Morgunblaðið - 29.04.2003, Blaðsíða 46
ÍÞRÓTTIR
46 ÞRIÐJUDAGUR 29. APRÍL 2003 MORGUNBLAÐIÐ
ÚRSLIT
KNATTSPYRNA
Deildabikar karla
Neðri deild, A-riðill:
Árborg – Breiðablik ............................... 0:13
Lokastaðan:
Breiðablik 5 3 1 1 28:6 10
Fjölnir 5 3 1 1 20:6 10
ÍR 5 2 2 1 14:11 8
Víðir 5 1 4 0 7:5 7
Reynir S. 5 1 2 2 8:16 5
Árborg 5 0 0 5 5:38 0
Í undanúrslit leika Breiðablik, HK,
Njarðvík og Völsungur.
Þýskaland
Köln tryggði sér sæti í 1. deild, þegar liðið
lagði St Pauli í gærkvöldi, 2:1.
KÖRFUKNATTLEIKUR
NBA-deildin
Úrslitakeppnin, 16 liða úrslit:
Austurdeild:
Orlando – Detroit ...............................100:92
Orlando er yfir 3:1.
Vesturdeild:
Phoenix – San Antonio ........................86:84
Staðan er jöfn 2:2.
Portland – Dallas..................................98:79
Dallas er yfir 3:1.
LYFTINGAR
Íslandsmeistaramótið í kraftlyftingum,
haldið í Garðaskóla. Innan sviga er árangur
í hnébeygju, bekkpressu og réttstöðulyftu.
Kvennaflokkar:
60 kg flokkur:
María Guðsteinsdóttir .............................375
(135 – 72,5 – 167,5).
+90 kg flokkur:
Freyja Kjartansdóttir..............................335
(110 – 75 – 150).
Karlaflokkar:
82,5 kg flokkur:
Halldór Eyþórsson................................682,5
(277.5 – 135 – 270).
Sævar Ingi Borgarsson ...........................610
(225 – 150 – 235).
Ólafur Sveinsson ......................................610
(235 – 150 – 225).
90 kg flokkur:
Hermann Hermannsson..........................730
(240 – 200 – 290).
100 kg flokkur:
Ragnar Ingi Axelsson ..............................580
(215 – 125 – 240).
110 kg flokkur:
Ingvar Ingvarsson.................................817,5
(300 – 227,5 – 290).
Bjarki Þór Sigurðsson .............................780
(285 – 185 – 310).
Svavar Smárason .....................................690
(250 – 190 – 250).
Gunnar F. Rúnarsson ..............................670
(215 – 175 – 280).
125 kg flokkur:
Auðunn Jónsson ....................................982,5
(370 – 252,5 – 360).
Ægir Jónsson............................................550
(100 – 185 – 275).
+125 kg flokkur:
Benedikt Magnússon ...............................980
(360 – 240 – 380).
Sigfús Fossdal ..........................................710
(270 – 180 – 260).
SKOTFIMI
Íslandsmótið með sportskammbyssum 25
metrar:
Guðjón Freyr Eiðsson .............................547
Carl J. Eiríksson ......................................538
Eiríkur Jónsson........................................533
Anton Konráðsson....................................525
Gunnar Sigurðsson ..................................524
Steindór Grímarsson................................507
Í liðakeppni urðu Guðjón Freyr, Gunnar
og Steindór Íslandsmeistarar.
KONUR:
Kristina Sigurðardóttir ...........................529
Ingibjörg Ásgeirsdóttir ...........................495
RÓÐUR
Flúðafimi á kajak í Elliðaánum:
Sigurður Ólason........................................350
Anup Nepal ...............................................115
Björn Traustason .......................................96
Reynir Óli Þorsteinsson ............................67
Guðmundur Jón Björgvinsson..................51
Gunnlaugur Magnússon ............................46
Aðalsteinn Möller.......................................26
BORÐTENNIS
Reykjavíkurmótið í borðtennis fór fram í
TBR-húsinu á síðasta laugardag. Keppt
var í fjórtán flokkum og voru keppendur
borðtennisdeildar Víkings mjög sigursælir
þar sem þeir unnu til gullverðlauna í ellefu
flokkum. Reykjavíkurmeistari í meistara-
flokki karla varð Guðmundur E. Stephen-
senúr Víkingi. Reykjavíkurmeistari í
meistaraflokki kvenna varð Aldís Rún Lár-
usdóttir, úr KR. Reykjavíkurmeistarar í
tvíliðaleik karla voru Guðmundur E. Steph-
ensen og Markús Árnason úr Víkingi.
Reykjavíkurmeistrarar í tvíliðaleik kvenna
voru Halldóra Ólafs og Kristin Hjálmars-
dóttir úr Víkingi og KR.
HANDKNATTLEIKUR
Úrslit kvenna, Essodeildin, annar leikur:
Ásvellir: Haukar – ÍBV.........................19.15
ÍBV er yfir 1:0. Næsti leikur verður 1.
maí í Eyjum.
Í KVÖLD
ÍSLENSKU landsliðsmennirnir kannast við marga mót-
herja sína í finnska landsliðinu sem mætir þeim á morg-
un. Í markinu verður væntanlega Peter Enckelman,
samherji Jóhannesar Karls Guðjónssonar hjá Aston
Villa.
Varnarmaðurinn Janne Saarinen leikur með Árna
Gauti Arasyni hjá Rosenborg, Jonathan Johansson er
einn af hinum nýju félögum Hermanns Hreiðarssonar
hjá Charlton, og Mikael Forssell hefur barist við Eið
Smára Guðjohnsen um stöðu í framlínu Chelsea en er nú
reyndar í láni hjá Mönchengladbach í Þýskalandi.
Þá leika nokkrir til viðbótar með „Íslendingafélögum“
– Toni Kuivasto og Peter Kopteff eru samherjar Hann-
esar Þ. Sigurðssonar hjá Viking Stavanger og þá eru
þrír leikmenn í finnska liðinu frá Utrecht og Heeren-
veen í Hollandi en hjá þeim félögum eru ungir íslenskir
leikmenn.
Samherjar í liðum Ís-
lands og Finnlands
ÓLAFUR Stígsson, leikmaður Molde í Noregi, var
kallaður inn í íslenska landsliðshópinn í knatt-
spyrnu í gærmorgun, í stað Guðna Bergssonar sem
á sunnudag hætti við þátttöku í landsleiknum í
Finnlandi. Ólafur brást snöggt við, ráðgaðist við
þjálfara sinn, Gunnar Bengtsson, og náði síðan að
komast strax um morguninn frá Molde til Osló og
þaðan til Helsinki um leið og hinir „Norðmennirnir“
í landsliðshópnum, Árni Gautur Arason, Gylfi Ein-
arsson og Indriði Sigurðsson.
Ólafur var ekki í hópnum í Skotlandi í síðasta
mánuði en hann var í byrjunarliði Íslands gegn
Litháen á Laugardalsvelli í október og spilaði síðan
sinn 8. landsleik í Eistlandi í nóvember.
Áður hafði Atli óskað eftir kröftum Bjarna Þor-
steinssonar í stað Guðna en Bjarni gat ekki orðið
við beiðninni vegna meiðsla.
Ólafur til Helsinki
í stað Guðna
„LYN er án vafa slakasta liðið í úr-
valsdeildinni eins og staðan er í dag
og Rosenborg er „okkar útgáfa“ af
Real Madrid,“ segir íþróttafrétta-
maðurinn Truls Dælhi í grein sinni
í norska dagblaðinu Verdens Gang
í gær. Teitur Þórðarson stýrir sem
kunnugt er liði Lyn sem er með eitt
stig að loknum þremur umferðum.
Lyn og Rosenborg áttust við sl.
sunnudag þar sem Rosenborg vann
örugglega, 3:0, en Dælhi telur að
Lyn hefði með réttu átt að tapa 8:0
á heimavelli sínum í Ósló.
„Það er enn ekki alvarlegt ástand
í herbúðum Lyn þessa stundina en
það lítur út fyrir að svo verði áður
en langt um líður. Rosenborg mis-
notaði rúmlega helming af bestu
færum sínum í leiknum.
Hvers vegna eru svo margir leik-
menn Lyn illa á sig komnir líkam-
lega? Leikmenn Rosenborg keyrðu
yfir Jonny Hansen leikstjórnanda
Lyn-liðsins hvað eftir annað og
hann vissi varla hvaðan á hann stóð
veðrið,“ segir Dæhli og bætir því
við að lið undir stjórn Teits hafi
aldrei verið vel skipulögð í aðgerð-
um sínum.
„Ég hef aldrei skilið hvernig leik-
stíll Teits Þórðarsonar er. Ekkert
lið sem hann hefur stjórnað hefur
náð að skapa sér heilsteypta mynd í
leikskipulagi sínu. Lyn leikur í dag
eins og Brann lék sína verstu leiki
undir hans stjórn. Leikmenn liðsins
hafa ekkert hugmyndaflug og af
svipbrigðum leikmanna er ekki
langt þangað til vandamálin hrann-
ast upp hjá Lyn,“ segir Dæhli og
bendir á að áhugi stuðningsmanna
liðsins sé minni en áður þar sem
20.574 mættu á viðureign liðanna
fyrir ári í Ósló en að þessu sinni
greiddu aðeins 3.367 áhorfendur
aðgangseyri á Ullevål-völlinn sem
rúmar um 30 þúsund áhorfendur.
Lyn er slakasta liðið í Noregi
Ég er enn ekki farin að æfa meðliðinu þar sem meiðslin hafa
dregist á langinn Ég hef að mestu
æft einn undanfarnar vikur og mun
jafnvel halda því áfram næstu tvo
mánuði. Uppistaðan í þeim æfingum
er skokk og lyftingar og ég sparka
lítið í bolta,“ segir Ríkharður og bæt-
ir því við að verði hann ekki klár í
slaginn í sumar sé allt eins líklegt að
ferli hans sé þar með lokið.
Ríkharður, sem er 31 árs, hóf
knattspyrnuferil sinn hjá Fram
1989, en þaðan fór hann til KR og
síðan Noregs 1998, þar sem hann
gekk í raðir Viking í Stafangri. Rík-
harður náði sér vel á strik með Vik-
ing og skoraði mikið af mörkum.
Ríkharður hefur leikið 42 landsleiki
og skorað fjórtán mörk í þeim en
hann gekk til liðs við Lilleström frá
Stoke í júlí í fyrra. Hann lék sjö leiki
með liðinu en varð þá að draga sig í
hlé vegna hnémeiðslanna.
Meiðsli angrað Ríkharð lengi
Meiðsli í hné hafa verið að angra
Ríkharð í langan tíma, sem varð
meðal annars til þess að ekkert varð
úr kaupum þýska liðsins Hamburger
á honum fyrir þremur árum.
Við skoðun hjá læknum þýska liðs-
ins kom í ljós að ekki var allt með
felldu í hnénu og hættu forráðamenn
Hamburger við að kaupa Ríkharð
frá Viking.
Ríkharður
æfir lítið með
Lilleström
RÍKHARÐUR Daðason, leikmaður norska úrvalsdeildarliðsins Lille-
ström, hefur ekkert leikið með liðinu í vorleikjum liðsins í deildar-
keppninni vegna meiðsla í hné og í samtali við Morgunblaðið sagði
Ríkharður að hann geri sér grein fyrir því að ferill hans sem knatt-
spyrnumaður sé í hættu nái hann sér ekki á strik í sumar.
Morgunblaðið/Brynjar Gauti
Ríkharður Daðason (t.h.) fagnar marki í landsleik ásamt
Rrúnari Kristinssyni og Eiði Smára Guðjohnsen.
KRISTINN Björnsson, fyrrver-
andi skíðakappi frá Ólafsfirði, var á
dögunum ráðinn aðstoðarþjálfari A-
landsliðs Svía í karlaflokki alpa-
greina, en liðið er skipað fjórum
skíðamönnum sem allir taka þátt í
heimsbikarkeppninni.
JÓNAS Hallgrímsson, frjáls-
íþróttamaður úr FH, stökk, 15,27 m í
þrístökki á háskólamóti í frjáls-
íþróttum í Bandaríkjunum um
helgina. Þetta er besti árangur Ís-
lendings í greininni í háa herrans tíð
og tryggir Jónasi keppnisrétt á Smá-
þjóðaleikunum á Möltu í vor.
ARSENAL ætlar að senda mann
til Tbilisi í Georgíu á morgun, til að
fylgjast með Giorgi Lomaia, 22 ára,
landsliðsmarkverði Georgíu í leik
gegn Rússlandi í undankeppni Evr-
ópukeppni landsliða. Lomaia leikur
með Lokomotivi frá Tbilisi.
FORRÁÐAMENN enska úrvals-
deildarliðsins Fulham sögðu í gær að
félagið hefði tapað um 4 milljörðum
ísl. kr. frá því að liðið vann sér rétt til
þess að leika í úrvalsdeildinni vorið
2001.
MOHAMED Al Fayed eigandi liðs-
ins hefur á þessum tíma eytt miklum
fjármunum í kaup á leikmönnum en
hann segir við BBC að félagið verði
rekið með hagnaði eftir tvö til þrjú
ár. Fulham hefur keypt leikmenn
fyrir rúma fjóra milljarða ísl. kr. á
undanförnum misserum.
ÓVÍST er um framtíð Craven
Cottage sem er heimavöllur liðsins,
en ekki hefur verið tekin ákvörðun
um hvort endurbyggja eigi völlinn en
Mohamed Al Fayed hefur reynt að
koma á samstarfi við Chelsea í þessu
sambandi og vill að liðin eigi sameig-
inlegan heimavöll í London. Bygg-
ingaverktakar vilja nú þegar kaupa
landsvæðið sem Craven Cottage
stendur á og eru reiðubúnir að
greiða háar fjárhæðir fyrir landið.
FREDERIK Ljungberg og Laur-
en meiddust báðir á ökkla í leik Ars-
enal á móti Bolton á laugardag og er
fyrirséð að þeir verða ekki með í
næstu tveimur deildarleikjum sem
eru á móti Leeds og Southampton.
FÓLK
BIRKIR Kristinsson, mark-
vörður Eyjamanna og vara-
markvörður landsliðsins í
knattspyrnu, fer langa leið til
að taka þátt í leik ÍBV gegn ÍA
í deildabikarnum á fimmtu-
dagskvöldið, sem fram fer á
Akranesi. Birkir er með lands-
liðinu í Finnlandi og yfirgefur
hótelið í Helsinki kl. 2.45 að-
faranótt fimmtudags til að ná
flugi til Kaupmannahafnar.
Þaðan flýgur hann heim síðar
um daginn, áætluð lending á
Keflavíkurflugvelli er kl.
15.10 en leikurinn á Akranesi
hefst síðan kl. 19.00.
Veigar Páll Gunnarsson og
Arnar Gunnlaugsson munu
hins vegar sleppa leik Þróttar
og KR. Þeir koma samferða
Birki frá Finnlandi en leikur
KR hefst kl. 14 og óskuðu KR-
ingar ekki eftir seinkun.
Þrír af fjórum leikjum í átta
liða úrslitum deildabikar-
keppninnar 1. maí verða leikn-
ir á grasi. Grindavík tekur á
móti Fram á eldri keppnisvell-
inum í Grindavík, Keflavík
mætir Fylki á æfingasvæði
sínu og sömuleiðis nota Skaga-
menn sitt æfingasvæði þegar
þeir fá ÍBV í heimsókn. Aðeins
viðureign Þróttar og KR verð-
ur á gervigrasi – í Egilshöll-
inni.
Birkir
beint í leik
á Akranesi