarmáls
RÓBERT Marshall, fréttamað-
ur á Stöð 2, var kjörinn formað-
ur Blaðamannafélags Íslands á
aðalfundi félagsins í gærkvöld.
Kosið var á milli hans og
Guðrúnar Helgu Sigurðardótt-
ur blaðamanns hjá Heimi og
hlaut Róbert 32 atkvæði en
Guðrún Helga 26 atkvæði.
Hjálmar Jónsson, blaðamaður
hjá Morgunblaðinu, sem verið
hefur formaður félagsins und-
anfarin ár gaf ekki kost á sér í
embættið áfram.
Þá gaf Þorsteinn Gylfason
prófessor ekki kost á sér áfram
sem formaður siðanefndar
Blaðamannafélagsins en hann
hefur setið í nefndinni í 27 ár,
þar af síðustu 10 ár sem for-
maður. Kristinn Hallgrímsson
lögmaður var kjörinn formaður
nefndarinnar í hans stað.
Róbert Mar-
shall kjörinn
formaður BÍ