Morgunblaðið - 29.04.2003, Blaðsíða 45
ÍÞRÓTTIR
MORGUNBLAÐIÐ ÞRIÐJUDAGUR 29. APRÍL 2003 45
Hinn 1. maí 2003 verður Knattspyrnufélagið FRAM 95 ára og í tilefni af afmælinu
verður afmælisfagnaður í Versölum við Hallveigastíg.
Afmælishátíðin verður haldin
miðvikudaginn 30. apríl 2003
og hefst kl. 19:30
Borðhald.
Afhending heiðursmerkja.
Skemmtiatriði.
Dansleikur, Snillingarnir spila undir dansi.
Miðar eru seldir í Íþróttahúsi FRAM, Safamýri og eru nánari upplýsingar veittar
í síma 568 0344 og á heimasíðu félagsins, Fram.is.
Aðalstjórn Knattspyrnufélagsins FRAM
95 ára afmæli FRAM
FIMM leikmenn úr meistaraliði
Arsenal voru valdir í lið ársins í
kjöri leikmanna í ensku úrvals-
deildinni sem kunngert var í fyrra-
kvöld. Thierry Henry, miðherji
Arsenal, sem var útnefndur leik-
maður ársins, er fremstur í flokki í
liðinu, sem er þannig skipað:
Markvörður:
Brad Fridel, Blackburn
Varnarmenn:
Stephen Carr, Tottenham
Sol Campbell, Arsenal
William Gallas, Chelsea
Ashley Cole, Arsenal
Miðjumenn:
Kieron Dyer, Newcastle
Patrick Vieira, Arsenal
Paul Scholes, Man.Utd.
Robert Pires, Arsenal
Framherjar:
Alan Shearer, Newcastle
Thierry Henry, Arsenal
Fimm úr
Arsenal í
liði ársins
Reuters
Robert Pires, Ashley Cole og Thierry Henry eru í liði ársins.
HALLDÓR Ingólfsson, fyrirliði
Hauka, verður spilandi þjálfari hjá
handknattleiksliði Fylkis á næstu
leiktíð en eins og fram kom í Morg-
unblaðinu fyrir nokkru ætla Fylk-
ismenn að endurvekja meist-
araflokk karla og senda lið til leiks
næsta vetur.
Samkvæmt heimildum Morg-
unblaðsins hefur Halldór gefið
Fylkismönnum jákvætt svar um að
taka að sér starfið en Halldór hefur
verið lykilmaður í sigursælu liði
Hauka undanfarin ár.
Forráðamenn Fylkis hafa á und-
anförnum vikum verið að safna liði.
Þrír leikmenn hafa þegar gengið í
Árbæjarliðið. Jóhann Ingi Guð-
mundsson markvörður frá Selfossi,
Lárus Jónsson frá Fram og Ágúst
Guðmundsson frá Víkingi og á
næstu dögum verður gengið frá
samningi við fleiri leikmenn en
stjórnarmaður í Fylki sem Morg-
unblaðið ræddi við sagði að langt
væri komið að móta lið fyrir næsta
keppnistímabil.
Fylkismenn hyggjast fá tvo leik-
menn að utan, hugsanlega norska,
og þá hafa þeir rætt við landsliðs-
manninn fyrrverandiu Róbert Juli-
an Duranona og Litháann Gintaras
Savukynas, fyrrum leikmann Aft-
ureldingar.
Halldór Ingólfsson
fer í Árbæinn
HANNES Jón Jónsson handknatt-
leiksmaður skoraði 6 mörk fyrir
Naranco þegar liðið tapaði 30:27 á
heimavelli fyrir Pozoblanco í 2. deild
spænska handknattleiksins síðasta
sunnudag. Naranco þarf að vinna
þrjá síðustu leikina í deildinni og
treysta á hagstæð úrslit í öðrum
leikjum til þess að eiga möguleika á
að halda sæti sínu í deildinni.
HANNES Jón er með samning við
Naranco út leiktíðina og ljóst þykir
að ef liðið fellur þá verður hann ekki
hjá félaginu á næstu leiktíð.
BALDUR Aðalsteinsson leikmað-
ur ÍA í knattspyrnu hefur ekkert
leikið með liðinu á undirbúnings-
tímabilinu en hann hefur átt við
meiðsli að stríða í hné. Baldur er á
batavegi og er farinn að æfa með lið-
inu á ný og segist hann stefna á að
komast í liðið áður en langt um líður.
Á lokahófi glímumanna sl. laug-
ardag voru Ólafur Oddur Sigurðs-
son, HSK, og Inga Gerða Péturs-
dóttir, HSÞ, útnefnd besti
glímumaðurinn og besta glímukonan
á keppnistímabilinu.
HÖRÐUR Gunnarsson var út-
nefndur besti glímudómarinn og Ey-
þór Pétursson var valinn besti
glímuþjálfarinn. Öflugasti félags-
málamaðurinn á tímabilinu var val-
inn Sigmundur Stefánsson, gjald-
keri Glímusambandsins.
PAUL Merson, hinn 35 ára gamli
miðjumaður sem leikur með
Portsmouth, segist tilbúinn að leika
eitt ár til viðbótar með liðinu. Mer-
son hefur leikið sérlega vel með liði
Portsmouth sem tryggði sér sigur-
inn í 1. deildinni í fyrradag með 3:2
sigri á Rotherham.
FÓLK
Það er skemmdur táliður sem erað angra mig og undanfarnar
vikur hef ég aðeins getað æft einu
sinni í viku og síðan
spilað leikina með
deyfingu. Á meðan
svo er verður enginn
bati og ég er tals-
verðan tíma að jafna mig eftir hvern
leik. Það verður að koma í ljós hvern-
ig ég verð þegar að leiknum kemur
en ég fæ mig ekki góðan af þessu
nema með hvíld. Þess vegna vonast
ég eftir því að okkur hjá Bochum
takist að vinna Mönchengladbach
um næstu helgi og losna úr fallhætt-
unni. Þá get ég hvílt í þeim leikjum
sem eftir eru í deildinni og fengið
mig góðan fyrir landsleikina gegn
Færeyjum og Litháen í júní,“ sagði
Þórður við Morgunblaðið í gær.
Hann sagði að staða Bochum hefði
vænkast mjög eftir sigurleiki gegn
Stuttgart og Schalke en Bochum
komst með þeim sex stigum á undan
Leverkusen sem er í fallsæti deild-
arinnar. „Við vorum komnir í mjög
erfiða stöðu, höfðum aðeins fengið 2
stig í síðustu 8 leikjunum og vorum
einu stigi frá fallsæti, þannig að
þessir sigrar, sem fáir áttu von á,
voru afar kærkomnir. Leikurinn við
Mönchengladbach getur haft úrslita-
þýðingu fyrir okkur, ef við vinnum
erum við komnir í nokkuð örugga
stöðu en ef við töpum verður fall-
hættan mikil á ný,“ sagði Þórður
Guðjónsson.
Atli fagnaði fyrsta
sigrinum gegn Finnum
Atli Eðvaldsson, landsliðsþjálfari,
hefur komið mikið við sögu í tveimur
síðustu viðureignum knattspyrnu-
landsliða Íslands og Finnlands. Síð-
ast þegar þjóðirnar mættust, á
Norðurlandamótinu á La Manga fyr-
ir þremur árum, sigruðu Íslending-
ar, 1:0, og Atli fagnaði þar með
fyrsta sigri sínum sem landsliðs-
þjálfari Íslands.
Þá höfðu þjóðirnar ekki mæst frá
árinu 1982 en þá var Atli í íslenska
liðinu sem beið lægri hlut, 3:2, á Ól-
ympíuleikvanginum í Helsinki og
skoraði einmitt síðara mark liðsins.
Það fyrra gerði Marteinn Geirsson,
þáverandi landsliðsfyrirliði.
Af þeim sem tóku þátt í sigur-
leiknum gegn Finnum á La Manga í
janúar árið 2000 eru fimm mættir til
leiks í Helsinki – Birkir Kristinsson,
Hermann Hreiðarsson, Arnar Þór
Viðarsson, Þórður Guðjónsson og
Rúnar Kristinsson.
Fyrir utan þessa er Guðni Kjart-
ansson, aðstoðarþjálfari, sá eini af
núverandi Finnlandsförum sem hef-
ur mætt Finnum, sem fögnuðu sigri í
vináttulandsleik í Helsinki, 3:1, árið
1969.
Óvíst hvort Þórður Guðjónsson leikur gegn Finnum í Helsinki
Morgunblaðið/Júlíus
Þórður Guðjónsson á ferðinni með knöttinn í landsleik gegn
Andorra á Laugardalsvellinum.
Hef aðeins
æft einu
sinni í viku
í Bochum
ÓVÍST er hvort Þórður Guðjóns-
son leikur með íslenska lands-
liðinu í knattspyrnu gegn Finn-
um í Vantaa á morgun. Þórður er
meiddur á fæti og gat ekki æft
með liðinu í gærkvöld, eftir
komuna til Finnlands, þar sem
hann var ekki búinn að jafna sig
eftir átök helgarinnar, en þá lék
hann með Bochum gegn
Schalke í þýsku 1. deildar-
keppninni.
Víðir
Sigurðsson
skrifar frá
Helsinki
Magnús skoðar
leikmenn frá Crewe
MAGNÚS Gylfason, þjálfari ÍBV í knattspyrnu, hélt í gær til Eng-
lands í þeim erindagjörðum að skoða leikmenn hjá enska deild-
arliðinu Crewe sem um helgina tryggði sér sæti í 1. deild. „Við höf-
um verið í góðu sambandi við þjálfara Crewe og hann er tilbúinn að
lána okkur leikmenn. Það er búið að setja upp æfingaleik á morgun
(í kvöld) þar sem Crewe leikur við lið úr 3. deild og ef ég sé ein-
hverja menn sem henta ÍBV þá er vel mögulegt að gengið verði frá
samingi um að þeir komi til okkar fyrir mót,“ sagði Magnús.