Morgunblaðið - 29.04.2003, Blaðsíða 11
FRÉTTIR
MORGUNBLAÐIÐ ÞRIÐJUDAGUR 29. APRÍL 2003 11
ALLS hafa 279 nemendur frá 39
löndum brautskráðst frá Jarðhita-
skóla Háskóla Sameinuðu þjóð-
anna, að því er fram kom í erindi
Ingvars Birgis Friðleifssonar, for-
stöðumanns skólans, við setningu
25. starfsárs skólans í gærmorgun.
Af þeim sem hafa útskrifast hafa
43% komið frá löndum í Asíu, 26%
frá löndum í Afríku, 14% frá lönd-
um í Rómönsku-Ameríku og 17%
frá löndum í Mið- og Austur-
Evrópu. 14% þeirra sem hafa út-
skrifast eru konur.
Samið var um stofnun Jarðhita-
skólans árið 1978 og komu fyrstu
nemendurnir til Íslands 1979. Alls
20 nemendur munu stunda nám við
skólann næstu sex mánuði og var
fyrsti kennsludagurinn í gær. Nem-
endurnir er frá El Salvador, Kína,
Kenýa, Íran, Póllandi, Kostaríka,
Gvatemala, Mongólíu, Rússlandi,
Eþíópíu og Filippseyjum.
Ingvar Birgir sagði í erindi sínu
að Jarðhitaskólinn hefði haldið
góðum tengslum við flesta þá sem
hefðu brautskráðst frá skólanum.
Margir þeirra væru framarlega í
sínu landi á sviði jarðhitarann-
sókna. „Þeim hefur gengið mjög vel
og hafa átt stóran þátt í að auka og
bæta nýtingu á jarðhita í sínum
heimalöndum,“ sagði hann. Ingvar
Birgir sagði að uppsett afl í jarð-
gufuvirkjunum hefði verið um
2,800 MWe (megavött) í heiminum
um það leyti sem Jarðhitaskólinn
var stofnaður en núna væri það um
8.000 MWe. „Þessi aukning hefur
að hluta til orðið í þeim löndum þar
sem fyrrverandi nemendur okkar
hafa verið lykilsérfræðingar í jarð-
hita,“ sagði hann. „Þá hafa margir
fyrrverandi nemendur okkar leikið
lykilhlutverk í því að nýta jarðhita
til að hita upp hús. Í þessu sam-
bandi nefni ég sem dæmi lönd í Mið-
og Austur-Evrópu og Kína þar sem
miklar framfarir hafa átt sér stað í
því að hita hús með jarðhita í stað
kola.“
Áhersla á endurnýjanlega orku
Halldór Ásgrímsson, utanríkis-
ráðherra og formaður Framsókn-
arflokksins, flutti einnig ávarp í
gær og bauð hann nýju nemend-
urna velkomna til Íslands. Kvaðst
hann vonast til þess að námið og
dvöl nemendanna á Íslandi myndi
nýtast þeim vel. Hann sagði að
Jarðhitaskólinn væri mikilvægur í
augum íslenskra stjórnvalda og tók
fram að engin önnur stofnun á veg-
um SÞ fengi eins mikið fjármagn
frá íslenskum yfirvöldum og Jarð-
hitaskólinn.
Halldór talaði einnig um mikil-
vægi endurnýjanlegra orkugjafa og
sagði að þörfin fyrir slíka orku-
gjafa yrði æ meira áberandi. Í því
sambandi minnti hann á að Íslend-
ingar hefðu í áratugi lagt áherslu á
að nýta jarðhita og vatnsorku til
rafmagnsframleiðslu.
Hans van Ginkel, rektor Háskóla
SÞ, hrósaði Jarðhitaskólanum og
náminu þar og sagði að skólinn
hefði frá upphafi lagt áherslu á
hagnýtt nám. Hann hvatti nýju
námsmennina til að nýta tímann
vel; ekki einungis til að afla sér
nýrrar þekkingar heldur einnig til
að eignast nýja vini. Alþjóðasam-
félagið þarfnaðist fólks sem skildi
hvað annað, virti hvað annað,
þekkti hvað annað og væri tilbúið
til að starfa saman.
Að lokum tók til máls Þorkell
Helgason orkumálastjóri. Hann
sagðist líta á námsmenn skólans
sem vorboða og kvaðst vona að þeir
myndu eiga ánægjulegan og lær-
dómsríkan tíma framundan á Ís-
landi.
Morgunblaðið/Jim Smart
Fjölmenni var við setningu Jarðhitaskóla Sameinuðu þjóðanna í gær. Frá hægri: Tumi Tómasson, Hans van
Ginkel, Halldór Ásgrímsson, Gunnar Snorri Gunnarsson, Þorkell Helgason, Max Bond og Stefán Skjaldarson.
Jarðhitaskóli Háskóla Sameinuðu þjóðanna 25 ára
Hefur brautskráð 279
nemendur frá 39 löndum
SIV Friðleifsdóttir umhverfisráð-
herra skipaði þau Guðmund Bjarna-
son, framkvæmdastjóra Íbúðalána-
sjóðs og fyrrverandi umhverfisráð-
herra, og Kristjönu Bergsdóttur,
framhaldsskólakennara og vara-
mann í stjórn Skógræktarfélags
Reykjavíkur, nýlega í dómnefnd um
umhverfisverðlaun Norðurlanda-
ráðs. Ólöf Guðný Valdimarsdóttir og
Páll Kr. Pálsson sátu í nefndinni.
Ólöf Guðný hefur hins vegar gert
athugasemdir við það að hafa ekki
verið skipuð áfram. Hún segist undr-
andi á því vegna þess að í reglum um
nefndina standi skýrum stöfum að
nefndarmenn eigi að sitja í 8 ár, þ.e.
tvisvar sinnum í 4 ár. Því hafi hún
búist við því að verða skipuð áfram.
Um þessar athugasemdir Ólafar
Guðnýjar segir Siv Friðleifsdóttir að
hún hafi í vetur fengið þær upplýs-
ingar frá sínum embættismönnum
að skipunartímabil þeirra beggja,
þ.e. Ólafar Guðnýjar og Páls hafi
verið runnið út og því þyrfti að skipa
tvo nýja menn í nefndina. „Þetta eru
þær upplýsingar sem ég fékk,“ segir
ráðherra. Hún tekur fram að Páll og
Ólöf Guðný hafi starfað með miklum
ágætum í nefndinni og að hún hafi
ekkert upp á þeirra störf að klaga.
Skipt um menn í
dómnefndinni
KRISTÍN Þóroddsdóttir, sem skip-
ar tíunda sætið á framboðslista Nýs
afls í Norðausturkjördæmi, hefur að
sögn Valdimars H. Jóhannessonar,
efsta manns á listanum, óskað eftir
því að verða tekin af listanum. Það
gerði hún hins vegar of seint, að sögn
Valdimars, því búið var að skila inn
listanum til yfirkjörstjórnar sl.
föstudag, eins og kosningalög gera
ráð fyrir, og yfirkjörstjórn búin að
samþykkja hann.
„Skv. kosningalögum er ekki hægt
að breyta framboðslistanum eftir að
yfirkjörstjórn hefur samþykkt
hann,“ segir Valdimar. Ekki náðist í
Kristínu í gær.
Valdimar segist hafa boðið Krist-
ínu sæti á listanum og að hún hafi
samþykkt það. Því til staðfestingar
hafi hún undirritað yfirlýsingu þess
efnis. „Hún hafði síðan samband við
mig í [fyrrakvöld] þar sem hún gerði
athugasemd við veru sína á listan-
um,“ útskýrir Valdimar, en þá var
það orðið of seint; yfirkjörstjórn var
búin að samþykkja listann, eins og
áður sagði.
„Þetta er ósköp leiðinlegt. Ég
myndi fegnastur af öllum vilja strika
hana út af listanum en það er ekki
hægt.“
Vill út af
framboðs-
listanum
FRAMBJÓÐENDUR Vinstrihreyf-
ingarinnar - græns framboðs kynntu
rit um stefnu flokksins í kvenfrels-
ismálum við Þvottalaugarnar í Laug-
ardalnum í gær. „Rauði þráðurinn í
stefnu VG er jöfnuður,“ sagði Álf-
heiður Ingadóttir, einn af frambjóð-
endum. „Það er tómt mál að tala um
jöfnuð og jafnrétti ef hæfileikar og
reynsla kvenna fá ekki að njóta sín
til jafns við hæfileika og reynslu
karla,“ Álfheiður.
„Þótt ýmislegt hafi áunnist á und-
anförnum árum og áratugum, m.a.
fæðingarorlofið á allra síðustu árum,
er margt því miður enn ógert. Þar
má fyrsta telja launamun kynjanna.“
Í bæklingnum eru ýmsar tillögur í
kvenfrelsismálum en þar er m.a. lögð
áhersla á að vinnudagurinn verði
styttur. „Meginástæðan fyrir því að
Vinstrihreyfingin - grænt framboð
vill stytta vinnutímann er sú að
þannig er hægt að ná réttlátari
skiptingu milli kvenna og karla við
umönnun barna og heimilis og milli
launaðrar og ólaunaðrar vinnu. Að
ná fram lögbundnum sex tíma vinnu-
degi án skerðingar launa væri stórt
og þýðingarmikið skref í átt að meira
réttlæti og jöfnuði milli kynjanna.
Slíkur árangur jafnast á við það sem
náðist fram með almennum kosn-
ingarétti kvenna á sínum tíma.“
Morgunblaðið/Sverrir
Atli Gíslason, Þórey Edda Elísdóttir, Álfheiður Ingadóttir og Drífa Snædal
kynntu jafnréttisstefnu VG í þvottalaugunum í Laugardal.
Tillögur VG í kvenréttindamálum
Vinnudagurinn
verði styttur
Á FUNDI Samfylkingarinnar um
menningarmál í gær var þeirri hug-
mynd varpað fram að ágóði af Lottó-
inu rynni til menningarmála líkt og
gerist á hinum Norðurlöndunum.
Frummælendur á fundinum voru
Ingibjörg Sólrún Gísladóttir tals-
maður Samfylkingar, Einar Már
Guðmundsson rithöfundur, Jakob
Frímann Magnússon tónlistarmað-
ur, Felix Bergsson leikari og Hulda
Hákon myndlistarmaður. Fundar-
stjórn var í höndum Ágústs Guð-
mundssonar kvikmyndaleikstjóra.
Einar Már gerði hátt verð á bók-
um að umtalsefni og sagði þær nauð-
synlegar til búa menningunni sem
best vaxtarskilyrði. „Það er mikið
talað um fátækt fyrir þessar kosn-
ingar. Fátæktin er ekki síður andleg.
Hvað ætli margir efnaðir menn lifi
undir andlegum fátæktarmörkum?“
spurði Einar Már.
Hulda Hákon gerði bágar aðstæð-
ur myndlistarmanna á Íslandi að
umræðuefni. Hún benti á að sjálf
ræki hún kaffihús meðfram mynd-
listinni og það að myndlistarmenn
ynnu önnur störf meðfram listsköp-
un sinni til að sjá sér farborða væri
ekki óalgengt. Hulda varpaði einnig
fram þeirri spurningu af hverju
ágóði af íslenska Lottóinu rynni ekki
að hluta til menningarmála, eins og
tíðkast á Norðurlöndum og öðrum
nágrannaþjóðum og skapaðist í kjöl-
farið nokkur umræða á fundinum um
fjármagn er rynni til íþróttahreyf-
inga og hvort það væri á kostnað
menningarinnar.
Felix Bergsson fjallaði um vax-
andi hlutverk sjálfstæðu leikhús-
anna á Íslandi í íslenskum leikhús-
rekstri og sagði illa hallað á
grasrótina í samanburði við stofn-
analeikhúsin, sérstaklega Leikfélag
Reykjavíkur og Þjóðleikhúsið. „En
við sköpum auð með vinnu okkar –
það er ekki efi um það í mínum huga
að við skilum þeim peningum sem við
þiggjum úr almannasjóðum margfalt
til baka,“ sagði hann.
Óperan gæti farið í
Borgarleikhúsið?
Ingibjörg Sólrún Gísladóttir sagði
að brýnt væri fyrir stjórnendur
landsins að gera sér grein fyrir mik-
ilvægi menningar sem atvinnugrein-
ar, þó að þeir hefðu sjálfir ekki per-
sónulegan áhuga á menningu og
listum, og lagði áherslu á samræðu
milli stjórnmálamanna og lista-
manna.
Hún sagðist ekki vera þeirra skoð-
unar að búið væri að ýta byggingu
tónlistar- og ráðstefnuhúss í Reykja-
vík útaf borðinu. Taldi hún að hægt
væri vinna að hönnun hússins á
þessu ári og þeim næstu, og að ef vel
tækist þar til þyrfti bygging þess
ekki að taka langan tíma. Aðspurð
hvort Samfylkingin myndi beita sér
fyrir því að Íslenska óperan fengi
inni í Tónlistarhúsinu, svaraði Ingi-
björg Sólrún að sín skoðun væri að
óperan ætti meiri samleið með leik-
húsi en tónlist. Hún vildi kanna
möguleika á að Íslenska óperan
fengi inni í Borgarleikhúsinu og hvað
þyrfti að gera til að það væri hægt.
Ingibjörg Sólrún benti einnig á, að
kostnaður við að reisa menningarhús
á borð við tónlistarhúsið væri ekki
það eina sem huga þyrfti að – ekki
mætti gleyma þeim mikla rekstrar-
kostnaði er fylgdi slíkum bygging-
um.
Ágóði Lottós til
menningarmála?
Morgunblaðið/Jim Smart
Fundur um menningarmál var haldinn að frumkvæði Samfylkingarinnar á
Hótel Borg í gær. Hulda Hákon myndlistarmaður ræddi m.a. um stöðu ís-
lenskra myndlistarmanna, en með henni á myndinni eru Ágúst Guðmunds-
son, Ingibjörg Sólrún Gísladóttir og Einar Már Guðmundsson.