Morgunblaðið - 29.04.2003, Blaðsíða 47

ÍÞRÓTTIR
MORGUNBLAÐIÐ ÞRIÐJUDAGUR 29. APRÍL 2003 47
VEGNA ummæla Viggó Sigurðs-
sonar, þjálfara Hauka í handknatt-
leik, í Morgunblaðinu í gær – um
dómara á leik KA og Hauka, sendi
Óskar Bjarni Óskarsson, starfs-
maður Handknattleikssambands Ís-
lands, upplýsingar um fjölda leikja
sem Bjarni Viggósson og Valgeir
Egill Ómarsson hafa dæmt hjá KA.
Þeir dæmdu 5 af 26 deildarleikjum
KA-liðsins í vetur.
Viggó sagði meðal annars í við-
tali við Morgunblaðið um dómara
leiksins: „Dómgæslan var hneyksli
og ég var hættur að æsa mig yfir
þessari vitleysu. Ósamræmið var al-
veg rosalegt og alltaf þegar við
komumst í vænlega stöðu gripu
dómararnir í taumana og þeir unnu
kerfisbundið að því að láta okkur
tapa leiknum. Þessir dómarar hafa
verið áskrifendur að leikjum KA
hér fyrir norðan og það vantaði
bara að treyjurnar þeirra væru gul-
ar. Það væri fróðlegt að skoða það
hjá HSÍ hvað þessir dómarar hafi
dæmt oft hjá KA.“
Samkvæmt tölum Óskars Bjarna
dæmdu þeir Bjarni og Valgeir Egill
þrjá af 13 leikjum KA á Akureyri
og tvo af 13 á útivöllum. Sex dóm-
arapör dæmdu leiki KA á heima-
velli og jafn mörg pör komu við
sögu á útivöllum.

LANDSLEIKUR Finnlands og Ís-
lands átti upphaflega að fara fram í
dag en var síðan færður yfir á mið-
vikudag. Sagt er að finnsku lands-
liðsmennirnir, með Jari Litmanen
fyrirliða fremstan í flokki, hafi harð-
neitað að spila fyrr en á miðvikudeg-
inum. Ástæðan er sú að kvöldið fyrir
1. maí eru Finnar vanir að skemmta
sér ærlega og landsliðsmennirnir
eru sagðir hafa viljað sameina ferð-
ina heim og að lyfta sér aðeins upp.

HEIMSMEISTARAMÓTIÐ í ís-
hokkí stendur yfir í Finnlandi þessa
dagana og fær gífurlega athygli fjöl-
miðla, enda er þar um þjóðaríþrótt-
ina að ræða. Leikur Íslands og Finn-
lands verður spilaður kl. 17 á
morgun, að staðartíma, til að rekast
ekki á við leiki á HM um kvöldið.

PETER Fröjdfeldt frá Svíþjóð
dæmir leik Finnlands og Íslands.
Fröjdfeldt öðlaðist eldskírn sína á al-
þjóðavettvangi á Íslandi en hann
dæmdi á Norðurlandamóti drengja-
landsliða sem leikið var á norður-
landi sumarið 1998.

REIKNAÐ er með að um 30-50 Ís-
lendingar sem búsettir eru í Finn-
landi mæti á leikinn.

LEIKUR Íslands og Finnlands fer
fram í bænum Vantaa, rétt utan við
Helsinki, á Pohjola-stadium. Það er
heimavöllur úrvalsdeildarliðsins
Allianssi og rúmar hann um 6 þús-
und manns.

TONY Pulis knattspyrnustjóri
Stoke City er afar óhress yfir því að
missa Brynjar Björn Gunnarsson og
Hvít-Rússann Sergei Shtaniuk í vin-
áttuleiki með þjóðum sínum í vikunni
en Stoke leikur síðasta leik sinn í 1.
deildinni um næstu helgi. Stoke þarf
á stigi að halda á móti Reading til að
halda sæti sínu í deildinni.

PULIS er ósáttur við að hvorki
leikmennirnir né knattspyrnusam-
bönd viðkomandi leikmanna hafi
tekið Stoke fram yfir miðað við þá
stöðu sem liðið er í. „Það er stór-
furðulegt þegar leikmenn taka þá
ákvörðun að fara í vináttuleiki á
sama tíma og félag þeirra er að búa
sig undir að leika mikilvægasta leik-
inn á tímabilinu,“ segir Pulis við
Sentinel, staðarblaðið í Stoke.

HANS Krankl, landsliðsþjálfari
Austurríkis, vonar að hann fagni
sigri á Berti Vogts, landsliðsþjálfara
Skotlands, í æfingaleik á Hampden
Park annað kvöld – líkt og hann
gerði á HM 1978, þegar Austurríki
vann V-Þýskaland, 3:2.

Á uppskeruhátíð Blaksambands-
ins sl. laugardag var Birna Baldurs-
dóttir, HK, valinn besti leikmaður
Íslandsmótsins í kvennaflokki og
efnilegasti leikmaðurinn var valin
Alexandra Tómasdóttir, Þrótti Nes.
Í karlaflokki var Martin Raditchov,
ÍS, valinn besti leikmaðurinn og sá
efnilegasti Aðalsteinn E. Eymunds-
son, ÍS. Besti dómarinn var valinn
Leifur Harðarson.
FÓLK
Atli sagði að Allardyce hefði sýntaf sér mikinn óheiðarleika í
þessu máli en hann hafði samband
við Atla um helgina
og óskaði eftir því að
Guðni myndi ekki
fara til Finnlands. „Á
síðasta ári hneyksl-
aðist Allardyce á því að ég skyldi ekki
velja Guðna Bergsson í íslenska
landsliðið, hann væri sem unglamb
og einn af sínum bestu mönnum.
Þessi ummæli hans voru birt í ís-
lenskum fjölmiðlum og mikið úr þeim
gert. Núna, þegar búið er að velja
Guðna í landsliðið, reynir hann af öll-
um mætti að koma í veg fyrir að hann
spili, segir að hann sé of gamall, og
beitti hann það miklum þrýstingi að
Guðni lét undan og ákvað að fara ekki
til Finnlands. Þetta eru óheiðarleg
vinnubrögð og ljóst að þessi maður
segir bara það sem hentar honum
best hverju sinni. Ég sagði við All-
ardyce að við yrðum með Guðna und-
ir mjög miklu eftirliti okkar læknis
og sjúkraþjálfara, myndum fara vel
með hann og í mesta lagi láta hann
spila einn hálfleik. Það væri hinsveg-
ar okkur afar mikilvægt að hafa hann
hér í hópnum. Allardyce sagði nei,
þrátt fyrir að hann vissi að við hefð-
um rétt á að fá hann og gætum, ef við
vildum, sett hann í leikbann með
Bolton. Vissulega eru fordæmi fyrir
slíku en ég sagði við Guðna að það
myndum við aldrei gera.“
Þetta er ekki í fyrsta skipti sem
þjálfarar hjá liðum íslenskra leik-
manna koma fram á þennan hátt.
„Nei, því miður er þetta ekkert
einsdæmi með þjálfara félagsliða,
sem vilja greinilega helst ekki að
landsleikir séu yfirleitt spilaðir.
Norskir þjálfarar hafa hagað sér á
svipaðan hátt, þeir hafa komið með
yfirlýsingar um að þessi eða hinn
ætti að vera í íslenska landsliðinu en
svo hafa þeir neitað okkur um sömu
leikmenn þegar við höfum þurft á
þeim að halda, jafnvel á undirbún-
ingstímabili eins og gerðist í fyrra. Á
sama tíma erum við oft að gera fé-
lögum, þjálfurum og leikmönnunum
sjálfum þann greiða að gefa þeim frí
frá æfingaleikjum. Þegar við fórum
til Eistlands í haust, gaf ég sex leik-
mönnum frí til að þeir gætu einbeitt
sér að sínum félagsliðum, og það kom
þeim öllum til góða. Við fengum eng-
ar þakkir frá viðkomandi félögum þó
við létum velferð þeirra og strákanna
ganga fyrir hagsmunum okkar, við
fórum ekki með okkar besta lið til
Eistlands og töpuðum.“ Mun þessi
ákvörðun Guðna bitna á honum,
kemur hún í veg fyrir að hann spili
meira með landsliðinu? „Nei, ég skil
stöðu Guðna mjög vel, enda hef ég og
margir aðrir lent í því sama. Hann
var undir miklum þrýstingi, ég veit
hvernig er að sitja undir svona lög-
uðu. Okkur vantar Guðna sárlega í
hópinn hér í Finnlandi en hann verð-
ur valinn fyrir leikina gegn Færeyj-
um og Litháen. Við Guðni töluðum
um það í Skotlandi á dögunum og það
hefur ekkert breyst. Hann er í mín-
um áætlunum fyrir þá leiki, enda
skipta þeir mestu máli. En hérna
hefði hann átt að vera,“ sagði Atli Eð-
valdsson.
Dæmdu fimm af
26 leikjum KA
Morgunblaðið/Kristinn
Atli Eðvaldsson landsliðsþjálfari stjórnaði strákunum á æfingu í Finnlandi í
gær, stuttu eftir að landsliðshópurinn kom þar saman.
Atli Eðvaldsson landsliðsþjálfari ekki ánægður með knattspyrnustjóra Bolton
Óheiðarleg vinnubrögð
hjá Sam Allardyce
ATLI Eðvaldsson, landsliðsþjálfari í knattspyrnu, sagði í samtali við
Morgunblaðið í Helsinki í gær að hann væri afar ósáttur við fram-
komu Sam Allardyce, knattspyrnustjóra Bolton, í máli Guðna
Bergssonar. Guðni ákvað á sunnudag að gefa ekki kost á sér í vin-
áttulandsleikinn gegn Finnum sem fram fer á morgun, eftir að All-
ardyce hafði lagt hart að honum að vera um kyrrt í Bolton þar sem
lið hans ætti mikilvæga leiki í fallbaráttu ensku úrvalsdeildarinnar
fyrir höndum.
Víðir
Sigurðsson
skrifar frá
Helsinki
Íslenska landsliðið kom til Finn-lands um miðjan dag í gær en það
mætir heimamönnum í vináttulands-
leik á morgun. Tilgangurinn með
leiknum er að búa það sem best und-
ir Evrópuleikina gegn Færeyjum og
Litháen í júnímánuði. Atli Eðvalds-
son landsliðsþjálfari fékk alla leik-
menn til Helsinki sem hann óskaði
eftir, nema Heiðar Helguson, sem er
meiddur, og Guðna Bergsson.
Hermann Hreiðarsson er kominn í
hópinn á ný en hann missti af leikn-
um í Skotlandi vegna meiðsla og Atli
kemst því nokkuð nálægt því að geta
stillt upp sínu sterkasta liði gegn
Finnum, sem eru í 47. sætinu á
heimslista FIFA, 21 sæti ofar en ís-
lenska liðið. Í gærkvöld æfði liðið á
æfingavelli í bænum Vantaa, í útjaðri
Helsinki, þar sem landsleikurinn
verður háður.
Þar voru allir með nema Hermann
Hreiðarsson, sem missti af flugi frá
London vegna umferðartafa og
mætti til Finnlands síðar um kvöldið,
og Þórður Guðjónsson, sem á við
meiðsl að stríða.
Atli sagði að stór þáttur í þessari
Finnlandsferð væri að fara yfir það
sem úrskeiðis fór í síðasta leik, gegn
Skotum. „Eftir leikinn fóru leik-
mennirnir aftur til sinna félaga og
enginn tími vannst til að ræða málin.
Nú höfum við tækifæri til þess – för-
um vel yfir það sem miður fór. Til
þess höfum við nú hálfan annan sól-
arhring. Finnar eru með sterkt lið og
flesta af sínum bestu mönnum, þann-
ig að við eigum erfiðan leik fyrir
höndum. Við munum reyna að út-
færa okkar hugmyndir fyrir leikina
gegn Færeyjum og Litháen, verðum
reyndar að blanda hugmyndafræð-
inni aðeins saman vegna þess að það
verða ólíkir andstæðingar, og ein-
hverjir leikmenn verða í öðru hlut-
verki hér en þeir verða gegn Fær-
eyingum. En við reynum að sameina
þetta eins vel og við getum. Grunn-
atriðin eru alltaf þau sömu og við för-
um yfir vissa þætti sem geta komið
upp í vörn og sókn,“ sagði Atli við
Morgunblaðið eftir æfinguna.
Liðin eru hvort um sig með sjö
varamenn og hafa gert samkomulag
um að nota megi þá alla. Atli sagði að
ekki væri víst að allir myndu spila,
það færi eftir leiknum sjálfum.
„Hver einasti landsleikur er háalvar-
legur, við gerum allt sem við getum
til að vinna og sjáum til hvernig hann
þróast. Ég mun líka reyna að taka
tillit til óska sumra félagsliðanna
sem hafa beðið um að þeirra menn
spili helst ekki nema annan hálfleik-
inn. Vonandi verður hægt að koma
eitthvað til móts við þau. En þó þetta
sé aðeins vináttuleikur vona ég að
ekki þurfi að hvetja menn til að
standa sig vel, það á ekki að þurfa í
landsleik,“ sagði Atli Eðvaldsson.
Förum yfir það sem miður fór í Glasgow
ÞAÐ er ekki sérlega sumarlegt í Finnlandi þessa dag-
ana og ekki er útlit er fyrir að knattspyrnulandsleikur
Íslands og Finnlands á morgun verði leikinn við sér-
staklega góðar aðstæður. Hiti á daginn hefur aðeins
verið um 5–6 stig og frost á nóttunni og jafnvel er
reiknað með einhverri snjókomu í dag. Í nótt er spáð
fjögurra stiga frosti. Þegar landsliðið kom til Helsinki
í gær var þar rigning og frekar kalt og finnskir knatt-
spyrnuvellir sem bar fyrir augu Íslendinganna eru
ekki eins grænir og á Íslandi um þessar mundir.
Von á snjókomu
í Finnlandi